(1:23 / 8.79Mb / просмотров видео: 84)

Պուտինը` Թուրքիայի և ՌԴ համագործակցության մասին մինչև Սու–24–ի միջադեպը

72
Թուրքական իշխանությունների գործողությունները ոչ թե բարեկամական, այլ թշնամական ակտ են, հինգշաբթի ամենամյա մամուլի ասուլիսում հայտարարեց ՌԴ նախագահ Վլադիմիր Պուտինը

«Կործանել են ռազմական ինքնաթիռ, մեր մարդիկ են զոհվել։ Ի՞նչն է մեզ այդքան զայրացրել։ Եթե դա լիներ դժբախտ դեպք, դե, ինչպես մենք հետո լսել ենք, թուրքական իշխանությունները կարծես չեն էլ իմացել, որ դա ռուսական ինքնաթիռ է եղել, բայց ի՞նչ են անում այդ դեպքերում, չէ՞ որ մարդիկ են զոհվել։ Իսկույն վերցնում են հեռախոսը և բացատրում իրավիճակը։ Դրա փոխարեն միանգամից վազել են Բրյուսել` ասելու. «Օգնեցե՜ք, մեզ նեղացնում են»։ Ո՞վ է ձեզ նեղացնում։

Մենք ինչ–որ մեկին ձեռք տվե՞լ ենք։ Ոչ։ Ամենագլխավորն այն է, որպեսզի մարդիկ մեզ հասկանան և Թուրքիայում նույնպես լսեն։ Ի՞նչն է մեզ վիրավորել։ Չէ՞ որ մենք չէինք հրաժարվում համագործակցությունից։ Ես վերջին անգամ եղել եմ Անթալիայում և խոսել եմ Թուրքիայի ողջ ղեկավարության հետ, և թուրք գործընկերները մեր առջև շատ զգայուն հարցեր են բարձրացրել և մեզանից աջակցություն խնդրել, պատկերացնու՞մ եք։ Մենք ասել ենք. «Այո, հասկանում ենք և պատրաստ ենք ձեզ օգնել»»,– հայտարարել է ՌԴ նախագահ Վլադիմիր Պուտինը։

72

sys_stories