Տաթևի վանք

Հայաստանում տուրիզմի ոլորտը կոլապսի մեջ է. փրկության 2 ճանապարհ կա

332
Հայաստանում զբոսաշրջության ոլորտի խնդիրների լուծման երկու ճանապարհ կա։ Դրանցից որ մեկը կընտրեն իշխանությունները՝ կախված է երկրում համաճարակաբանական իրավիճակից։

ԵՐԵՎԱՆ, 31 հուլիսի – Sputnik. Հայաստանը պետք է ամեն ինչ անի, որպեսզի աշնանից կարողանա արտասահմանցի զբոսաշրջիկներ ընդունել, անգամ եթե սկզբում նրանք շատ քիչ լինեն։ Միայն դա կարող է տուրիզմի ոլորտը փրկել լիակատար կործանումից։ Դրանում համոզված է Տուրիզմի հայկական ֆեդերացիայի նախագահ Մեխակ Ապրեսյանը։

ՀՀ վարչապետ Նիկոլ Փաշինյանը հինգշաբթի կայացած կառավարության նիստում նշել էր, որ մինչև զբոսաշրջային սեզոնի ավարտը Հայաստանում միջազգային թռիչքները չեն վերականգնվի: Այս սահմանափակման մեջ նա փորձել էր նաև լավ բան գտնել` այն անվանելով Հայաստանի նոր անկյունները բացահայտելու հիանալի հնարավորություն։

Բայց դեռ պարզ չէ, թե որքան ժամանակ են Հայաստանի սահմանները փակ լինելու այցելուների համար, և դեռ որքան է արտաքին աշխարհը հայերի համար փակելու իր սահմանները։ Սպասարկման ոլորտի (որը ներառում է ոչ միայն զբոսաշրջությունը, այլ նաև հյուրանոցային բիզնեսը, ռեստորանները, ժամանցի ոլորտում ներգրավված ընկերությունները) ներկայացուցիչներն արդեն վաղուց են ահազանգում, որ հազիվ են ծայրը ծայրին հասցնում, իսկ շատերը սնանկացման եզրին են։

Հյուրանոցային ոլորտի ներկայացուցիչներն արդեն դիմել են «Բարգավաճ Հայաստան» կուսակցության առաջնորդ Գագիկ Ծառուկյանին։ Ավելի վաղ սկսվել էր ոլորտին COVID-19-ի հասցրած վնասների գույքագրումը։

Ամենաշատը անհանգստացնում է անորոշությունը, ինչպես գործունեության վերսկսման ժամկետների, այնպես էլ առհասարակ զբոսաշրջության վերականգնման հետ կապված։

Sputnik Արմենիայի թղթակցի հետ զրույցում Ապրեսյանը նշեց, որ ամեն բան կախված է տուրիզմի սեզոնի ավարտի և սահմանների բացման ժամկետներից։

Եթե իշխանությունները նկատի ունեին ամառային տուրիստական սեզոնը, ապա հույս կա, որ աշնանը Հայաստանը կբացի դռներն արտասահմանցիների համար։

«Ամեն ինչ կախված է նրանից, թե երբ են իշխանությունները նախատեսում բացել սահմանները։ Եթե աշնանը, ապա հույս կա, որ հոկտեմբերի սկզբին կընդունենք առաջին միջազգային զբոսաշրջիկներին։ Դա նշանակում է՝ ոլորտի որոշակի ակտիվացում արդեն աշնանը կլինի»,-ասաց Ապրեսյանը։

Էժան տուրերն անորակ են և հիասթափեցնո՞ւմ են զբոսաշրջիկներին. տուրիզմում գոյի խնդիր է

Ապրեսյանի կարծիքով՝ նշանակություն չունի, թե երկիրը քանի զբոսաշրջիկ կընդունի, անգամ եթե նրանք շատ քիչ լինեն, դա արդեն նշանակալի դրական ազդեցություն կունենա ոլորտի վրա։

Բայց եթե Հայաստանի սահմանները մինչև տարեվերջ այդպես էլ փակ մնան, ապա ոլորտը կարող է լիակատար կոլապսի մեջ հայտնվել։ Հաջորդ տարի գործնականում ստիպված կլինեն ամեն ինչ զրոյից սկսել՝ զբոսաշրջիկներին գրավելու համար հսկայական ջանքեր գործադրելով։

Համավարակը ծանր հարված է հասցրել երկրի բնակչության մեծ մասի ընտանեկան բյուջեին, շատերն ուղղակի անվճարունակ են դարձել անգամ երկրի ներսում հանգստանալու համար։

Մյուս կողմից, մարդկանց մի շերտ կա, որը պարզապես վախենում է հանգստանալ երկրի ներսում։ Իսկ նրանք, ովքեր կարող են և ուզում են, շատ քիչ են՝ ոլորտը կործանումից համար։

«Ներքին տուրիզմի զարգացումը շատ կարևոր է, և մենք միշտ էլ խոսել ենք այդ մասին դեռ սահմանները փակելուց առաջ։ Սակայն միայն դա բավարար չէ»,-ասաց Ապրեսյանը։

Բայց ներքին զբոսաշրջության զարգացման հետ միասին կարևոր է բաց թողնել միջազգային տուրիզմի վերսկսման պահը։

Ինչ վերաբերում է պետական աջակցությանը, ապա ստեղծված իրավիճակում այն պետք է առավել առարկայական և շոշափելի լինի, որպեսզի թույլ չտա ոլորտի լիակատար փլուզումը։

Թե ինչ ճանապարհ կընտրեն իշխանությունները, մեծ հաշվով կախված է երկրում համաճարակաբանական իրավիճակից։

2020թ․-ի առաջին եռամսյակում երկիր այցելել է մոտ 311 հազար զբոսաշրջիկ՝ նախորդ տարվա նույն շրջանի 770 հազարի փոխարեն։ Միայն առաջին եռամսյակում Հայաստանն արդեն 450 հազար այցելու է կորցրել։

Համավարակն ու տուրիզմը. ի՞նչ կտա ոլորտին կառավարության որոշումը

Յուրաքանչյուր զբոսաշրջիկ Հայաստանում մոտ 800 դոլար էր ծախսում։ Հետևաբար՝ միայն առաջին եռամսյակում երկիրը մոտ 350 միլիոն դոլար է կորցրել։ Երկրորդ եռամսյակում, հասկանալի պատճառներով, զբոսաշրջիկներ չեն եղել։ Երրորդ եռամսյակն էլ նույն պատճառով ամբողջովին ձախողված է։ Նախորդ տարի կանխատեսվում էր զբոսաշրջիկների հոսքի 10 տոկոս աճ։

332
թեգերը:
Հյուրանոց, կորոնավիրուս, Սահման, Մեխակ Ապրեսյան, Հայաստան, զբոսաշրջություն, Զբոսաշրջիկ
Ըստ թեմայի
Զբոսաշրջիկներին «գցած» 25-ամյա Աննա Սահակյանն ազատության մեջ է. տուժածները դժգոհ են
Չարդարացված հույսեր․ Վրաստանի սահմանները հուլիսի 1-ից չեն բացվի զբոսաշրջիկների համար
Արայիկ Հարությունյանը զբոսաշրջային ընկերությունների համար լավ լուր է հայտնել
Yell Extreme Park

Եթե չլիներ «կորոնան». ինչպես թագավարակը հայերին ստիպեց գներ իջեցնել ու ճանաչել Հայաստանը

473
(Թարմացված է 06:44 01.08.2020)
Ամառվա սեզոնին, հատկապես հանգստյան օրերին մեքենաների հոսքը Դիլիջանի անտառներ կամ Սևանի հանգստյան գոտիներ չի դադարում, իսկ հոսթելներում ու հյուրատներում մնալու համար պետք է առնվազն 3 շաբաթ առաջ ամրագրում անել:

Կորոնավիրուսի համավարակի պատճառով որոշ ոլորտներ, այդ թվում` զբոսաշրջությունը, ծանր դրության մեջ հայտնվեցին. հույսը հիմնականում արտերկրից ժամանող զբոսաշրջիկների վրա դրած հյուրատներն ու հյուրանոցները տևական ժամանակ պարապուրդի մատնվեցին: Իրավիճակը հատկապես աղետալի էր փետրվար-ապրիլ ամիսներին: Հիմա խնդիրը քիչ–քիչ կարգավորվում է ներգնա զբոսաշրջության շնորհիվ: Sputnik Արմենիան զրուցել է զբոսաշրջիկներին հյուրընկալողների հետ։

Իջևանում սեփական հյուրատուն ունեցող մի կին, որը չցանկացավ հրապարակել իր անունը, ասաց` մի քանի տարի շարունակ արտերկրից ժամանած հյուրերի է ընդունել ու շատ գոհ եղել իր եկամտից, այս տարվա համար էլ նախնական պատվերներ ունեին, բայց բոլորը չեղարկվեցին կորոնավիրուսի պատճառով:

«Անցած տարիներին շատ լավ էր, նույնիսկ տանը կից մի տարածքում նոր մասնաշենքի շինարարություն էինք ծրագրել, բայց, ցավոք, դա այդպես էլ ծրագիր կմնա: Ճիշտ է, փառք Աստծո, ներգնա տուրիզմի շնորհիվ այս 2 ամիսների ընթացքում շարժ կա, բայց եկամուտը նույնը չէ. գիշերակացի համար նույն գինը չենք պահանջում հայերից։ Արտասահմանից եկածները 8 հազար դրամ էին վճարում, իսկ տեղացիները` 5000»,- ասաց նա։

Որոշ հանգստյան գոտիներ ու ժամանցի վայրեր նույնպես գումարային փոփոխություն են արել, օրինակ` «Yell Extreme Park»-ը, որը ծառայություններ է մատուցում Էքստրեմալ սպորտի սիրահարներին։

«Անցած տարի մեր այցելուների կեսից ավելին արտերկրից ժամանած զբոսաշրջիկներն էին, այս տարի պակասել է նրանց թիվը, փոխարենը ավելացել է ներգնա տուրիստների քանակը»,- ասաց գլխավոր մենեջեր Սոնա Ղևոնդյանը և ավելացրեց, որ անվտանգության կանոններից ելնելով` որոշ ատրակցիոններ այս պահին չեն գործում, նվազեցվել է նաև փաթեթի արժեքը. 1 անձի համար այժմ գործում է 17 000 դրամ սակագինը՝ 25,000 դրամի փոխարեն։

Ներգնա տուրիզմը ոչ միայն զբոսաշրջային բիզնեսով զբաղվողների համար փրկօղակ դարձավ, այլև օգնեց, որ հայաստանցիներից շատերն իրենց համար բացահայտեն սեփական երկիրը: Արտերկիր մեկնելու փոխարեն մարդիկ հանգստանում են Հայաստանում և միայն հիմա իմանում, որ մեր երկրում գործում են զբոսաշրջության մի շարք տեսակներ` գյուղական տուրիզմ, էկոտուրիզմ, կրոնական տուրիզմ, գաստրոտուրիզմ և այլն։

«Եթե չլիներ «կորոնան», ծովափում կլինեինք, բայց հիմա Հայաստանում կհանգստանանք: Որոշ տարածքներ այս տարի առաջին անգամ բացահայտեցինք, իսկ որոշ վայրերի տեղն էլ արդեն գիտեինք ու ևս մեկ անգամ այցելեցինք»,– Sputnik Արմենիային ասաց Վանաձորից ընկերների հետ Ենոքավան եկած Մանեն:

Հայաստանի չբացահայտված վայրեր շատ են, ամեն մի մարզ իր թաքնված գեղեցկությունն ունի: Ճիշտ է, շատերը դժգոհում են, թե Հայաստանում հանգստանալը հայի գրպանին ավելի շատ է «խփում», քան արտերկիր մեկնելը, բայց սա էլ սեփական ծննդավայրը ճանաչելու առիթ է:

473
թեգերը:
Իջևան, զբոսաշրջություն, Զբոսաշրջիկ, Հայաստան
Ըստ թեմայի
30 նոր ուղղություն. ներքին տուրիզմի մասնագետներն իրավիճակից դուրս գալու ելքեր են փնտրում
Արայիկ Հարությունյանը զբոսաշրջային ընկերությունների համար լավ լուր է հայտնել
Ճանապարհորդե՞լ Հայաստանում, թե՞ սպասել սահմանների բացմանը. հայկական զբոսաշրջության ներկան
Նիկոլ Փաշինյանը տուրիստական ավտոբուսում. արխիվային լուսանկար

Ուրբաթը շաբաթից շուտ եկավ. տուրիզմի ոլորտին «ռեանիմատոլոգներ» են պետք

2271
(Թարմացված է 12:33 09.07.2020)
Տուրոլորտը կաթվածահար է։ Կորոնավիրուսի պարտադրած սահմանների փակումն առաջին ու ամենածանր հարվածը տուրիզմին հասցրեց։ Ոլորտի հազարավոր աշխատակիցներ 4 ամիս է՝ փաստացի չեն աշխատում։ Ոմանք ստիպված վերապրոֆիլավորվում են, մյուսները` հույսով սպասում, որ մի դուռ կբացվի։

ԵՐԵՎԱՆ, 9 հուլիսի - Sputnik. Տուրիզմի ոլորտում առաջիկա տարիներին շահույթ չի լինելու, որովհետև վնասներն արդեն իսկ ահռելի են։ Sputnik Արմենիայի հետ զրույցում նման տեսակետ հայտնեց Հռիփսիմե Ստամբուլյանը, որի ղեկավարած զբոսաշրջային ընկերությունը ոլորտի խոշոր խաղացողներից է։

Исполнительный директор Anriva-Tour Рипсиме Стамбулян на презентации нового туристического направления турфирмы в Тунис (24 февраля 2020). Еревaн
© Sputnik / Andranik Ghazaryan
Հռիփսիմե Ստամբուլյան

«Բոլորս հստակ գիտակցում ենք՝ եթե նույնիսկ վաղն էլ սահմանները բացվեն, ապա առաջիկա մեկ, երկու տարին շահույթ չենք ունենալու։ Բայց մեր աշխատակիցները հիմա իրենց հաշվին արձակուրդում են, պետք է հասկանանք՝ ինչ ասենք նրանց՝ գնացեք, աշխատանք փնտրեք ձեզ համար, թե` մեկ, երկու, երեք ամիս էլ դիմացեք»,- նշում է Ստամբուլյանը։

Ստամբուլյանն այս ոլորտում է արդեն մոտ 10 տարի։ Նրա ղեկավարած ընկերությունը ոչ միայն արտագնա և ներգնա տուրիզմով է զբաղվում, այլև Հայաստանում և Վրաստանում եգիպտական ավիաընկերության պաշտոնական ներկայացուցիչն է, այս տարվանից նաև թունիսյան ավիաընկերության ներկայացուցիչը դարձավ՝ ուղիղ ավիակապի հնարավորություն ստեղծելով Հայաստանի և Թունիսի միջև։

Բայց, ինչպես ժողովուրդն է ասում՝ ուրբաթը շաբաթից շուտ եկավ։ Հայաստանցիներն այս տարի Թունիսի արևը չեն տեսնի։

Թե երբ կվերակենդանանա տուրիզմը «կարմիր գոտում» հայտնված մեր երկրում, ոչ ոք չգիտի։ Հռիփսիմե Ստամբուլյանն ասում է՝ տուրոլորտի խնդիրները սկսեցին այն բանից հետո, երբ ոլորտին նպատակային աջակցություն չցուցաբերվեց։

Տուրիստական տարբեր ընկերություններ կառավարության մշակած աջակցության ծրագրերից մեկ-երկուսին են համապատասխանել, աջակցությունն էլ շոշափելի չի եղել, գլոբալ հարցերն այդպես էլ երկնքից կախված են մնացել։ Բազմիցս դիմել են համապատասխան կառույցների՝ իրական աջակցության տարբեր մոդելներ առաջարկելով։

Զբոսաշրջիկներին «գցած» 25-ամյա Աննա Սահակյանն ազատության մեջ է. տուժածները դժգոհ են

Օրինակ՝ տուրիստական ընկերությունների վարկերի վերաֆինանսավորում ավելի ցածր տոկոսադրույքով, քան բանկերում է։ Սեփական ընկերության օրինակով են ասում՝ գրեթե բոլոր տուրօպերատորները վարկային մեծ պարտավորություններ ունեն։ Հատկապես եթե չվերթերի ներկայացուցիչներ են, նշանակում է՝ մեծ դեպոզիտային վճարումներ են անում ավիաընկերություններին, նաև հյուրանոցներին։ Առաջարկներին մինչ օրս արձագանք չի եղել։

«Հիմա մենք հստակություն, որոշակիություն ենք ուզում։ Ե՞րբ են սահմանները բացվելու՝ եթե ոչ հուլիսին կամ օգոստոսին, միգուցե սեպտեմբերին, հոկտեմբերի՞ն։ Նաև հստակ կանոնակարգեր չկան՝ երբ սահմանները բացվեն, ինչպես են մեր զբոսաշրջիկները մեկնելու կամ ինչպես է մեր երկիր զբոսաշրջիկ գալու»,- ասում է Ստամբուլյանը։

Արդեն գրեթե մեկ ամիս է՝ աշխարհի տարբեր երկրների գործընկերներից ստացել են իրենց նախարարությունների մշակած կանոնակարգերը։

Նաև տարբեր երկրներ սկսել են հյուրանոցների վերասերտիֆիկացում անել՝ անվտանգության համապատասխանության արտոնագիր տալ, որպեսզի զբոսաշրջիկը վստահ լինի՝ իր ընտրած հյուրանոցն ապահով է, ախտահանվում է և այլն։

«Հիմա նույնիսկ եթե աշնան ամիսների համար արտերկրից հարցումներ ենք ունենում՝ Վրաստան-Հայաստան միացյալ տուրերի համար, չենք կարողանում ոչինչ պատասխանել, որովհետև չգիտենք՝ մեր երկիրը երբ նրանց ներս կթողնի կամ որ հյուրանոցները կկարողանանք առաջարկել»,- նշում է տիկին Ստամբուլյանը։

Ի՞նչ ակնկալիքներ ունի Փաշինյանը զբոսաշրջության ոլորտից

Ամենացավոտն այն է, որ պետության և մասնավոր հատվածի միջև չկա կապ, երկխոսություն։

Հասկանում է՝ այս վիճակը միայն Հայաստանում չէ, ամբողջ աշխարհում է, բայց և նշում է՝ աշխարհի տարբեր երկրներում արդեն ծրագրեր են հայտարարվում տուրիզմը վերակենդանացնելու համար, մեզ մոտ զբոսաշրջային ոլորտը կարծես անհույս «մեռած» լինի։

Տուրիզմի կոմիտեն նույնիսկ հոգեբանորեն չի աջակցել

Ալինա Պետրոսյանը գրեթե 7 տարի առաջ է մտել տուրիզմի ոլորտ։ Սկզբում դա պարզապես հոբբի էր, հետո դարձավ կենսակերպ ու շատ սիրելի աշխատանք։ Բոլորի նման արդեն չորս ամիս է՝ չի աշխատում։ Թեպետ եկամուտ ընդհանրապես չկա, բայց սիրելի աշխատանքի վրա «խաչ քաշել» չի պատրաստվում։ Ո՛չ գրասենյակի տարածքն է հանձնել, ո՛չ էլ աշխատակիցներին ազատել, բայց պետական հոգածություն նա էլ չի զգում։

Алина Петросян
© Photo : provided by Alina Petrosyan
Ալինա Պետրոսյան

Տուրիզմի կոմիտեից այս օրերին անգամ հոգեբանական աջակցություն չեն ստացել. ոլորտը համակարգող կառույցը լուռ է։

Իսկ հարկերը, նույնիսկ եթե փոքր են, 0 եկամտի դեպքում լրացուցիչ բեռ են գործարարի համար։

«Երբ քայլում եմ Երևանի փողոցներով, ահավոր ցավ եմ ապրում. տուրիստական գործակալությունների դռները փակ են, շատերի վրա գրված է՝ տրվում է վարձով։ Տուրիզմի ոլորտի ճկուն մարդկանցից շատերն այս իրավիճակում ստիպված վերապրոֆիլավորվում են, աշխատակիցները՝ այլ ոլորտներում աշխատանք գտնում։ Նշանակում է՝ երբ սահմանները բացվեն, այս ոլորտում մասնագետների խնդիր էլ ենք ունենալու»,- ասում է Պետրոսյանը։

Օտարերկրյա զբոսաշրջային բոլոր խմբերի այս տարվա ամրագրումները չեղարկվել են։

Ճամփորդությունների սիրահար օտարերկրացիներն արդեն եկող տարվա համար են ուզում ամրագրումներ անել, սակայն հայաստանյան իրավիճակն այնքան անորոշ է, որ երթուղու նկարագրությունից բացի այլ բան արտերկրի գործընկերոջն ու զբոսաշրջիկին առաջարկել չեն կարող։

«Պատկերացում չունենք՝ հյուրանոցների գնային քաղաքականությունն ինչպիսին կլինի։ Ի վերջո, անգամ երբ «կանաչ գոտում» հայտնվենք, ինչ չափանիշներով ենք զբոսաշրջիկի անվտանգությունն ապահովելու, ինչպես ենք դիմավորելու, թեստավորում պահանջելո՞ւ ենք, ջերմաչափելո՞ւ ենք... Կամ, ենթադրենք, Հայաստան եկող զբոսաշրջիկի մոտ կորոնավիրուս ախտորոշվեց, ի՞նչ է լինելու»,- ասում է Պետրոսյանը։

Նրա կարծիքով` մեկ այլ խնդիր էլ կա, որը ևս որոշակի վնաս է հասցրել ոլորտին՝ հայաստանյան հյուրանոցների մի մասը կորոնավիրուսով հիվանդների են ընդունել։ Կառավարության որոշումը չի վիճարկում, բայց իր օրինակով է ասում՝ եթե, օրինակ, Հռոմ մեկնելիս իմանա, որ ինչ-որ հյուրանոց կորոնավիրուսով հիվանդների համար է առանձնացված եղել, կխուսափի դրանից։

Զբոսաշրջային կազմակերպությունները կառավարությունից վարկային արձակուրդ են ակնկալում

Պարետատան մամուլի խոսնակ Մանե Գևորգյանը մեզ հետ զրույցում նշեց, որ սահմանների բացման հարցը սերտորեն կապված է երկրում համաճարակային իրավիճակի հետ։ Շեշտեց` խնդիրը միայն Հայաստանինը չէ, միջազգային է։ Հարցը պարբերաբար քննարկվում է, բայց հստակ ժամկետներ նշել դեռ չեն կարող։ Ինչ վերաբերում է կանոնակարգերին, Գևորգյանի խոսքով՝ դրանք մշակվում են, բայց քանի դեռ սահմանները չեն բացվել, դրանք ոլորտին փոխանցելու իմաստը չեն էլ տեսնում։

Ասում է՝ երբ սահմանների հարցը լուծվի, հստակ կանոնակարգ կտրվի զբոսաշրջության ոլորտի ներկայացուցիչներին։

Հ. Գ. Մինչ հոդվածը պատրաստվում էր հրապարակման, տիկին Հռիփսիմե Ստամբուլյանից տեղեկացանք, որ 4 ամիսների պայքարից հետո Տուրիզմի կոմիտեն երեկ` հուլիսի 8–ին, հանդիպել է ոլորտի մի քանի ներկայացուցիչների հետ: Նրանք հույս ունեն, որ հանդիպման ընթացքում հնչած խոստումներն իրականություն են դառնալու:

2271
թեգերը:
Հայաստան, կորոնավիրուս, զբոսաշրջություն, Զբոսաշրջիկ
Ըստ թեմայի
Զիփլայն, քարանձավային տուրիզմ ու քայլարշավ. ինչ է առաջարկելու Լոռին այցելուներին
Համավարակն ու տուրիզմը. ի՞նչ կտա ոլորտին կառավարության որոշումը
Էժան տուրերն անորակ են և հիասթափեցնո՞ւմ են զբոսաշրջիկներին. տուրիզմում գոյի խնդիր է
Дым после взрыва в Бейруте (4 августа 2020). Ливан

Պայթյունը Բեյրութի հայկական թաղամասի մոտ է եղել. Վարդինե Օհանյան

6
(Թարմացված է 21:55 04.08.2020)
Լիբանանի երիտասարդության և սպորտի նախարարի խոսքով`կան բազմաթիվ վիրավորներ և հավանաբար նրանց թվում հայերն էլ քիչ չեն։

ԵՐԵՎԱՆ, 4 օգոստոսի - Sputnik. Լիբանանի երիտասարդության և սպորտի նախարար Վարդինե Օհանյանը Sputnik Արմենիայի հետ զրույցում նշեց, որ Բեյրութում որոտացած պայթյունը հայկական թաղամասին բավականին մոտ է եղել ։

«Կարող ենք ասել, որ պայթյունը Բեյրութի Բուրջհամուդ հայկական թաղամասին մոտ է եղել`վնասները շատ մեծ են։ Զոհերի մասով տեղեկություն չկա»,–ասաց նա։

Օհանյանի խոսքով`շատ վիրավորներ կան և հավանաբար նրանց թվում հայերն էլ քիչ չեն։

«Տեղեկությունը ամբողջական կլինի մի քանի ժամվա ընթացքում, առայժմ այսքանն է հայտնի։ Դեռ վաղ է խոսել պայթյունի պատճառների մասին, խորհուրդ եմ տալիս մի քանի ժամ սպասել»,–նշեց նա։

Հիշեցնենք` Լիբանանի մայրաքաղաք Բեյրութում` նավահանգստի շրջանում, ուժգին պայթյուն է որոտացել։

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել երկինք։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

Պայթյունի ալիքը կոտրել է մի քանի կիլոմետրի վրա գտնվող շինությունների ապակիներն ու դռները։

6