Հազարավոր երկրպագուներ Վրաստանում երեք օր մնացել են տոմսի հերթում

ԵՐԵՎԱՆ, 14 հուլիսի – Sputnik. «Բարսելոնայի» և «Սևիլիայի» միջև ՈՒԵՖԱ–ի սուպերգավաթը կկայանա Թբիլիսիում օգոստոսի 11–ին։ Խաղին ներկա լինել ցանկացողները սկսել են հերթ պահել տոմսերի վաճառքի մեկնարկից երկու օր առաջ։ Նրանք տուն չէին գնում` փաստացի մի քանի օր ապրելով թբիլիսյան Վակե այգու տարածքում։ Երկրպագուներն ավելի քան 150 խումբ են ձևավորել` յուրաքանչյուրում 50 մարդ, ինչն արդեն գերազանցել է վաճառվող տոմսերի թիվը, հաշվի առնելով այն, որ մեկ մարդու թույլատրվում էր գնել մինչև չորս տոմս, հաղորդում է Sputnik Грузия–ն։

«Վաճառվել է 22 089 տոմս… Հաշվառման գործընթացը շատ խիստ էր, վերստուգման մի քանի համակարգ էր գործում։ Դրանցից մեկն ուներ անձը հաստատող բազա, որը հնարավորություն չէր տալիս նույն մարդուն մի քանի անգամ տոմս գնել»,– ասել է «Քաղաքացիական զարգացման գործակալություն» ՈԱԿ–ի գործադիր տնօրեն Զվիադ Դևդարիանին։

Երկրպագուների վրդովված խումբը, որը չի հասցրել գնել խաղի տոմսեր, գիշերը ցույց է անցկացրել Վրաստանի ֆուտբոլի ֆեդերացիայի շենքի մոտ, մեղադրելով նրան նրա համար, որ տոմսերը վաճառվել են հերթից դուրս` ոստիկաններին և որոշ մարդկանց, ովքեր եկել են ավտոբուսներով նրանից հետո, երբ «վերևից» զանգեր են ստացվել։