Շրիլանկացի Ռոհան Դիրեքզը Հայաստանում

Հայաստանը տարբերվում է. ինչու է շրիլանկացի թրևլ–բլոգերը 3 անգամ մեր երկիր այցելել

384
(Թարմացված է 09:01 10.09.2020)
Ոմանց Հայաստանում տպավորում է լեռնային լանդշաֆթը, մյուսներին` ճարտարապետությունն ու հնագույն պատմական հուշարձանները, սակայն շրիլանկացի թրևլ–բլոգերը կարծում է, որ Հայաստանի գաղտնիքն ու նրա գլխավոր ձգող ուժը բոլորովին այլ բանի մեջ է։

Շրիլանկացի Ռոհան Դիրեքզը 10 տարվա ընթացքում հասցրել է 86 երկիր այցելել։ Հայաստանում թրևլ–բլոգերն արդեն երեք անգամ եղել է։

«Ես շատ հազվադեպ եմ նույն երկիրը երկրորդ անգամ այցելում։ Բայց Հայաստանը բոլորից տարբերվում է։ Այն իմ ցանկում միակ երկիրն է, որը երեք անգամ եմ այցելել», – ասում է Ռոհանը։

Шриланкийский трэвел-блогер Рохан Дирекз в Нораванке
© Photo : provided by Rokhan Direkz
Շրիլանկացի Ռոհան Դիրեքզը Նորավանքում

Համավարակից հետո նա մտադիր է կրկին այցելել և հեռուստահաղորդում նկարահանել լեռնային երկրի և նրա բնակիչների մասին։ Չէ՞ որ բլոգ վարելուց բացի, Ռոհանը նաև իր ճանապարհորդությունների մասին հաղորդումների շարք  ունի, որոնք հեռարձակվում են Շրի Լանկայի ամենահայտնի հեռուստաալիքով։

Բլոգերը խոստովանում է, որ հայ ժողովրդի հյուրընկալությունն ու Հարավային Կովկասում ամենահին խոհանոցի համերը ստիպում են կրկին ու կրկին վերադառնալ։

«Հայաստանում ասացվածք կա` հյուրն Աստծունն է։ Ցանկացած ուրախ առիթով հայերը սեղան են բացում` ընկերներին և հարազատներին հյուրասիրելու համար։ Դա է պատճառը, որ ես ասում եմ աշխարհի որ մասից էլ լինես, որ լեզվով էլ խոսես, Հայաստանում զգում ես, ինչպես տանը, յուրայինների շրջապատում», – հավելում է  Ռոհանը։

Նրան մեր երկրում հաջողվել է ներկա գտնվել նաև խաշի արարողությանը։ Անկախ դրա յուրահատուկ համից, թրևլ–բլոգերը հիացած էր այս ճաշատեսակով։

Шриланкийский трэвел-блогер Рохан Дирекз
© Photo : provided by Rokhan Direkz
Շրիլանկացի Ռոհան Դիրեքզը Հայաստանում խաշ ուտելիս

Ի դեպ, օրերս նա Facebook–ի իր էջում ներկայացրել էր խաշի պատմությունն ու արարողակարգը։ Ռոհանը ցուցադրել էր, թե ինչպես են Մոսկվայի հայերը առավոտ շուտ նորագույն ավտոմեքենաներով մոտենում հայկական ռեստորանին` վայելելու ազգային այս ուտեստը։ Նա նաև մանրամասն նկարագրել է խաշի ծագման պատմությունը։

«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները

«Երբեք չեմ մոռանա հայկական խոհանոցի համերն ու գույները։ Հայաստանն իսկական դրախտ է գուրմանների համար։ Ավանդական ուտեստները բազմազան են, իսկ կանաչեղենի և համեմունքների համադրությունը դրանց համն էլ ավելի հիասքանչ է դարձնում», – ասում է ճանապարհորդը։

Կովկասի հարավում գտնվող լեռնային մեր երկիր իր ուղևորության մասին Ռոհան Դիրեքզը ծրագրել էր մի հայուհու հետ ծանոթանալուց հետո, որն էլ հենց պատմել էր նրան Հայաստանի մասին։ Դրանից հետո նա սկսել էր հետաքրքրվել հայոց պատմությամբ։ Մեր պատմության որոշ էջեր շատ էին զարմացրել շրիլանկացուն։

Тарелка хаша
© Photo : provided by Rokhan Direkz
Շրիլանկացի Ռոհան Դիրեքզի խաշը

«Այդ ժամանակ էլ ես իմացա, որ հենց Հայաստանն է առաջինն ընդունել քրիստոնեությունը որպես պետական կրոն։ Այսօր երկրի տարածքում կրոնական հուշարձաններ կարելի է տեսնել ամենուր», – ասում է նա։

Լիլիթը բացահայտում է Հայաստանի թաքնված գանձերը. բլոգերի առօրյան ու արկածները

Բլոգերը կարծում է, որ պատմական հուշարձանները, ամենաերկար ճոպանուղին (խոսքը «ՏաԹևեր» ճոպանուղու  մասին է, որն անցնում է Որոտանի կիրճի վրայով և միացնում Հալիձոր գյուղը IX-X դարի Տաթևի վանքին), ինչպես նաև բիբլիական Արարատ լեռան զգլխիչ տեսարանը Հայաստանը շատ գրավիչ ու տպավորիչ են դարձնում նույնիսկ փորձառու ճանապարհորդների համար։

Шриланкийский трэвел-блогер Рохан Дирекз
© Photo : provided by Rokhan Direkz
Շրիլանկացի Ռոհան Դիրեքզը Հայաստանում

Ռոհանի խոսքով` բարձր տրամադրությունն ու դրական հույզերը կապահովեն երկրի հրաշալի բնակիչները, նրանց շռայլ հյուրասիրությունը, ընկերասիրությունն ու հյուրի նկատմամբ սրտաբաց վերաբերմունքը։

384
թեգերը:
զբոսաշրջություն, Զբոսաշրջիկ, Հայկական խոհանոց, Բլոգեր, Շրի Լանկա, Հայաստան
Ըստ թեմայի
Էժան տուրերն անորակ են և հիասթափեցնո՞ւմ են զբոսաշրջիկներին. տուրիզմում գոյի խնդիր է
Հայաստանում կայանալիք «Սթարմուս» փառատոնը զբոսաշրջության համար խթան կարող է հանդիսանալ
Սյունեցի դպրոցականը փորձում է իրենց գյուղը զբոսաշրջային կենտրոն դարձնել ու ստացվում է
Ախուրյանի ջրանցքը

Շիրակի մարզի պոտենցիալը. Ախուրյանի կիրճը սպասում է արկածային տուրիզմի սիրահարներին

181
(Թարմացված է 16:58 22.09.2020)
Շիրակի մարզը մեծ պոտենցիալ ունի արկածային տուրիզմի համար։ Դրան նպաստում են նաև համավարակով պայմանավորված իրավիճակն ու ներգնա տուրիզմի զարգացումը։

ԵՐԵՎԱՆ, 23 սեպտեմբերի — Sputnik. Շիրակի մարզը դեռևս չբացահայտված ռեսուրսներ ունի, օրինակ՝ Ախուրյանի կիրճը, որտեղ բոլոր նախադրյալները կան արկածային տուրիզմը խթանելու համար: Շիրակի մարզպետ Տիգրան Պետրոսյանը մարզում տեսնում է էքստրեմալ, արկածային ու սպորտային տուրիզմը զարգացնելու բոլոր նախադրյալները: Նա վստահ է, որ մարզի տնտեսությունը հնարավոր է զարգացնել նաև արկածային տուրիզմի միջոցով։ 

«Խոսող» ծաղիկներ Գյումրիից, կամ ինչպես 17-ամյա Անին բիզնես հիմնեց պանդեմիայի օրերին

«Հիմա կարևոր է գտնել այն բոլոր տարածքները, որտեղ շատ հեշտությամբ ու անվտանգ կարելի է այդ ամենը կազմակերպել, ու արդեն հաջորդ տարի մտնել տուրիստական ու ժամանցային ծառայությունների շուկա»,-նշեց Տիգրան Պետրոսյանը:

«Շիրակը մեր տունն է» ՀԿ նախագահ Արսեն Վարդանյանը, որը լավ է տիրապետոում մարզի զբոսաշրջային հոսքերին, կարծում է, որ ունեցած ռեսուրսները ճիշտ օգտագործելու ու մատուցելու դեպքում այստեղ այցելողներն արդեն իրենք կսկսեն գովազդել Շիրակը որպես արկածային տուրիզմի մարզ:

Любители экстремального туризма в ущелье реки Ахурян
© Photo : provided by Arsen Vardanyan / Gyumri is our home
Ախուրյանի ջրանցքը

«Ուսումնասիրությունները ցույց են տվել, որ Շիրակի մարզում առկա ջրային ռեսուրսները ոչ բավարար են օգտագործվում: Նախկինում Ախուրյանի կիրճն օգտագործվում էր միայն հետիոտնային արահետներով արշավների համար, բայց այն նաև հրաշալի վայր կարող է դառնալ կայակներով ու սապփադլներով (հիմնականում փչովի, նեղ նավակների տեսակներ,-խմբ.) զբոսանքներ կազմակերպելու համար: Կարևորը ռեսուրսը ճիշտ ժամանակին օգտագործելն ու նուրբ ներկայացնելն է»,-Sputnik Արմենիայի հետ զրույցում նշեց Վարդանյանը:

Любители экстремального туризма в ущелье реки Ахурян
© Photo : provided by Arsen Vardanyan / Gyumri is our home
Ախուրյանի ջրանցքը

 

Նշենք, որ հատկապես վերջին տարիներին Գյումրին ներգնա տուրիզմի հիմնական կետերից է, բայց Շիրակի մարզը, բացի Գյումրիից, ունի նաև այնպիսի տարածքներ, որոնք գրավում են ոչ միայն հայ, այլ նաև օտարազգի զբոսաշրջիկներին՝ Երերույքի տաճար, Հառիճավանք, Լմբատավանք, Մարմաշենի վանական համալիր, «Արփի լիճ» ազգային պարկ, Ջրափի Քարավանատուն և այլն:

«Դիսնեյլենդ» չէ, բայց պակաս էլ չէ. Գյումրիում եզակի ժամանցային այգի կկառուցեն

Մարզում հարմար տարածքներ կան նաև լեռնային հեծանվարշավների համար: Իսկ էքստրեմալ տուրիզմը զարգացնելու համար մարզն արդեն համապատասխան գույք ունի, որը տրամադրվել է ԱՄՆ ՄԶԳ կողմից ֆինանսավորվող «Աջակցություն Հայաստանին- նախաձեռնություն» ծրագրի շրջանակներում՝ Շիրակի մարզպետարանի և «Շիրակը մեր տունն է» ՀԿ-ի հետ եռակողմ համագործակցության արդյունքում։

181
թեգերը:
զբոսաշրջություն, Ախուրյանի ջրանցք, Գյումրի, Շիրակի մարզ
Ըստ թեմայի
Համավարակն ու տուրիզմը. ի՞նչ կտա ոլորտին կառավարության որոշումը
30 նոր ուղղություն. ներքին տուրիզմի մասնագետներն իրավիճակից դուրս գալու ելքեր են փնտրում
Հայաստանում տուրիզմի ոլորտը կոլապսի մեջ է. փրկության 2 ճանապարհ կա
Նորավանք

Հայաստանի հարավի զբոսաշրջային գանձերը. հատուկ հետաքրքրասերների համար

114
(Թարմացված է 22:04 19.09.2020)
Հարուստ է պատմամշակութային հուշարձաններով և տեսարժան վայրերով հատկապես գրավիչ է Հայաստանի հարավային հատվածը։ Sputnik Արմենիան ներկայացնում է հինգ վայր, որոնք կարող են հետաքրքրել նույնիսկ ամենաքմահաճ և աշխարհ տեսած զբոսաշրջիկին:

Արենի

Ճանապարհորդությունը սկսենք Արենի գյուղից, որտեղ գտնվում է համանուն գինու գործարանը: 1994 թվականից գոյություն ունեցող գինեգործարանի պատմությունը տերերը որոշել են հատուկ թանգարանում ցուցադրել:

Посетители у пещеры Арени
© Sputnik / Janna Poghosyan
Արենի

Մուտքի մոտ հյուրերը հնարավորություն են ստանում համտեսել ազնվական ըմպելիքի անհավանական տեսակներ, որոնց շարքում են ծիրանի, մոշի, բալի, սերկևիլի, ավանդական՝ խաղողի և նռան գինիներ: Այստեղ կարելի է գինի գնել հենց արտադրողից:

Пещера Арени
© Sputnik / Janna Poghosyan
Արենի քարանձավ

Ի դեպ, այստեղ է գտնվում նաև հայտնի Արենի 1 քարանձավը, որտեղ հնէաբանները հայտնաբերել են աշխարհի ամենահին կաշվե ոտնամանը: Այն մոտ 6000 տարեկան է: Հիմա ամենահին կոշիկը Հայաստանի պատմության թանգարանում է, իսկ քարանձավը դարձել է զբոսաշրջային էքսկուրսիաների վայր:

Նորավանք

Իր յուրահատուկ ճարտարապետությամբ հայտնի Նորավանք համալիրը թվագրվում է XIII—XIV դարերով: Սուրբ Աստվածածին հոյակերտ եկեղեցին, որի շինարարությունն ավարտվել է 1339-ին, համարվում է հայ տաղանդավոր ճարտարապետ և մանրանկարիչ Մոմիկի վերջին գլուխգործոցը: Եկեղեցու մոտ նրա փոքր և համեստ դամբարանն է: Օրբելյան իշխանների կառավարման շրջանում եկեղեցին դարձել է խոշոր կրոնական կենտրոն, իսկ ХIV դարում` Սյունիքի եպիսկոպոսների նստավայրն է եղել:

Монастырь Нораванк
© Sputnik / Aram Nersesyan ,
Նորավանք

Հրաշակերտ վանական համալիրը հիանալի համադրվում է գեղատեսիլ լանդշաֆտի հետ: Վանական համալիրը ժայռի վրա է կառուցված: Նորավանքը գերում է էներգիայով և շրջակա բնության գեղեցկությամբ:

Տաթև

Տաթևը Հայաստանի հին ու ամենից հայտնի վանական համալիրներից մեկն է, որ իրավամբ համարվում է հայկական ճարտարապետության մարգարիտը: Այստեղ է գործել միջնադարյան Հայաստանի ամենամեծ համալսարանը: IX դարում հիմնադրված Տեթևն այժմ խոշոր զբոսաշրջային համալիրի մաս է, որը ներառում է Տաթևի մենաստանը, «ՏաԹևեր» ճոպանուղին, «Սատանի կամուրջը»:

Татевский монастырь
Տաթև վանք

Եկեղեցու և շրջակա բնաշխարհի ներդաշնակությունը հիանալի մթնոլորտ են ստեղծում` այցելուներին տեղափոխելով հին դարեր, երբ Տաթևը եղել է Հայաստանի հոգևոր և ակադեմիական կարևորագույն կենտրոններից մեկը:

Татевский монастырь
© Sputnik / Asatur Yesayants
«ՏաԹևեր» ճոպանուղին

«ՏաԹևեր» ճոպանուղին կառուցվել է 2010 թ.-ին: Այն ամենաերկար հետադարձելի ճոպանուղին է աշխարհում: Ռեկորդային են ոչ միայն օդուղու երկարությունը՝ 5752 մ, այլև ճոպանուղու կառուցման ժամկետները՝ ընդամենը 10 ամիս:

Խնձորեսկ

Այս վայրը հայտնի է իր ժայռային քարանձավներով, որտեղ դեռ անցած դարի կեսերին մարդիկ են ապրել: Քարանձավային քաղաքը Հայաստանի ամենաառեղծվածային վայրերից է:

Հայաստան գալու ժամանակը. հանգիստ, որն անմոռանալի կլինի, կամ որտեղ վայելել ամառը

Ոչ ոք չգիտի, թե երբ են այստեղ հայտնվել առաջին բնակավայրերը: Հայտնի է միայն, որ երեք–չորս հազարամյակ առաջ մարդիկ այստեղ ապրել են բնական քարայրներում: Ամենայն հավանականությամբ, նրանք որսորդներ են եղել: Ժամանակի ընթացքում մարդիկ սկսել են զբաղվել անասնապահությամբ, հողագործությամբ և կիրճով վերև բարձրացել` խորը անցքեր փորելով ժայռերի մեջ: Քարանձավի մուտքը գտնվել է 20-30 մետր բարձրության վրա: Մարդիկ իրենց տներ են մտել ճոպանների օգնությամբ:

Քարանձավ-բնակարանն ունեցել է երդիկ, խորը փորված հոր` մթերք պահելու համար և ժայռափոր դարակներ: Կան նաև երկհարկանի և եռահարկ «տներ», որտեղ ապրել են այն ժամանակվա իշխանները:

Գինի ու քամանչայի թանգարան․ Աշտարակում գտել են գաստրոնոմիական մայրաքաղաք դառնալու բանալին

Խնձորեսկում շատ հետաքրքիր է բացառիկ կախովի կամուրջը, որը հայտնվել է 2012 թվականին: Դրա շնորհիվ զբոսաշրջիկները հիմա կարող են այցելել ոչ միայն քարանձավի մի մասը, այլ նաև անցնել նրա հակադիր կողմը: Պետք է նշել, որ այստեղ կարելի է հիանալ հիասքանչ մայրամուտով և մթնշաղով, երբ ամպերը փափուկ վերմակի նման գրկում են լեռները և կիրճը:

Քարահունջ

Քարահունջ կամ Զորաց քարեր հնագույն մեգալիթյան համալիրը հաճախ համեմատում են անգլիական Սթոունհենջի հետ: Մ.թ.ա 5–րդ հազարամյակով թվագրվող Քարահունջը, ամենայն հավանականությամբ, հնագույն աստղադիտարան է:

Նոր բացահայտում. Քարահունջը միակը չէ, Հայաստանի տարածքում նման կառույցները մի քանիսն են

Համալիրը գտնվում է ծովի մակարդակից 1770 մետր բարձրության վրա, բրոնզե դարի ժամանակաշրջանի բնակավայրի մոտ և կազմված է բազմաթիվ կանգնած քարերից, որոնց մի մասի վերին հատվածում կլոր անցքեր են արված:

Караундж
© Sputnik / Karen Yepremyan
Քարահունջ

Պատմաբանները հակված են մտածելու, որ Քարահունջը նախապատմական մարդկանց համար դամբարանատեղի է ծառայել: Որոշ գիտնականներ կարծում են, որ համալիրն աշխարհի ամենահին աստղադիտարանն է: Այստեղ ուսումնասիրությունները շարունակվում են, իսկ Զորաց քարերի շուրջ վեճերը չեն դադարում:

114
թեգերը:
Արենի, Խնձորեսկ, Սյունիքի մարզ, Քարահունջ, Տաթևի վանք, Նորավանք, Հայաստան
Ըստ թեմայի
Սյունեցի դպրոցականը փորձում է իրենց գյուղը զբոսաշրջային կենտրոն դարձնել ու ստացվում է
Գորշ արջի զբոսանքը Սյունիքում. տեսանյութ
ՀԴՄ կտրոնները` Ադրբեջանի շահերի պաշտպան. զբոսաշրջիկները կօգնե՞ն հետ բերել Ղարաբաղը
Հայերի հանրահավաքն ու Փարիզում Ադրբեջանի դեսպանատան արձագանքը

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

0
(Թարմացված է 01:06 30.09.2020)
Տավուշյան իրադարձություններից հետո Ֆրանսիայում հայերի նկատմամբ համակրանքը զգալիորեն աճել է հիմնականում Էդողանի հանդեպ ֆրանսիացիների հակակրանքի պատճառով։

ԵՐԵՎԱՆ, 29 սեպտեմբերի – Sputnik. Հարյուրավոր հայեր հավաքվել են Փարիզում Ադրբեջանի դեսպանատան դիմաց` իրենց բողոքի ձայնը բարձրացնելու արցախա-ադրբեջանական սահմանին տիրող իրավիճակի վերաբերյալ։ Հանրահավաքի տեսանյութերը սոցցանցերում հրապարակել են Ֆրանսիայի և աշխարհի տարբեր երկրներում բնակվող հայերը։

ՀՅԴ երիտասարդները ՄԱԿ-ից պահանջում են Հայաստանի ու Ադրբեջանի միջև հավասարության նշան չդնել

Ցուցարարները հայերեն ու ֆրանսերեն կարգախոսներ են վանկարկել․ նրանք դատապարտել են Ադրբեջանին ու վերջինիս բացահայտ աջակցություն ցուցաբերող Թուրքիային։

Ֆրանսահայ լրագրող Տիգրան Եկավյանը Sputnik Արմենիայի հետ զրույցում նշեց, որ Ֆրանսիայում հետաքրքրված են հակամարտության գոտում տիրող իրավիճակով, քանի որ նման զարգացումներ երբևէ չեն եղել։ Ֆրանսիացիներն առաջին հերթին ուշադրություն են դարձնում Թուրքիայի նախագահ Ռեջեփ Էրդողանի գործողություններին, որին այստեղ չափազանց բացասական են վերաբերվում՝ Լիբիայի քաղաքացիական պատերազմին միջամտելու ու Լիբանանում իրավիճակը ապակայունացնելու ֆոնին։ Նա շեշտեց, որ այդ պատճառով Թուրքիան ֆրանսիացիների համար համարվում է եթե ոչ թշնամի, ապա ռազմական մրցակից։

Այսօրվա բողոքի ակցիայի ժամանակ Ֆրանսիայում Ադրբեջանի դեսպանատան պատուհաններից հակահայկական քարոզչություն պարունակող ֆրանսերեն գրություններով պաստառներ են կախել։ Եկավյանն ընդգծեց, որ Ադրբեջանն առաջին անգամ է Ֆրանսիայում բացահայտ հակահայկական քարոզչություն իրականացնում։

Հանրահավաքի ժամանակ սադրանքներ չեն եղել, բայց Եկավյանի խոսքով՝ պետք է զգոն լինել, հաշվի առնելով սպառնալիքներն ու սադրանքները, հիշեցնելով թուրք ազգայնականների մասին, որոնք հուլիսի վերջին փորձում էին տապալել հայկական ցույցը Լիոնի մոտակայքում գտնվող Դեսին Շարպ քաղաքում։ Այդ խմբավորումների ղեկավարն արդեն դատապարտվել է։

«Առաջին անգամն է, որ ֆրանսիական հասարակութիւնը յատկապէս աջակողմեան թեւը, բայց ոչ միայն, զորակցությիւն կը ցուցաբերեն հայերու նկատմամբ եւ կըհետաքրքրին, թեեւ ուրիշ անկիւնով, իրենց հասկացողութեամբ, որ գլխավոր դրդապատճառը եւ պատասխանատուն Էրդողանն է եւ ոչ այլ երկրի ղեկաւար»,- ասաց Եկավյանը։

Տավուշում հուլիսին Ադրբեջանի ցուցաբերած ագրեսիայի համեմատ իրավիճակը զգալիորեն լավացել է։ Այն ժամանակ ֆրանսիական մամուլում ադրբեջանամետ հրապարակումներ էին նկատվում, այժմ դրանք չկան։ Բայց ըստ մեր զրուցակցի՝ պետք է ավելի ակտիվ բացատրական աշխատանքներ իրականացնել, որ Ղարաբաղի հանդեպ չհիշատակվի միայն «անջատողական» տերմինը, ինչպես հիմա է։

Սամվել Կարապետյանը դիմել է ՌԴ հայկական ու ադրբեջանական համայնքների ներկայացուցիչներին

Այնուամենայնիվ, ադրբեջանական կողմի ազդեցությունը նախկինի պես զգացվում է, թեև այն ավելի թույլ է, քան նախկինում։ Կորոնավիրուսային վարակի պատճառով կրճատվել է որոշ պարբերականների ու առանձին լրագրողների հովանավորությունը, նաև հաճելի նվերներով ուղևորությունները, որոնք նրանց համար կազմակերպում էր Բաքուն։ 

Այստեղ հայերին շատ ակտիվ աջակցություն են ցուցաբերում հույներն ու ասորիները՝ դարձյալ ընդհանուր սպառնալիքի ֆոնին։ Համացանցում նրանց համայնքները շատ ակտիվ են, ընդ որում՝ ոչ միայն Ֆրանսիայում։

«Նաեւ Կիպրոսի մէջ ունենք ընկերներ, որոնք կը զորակցին իրենց օգուտը կըբերեն յօդուածներ գրելով եւ տարածելով մեր տեսլականները ընկերային ցանցերու մէջ։ Նոյնպէս նկարը ստացայ ասորի ընկերներու որոնք զինուած մարտիկներ են Սուրիոյ մէջ, որոնք պատրաստ են Հայաստան գնալու եւ օգնելու իրենց եղբայրներուն։Մեծ զորակցությիւն կա հայերի նկատմամբ»,- նշեց Եկավյանը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

0
թեգերը:
դեսպանատուն, Ադրբեջան, Բողոքի ակցիա, հայ, ֆրանսիացի, Ֆրանսիա
թեմա:
Ադրբեջանական ագրեսիա Արցախում. 2020
Ըստ թեմայի
Առաջնագծից հեռու, բայց հրաձգության ներքո․ ի՞նչպիսին է Ստեփանակերտն այս օրերին
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
ՊԲ-ն շարունակում է ոչնչացնել ադրբեջանական բանակի զինվորականներին և մարտական տեխնիկան
Մենք պատրաստ ենք ամեն ինչի. ՊԲ–ն հայ հրետանավորների մասնակցությամբ տեսանյութ է հրապարակել