(1:27 / 9.33Mb / просмотров видео: 148)

ՀԵՌԱՐՁԱԿՈՒՄՆ ԱՎԱՐՏՎԱԾ Է. Եվրոպական և ասիական մեդիաների VIII համաժողովը

149
(Թարմացված է 13:44 10.11.2015)

Եվրոպական և ասիական մեդիաների ֆորումը (ԵԱՄՖ) կազմակերպել է «Ռոսիա սեգոդնյա» ՄԼԳ–ն: Համաժողովին կմասնակցեն առավել հեղինակավոր և հայտնի ԶԼՄ–ների գլխավոր խմբագիրներն ու թոփ–մենեջերները, խոշորագույն հեռուստառադիոընկերությունների և ինտերնետային պորտալների ղեկավարները, մեդիաբիզնեսի փորձագետներն ու հետխորհրդային տարածքի 14 երկրների անվանի լրագրողները: Նրանք ներկայացնելու են Ադրբեջանը, Հայաստանը, Բելառուսը, Վրաստանը, Ղազախստանը, Ղրղզըստանը, Լատվիան, Լիտվան, Մոլդովան, Ռուսաստանը, Տաջիկստանը, Ուզբեկստանը, Ուկրաինան, Էստոնիան: ԵԱՄՖ 2015–ի հիմնական օրակարգը նախկին ԽՍՀՄ երկրների ԶԼՄ–ների գործընկերությունն է տարբեր քաղաքական և տնտեսական գործընթացների պայմաններում։

Ուշադրության կենտրոնում են լինելու մեդիայի և իշխանության փոխգործակցության, նոր ռազմավարության հարցերը եվրասիական ինտեգրման շրջանակում:

Քննարկումներին սրություն կհաղորդեն ժամանակակից տեղեկատվական պատերազմները և դրանց հետևանքները, ինչպես նաև տեղեկատվական խողովակներով տարածվող սպառնալիքներին հակազդելու մեխանիզմներ որոնելու փորձերը։ Համաժողովի շրջանակում նախատեսված է երեք թեմատիկ բանավեճ` «Եվրասիական տեղեկատվական տարածք. մարտահրավերներ և վտանգներ», «Մեդիաարդյունաբերություն. պահպանել լսարանը և սեփական հեղինակությունը», «Կայուն գործընկերություն անկայուն աշխարհում»։

Նաև միջոցառման շրջանակներում կկազմակերպվեն հատուկ նստաշրջաններ ՌԴ ԱԳՆ Տեղեկատվության և մամուլի բաժնի տնօրեն Մարիա Զախարովայի, ինչպես նաև գրող և հրապարակախոս Վիկտոր Երոֆեևի ու «Զավտրա» թերթի գլխավոր խմբագիր, Իզբորյան ակումբի նախագահ Ալեքսանդր Պրոխանովի հետ։

Համաժողովը կբացվի լիագումար նիստով` «Ռոսիա սեգոդնյա» ՄԼԳ–ի գլխավոր տնօրենի և «Ռոսիա սեգոդնյա» ՄԼԳ–ի գլխավոր խմբագիր և RT հեռուստաալիքի գլխավոր խմբագիր Մարգարիտա Սիմոնյանի մասնակցությամբ։

149

sys_stories