Զբոսաշրջիկ

Հայաստանը ռուսաստանցի տուրիստների համար այցելելու երկրների թոփ տասնյակում է

544
(Թարմացված է 16:28 07.02.2021)
Չնայած կորոնավիրուսին ու պատերազմին և դրանց հետևանքներին՝ Հայաստանը շարունակում է հետաքրքիր մնալ ռուսաստանցի զբոսաշրջիկների համար։

ԵՐԵՎԱՆ, 7 փետրվարի - Sputnik. Հայաստանը ռուսաստանցի տուրիստների համար այցելելու երկրների թոփ տասնյակում է։  Համաձայն OneTwoTrip-ի՝ ռուս զբոսաշրջիկներն այս գարնանը՝ մարտի 1-ից մայիսի 31-ն այցելելու համար ամենաշատը դիտարկում են Թուրքիան։

Երկրորդ ամենապահանջված ուղղությունն Արաբական Միացյալ Էմիրություններն են, երրորդը՝ Եգիպտոսը: Տասնյակում են ներառվել նաև Մալդիվներ, Ուզբեկստան, ԱՄՆ, Ղազախստան, Կիպրոս, Հայաստան և Սերբիա երկրները։

Նշվում է նաև, որ Ռուսաստանի ներսում ռուսաստանցիները ամենաշատը սիրում են Մոսկվան այցելել։ Երկրորդ տեղում Սոչին է, որտեղ կցանկանար գնալ յուրաքանչյուր տասներորդ հարցվող ռուսաստանցին:

Երրորդ տեղը զբաղեցնում է Սանկտ Պետերբուրգը: Ցուցակում ներառված են նաև Սիմֆերոպոլը, Կրասնոդարը, Կալինինգրադը, Միներալնիե Վոդին, Եկատերինբուրգը և Նովոսիբիրսկը:

Կադրային փոփոխություննե՞ր, թե՞ փրկության փորձ. ի՞նչ է կատարվում զբոսաշրջության ոլորտում

544
թեգերը:
զբոսաշրջություն, Զբոսաշրջիկ, ռուս, Ռուսաստան, Հայաստան
Ըստ թեմայի
Ի՞նչ անել, որ Հայաստանը չներառվի զբոսաշրջային «սև ցուցակում»
Պատերազմն ու համավարակն իրենց «սև գործն» արեցին․ ինչպես փրկել զբոսաշրջային ոլորտը
Հայաստանի զբոսաշրջության ոլորտի ներկայացուցիչներն ահազանգում են «պատային իրավիճակի» մասին
Արխիվային լուսանկար

Կադրային փոփոխություննե՞ր, թե՞ փրկության փորձ. ի՞նչ է կատարվում զբոսաշրջության ոլորտում

276
Տուրիզմի հայկական ֆեդերացիայի նախագահ Մեխակ Ապրեսյանը կարծում է, որ զբոսաշրջությունը Հայաստանի տնտեսության կատալիզատորներից մեկն է և առանց այդ ոլորտի` խնդիրներն ընդհանուր առմամբ լուծելն անհնար է։

ԵՐԵՎԱՆ, 4 փետրվարի – Sputnik. Հայաստանն աշխարհին ու զբոսաշրջիկներին պետք է ներկայացվի նոր կողմից, բոլորովին այլ լույսի ներքո։ Նախկին մոտեցումները, հատկապես կորոնավիրուսի համավարակից ու արցախյան պատերազմից հետո, այլևս ակտուալ չեն։ Դրանում համոզված են զբոսաշրջային ոլորտի գրեթե բոլոր ներկայացուցիչները։

Զբոսաշրջության կոմիտեի նախագահին փոխելու` այսօրվա որոշումը որոշ մասնագետներ կապում են ոլորտում սպասվող ռեբրենդինգի հետ։ Նրանք կարծում են, որ այստեղ խնդիրը ոլորտին նոր հայացք ու նոր շունչ հաղորդելն է, այլ ոչ թե այն, թե ինչ է արվել կամ ինչ չի արվել վերջին տարիներին։

Председатель Армянской федерации туризма Мехак Апресян на 50-летии основания Российской Междунанодной Академии Туризма (20 июня 2019). Еревaн
© Sputnik / Asatur Yesayants
Մեխակ Ապրեսյան

Տուրիզմի հայկական ֆեդերացիայի նախագահ Մեխակ Ապրեսյանը համոզված է, որ անհրաժեշտ է ամբողջությամբ փոխել զբոսաշրջային ոլորտը` հարմարեցնելով այն ընթացիկ իրողություններին։ Sputnik Արմենիայի թղթակցի հետ զրույցում նա նշեց, որ Հայաստանի իմիջը համաշխարհային զբոսաշրջային քարտեզի վրա պետք է ամբողջությամբ փոխվի։

«Մենք պետք է ցանկացած հնարավորություն, իրավիճակ օգտագործենք ի շահ մեր երկրի։ Հայաստանը պետք է ցույց տա աշխարհին, որ չի պարտվել պատերազմում, այլ կռվել է անհավասար մարտում։ Դա արդեն փոխում է իրողությունը», – ասաց Ապրեսյանը։

Բացի այդ, նա կարծում է, որ Երևանը պետք է օգտվի տրանսպորտային կոմունիկացիաների ապաարգելափակումից, այդ թվում` ի շահ զբոսաշրջային ոլորտի։

Ապրեսյանը հիշեցրեց, որ զբոսաշրջային ոլորտը Հայաստանի տնտեսության կատալիզատորն է։ Միայն 2019 թվականին 1 մլն 894 հազար զբոսաշրջային այցելությունից համախառն եկամուտը 1.5 մլրդ դոլար է կազմել, որից բյուջե մոտ 300 մլն դոլար մաքուր եկամուտ է մտել։

Ի՞նչ է պետք փոխել

Ապրեսյանը նշեց, որ ոլորտում շատ բան փոխելու կարիք կա։ Նախևառաջ պետք է սկսել պետբյուջեից ոլորտի, նրա մարքեթինգի ու խթանման համար հատկացվող միջոցների ավելացումից։ Այսօր անհրաժեշտ է ակտիվորեն օգտագործել դիվանագիտական լծակները և համախմբել սփյուռքի ներուժը հատկապես Հայաստանի համար առաջնահերթ ուղղություններում։

Այս համատեքստում նա կարծում է, որ Հայաստանի իշխանություններն առաջին հերթին պետք է սկսեն բանակցել հատկապես հարևան Վրաստանի և Իրանի հետ ցամաքային սահմանները բացելու մասին։ Բանն այն է, որ փակ ճանապարհները խանգարում են, այդ թվում` նաև տարածաշրջանային զբոսաշրջության մշակմանն ու զարգացմանը։ Նա համոզված է, որ Երևանը պետք է բացատրի հարևաններին, որ դրանից ոչ միայն ինքն է կորցնում, այլև նրանք։

«Մենք պետք է սեղմ ժամկետներում դուրս գանք զբոսաշրջային այցելությունների համար անցանկալի երկրների ցանկից, վերականգնենք այցելությունների այն ռեժիմը, որը կար տարբեր երկրների հետ համավարակից առաջ։ Հիշեցնեմ, որ մեզ մոտ այն ժամանակ աշխարհի ավելի քան 60 երկրների հետ առանց վիզայի ռեժիմ էր գործում», – ասաց Ապրեսյանը։

Սրա հետ մեկտեղ անհրաժեշտ է ընդլայնել աջակցման ծրագրերը բիզնեսին, որն ամենաշատն է տուժել ընթացիկ իրադարձությունների պատճառով։ Մասնավորապես խոսքը նախնական փուլում 0% տոկոսադրույքով վարկերի տրամադրման, զբոսաշրջային օպերատորների համար դրամային քաղաքականության փոփոխման (տոմսերի սակագին, շրջանառության հարկ և այլն), սպասարկման ոլորտի համար աշխատանքի արտոնյալ պայմանների մասին է։

Պատերազմն ու համավարակն իրենց «սև գործն» արեցին․ ինչպես փրկել զբոսաշրջային ոլորտը

Բացի այդ, Ապրեսյանը կարևոր է համարում դուրս բերել հասարակությանը տեղեկատվական վակուումից, որում այն գտնվում է պատերազմից հետո։ Դա խանգարում է զբոսաշրջային ոլորտի զարգացմանը, քանի որ այդ ոլորտում աշխատողները չեն կարողանում կազմել միջնաժամկետ և երկարաժամկետ զարգացման ու ճգնաժամից դուրս գալու ծրագրեր։

Ապրեսյանն առանցքային է համարում նաև ինստիտուցիոնալ փոփոխությունների ներդրումը, օրենսդրական ոլորտի, ինչպես նաև երկրում ներդրումային միջավայրի բարելավումը։

Իսկ գործնականո՞ւմ

Զբոսաշրջության կոմիտեի տվյալներով` 2020 թվականի հունվար–սեպտեմբերին Հայաստան զբոսաշրջային այցելությունների թիվը կազմել է 327 735, ինչը 75,5%–ով քիչ է 2019 թվականի նույն ժամանակահատվածի համեմատ։ Այնինչ 2020 թվականի համար մասնագետները զբոսաշրջային հոսքի 14-15% աճ էին կանխատեսում։

Հիշեցնենք, որ ՀՀ տարածք օդային և ցամաքային ճանապարհով մուտք գործելիս պետք է ներկայացվի կորոնավիրուսի ախտորոշման ՊՇՌ հետազոտության բացասական արդյունքը հավաստող 72 ժամ վաղեմության սերտիֆիկատ։ Հակառակ դեպքում երկիր ժամանողներին ինքնամեկուսացման ցուցում է տրվում` մինչև ՊՇՌ հետազոտության բացասական պատասխան ստանալը։

Սերտիֆիկատը պետք է լինի հայերեն, ռուսերեն կամ անգլերեն լեզվով` հետազոտությունն իրականացրած բժշկական կառույցի բոլոր կոնտակտային տվյալները և ղեկավարի անունը պարունակող ձևաթղթով։ Այնտեղ պետք է նշված լինի հետազոտված անձի անունը և ազգանունը, անձը հաստատող փաստաթղթի համարը, ծննդյան տարեթիվը, հետազոտության արդյունքը, ստորագրված կազմակերպության ղեկավարի կողմից ու հաստատված կազմակերպության կնիքով:

Ի՞նչ անել, որ Հայաստանը չներառվի զբոսաշրջային «սև ցուցակում»

276
թեգերը:
Սուսաննա Սաֆարյան, կորոնավիրուս, Հայաստան, Մեխակ Ապրեսյան, զբոսաշրջություն
Ըստ թեմայի
Սյունեցի դպրոցականը փորձում է իրենց գյուղը զբոսաշրջային կենտրոն դարձնել ու ստացվում է
Զբոսաշրջիկները COVID-19-ի թեստերը կհանձնեն ինքնամեկուսացման վայրերում
Բանկային արձակուրդ և ոչ միայն․ ի՞նչ է պետք հայաստանյան զբոսաշրջությունը փրկելու համար
Բագրատաշեն

Մոսկվայի հետ խնդիրը լուծված է, Թբիլիսիի և Թեհրանի հետ` ոչ. ում հետ ՀՀ-ն կբացի սահմանները

1057
(Թարմացված է 20:54 22.01.2021)
Հայաստանի կառավարությունը կանաչ լույս է վառել զբոսաշրջային ոլորտի համար՝ բացելով սահմանները բոլոր օտարերկրյա քաղաքացիների առաջ։ Հիմա յուրաքանչյուր ոք, ով կորոնավիրուսի բացասական թեստ ունի, կարող է գալ Հայաստան, այդ թվում՝ զբոսաշրջային նպատակներով։

Լաուրա Սարգսյան, Sputnik Արմենիա

Հայաստանի կառավարությունը բացում է սահմանները արտասահմանցիների համար, բայց դա դեռ չի նշանակում, որ նույնը կանի սեփական քաղաքացիների համար։ Եթե Ռուսաստանի հետ խնդիրը կլուծվի մոտակա ժամանակներում, ապա հարևան Վրաստանի և Իրանի հարցը դեռևս բաց է մնում։ Գլխավոր խնդիրն այդ երկրներում համավարակի պատճառով առաջացած համաճարակաբանական իրավիճակն է։

Հայաստանի զբոսաշրջության ոլորտի ներկայացուցիչներն ահազանգում են «պատային իրավիճակի» մասին

Իրավիճակն էլ ավելի է բարդացնում այն, որ Թբիլիսին ու Թեհրանը դեռ չեն կողմնորոշվել, թե ինչ են անելու փակ սահմանների հարցում։ Երևանում նույնպես չեն թաքցնում, որ սահմանափակումների վերացումը պետք է իրականացվի զգուշորեն և բոլոր հակահամաճարակային միջոցների ու կանոնների պահպանմամբ՝ կորոնավիրուսի երրորդ ալիքից խուսափելու համար։

Ի՞նչ է ասում ԱԳՆ-ն

Իրավիճակը պարզաբանելու նպատակով դիմեցինք երկրի արտաքին քաղաքական գերատեսչությանը։ ՀՀ արտաքին գործերի նախարարությունից պատասխանեցին, որ մեր երկրի քաղաքացիների համար սահմանների հնարավոր բացման վերաբերյալ խորհրդակցություններն ինչպես Վրաստանի, այնպես էլ Իրանի համապատասխան գերատեսչությունների հետ հետևողական բնույթ են կրում:

Հիշեցնենք, որ 2020-ի սեպտեմբերի 11-ին հանվել է Հայաստանի Հանրապետության տարածքում արտակարգ դրության իրավական ռեժիմը և ուժի մեջ է մտել կորոնավիրուսային վարակով պայմանավորված կարանտինի կիրառման մասին կառավարության 1514-H որոշումը: Ավելի ուշ կարանտինը երկարացրել են մինչև հունվար, իսկ հետո՝ մինչև 2021 թվականի հուլիսի 11–ը։

«Համաձայն հունվարի 12-ին ուժի մեջ մտած փոփոխությունների՝ վերացվել է օդային և ցամաքային սահմանների անցակետերով ՀՀ տարածք օտարերկրյա քաղաքացիների մուտքի արգելքը»,-նշեցին ԱԳՆ-ից։

Հարցին` արդյո՞ք Երևանը Թբիլիսիի հետ բանակցում է Վրաստանի տարածքով Ռուսաստանի կամ Հայաստանի քաղաքացիների համար միջանցք տրամադրելու մասին, արտաքին քաղաքական գերատեսչությունից նշեցին, որ հայկական կողմը համապատասխան խողովակներով կանոնավոր կապ է պահպանում հարևան երկրի իրավասու կառույցների հետ:

Անորոշ վիճակ է նաև Հայաստանում

Զբոսաշրջության կոմիտեն ողջունում են սահմանները բացելու իշխանությունների որոշումը և ոլորտում ակտիվություն կանխատեսում: Սակայն նախագծերին, որոնք պետք է իրականացվեն այս տարի և զբոսաշրջային այցերին զգուշությամբ են վերաբերվում։

Կորոնավիրուսը տարածվում է. Արցախի մի քանի համայնքներում ելումուտը սահմանափակվում է

Կոմիտեի տվյալներով՝ 2020 թ․-ի հունվար-սեպտեմբերին զբոսաշրջային այցելությունների թիվը Հայաստան կազմել է 327 735 մարդ, ինչը 75,5 տոկոսով պակաս է 2019 թվականի նույն ժամանակահատվածի համեմատ: Ընդ որում, 2020թ.-ի համար մասնագետները կանխատեսում էին զբոսաշրջային հոսքի 14-15% աճ։

«Մենք չենք կարող ոչինչ կանխատեսել 2021 թվականի համար` հաշվի առնելով աշխարհում համավարակով պայմանավորված համաճարակաբանական անկայուն իրավիճակը։ Սակայն ենթադրում ենք, որ որոշակի ակտիվություն կլինի արդեն 2021թ․-ի երկրորդ կեսին»,- Sputnik Արմենիային ասացին կոմիտեից։

Չնայած բոլոր միջոցառումներին և սահմանների բացմանը` գերատեսչությունում կարծում են, որ 2021 թվականին նախորդ տարիների ցուցանիշները, միևնույն է, չեն լինի: Այս պահին զբոսաշրջային ոլորտում  տեղաշարժը կապահովի Հայաստանի և Ռուսաստանի միջև երկու երկրների քաղաքացիների մուտքի սահմանափակումների վերացման վերաբերյալ պայմանավորվածությունը: Կոմիտեում նշում են, որ Ռուսաստանը Հայաստանի համար ամենամեծ զբոսաշրջային շուկան է։

Ինչ վերաբերում է հարևան Իրանին, որի քաղաքացիները կանոնավոր Հայաստան էին ժամանում Նովրուզը նշելու, կոմիտեից հայտնեցին, որ այդ ուղղությամբ համագործակցում են հարևան երկրի հետ։

«Համագործակցում ենք Իրանի հետ, որպեսզի հարևան երկրից քաղաքացիների հոսքը լինի կանոնակարգված և վերահսկելի», – ասացին կոմիտեից` նշելով, որ մեծ հոսքերը մեծ ռիսկեր են պարունակում։

Ինչ վերաբերում է ՀՀ քաղաքացիների համար Վրաստանի և Իրանի սահմանները բացելուն, ապա կոմիտեից նշեցին, որ այդ երկրներում համաճարակաբանական առումով դեռևս անորոշ վիճակ է։

Կորոնավիրուսը ծրագրերին չի խոչընդոտի

Համաշխարհային պարապուրդի ֆոնին կոմիտեն անգործ չէ։ Մասնագետները նախապատրաստվում են ԱՊՀ անդամ երկրների զբոսաշրջության խորհուրդների նիստի անցկացմանը, սակայն ձևաչափը կորոշվի ավելի ուշ և կախված է համաճարակային իրավիճակից։ Բացի այդ, հայկական կողմն այս տարի Ռուսաստանում կմասնակցի MITT-2021 միջազգային զբոսաշրջային ցուցահանդեսին։

Ներկա պահին քայլեր են մշակվում ներքին զբոսաշրջության աշխուժացման, ինչպես նաև Հայաստանն առցանց հարթակներում ներկայացնելու համար։ Այդ համատեքստում մասնագետներն աշխատում են նոր զբոսաշրջային կայքի ստեղծման, ինչպես նաև աշխարհում Հայաստանի իմիջի ռեբրենդինգի ուղղությամբ։  Առաջիկայում նախատեսվում է գործարկել այցելուներին զբոսաշրջիկներից տարանջատելու  համակարգ` ճշգրտելով ժամանող անձանց տարիքն ու սեռը։

Հիշեցնենք, որ Հայաստան օդային և ցամաքային ճանապարհով մուտք գործելիս` օտարերկրյա քաղաքացիները պետք է կորոնավիրուսի թեստի բացասական պատասխան ունենան, որն արվել է վերջին 72 ժամվա ընթացքում։ Հակառակ դեպքում այդ քաղաքացիներին ինքնամեկուսացման ցուցում է տրվում մինչ ՊՇՌ հետազոտման բացասական արդյունքի ստացումը։ Փաստաթուղթը պետք է լինի հայերեն, ռուսերեն կամ անգլերեն, այն բուժհաստատության բլանկի վրա, որում արվել է թեստը, ուղևորի անձնական տվյալների նշումով։ Սերտիֆիկատը պետք է ստորագրված լինի բուժհաստատության ղեկավարի կողմից և կնքված։

1057
թեգերը:
համավարակ, կորոնավիրուս, Սահման, Վրաստանի Հանրապետություն, Հայաստան, Իրանի Իսլամական Հանրապետություն, Ռուսաստան
Ըստ թեմայի
Ի՞նչ անել, որ Հայաստանը չներառվի զբոսաշրջային «սև ցուցակում»
Արցախում Ռազմահայրենասիրության և զբոսաշրջության նախարարություն այլևս չկա
Պատերազմն ու համավարակն իրենց «սև գործն» արեցին․ ինչպես փրկել զբոսաշրջային ոլորտը
Արթուր Վանեցյան

Հնարավոր բախման թիվ 1 պատասխանատուն իշխանությունն է․ Վանեցյանը՝ առաջիկա հանրահավաքի մասին

0
(Թարմացված է 15:57 28.02.2021)
Պահեստազորի գեներալներն ու սպաները հանդիպել են Հայրենիքի փրկության շարժման ղեկավարների հետ՝ քննարկելու ստեղծված ճգնաժամը։

ԵՐԵՎԱՆ, 28 փետրվարի – Sputnik․ Մարտի 1-ին Հանրապետության հրապարակում վարչապետի հրավիրած հանրահավաքի ընթացքում հնարավոր բախումների թիվ մեծ պատասխանատուն իշխանությունն է։ Բաղրամյան պողոտայում լրագրողների հետ զրույցում նման կարծիք հայտնեց «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը։ Նրա խոսքով՝ առաջին հերթին հենց իշխանությունները պետք է ամեն ինչ անեն՝ բախումներ թույլ չտալու համար։

«Իշխանությունները պետք է հասկանան, որ երկրում ստեղծված է ոչ նորմալ վիճակ․ երկու կողմերն էլ շատ հուզված են և նյարդայնացած, և պետք է ամեն ինչ անել, որ ողջ գործընթացում բռնությունը բացառվի, բռնությունն անթույլատրելի է»,- նշեց նա։

Վանեցյանը լրագրողներին տեղեկացրեց, որ Հայրենիքի փրկության շարժման ղեկավարների հետ այսօր հանդիպել են պահեստազորի գեներալներ, սպաներ Ազգային անվտանգության, ոստիկանության, քննչական, մաքսային, հարկային մարմիններից։

Նրանք մտահոգություն են հայտնել երկրում ստեղծված իրավիճակի առնչությամբ և եկել են քննարկելու, միասին հասկանալու ճգնաժամից դուրս գալու ուղիներն ու իրենց մասնակցությունը։ Վանեցյանը տեղեկացրեց, որ քննարկումները դեռ շարունակվում են։Հիշեցնենք՝ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

Երեկ Փաշինյանը հայտարարեց, որ մարտի 1-ին հանրահավաք է անցկացնելու Հանրապետության հրապարակում։ Նա բոլորին հորդորել էր մասնակցել հանրահավաքին և երթին։

0
թեգերը:
հանրահավաք, Արթուր Վանեցյան, Հայաստան
Ըստ թեմայի
Փաշինյանը հիշել է իր կազմակերպած երթի «պատշգամբային» պահերը` միայն դրական
Փաշինյանը սխալ հաշվարկ արեց. Սարգսյանը` «Իսկանդերի» և վտանգված հարաբերությունների մասին
Երևանի ավագանու «Իմ քայլը» խմբակցությունն արձագանքել է Նիկոլ Փաշինյանի կոչին