Այս պահին Սերբիայից Խորվաթիայի տարածք է մտել ավելի քան 44 հազար փախսական Մերձավոր Արևելքի և Աֆրիկայի երկրներից:
«Երեքշաբթի Խորվաթիա է ժամանել 8750 փախստական»,- ասվում է Խորվաթիայի ՆԳՆ հայտարարությունում: Նախորդ շաբաթ փախստականների մեծ խմբերը սկսել են օրինական և անօրինական Խորվաթիայի տարածք մտնել Սերբիայից: Դա հարևան Հունգարիայի սահմանների խստացման անմիջական հետևանք է, որը Մերձավոր Արևելքի երկրներից Արևմտյան և Հյուսիսային Եվրոպա ներգաղթյալների ուղևորման տարանցիկ հիմնական պետությունն էր:
Ներգաղթյալների հոսքը կանխելու համար Խորվաթիան նախորդ շաբաթ փակել է Սերբիայի հետ սահմանակից ութ հսկիչ–անցակետերից յոթը, իսկ Բելգրադի և Զագրեբի միջև կենտրոնական մայրուղու վրա մնացած վերջին անցակետը փակվել է բեռնատար մեքենաների համար:
2015 թվականի սկզբից Եվրամիության տարածք է ժամանել մոտ 500 հազար միգրանտ, նրանց շարքերն ամեն օր համալրվում են նոր խմբերով: Եվրահանձնաժողովը հայտարարել է, որ միգրացիոն այս ճգնաժամը խոշորագույնն է Երկրորդ համաշխարհային պատերազմից հետո:
Խորվաթիայի ժամանակավոր ճամբարի մոտ փախստականների հերթ է գոյացել
13:01 24.09.2015 (Թարմացված է: 17:44 12.10.2015)
© Ruptly
Բաժանորդագրվել
Ոստիկանները փորձել են Խորվաթիայից ժամանած գրեթե ինը հազար ներգաղթյալներին մեկ օրում տեղավորել ժամանակավոր ճամբարի տարածքում: Դիտեք տեսանյութում, թե ինչպես են փախստականները սպասում իրենց հերթին:
