Լողափ. արխիվային լուսանկար

Մարդիկ հոգնել են տանը նստելուց. ե՞րբ կկարողանան նորից ինքնաթիռ նստել, լողալ ծովում

152
(Թարմացված է 15:32 08.04.2020)
Զբոսաշրջության ոլորտն առաջիններից է, որ կորոնավիրուսի պատճառով հարվածի տակ է և՛ Հայաստանում, և՛ ողջ աշխարհում:

ԵՐԵՎԱՆ, 8 ապրիլի - Sputnik. Հայաստանում զբոսաշրջությունը լիարժեք կսկսի իր գործունեությունը ծավալել ոչ շուտ, քան 2021 թվականի երկրորդ եռամսյակի սկզբին: Դա կախված է մի շարք գործոններից, մասնավորապես, այն բանից, թե Հայաստանում և աշխարհում երբ կնահանջի կորոնավիրուսը, երբ մարդիկ կրկին կմեկնեն հանգստանալու և երբ կլուծվեն մասնավոր սեկտորում առաջացած խնդիրները։

ՌԴ դեսպանությունը հայտարարություն է տարածել Հայաստանում գտնվող զբոսաշրջիկների համար

Հայաստանի Զբոսաշրջության ֆեդերացիայի նախագահ Մեխակ Ապրեսյանն այսպիսի կանխատեսում արեց Sputnik Բելառուս մուլտիմեդիոն մամուլի կենտրոնի կազմակերպած Երևան- Քիշնև-Մոսկվա-Թբիլիսի առցանց մամուլի ասուլիսի ժամանակ:

«Եթե ամեն ինչ լավ ընթանա, ապա աշնանը որոշակի առաջընթաց կարելի է տեսնել, այնուամենայնիվ, մենք սպասում ենք զբոսաշրջության բնականոն գործունեությանը 2021 թվականի ապրիլից: Ինչպես գիտեք, առաջին եռամսյակը միշտ ավելի պասիվ է», - ասաց Ապրեսյանը:

Կորոնավիրուսի նահանջից անմիջապես հետո Ապրեսյանը կանխատեսում է զբոսաշրջիկների թվի կտրուկ աճ և զբոսաշրջության ավելի մեծ հնարավորություններ ինչպես Հայաստանում, այնպես էլ աշխարհում:

Նրա խոսքով՝ դա պայմանավորված կլինի նրանով, որ մարդիկ հոգնել են տանը նստելուց: Հենց որ երկրների սահմանները բացվեն և թույլ տան ճանապարհորդել, զբոսաշրջությունն անմիջապես կյանքի կկոչվի: Միևնույն ժամանակ, Ապրեսյանը շեշտեց, որ զբոսաշրջությունը չի վերականգնվի առանց պետական աջակցության:

Ապրեսյանը որպես դրա ապացույց՝ հիշեցրեց H1N1 համաճարակի օրինակը, որը բռնկվեց 2009-ի ապրիլին: Աշխարհում զբոսաշրջիկների քանակը կրճատվեց 4% -ով, այնուամենայնիվ, հենց վիրուսը սկսեց նահանջել, արդեն 2009-ի չորրորդ եռամսյակում սկսեցին նկատել զբոսաշրջիկների ակտիվությունը:

Կորոնավիրուսն ու զբոսաշրջությունը․ չեղարկված ուղևորությունների վնասները Հայաստանում

Հայաստանի Զբոսաշրջության ֆեդերացիայի նախագահը համոզված է, որ տուրիզմի ակտիվացումը կխթանի այն երկրների տնտեսություններին, որոնք ի սկզբանե քայլեր էին կատարել տուրիզմի զարգացման համար։

Մինչդեռ Զբոսաշրջության արդյունաբերության հանրապետական միության նախագահ Ֆիլիպ Գյուլին վստահ է, որ մարդիկ առաջիկա մի քանի տարին կհրաժարվեն հեռավոր ճանապարհորդություններից։

«Հազարավոր կիլոմետրեր հեռու գտնվող էկզոտիկ երկրների նկատմամբ հետաքրքրությունը կնվազի: Մարդիկ կգերադասեն ընտրել իրենց արձակուրդի համար այնպիսի երկրներ, որտեղ հասնելու համար ստիպված չեն լինի մի քանի ինքնաթիռ փոխել»,-ասաց նա։

Գյուլին նշեց, որ վերջին մեկուկես տարվա ընթացքում 27-ից 45 տարեկան մարդիկ չեն ընտրել ծովը, արևը, լողափը, այլ հանգստացել են առողջարաններում, որտեղ կան հանքային ջրեր, սարեր ու մաքուր օդ։

Իր հերթին, Վրաստանի գիդերի ասոցիացիայի անդամ Եկատերինա Լոմաձեն ամռանը կանխատեսում է տուրիզմի որոշակի աշխուժացում Վրաստանում: Համենայն դեպս, վրացական առողջարանները կկարողանան գումար վաստակել:

Նա նաև կարծում է, որ աշխարհում կորոնավիրուսային վարակի անկումից հետո զբոսաշրջությունը կվերականգնվի: Լոմաձեն օրինակ բերեց Չինաստանի Ուհան քաղաքում տիրող իրավիճակը:

«Հենց որ բացվեց Ուհան քաղաքը, մենք տեսանք, թե ինչպես այն լցվեց զբոսաշրջիկներով», - ասաց նա:

Ըստ նրա՝ զբոսաշրջությունը «դեղամիջոց» է, առանց որի մարդիկ չեն կարող ապրել, քանի որ նրանք նոր զգացողությունների կարիք ունեն:

Առողջապահության համաշխարհային կազմակերպությունը (ԱՀԿ) մարտի 11-ին հայտարարեց նոր կորոնավիրուսի COVID-19- ի բռնկման համաճարակի մասին: Կազմակերպությունը կոչ արեց պետություններին միանալ վարակի դեմ ակտիվ պայքարին:

Հայաստանն ընդգրկվել է զբոսաշրջային աճ ունեցող լավագույն 20 երկրների ցանկում. UNWTO

152
թեգերը:
համավարակ, կորոնավիրուս, Հայաստան, Մեխակ Ապրեսյան, զբոսաշրջություն, Զբոսաշրջիկ
Ըստ թեմայի
«Արմենիան» կասեցված չվերթերի գումարի դիմաց վաուչերներ է առաջարկում
Փող տպելու կարիք կլինի՞, կամ պետության տրամադրած աջակցությունն ի՞նչ խնդիր է լուծում
Զիփլայն, քարանձավային տուրիզմ ու քայլարշավ. ինչ է առաջարկելու Լոռին այցելուներին
Տաթևի վանք. արխիվային լուսանկար

Դիմակով մինչև Տաթև, կամ ՀՀ քաղաքացին պատրա՞ստ է օտար երկրում 14 օր մնալ կարանտինում

200
(Թարմացված է 17:13 19.05.2020)
Ոլորտի ընկերությունները վստահ չեն, որ այս ամառ կստացվի բացել տուրիստական սեզոնը: Ընդ որում` խնդիրը ոչ միայն արտագնա, այլև ներգնա տուրիզմին է վերաբերում:

ԵՐԵՎԱՆ, 19 մայիսի - Sputnik. Այսօր ԱԺ-ում կազմակերպված զբոսաշրջային ոլորտի խնդիրների վերաբերյալ քննարկմանը «Արշավներ» ակումբի ղեկավար Ռուբեն Բաղդիշյանն ասաց, որ 18 տեղանոց ավտոմեքենայում դիմակով Տաթև գնալ–գալու առաջարկը հազիվ թե գրավիչ կլինի ՀՀ քաղաքացիների համար: 

«Օրինակ՝ եթե քաղաքային տրանսպորտի վարորդն իրավունք ունի ավտոմեքենայից իջեցնել դիմակ չկրող ուղևորին, ապա պատկերացրեք՝ Սարավանում կամ Տաթևում վարորդն ասում է՝ ես չեմ վարում, այս հարցը լուծեք, կամ մարդն ասում է՝ ես կարծում էի՝ կդիմանամ, բայց ճնշումների տարբերությունից վատացել եմ, ինչ անեմ»,- ասաց նա:

Զբոսաշրջային ընկերության ղեկավարը նաև հիշեցնում է, որ ՀՀ կառավարությունն այս տարի շեշտադրել է հենց ներքին տուրիզմի զարգացումը, բայց նա կասկածում է, որ ճգնաժամի հետևանքով արդեն իսկ «բզկտված» ոլորտը կկարողանա դիմակալել նոր խնդիրներին:

Ոլորտի ներկայացուցիչների խոսքով, սակայն, իրենք այսօր ոչ միայն ներգնա, այլև արտագնա տուրիզմի անլուծելի խնդիրների հետ են բախվում՝ հակառակ այն հանգամանքին, որ պարբերաբար այս կամ այն երկիրը հայտարարում է սահմանները տուրիստների առաջ բացելու մասին:

«Ասյա Արարատ թրավել» ընկերության ղեկավար Ասյա Հարությունյանը հիշեցրեց, որ մինչ կորոնավիրուսի համավարակը վաճառված տուր փաթեթների ու ավիատոմսերի գումարները համավարակի հայտարարումից հետո միջազգային ընկերությունները չեն վերադարձրել, փոխարենը, որպես երաշխիք, հետագայում գնված փաթեթներից օգտվելու համար վաուչերներ են տվել: Բայց անգամ դրանց առկայության դեպքում, նրա խոսքով, հայ զբոսաշրջիկների համար այդ երկրներից շատերը փակ են մնալու:

«Մեզ ոչ մի նորմալ երկիր չի ընդունելու, քանի դեռ մենք ունենք չլուծված խնդիր։ Խնդրի անունն է` Covid-2019: Այն երկիրը, որի հետ ես եմ աշխատում մեզ վիզա չի տրամադրում, ու որ հարցնում եմ՝ մինչև երբ, ասում են՝ մինչև Հայաստանն իր COVID-19-ի հետ կապված հարցը չլուծի»,- ասաց նա:

Նշենք, որ այս ընկերությունը տուրփաթեթներ է առաջարկում դեպի Ճապոնիա:

Չինաստանի ուղղությամբ աշխատող «Էկոնոմ տուր» ընկերության նախագահ Դավիթ Թաշչյանը ևս հայտնեց, որ նմանատիպ պատասխան է ստացել նաև Չինաստանից:

«Չինաստանը Հայաստանից զբոսաշրջիկներին չի ընդունում, քանի դեռ մեր երկրում կորոնավիրուսը հաղթահարված չէ»,- ասաց նա:

Դեպի Եգիպտոս թռիչքներ իրականացնող «Էյր Կաիրո» ավիաընկերության հայաստանյան գործընկեր «Անռիվա» ընկերությունների խմբի ղեկավար Հռիփսիմե Ստամբուլյանն էլ հայտնեց, որ ընկերությունը թեև հայտարարել է, որ առաջիկայում վերականգնելու է Հայաստանի հետ օդային կապը, բայց իրենցից պահանջել է ներկայացնել հստակ անվտանգության մեխանիզմներ, որոնք իրականում գոյություն չունեն:

«Վերսկսում են, բայց ի՞նչ պայմաններով են վերսկսում, արդյո՞ք մեր օդանավակայանում արվելու են համալիր ստուգումներ, արդյո՞ք ՀՀ քաղաքացին պատաստ է, որ, եթե ճամփորդելու ընթացքում հայտնվի օտար երկրում ու ստուգումից հետո պարզվի, որ վարակված է, իրեն պետք է տանեն կարանտինային պայմաններում պահեն 14 օր»,- ասաց Ստամբուլյանը։

Նրա համոզմամբ` այդ խնդրից խուսափեու համար Հայաստանի օդանավակայանում ու Վրաստանի հետ ցակաքային անցակետերում պետք է նախապես կորոնավիրուսի թեստ իրականացնել և թույլ չտալ հիվանդ քաղաքացիներին օտար երկիր մեկնել։

Որ երկրներն ու երբ կբացեն սահմանները զբոսաշրջիկների համար․ փորձագետի կանխատեսումը

«Կոմֆորտ թրավել» ընկերության ղեկավար Արթուր Կնյազյանը զբոսաշրջության ոլորտում ստեղծված իրավիճակի համար մեղադրեց ոչ միայն կորոնավիրուսի համավարակին, այլև ՀՀ զբոսաշրջության կոմիտեին՝ առաջարկելով պատասխանատվության ենթարկել դրա ներկա ղեկավարությանը:

Կնազյանի խոսքով` որքան զբոսաշրջության ոլորտը տուժել է կորոնավիրուսից, այնքան էլ տուժել է այդ կոմիտեի գործունեությունից կամ անգործությունից:

«Մենք տեսնում ենք, որ իրենք իրենց ֆեյսբուքյան էջով սնունդ են բաժանում, կիթառ են նվագում, արեք՝ խնդիր չկա, բայց ձեր պարտականությւնները ժամանակին արեք: Կա՛մ աշխատեք, կա՛մ գնացեք, թող ուրիշներն աշխատեն»,- ասաց նա՝ հիշեցնելով, որ կոմիտեն, իր կանոնադրության համաձայն, պետք է մշակի ոլորտի պետական քաղաքականություն` ուղղված արտաքին շուկայում ՀՀ զբոսաշրջային ընկերությունների մրցակցային հնարավորությունների բարձրացմանը, ՀՀ զբոսաշրջային կարողությունների ներկայացմանը: Մինչդեռ վերջին 2 ամսվա ընթացքում ոլորտի կազմակերպություններին ուղղված առաջարկներն ու հարցադրումները մնացել են անպատասխան:

Նշենք, որ տուրիստական ընկերությունների ներկայացուցիչների մասնակցությամբ աշխատանքային քննարկումը ԱԺ-ում կազմակերպվել էր ԱԺ նախագահի տեղակալ Վահե Էնֆիաջյանի նախաձեռնությամբ: Հանդիպման ընթացքում բարձրացված հարցերը պատգամավորը խոստացավ ներկայացնել կառավարությանն ու անձամբ ՀՀ վարչապետ Նիկոլ Փաշինյանին:

Իտալիա այս տարի չգնացինք. երկիրը զբոսաշրջիկների համար սահմանները չի բացի

200
թեգերը:
Տաթևի վանք, Հայաստան, կորոնավիրուս, ԱԺ, ՀՀ Ազգային ժողով, զբոսաշրջություն, Զբոսաշրջիկ
թեմա:
Կորոնավիրուսը Հայաստանում և Արցախում
Ըստ թեմայի
Հայաստանը մեծ փողեր է կորցրել. 175 000 զբոսաշրջիկ կարող էին գալ, բայց չեն եկել
Պեմզաշենը զբոսաշրջիկներին կգայթակղի տուֆով, չեչիլ պանրով ու տեղում թորած օղիով. լուսանկար
Զբոսաշրջիկները կորոնախուճապի մեջ են, հայերն «աղոթում» են շոգի համար
Հանրապետության հրապարակ. արխիվային լուսանկար

Զբոսաշրջային կազմակերպությունները կառավարությունից վարկային արձակուրդ են ակնկալում

85
(Թարմացված է 14:33 19.05.2020)
Մեխակ Ապրեսյանի հաշվարկով` կորոնավիրուսով պայմանավորված իրավիճակի անգամ ամենացանկալի սցենարի դեպքում Հայաստանի զբոսաշրջային ոլորտը ճգնաժամից դուրս կգա միայն 2021 թ.-ի ապրիլին, իսկ այս տարի որոշակի ակտիվացում է ակնկալվում միայն հուլիսի վերջին, օգոստոսին:

ԵՐԵՎԱՆ, 19 մայիսի – Sputnik․ Տուրիզմի հայկական ֆեդերացիայի նախագահ Մեխակ Ապրեսյանն այսօր ԱԺ-ում ոլորտի իրավիճակին նվիրված քննարկման ժամանակ հայտարարեց, որ Հայաստանի զբոսաշրջային ոլորտի բոլոր կազմակերպություններն այսօր կանգնած են սննկացման վտանգի առաջ:

Նա փաստեց, որ 2020թ.-ի ընթացքում զբոսաշրջային ոլորտը ներկայացնող կազմակերպությունների շահույթը եղել է զրոյական, փոխարենը դրանց մեծ մասը ստիպված են եղել առանց եկամուտ տանալու սպասարկել նախկինում իրենց կարողությունների զարգացման համար վերցրած վարկերի գումարները:

«Լուծումը կարող է լինել հետևյալը՝ կառավարությունը, ԿԲ-ն, առևտրային բանկերը համատեղ քննարկում են և տրամադրում իրատեսական ողջամիտ ժամկետով իրական վարկային արձակուրդ, և ոչ թե ասեն՝ էս երկու ամիսը մի տվեք, երրորդ ասին եկեք, ամբողջ գումարը տվեք»,- ասաց Ապրեսյանը՝ առաջարկելով ոլորտի վարկային պարտավորությունների համար արձակուրդը սահմանել մինչև հաջորդ տարվա ապրիլ, կամ թույլ տալ կազմակերպություններին կառավարության առաջարկած արտոնյալ վարկերով մարել նախկինում վերցրած վարկերը:

Առանց զբոսաշրջիկների և սփյուռքահայերի հեշտ չի լինի. Երևանի սրճարանները բացվել են

Ապրեսյանը շեշտեց, որ հակառակ պարագայում զբոսաշրջության ոլորտի սննկացումը կարող է հանգեցնել սննկացումների շղթայական ռեակցիայի, որից կտուժեն նաև բանկերը:

Նա կարծում է, որ իր առաջարկը թույլ կտա փլուզումից փրկել նաև բանկային համակարգը:

Մեխակ Ապրեսյանի հաշվարկով` կորոնավիրուսով պայմանավորված իրավիճակի անգամ ամենացանկալի սցենարի դեպքում Հայաստանի զբոսաշրջային ոլորտը ճգնաժամից դուրս կգա 2021 թ.-ի ապրիլից ոչ շուտ: Իսկ այս տարի ներգնա ոլորտի որոշակի ակտիվացման պարագայում տեղաշարժ կնկատվի ամենաշուտը հուլիսի վերջին, օգոստոսին:

Նշենք, որ ԱԺ նախագահի տեղակալ Վահե Էնֆիաջյանի նախաձեռնությամբ այսօր ԱԺ-ում կազմակերպվել է աշխատանքային քննարկում՝ տուրիստական ընկերությունների ներկայացուցիչների մասնակցությամբ:

Որ երկրներն ու երբ կբացեն սահմանները զբոսաշրջիկների համար․ փորձագետի կանխատեսումը

85
թեգերը:
Մեխակ Ապրեսյան, զբոսաշրջություն, Զբոսաշրջիկ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Հայաստանը մեծ փողեր է կորցրել. 175 000 զբոսաշրջիկ կարող էին գալ, բայց չեն եկել
Առաջին զբոսաշրջիկներին կդիմավորեն ինչպես տիեզերագնացների. կարանտինն ու տուրիզմը
Վրաստանն ուզում է լինել առաջին երկիրը, որը կբացի սահմանները զբոսաշրջիկների համար
Մանեկեններ

Վրաստանում գործող հագուստի խանութների հանդերձարանները կփակվեն

16
(Թարմացված է 00:16 27.05.2020)
Ընկերության ներկայացուցիչները քայլեր են ձեռնարկում, որպեսզի կանխեն կորոնավիրուսի տարածումը։

ԵՐԵՎԱՆ, 27 մայիսի – Sputnik. Վրաստանի մի շարք խանութների հաճախորդները չեն կարողանա գնումներ կատարելուց առաջ փորձել հագուստը։ Retail Group Georgia ընկերության տնօրեն Ռեզո Մագալաշվիլին «Բիզնեսպրեսնյուսի» հետ զրույցում ասել է, որ խանութների հանդերձարանները կփակվեն։

Խոսքը վերաբերում է Zara, Massimo Duti, Oisho, Bershka, Stradivarius և Վրաստանում ներկայացված մի շարք ապրանքանիշներին։ Որոշման պատճառը կորոնավիրուսի համավարակն է։ Արգելքն ուժի մեջ կմտնի, երբ սահմանափակումները կչեղարկվեն ու առևտրի կենտրոնները կբացվեն։

«Մեծ ռիսկ կա, որ վարակը կարող է տարածվել նաև հագուստի միջոցով, այդ պատճառով էլ կանխարգելիչ միջոցներ կկիրառվեն», - ասել է Մագալաշվիլին։

Նա նշել է նաև, որ հագուստը վերադարձնելու դեպքում այն անպայման կախտահանվի։

Հիշեցնենք` Վրաստանը մայիսի 23-ին որոշեց չերկարաձգել արտակարգ դրության ռեժիմը, սակայն մի շարք սահմանափակումներ կգործեն մինչև հուլիսի 15-ը։ Օրինակ` հագուստի և կոշիկի խանութներն այժմ կարող են միայն առցանց աշխատել։

Մայիսի 26-ի դրությամբ՝ Վրաստանում 732 մարդ է վարակվել կորոնավիրուսով։

Բարի գալուստ ապագա. նստել եմ թախտին, սպասում եմ առաքմանը, նրանք ինձ հաց ու ջուր են բերում

16
թեգերը:
կորոնավիրուս, խանութ, Վրաստանի Հանրապետություն
թեմա:
Կորոնավիրուսը Չինաստանում և աշխարհում
Ըստ թեմայի
Բալիի փոխարեն «Զում», կամ հայաստանյան առցանց հարսանիքն արտակարգ դրության պայմաններում
Կորոնավիրուսը բոլորի տուն «կմտնի», կամ վարակը ստիպում է հիշել «տալոնով» հացը
Սերիալներ, շաուրմա, կարկանդակներ․ ինչ են որոնել և պատվիրել հայերը արտակարգ դրության օրերին
Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում