Նոր ու անսովոր զբոսաշրջային ուղղություն. Թունիս գնալն ավելի է հեշտանում
(Թարմացված է 09:21 25.02.2020)
ՀՀ քաղաքացիներն այլևս ստիպված չեն լինի Մոսկվա հասնել՝ Թունիսի մուտքի արտոնագիր ստանալու համար: Հայաստանցիների համար գործելու է վիզայի ստացման դյուրացված կարգ:ԵՐԵՎԱՆ, 25 փետրվարի — Sputnik. Այսուհետև հայաստանցի զբոսաշրջիկներն ավելի հեշտությամբ կկարողանան տեսնել պատմական Կարթագենն ու հանգիստն անցկացնել թունիսյան 1300 կմ ձգվող լողափերին: Հունիսի 29-ից հայաստանյան ավիաշուկա է մուտք գործում նոր ավիափոխադրող. «Նուվելէյր» ավիաընկերությունն ամեն շաբաթ կիրականացնի ուղիղ չարտերային թռիչքներ Թունիսի հայտնի հանգստավայր Մոնաստիրից դեպի Երևան և հակառակ ուղղությամբ: Ավիաընկերությունը Հայաստան է բերել «Անռիվա-Տուրը»: Փետրվարի 24-ին «Ռամադա» հոթելում կայացավ նոր ուղղության շնորհանդեսը:
©
Sputnik / Andranik Ghazaryan
Հռիփսիմե Ստամբուլյան
Նախկինում Թունիսը հայաստանցի զբոսաշրջիկների շրջանում պահանջարկ չուներ ոչ միայն ուղիղ թռիչքների բացակայության պատճառով, այլ նաև մուտքի արտոնագիր ստանալու բարդ ու խճճված գործընթացի: Թունիսյան կողմն արդեն համաձայնել է, որ ՀՀ քաղաքացիները մուտքի արտոնագիր ստանան օդանավակայանում՝ ժամանելիս: Նշենք, որ նախկինում Թունիսի վիզա ստանալու համար հայաստանցիները ստիպված էին մեկնել Մոսկվա: Այս պահին բանակցություններ են ընթանում նաև հյուպատոսական վճարը վերացնելու մասին:
©
Sputnik / Aram Nersesyan
Ի դեպ, 2021 թվականից թունիսյան ավիաընկերությունը նպատակ ունի գործարկել կանոնավոր թռիչքներ դեպի Հայաստան: Երկու երկրների միջև ուղիղ չվերթերի գործարկումը միայն զբոսաշրջային նպատակներ չի հետապնդում:
«Մենք ամեն ինչ կանենք, որ Հայաստանի և Թունիսի միջև հաստատվեն գործարար, տնտեսական, մշակութային կապեր: «Նուվելէյր» ավիաընկերությունն ունի նաև բեռնափոխադրման արտոնագիր: Հենց հունիսի 29-ից սկսած՝ հայկական արտադրանքը ներկայացնելու ենք Թունիսում և հակառակը»,-իր խոսքում նշեց «Անռիվա-Տուրի» տնօրեն Հռիփսիմե Ստամբուլյանը:
Թունիսի քաղաքացիները ևս ուրախ կլինեն Հայաստան այցելել, եթե փոխադարձաբար նրանց համար էլ ՀՀ մուտքի արտոնագրերի ստացումը դյուրացվի: Թունիսցիները սիրում են ճամփորդել և մեկնել այնպիսի վայրեր, որտեղ նախկինում չեն եղել:
«Մենք շատ բան չգիտենք Հայաստանի մասին. Արարատի մասին գիտենք, քրիստոնեության, վերջերս էլ իմացանք, որ Ազնավուրն է հայ»,- ասում է ՌԴ-ում և ԱՊՀ երկրներում Թունիսի ազգային տուրիստական գրասենյակի ներկայացուցիչ Նեժի Գուեդիրը, որը հատուկ ժամանել է Երևան՝ հայաստանցիներին արևոտ ու հյուրընկալ Թունիսի մասին պատմելու համար:
©
Sputnik / Andranik Ghazaryan
Նեժի Գուեդիր
Թունիսն այս տարի 9 ու կես միլիոն զբոսաշրջիկ է ընդունել ամբողջ աշխարհից: Թունիսցիները հյուրընկալ են, պարոն Գուեդիրը նշում է, որ այս առումով նման են հայերին. նրանք սրտաբաց պատրաստ են ընդունելու աշխարհի ցանկացած երկրից ժամանող զբոսաշրջիկի:
Ի՞նչ է պետք իմանալ Ryanair-ով ճամփորդելիս
Նշենք, որ Թունիսը թեպետ աֆրիկյան երկիր է, բայց կլիման մեղմ է՝ ձմռանը միջինը 17 աստիճան տաքություն է, ամռանը՝ 33: Այն աշխարհին հայտնի է ոչ միայն որպես ծովափնյա հանգստի, այլև մշակութային, պատմական տուրիզմի ուղղություն: Գրեթե 3000 տարվա պատմություն ունեցող այս երկրում հազարավոր պատմական հուշարձաններն են հաշվվում, 8-ն ընդգրկված են ՅՈՒՆԵՍԿՕ-ի համաշխարհային ժառանգության ցանկում: Դրանց թվում են պատմական Կարթագենն ու հայտնի Էլ-Ջեմ ամֆիթատրոնը: 230 թվականին կառուցված այս ամֆիթատրոնն ավելի լավ է պահպանվել, քան՝ Հռոմինը, այդ պատճառով էլ գեղարվեստական տարբեր ֆիլմերում հենց Էլ-Ջեմն է ներկայացվում որպես հայտնի Կոլիզեյ:
Երևանից մինչև Մոնաստիր ուղիղ չվերթի տևողությունը մոտ 4 ժամ է:
Հայաստանը ռուսաստանցի տուրիստների համար այցելելու երկրների թոփ տասնյակում է
(Թարմացված է 16:28 07.02.2021)
Չնայած կորոնավիրուսին ու պատերազմին և դրանց հետևանքներին՝ Հայաստանը շարունակում է հետաքրքիր մնալ ռուսաստանցի զբոսաշրջիկների համար։ԵՐԵՎԱՆ, 7 փետրվարի - Sputnik. Հայաստանը ռուսաստանցի տուրիստների համար այցելելու երկրների թոփ տասնյակում է։ Համաձայն OneTwoTrip-ի՝ ռուս զբոսաշրջիկներն այս գարնանը՝ մարտի 1-ից մայիսի 31-ն այցելելու համար ամենաշատը դիտարկում են Թուրքիան։
©
Sputnik / Владимир Астапкович
Երկրորդ ամենապահանջված ուղղությունն Արաբական Միացյալ Էմիրություններն են, երրորդը՝ Եգիպտոսը: Տասնյակում են ներառվել նաև Մալդիվներ, Ուզբեկստան, ԱՄՆ, Ղազախստան, Կիպրոս, Հայաստան և Սերբիա երկրները։
Նշվում է նաև, որ Ռուսաստանի ներսում ռուսաստանցիները ամենաշատը սիրում են Մոսկվան այցելել։ Երկրորդ տեղում Սոչին է, որտեղ կցանկանար գնալ յուրաքանչյուր տասներորդ հարցվող ռուսաստանցին:
Երրորդ տեղը զբաղեցնում է Սանկտ Պետերբուրգը: Ցուցակում ներառված են նաև Սիմֆերոպոլը, Կրասնոդարը, Կալինինգրադը, Միներալնիե Վոդին, Եկատերինբուրգը և Նովոսիբիրսկը:
Կադրային փոփոխություննե՞ր, թե՞ փրկության փորձ. ի՞նչ է կատարվում զբոսաշրջության ոլորտում
Կադրային փոփոխություննե՞ր, թե՞ փրկության փորձ. ի՞նչ է կատարվում զբոսաշրջության ոլորտում
ԵՐԵՎԱՆ, 4 փետրվարի – Sputnik. Հայաստանն աշխարհին ու զբոսաշրջիկներին պետք է ներկայացվի նոր կողմից, բոլորովին այլ լույսի ներքո։ Նախկին մոտեցումները, հատկապես կորոնավիրուսի համավարակից ու արցախյան պատերազմից հետո, այլևս ակտուալ չեն։ Դրանում համոզված են զբոսաշրջային ոլորտի գրեթե բոլոր ներկայացուցիչները։
Զբոսաշրջության կոմիտեի նախագահին փոխելու` այսօրվա որոշումը որոշ մասնագետներ կապում են ոլորտում սպասվող ռեբրենդինգի հետ։ Նրանք կարծում են, որ այստեղ խնդիրը ոլորտին նոր հայացք ու նոր շունչ հաղորդելն է, այլ ոչ թե այն, թե ինչ է արվել կամ ինչ չի արվել վերջին տարիներին։
©
Sputnik / Asatur Yesayants
Մեխակ Ապրեսյան
Տուրիզմի հայկական ֆեդերացիայի նախագահ Մեխակ Ապրեսյանը համոզված է, որ անհրաժեշտ է ամբողջությամբ փոխել զբոսաշրջային ոլորտը` հարմարեցնելով այն ընթացիկ իրողություններին։ Sputnik Արմենիայի թղթակցի հետ զրույցում նա նշեց, որ Հայաստանի իմիջը համաշխարհային զբոսաշրջային քարտեզի վրա պետք է ամբողջությամբ փոխվի։
«Մենք պետք է ցանկացած հնարավորություն, իրավիճակ օգտագործենք ի շահ մեր երկրի։ Հայաստանը պետք է ցույց տա աշխարհին, որ չի պարտվել պատերազմում, այլ կռվել է անհավասար մարտում։ Դա արդեն փոխում է իրողությունը», – ասաց Ապրեսյանը։
Բացի այդ, նա կարծում է, որ Երևանը պետք է օգտվի տրանսպորտային կոմունիկացիաների ապաարգելափակումից, այդ թվում` ի շահ զբոսաշրջային ոլորտի։
Ապրեսյանը հիշեցրեց, որ զբոսաշրջային ոլորտը Հայաստանի տնտեսության կատալիզատորն է։ Միայն 2019 թվականին 1 մլն 894 հազար զբոսաշրջային այցելությունից համախառն եկամուտը 1.5 մլրդ դոլար է կազմել, որից բյուջե մոտ 300 մլն դոլար մաքուր եկամուտ է մտել։
Ի՞նչ է պետք փոխել
Ապրեսյանը նշեց, որ ոլորտում շատ բան փոխելու կարիք կա։ Նախևառաջ պետք է սկսել պետբյուջեից ոլորտի, նրա մարքեթինգի ու խթանման համար հատկացվող միջոցների ավելացումից։ Այսօր անհրաժեշտ է ակտիվորեն օգտագործել դիվանագիտական լծակները և համախմբել սփյուռքի ներուժը հատկապես Հայաստանի համար առաջնահերթ ուղղություններում։
©
Sputnik / Наталья Селиверстова
Այս համատեքստում նա կարծում է, որ Հայաստանի իշխանություններն առաջին հերթին պետք է սկսեն բանակցել հատկապես հարևան Վրաստանի և Իրանի հետ ցամաքային սահմանները բացելու մասին։ Բանն այն է, որ փակ ճանապարհները խանգարում են, այդ թվում` նաև տարածաշրջանային զբոսաշրջության մշակմանն ու զարգացմանը։ Նա համոզված է, որ Երևանը պետք է բացատրի հարևաններին, որ դրանից ոչ միայն ինքն է կորցնում, այլև նրանք։
«Մենք պետք է սեղմ ժամկետներում դուրս գանք զբոսաշրջային այցելությունների համար անցանկալի երկրների ցանկից, վերականգնենք այցելությունների այն ռեժիմը, որը կար տարբեր երկրների հետ համավարակից առաջ։ Հիշեցնեմ, որ մեզ մոտ այն ժամանակ աշխարհի ավելի քան 60 երկրների հետ առանց վիզայի ռեժիմ էր գործում», – ասաց Ապրեսյանը։
Սրա հետ մեկտեղ անհրաժեշտ է ընդլայնել աջակցման ծրագրերը բիզնեսին, որն ամենաշատն է տուժել ընթացիկ իրադարձությունների պատճառով։ Մասնավորապես խոսքը նախնական փուլում 0% տոկոսադրույքով վարկերի տրամադրման, զբոսաշրջային օպերատորների համար դրամային քաղաքականության փոփոխման (տոմսերի սակագին, շրջանառության հարկ և այլն), սպասարկման ոլորտի համար աշխատանքի արտոնյալ պայմանների մասին է։
Պատերազմն ու համավարակն իրենց «սև գործն» արեցին․ ինչպես փրկել զբոսաշրջային ոլորտը
Բացի այդ, Ապրեսյանը կարևոր է համարում դուրս բերել հասարակությանը տեղեկատվական վակուումից, որում այն գտնվում է պատերազմից հետո։ Դա խանգարում է զբոսաշրջային ոլորտի զարգացմանը, քանի որ այդ ոլորտում աշխատողները չեն կարողանում կազմել միջնաժամկետ և երկարաժամկետ զարգացման ու ճգնաժամից դուրս գալու ծրագրեր։
Ապրեսյանն առանցքային է համարում նաև ինստիտուցիոնալ փոփոխությունների ներդրումը, օրենսդրական ոլորտի, ինչպես նաև երկրում ներդրումային միջավայրի բարելավումը։
Իսկ գործնականո՞ւմ
Զբոսաշրջության կոմիտեի տվյալներով` 2020 թվականի հունվար–սեպտեմբերին Հայաստան զբոսաշրջային այցելությունների թիվը կազմել է 327 735, ինչը 75,5%–ով քիչ է 2019 թվականի նույն ժամանակահատվածի համեմատ։ Այնինչ 2020 թվականի համար մասնագետները զբոսաշրջային հոսքի 14-15% աճ էին կանխատեսում։
Հիշեցնենք, որ ՀՀ տարածք օդային և ցամաքային ճանապարհով մուտք գործելիս պետք է ներկայացվի կորոնավիրուսի ախտորոշման ՊՇՌ հետազոտության բացասական արդյունքը հավաստող 72 ժամ վաղեմության սերտիֆիկատ։ Հակառակ դեպքում երկիր ժամանողներին ինքնամեկուսացման ցուցում է տրվում` մինչև ՊՇՌ հետազոտության բացասական պատասխան ստանալը։
Սերտիֆիկատը պետք է լինի հայերեն, ռուսերեն կամ անգլերեն լեզվով` հետազոտությունն իրականացրած բժշկական կառույցի բոլոր կոնտակտային տվյալները և ղեկավարի անունը պարունակող ձևաթղթով։ Այնտեղ պետք է նշված լինի հետազոտված անձի անունը և ազգանունը, անձը հաստատող փաստաթղթի համարը, ծննդյան տարեթիվը, հետազոտության արդյունքը, ստորագրված կազմակերպության ղեկավարի կողմից ու հաստատված կազմակերպության կնիքով:
Ի՞նչ անել, որ Հայաստանը չներառվի զբոսաշրջային «սև ցուցակում»
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։