Գյումրվա ֆայտոն

Առեղծվածային բերդ ու գանձերի փողոց. Գյումրիում պարտադիր այցի վայրերի հնգյակը. լուսանկարներ

4154
(Թարմացված է 16:37 25.08.2019)
Հայաստանի մեծությամբ երկրորդ քաղաքը` Գյումրին, գնալով ավելի գրավիչ է դառնում զբոսաշրջիկների համար։ Անցյալ տարի այն մերձավոր արտասահմանի քաղաքներից ամենամեծ պահանջարկ ունեցողներից էր, այն առաջ էր անցել նույնիսկ Օդեսայից։ Sputnik Արմենիան ներկայացնում է Գյումրիում այցելելու համար պարտադիր վայրերի հնգյակը։

Լիլիթ Հարությունյան, Sputnik Արմենիա

Վարդանանց Հրապարակ

Վարդանանց հրապարակը քաղաքի ոչ միայն պատմական, այլև հոգևոր կենտրոնն է։ Երկու կողմից հիանալի եկեղեցիներ են` Սուրբ Աստվածածին («Յոթ վերք») ու Ամենափրկիչ, որը կառուցվել է Անիի Մայր տաճարի մոդելով։ Ճիշտ է` հիմա այն վերանորոգման մեջ է։

Церковь Сурб Аствацацин и кинотеатр Октябрь на площади Вардананц, Гюмри
© Sputnik / Lilit Harutyunyan
Գյումրու Վարդանանց հրապարակը. ձախում «Հոկտեմբեր» կինոթատրոնն է, աջում՝ Սուրբ Աստվածածին եկեղեցին

Ցարական իշխանության ժամանակ Ամենափրկիչի տաճարի դիմաց ռուսական դպրոց էր կառուցվել։ Հետագայում այն տեղափոխվել է, իսկ շենքը քանդել են, որ եկեղեցիները միմյանց դիմաց լինեն։

Հրապարակի կենտրոնական հատվածում դեռ խորհրդային տարիներից ցայտաղբյուր կա, որը մի քանի տարի առաջ «երգող» դարձավ` ի ուրախություն Գյումրու բնակիչների ու հյուրերի։ Հենց դրա դիմաց Ավարայրի ճակատամարտին նվիրված արձան կա։

Здание мэрии Гюмри
© Sputnik / Lilit Harutyunyan
Գյումրու քաղաքապետարանի շենքը

Այստեղ է գտնվում նաև քաղաքապետարանի շենքը, որը 1988 թվականի երկրաշարժի ժամանակ մասամբ քանդվել էր։ Հետագայում այն վերականգնել են։ Հրապարակում կարելի է նաև տեսնել Գյումրու ամենահին ու այս պահին միակ «Հոկտեմբեր» կինոթատրոնը։  Ռուսական կլասիցիզմի ոճով շենքը կառուցվել է հեռավոր 1926 թվականին։

Աբովյանի ու Ռիժկովի փողոցները, խաչքարերի պուրակը

Վարդանանց հրապարակում հայտնվելուց հետո պետք է անպայման զբոսնել դրան կից երկու փողոցներով` Աբովյան ու Ռիժկով, նաև այցելել Ամենափրկիչ եկեղեցու մոտի ծառուղին։

Церковь Сурб Аменапркич (Святого Спасителя) в Гюмри
© Sputnik / Aram Nersesyan
Սուրբ Ամենափրկիչ եկեղեցին

Աբովյան փողոցի ամենասկզբում, «Հոկտեմբեր» կինոթատրոնի մոտ աշխարհահռչակ գործարար ու բարերար Քըրք Քըրքորյանի արձանն է։ Այդ փողոցը հայտնի է իր տներով՝ սրբատաշ տուֆից, ճակատների վրա հետաքրքիր զարդանախշերով, դրանք խորհրդանշում են քաղաքի «ոսկե դարը»։

Установленный в Гюмри памятник Кирку Керкоряну
© Sputnik / Armenuhi Mkhoyan
Քըրք Քրքորյանի արձանը

Հենց այստեղ են գտնվում Ասլամազյան քույրերի պատկերասրահը, «Ֆրանսիա» նախկին հյուրանոցը, քաղաքային ակումբի զարդանախշ շենքը, ունևոր քաղաքացիների երկհարկ տները... Այստեղ է գտնվում XIX դարի Սուրբ Նշան եկեղեցին։

Սա իսկապես զարմանալի փողոց է քաղաքի պատմության, մշակույթի, ճարտարապետության, ավանդույթների ու արհեստների մասին գիտելիքների իսկական գանձարան։ Այնտեղ հայտնվելով ասես XIX դար ես ընկնում։

Ռիժկովի փողոցը, որը ժողովրդի մեջ ավելի շատ հայտնի է նախկին` Կիրովի փողոց անվանումով, զուգահեռ է Աբովյան փողոցին։ Հայաստանի երկրորդ քաղաքի հյուրերին այն կուրախացնի բազմաթիվ սրճարաններով, պատկերասրահներով ու հուշանվերների խանութներով։

Ամենափրկիչ եկեղեցու մոտի ծառուղին զբոսանքի համար հաճելի, գեղեցիկ շատրվաններով վայր է։ Ուշագրավ է այստեղի խաչքարների պուրակը։ Դրանք Ջուղայում վերացրած խաչքարերի կրկնօրինակներն են։

Ասլամազյան քույրերի պատկերասրահը

Բացի այդ, Աբովյան փողոցում է գտնվում Մարիամ ու Երանուհի Ասլամազյանների եզակի պատկերասրահը։ Այստեղ քույրերի նվիրած կտավների մոտ 620 բնօրինակ կա։

Галерея сестер Асламазян. Гюмри, Армения
© Sputnik / Asatur Yesayants
Ասլամազյան քույրերի պատկերասրահի մուտքը

Հիանալի առանձնատունը, որտեղ հիմա գտնվում է պատկերասրահը, 1880 թվականներին կառուցել են հարուստ վաճառականներ Քեշիշովները։

  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Armenuhi Mkhoyan
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Armenuhi Mkhoyan
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
  • Ասլամազյան քույրերի պատկերասրահում
    Ասլամազյան քույրերի պատկերասրահում
    © Sputnik / Asatur Yesayants
1 / 12
© Sputnik / Armenuhi Mkhoyan
Ասլամազյան քույրերի պատկերասրահում

Երկհարկ տունը գեղեցիկ ներքին բակով, հսկայական փայտե պատշգամբով, կառուցվել է սև տուֆից ու Ալեքսանդրապոլի՝ ժամանակվա ճարտարապետության հիանալի նմուշ է։ Այն ներառված է պետության կողմից պահպանվող մշակութային ժառանգության օբյեկտների ցանկում։

Մայր Հայաստան ու Սև բերդ

Բարձրության վրա գտնվող Սև բերդը նայողի մոտ միստիկ վախ է առաջացնում։ Սակայն դա միայն ավելացնում է սպառնալից կառույցի գրավչությունը։ Այն կառուցվել է Հայաստանի թշնամիներին վախեցնելու համար։

Միջնաբերդը, որը տեղացիները «Սև ղուլ» են անվանում, հիմնվել է 1834 թվականին ռուսական իշխանության կողմից Թուրքիայի հետ սահմանին գտնվող քաղաքն ամրացնելու համար։ Դրա կառուցումն ավելի քան տասը տարի է տևել։

Черная крепость в Гюмри
© Sputnik / Armenuhi Mkhoyan
Գյումրու Սև բերդը

Իսկ մի քանի տարի առաջ բազալտե բերդը քաղաքի ծայրամասում մշակութային կենտրոնի է վերածվել։ Այնտեղ տարբեր հասարակական միջոցռումներ ու նույնիսկ ֆեշն–ցուցադրություններ են անցկացվում։

Այն կառավարության որոշմամբ հանրապետական նշանակություն ունեցող տեսարժան վայրերի ցանկում է  ներառվել։

Միջնաբերդի մոտ խոյանում է ազդեցիկ Մայր Հայաստանը, որը հաղթանակի խորհրդանիշն է, մասնավորապես` Մեծ Հայրենական պատերազմում ունեցած։ Սա խորհրդային մոնումենտալիզմի տիպիկ նմուշ է, որը ստեղծվել է 1975 թվականին։ Ծածանվող զգեստով հպարտ կինը ձեռքում հասկ է բռնել։ Հայտնի չէ, արդո՞ք դա պատահական է ստացվել, բայց եթե Թուրքիայի կողմից ես նայում, այն վայրենի կոկորդիլոս է թվում։

Գյումրու ժողովրդական ճարտարապետության, քաղաքային կենցաղի և ազգային ճարատարապետության թանգարան, Ձիթողցոնց տուն-թանգարան

Գյումրիում անպայման պետք է այցելել նաև թանգարանը, որը հայտնի է որպես Ձիթողցոնց տուն-թանգարան։ Դա քաղաքի այցեքարտն է։

Թանգարանի վերածված հիանալի առանձնատունը երկու մասից է բաղկացած։

Այն ոչ միայն շատ բան կպատմի քաղաքի, դրա լեգենդների ու ավանդությունների մասին, այլև կփոխանցի Ալեքսանդրապոլի (1837 – 1924) ոգին։

Այս եզակի համալիրով շրջելիս պատկերացնում ես Գյումրու ծաղկունքի կենդանի պատկերը։ Դա նաև կօգնի հասկանալ` ինչու են Գյումրին անվանել «յոթ եկեղեցու քաղաք», «Հայաստանի մշակութային կենտրոն», «արվեստների ու արհեստների քաղաք»։

4154
թեգերը:
ԽՍՀՄ, Հայաստան, Գյումրի
Ըստ թեմայի
«Յար, արի Գյումրի»․ ի՞նչ է գրել Ֆրունզիկը Կիկաբիձեին ուղղված հուզիչ նամակում
Հայ խոհարարները չեն թողնում, որ Գյումրիում ծառայող ռուս զինվորները կարոտեն տնական ճաշերը
SOS-Գյումրի. գնալ, թե չգնալ Գյումրի. լուսանկարներ
Ռուսական Пятница հեռուստաալիքի զբոսաշրջային հաղորդումներից մեկը կնվիրվի Հայաստանին
 Երևանից Բաթում մեկնեց առաջին գնացքը

Մեկուկես տարվա դադարից հետո Երևանից Բաթում մեկնեց առաջին գնացքը

74
(Թարմացված է 20:20 15.06.2021)
Գնացքներն ամեն օր Երևան-Թբիլիսի-Բաթում-Երևան երթուղով կաշխատեն մինչև հոկտեմբերի 1-ը: Երևանից մեկնելու ժամը 15: 30–ն է, Բաթումից՝ 15:40-ը:

ԵՐԵՎԱՆ, 15 հունիսի - Sputnik. Մեկուկես տարվա ընդմիջումից հետո առաջին անգամ արագընթաց գնացքը Երևանից Բաթում մեկնեց։ Ուղևորները 61–ն էին։

«Հարավկովկասյան երկաթուղի» ՓԲԸ ուղևորափոխադրումների տնօրինության պետ Գագիկ Մովսեսյանը հայտնեց, որ ուղևորները 16 ժամում Բաթում կհասնեն: Գնացքի միջին արագությունը 53 կմ/ժ է: Սակայն Երևանից Գյումրի տանող ճանապարհի հատվածում գնացքը կարող է մինչև 100 կմ/ժ արագություն բացել։

«Հունիսի 10-ին նոր վագոններ ստացանք, ևս 12-ը ճանապարհին են։ Բոլորը ժամանակակից են, ամեն վագոնում 2 բիոզուգարաններով ու ցնցուղով։ Պլացկարտն օդի մաքրման համակարգ ունի», - ասաց Մովսեսյանը։

Նրա խոսքով՝ 2019 թվականին ամառային շրջանում ընթացքում փոխադրվել է 59 հազար ուղևոր, ինչը 6 անգամ ավելի շատ է, քան 2018 թվականի ցուցանիշը, երբ այդ ուղղությամբ ուղևորահոսքը կազմել էր 9 հազար մարդ:

Գնացք
© Photo : Facebook / Հարավկովկասյան երկաթուղի - Южно-Кавказская железная дорога

Նա հույս է հայտնել, որ այս տարի ուղևորափոխադրումներն ամառային սեզոնի ընթացքում կկազմի 2019 թվականի ցուցանիշի 40 տոկոսը կամ 30 հազար մարդ: Հունիսի 10-ից (երբ տոմսերը վաճառվում էին) մինչև հունիսի 15-ը 350 տոմս է վաճառվել։ Նրանցից 18-ը մեկնում են Թբիլիսի, իսկ 43-ը՝ Բաթում։

Մովսեսյանը նշեց, որ տոմսերը թանկացել են։ Գլխավոր պատճառը շվեյցարական ֆրանկի արժեզրկումն է, հենց ֆրանկով է ամբողջ աշխարհում սահմանվում երկաթուղային հաղորդակցության գինը։

«2019-ին 1 ֆրանկը 473 դրամ արժեր, 2021-ին՝ 579 դրամ։ Արդյունքում տոմսերը 4-5 հազար դրամով թանկացել են», - ասաց Մովսեսյանը։

Նա տեղեկացրեց, որ ներկայում պլացկարտի արժեքը կազմում է 15 հազար դրամ, կուպեի արժեքը՝ 22 հազար դրամ, լյուքս դասի կուպեի արժեքը՝ 24 հազար դրամ: երկտեղանոց կուպեն մինչև Բաթումի 36 հազար դրամ արժե:

Աշնան սկզբին հայկական գնացքները Փոթի և Բաթումի չեն մեկնի

Առաջին գնացքով Թբիլիսի է ուղևորվում նաև ՀԿԵ-ի ղեկավարությունը։ Նրանք պատրաստվում են վրացական կողմի հետ պայմանավորվել Սադախլո-Թբիլիսի հատվածում արագության ավելացման մասին, դա թույլ կտա նոր վագոններին գծի ողջ երկարությամբ արագություն զարգացնել մինչև այն ցուցանիշը, որը համապատասխանում է արագընթաց գնացքի հնարավորություններին:

Գնացքներն ամեն օր Երևան-Թբիլիսի-Բաթումի-Երևան երթուղով կշարժվեն մինչև հոկտեմբերի 1-ը: Երևանից գնացքը Վրաստան կմեկնի15: 30-ին, Բաթումից՝ 15:40-ին:

Մեզ հաջողվեց զրուցել նաև մի քանի ուղևորների հետ։ Նրանց թվում են ռուսաստանցի զբոսաշրջիկները, որոնք ռուսական կողմից Վրաստանի հետ փակ ցամաքային սահմանների պատճառով որոշել են Հայաստանի տարածքով Բաթում մեկնել։ Մյուս ուղևորներից ոմանք գնում էին գործուղման, ոմանք՝ տուն։

Ավելի ՀԿԵ–ի մամուլի ծառայությունը հայտնել էր, որ 11 կուպե, 6 պլացկարտ և 3 ՍՎ վագոններն արդեն բերվում են Հայաստան: Եվս 7 վագոն կմատակարարվեն մինչև հունիսի վերջ:

Արտասովոր գնացք` հայկական վագոնով. Մոսկվան ինքնատիպ նվեր է մատուցել ԵԱՏՄ–ի 5-ամյակի առթիվ

Նոր շարժակազմը Տրանսմաշխոլդինգի կազմում ընդգրկված Տվերի վագոնաշինական գործարանի  ամենաժամանակակից սերիական արտադրանքն է: Վագոններում հնարավոր է սպասարկման տարածքներ կազմակերպել՝ տեղադրելով վաճառքի մեքենաներ և սուրճի ապարատներ: Վագոնները հագեցած են զուգարանային համալիրներով` ցնցուղախցիկներով և խմելու ջրի մաքրիչներով: Ուղևորատար վագոնների բոլոր տեղերը հագեցած են էլեկտրական վարդակներով կամ USB միակցիչներով: 61-4517 մոդելի վագոնների երկտեղանոց կուպեներում կտեղադրվեն հեռուստացույցներ: Վագոններում կիրառվել է հատուկ գունային գամմա:

Հիշեցնենք, որ ՀԿԵ-ն («Ռուսական երկաթուղիների» դուստր ձեռնարկությունը) կոնցենսիոն կառավարում է Հայաստանի երկաթուղիները 2008 թվականից: Հայաստանում իշխանափոխությունից հետո իրավապահները ստուգել են երկաթուղու գործունեությունը հարկերը չվճարելու կասկածանքով, սակայն փաստերը չեն հաստատվել, և գործը կասեցվել է:

74
թեգերը:
Վրաստանի Հանրապետություն, Երևան, Բաթում, Գնացք
Ըստ թեմայի
90-ամյակը ծովափնյա հանգստից հրաժարվելու պատճառ չէ. Ռոզա տատիկը գնացքով մեկնեց Բաթում
Ես սիրում եմ գնացքով ճամփորդել. Երևան-Բաթում-Երևան «Արմենիա» գնացքը ճանապարհ ընկավ
Բեռները Փոթիից ու Բաթումից Հայաստան են տեղափոխվում սահմանված կարգով. ՀԿԵ
Գեղարդ

Լավագույն գովազդը Հայաստանի համար, որ մեր երկիրն անվտանգ է. ի՞նչ կտա Աթենքի հաղթանակը

175
(Թարմացված է 21:43 04.06.2021)
Հայաստանը պետք է ակտիվ գովազդ անի այն երկրներում, որտեղից կարող է մեծ թվով զբոսաշրջիկներ գան։ Ոլորտի զարգացման գլխավոր պայմանը անվտանգությունն ու կայունությունն է։

ԵՐԵՎԱՆ, 4 հունիսի - Sputnik, Լաուրա Սարգսյան. Հայաստանում բարձր են գնահատում մեր երկրի ընդգրկումը ՄԱԿ-ի Զբոսաշրջության համաշխարհային կազմակերպության գործադիր խորհրդում: Մասնագետները դա դրական ազդանշան են համարում զբոսաշրջության ոլորտի կայացման գործում։

Sputnik Արմենիայի թղթակցի հետ զրույցում Զբոսաշրջության ֆեդերացիայի նախագահ Մեխակ Ապրեսյանն ասաց` In TourExpo-2021 միջոցառման շրջանակում դա հերթական մեսիջն է աշխարհին, որ մեր երկիրն անվտանգ է և բաց այցելուների համար:

Ապրեսյանը նշեց, որ ՄԱԿ-ի Զբոսաշրջության համաշխարհային կազմակերպության անդամ դառնալը նշանակում է միջազգային մակարդակով ավելի շատ ինտեգրվել զբոսաշրջության ոլորտի գործընթացներին, ավելի ակտիվորեն մասնակցել կառավարմանն ու զարգացնել սեփական զբոսաշրջությունը: Բացի այդ, ոչ պակաս կարևոր է 2022 թվականին ՄԱԿ-ի Համաշխարհային զբոսաշրջային կազմակերպության  եվրոպական տարածաշրջանային հանձնաժողովի 67-րդ նիստի անցկացումը։

«Մեկ անգամ չէ, որ ասել եմ և կրկնում եմ՝ նման մակարդակով միջազգային միջոցառումների անցկացումը չափազանց կարևոր է մեր երկրի համար, հատկապես՝ պատերազմի և համավարակի ֆոնին։ Երկիր կգան բարձր պատվիրակություններ, որոնց ներկայացուցիչները կա՛մ մեկ անգամ ևս Հայաստան կայցելեն, կա՛մ կծանոթանան երկրին և կհասկանան, որ մեզ մոտ գալն անվտանգ է», - ասաց Ապրեսյանը։

Նրա խոսքով՝ մոտ ժամանակներս ֆեդերացիան մտադիր է իշխանությանն առաջարկել նիստ անցկացնել ոչ միայն ՄԱԿ-ի Զբոսաշրջության համաշխարհային կազմակերպության անդամ երկրների պաշտոնյաների մասնակցությամբ, այլև հանդիպման հրավիրել դրա հետ փոխկապակցված բոլոր գործընկերներին: Դա թույլ կտա զարգացնել շփումները նաև բիզնեսի մակարդակով, ինչը հիանալի գովազդ կդառնա երկրի համար։

Որքա՞ն վնաս է կրել Թուրքիան ռուս զբոսաշրջիկներին կորցնելու պատճառով

In TourExpo-2021 ցուցահանդեսի կազմակերպիչ, Expo-Group ընկերության տնօրեն Վահագն Միրիջանյանը Sputnik Արմենիայի հետ զրույցում նույնպես կարևորեց Աթենքում ձեռք բերված հաջողությունները:

Նա մտադիր է Զբոսաշրջության կոմիտեի հետ քննարկել 2022 թվականին միջոցառումներ կազմակերպվելու հնարավորությունը։ Ենթադրվում է, որ դրանց կմասնակցեն ինչպես տեղացիները, այնպես էլ ոլորտի օտարերկրյա ներկայացուցիչներ։

Ինչ վերաբերում է In TourExpo-2021-ին՝ Միրիջանյանը նշեց, որ ցուցահանդեսը բաց կլինի մինչև հունիսի 6-ը: Այս տարի ներկայացված է 50 ընկերություն, այդ թվում՝ ընկերություններ Արցախից։ Միրիջանյանը նշեց, որ այս տարի էլ էր դժվար էքսպո կազմակերպել։ Սովորաբար այն անցկացվում է ապրիլ-մայիս ամիսներին՝ ակտիվ սեզոնից առաջ և ուղղված է հասարակությանը ոլորտի առաջարկներին ծանոթացնելուն։

Ի՞նչ են կարծում Հնդկաստանի դեսպանն ու հյուրը Բելառուսից

Հայաստանը հայտնի ուղղություն է Հնդկաստանի և Բելառուսի զբոսաշրջիկների համար։ Սակայն երկիրն ավելի գրավիչ կդառնա քաղաքական կայունության և բացարձակ անվտանգության ապահովման դեպքում։ Սրանում համոզված է Հայաստանում Հնդկաստանի դեսպան Կիշան Դան Դևալը։ Sputnik Արմենիայի թղթակցի հետ զրույցում նա նշեց, որ թեև Հայաստանը հայտնի է հնդիկների շրջանում, սակայն գովազդային արշավ իրականացնելու խնդիր կա։

«Հայաստանը պետք է Հնդկաստանում ավելի ակտիվ գովազդի իր զբոսաշրջային ուղղությունները, քանի որ մեր երկրում շատ քիչ տեղեկություններ կան ձեր հանրապետության բնական գեղեցկությունների ու տեսարժան վայրերի մասին», - ասաց Դևալը:

Նրա խոսքով՝ երկրների միջև բիզնես ոլորտի ներկայացուցիչների մակարդակով կապ է հաստատվել, սակայն տուրօպերատորների միջև համագործակցություն չկա: Դեսպանը վստահ է, որ Հայաստանը կարող է զբոսաշրջային կարևոր ուղղություն դառնալ հնդիկների համար։

Հայաստանում հնդիկներին առաջին հերթին գրավում են բազմաթիվ հնագույն հուշարձաններն ու եկեղեցիները, երկրի բազմադարյա պատմությունը։ Դիվանագիտական ներկայացուցչության տվյալներով՝ Հայաստանում Հնդկաստանից շուրջ 3 հազար ուսանող կա։ Մինչև համավարակը` 2019 թվականին, երկիր է ժամանել 15 հազար զբոսաշրջիկ:

Էքսպոյին մասնակցող «Բելառուսի Հանրապետության նախագահի գործերի կառավարման հյուրանոցային հոլդինգ» կազմակերպության գլխավոր տնօրեն Նիկոլայ Պոդրեզենկոն նշեց, որ Հայաստանը կարող է իսկապես հետաքրքիր լինել իրենց քաղաքացիների համար:

Sputnik Արմենիայի թղթակցի հետ զրույցում նա ասաց, որ Բելառուսի քաղաքացիներին կգրավեն հայկական վանքերը, լավ եղանակը, ինչպես նաև հարմար լոգիստիկան: Երեք ժամում ինքնաթիռով կարելի է Մինսկից Երևան հասնել։

«Հաճույքով կգանք ձեզ մոտ», - ասաց Պոդրեզենկոն` ընդգծելով, որ Հայաստանում առաջին անգամ է ու հույս ունի տեսնել Սևանա լիճը:

Հայաստանի էկոնոմիկայի նախարարության Զբոսաշրջության կոմիտեի տվյալների համաձայն՝ առաջին եռամսյակում Հայաստան է ժամանել 86 հազար 524 մարդ, ինչը 72 տոկոսով պակաս է, քան 2020 թվականի նույն ժամանակահատվածում (307 հազար 590)։

Շատ տուրիստներ արդեն «հարազատ հաճախորդներ» են. Գյումրիում զբոսաշրջային ակտիվություն է

Այս տարի ամենաշատ զբոսաշրջիկները ժամանել են օդային ճանապարհով՝ 65 հազար 505 մարդ։ Ցամաքային ճանապարհով Հայաստան է հասել 21 հազար 19 մարդ, այդ թվում՝ «Բագրատաշեն» անցակետով՝ 8 հազար 773, Մեղրիով՝ 6 հազար 939, Բավրայով՝ 4 հազար 376, Գոգավանով՝ 931, Էրեբունիով՝ 968։

Միայն  ապրիլին 42 հազար մարդ Հայաստան է այցելել։

175
թեգերը:
Բելառուս, Հնդկաստան, Միավորված ազգերի կազմակերպություն (ՄԱԿ), զբոսաշրջություն, Հայաստան, Աթենք
Ըստ թեմայի
Զբոսաշրջիկների հոսքը Հայաստան կրճատվել է 72%-ով. ինչո՞ւ են փորձագետները գոհ
Ինչ ուղերձ է զբոսաշրջիկներին հղում «Երևանի գինու օրեր» փառատոնը. երբ և որտեղ կկայանա այն
Շատ տուրիստներ արդեն «հարազատ հաճախորդներ» են. Գյումրիում զբոսաշրջային ակտիվություն է
Պուտինն ու Բայդենը

Հայտնի է` ինչ նվերներ են միմյանց փոխանցել Պուտինն ու Բայդենը

0
Բայդենի տված նվերի մասին հայտնել է CNN–ի աղբյուրը, իսկ Պուտինի փոխանցած նվերի մասին` Պեսկովը։

ԵՐԵՎԱՆ, 16 հունիսի – Sputnik. ԱՄՆ նախագահ Ջո Բայդենը ռուս գործընկեր Վլադիմիր Պուտինին բյուրեղապակյա քանդակ և արևային ակնոց է նվիրել։ Տեղեկությունը հայտնում է CNN-ը՝ հղում անելով իր աղբյուրին:

Նա ասել է, որ Բայդենը «Aviator» ապրանքանիշի ակնոց է նվիրել, որից նաև ԱՄՆ նախագահն է դնում։

Ռուսաստանի նախագահի մամուլի քարտուղար Դմիտրի Պեսկովն էլ հայտնել է, որ Ռուսաստանի նախագահն իր գործընկերոջը «Մոսկվա» անվանումով գրասենյակային հավաքածու է նվիրել (խոխլոմա ոճով):

Հիշեցնենք` երկու երկրների ղեկավարների ժնևյան բանակցություններն ընդհանուր առմամբ տևել են շուրջ հինգ ժամ:

Գագաթնաժողովից հետո հայտնի դարձավ, որ նրանք համատեղ հայտարարություն են ընդունել, որում իրենց հավատարմությունն են հայտնել ռազմավարական կայունության սկզբունքներին:

0