Եգիպտոս

Նոր սկանդալ` զբոսաշրջային ընկերության շուրջ. 10 ՀՀ քաղաքացի մնացել են Եգիպտոսում

1912
(Թարմացված է 11:25 04.10.2019)
Եգիպտոսում մնացած ՀՀ քաղաքացիների թվում 4 երեխա կա։

ԵՐԵՎԱՆ, 13 օգոստոսի — Sputnik. Շարմ էլ Շեյխում հանգստացող 10 ՀՀ քաղաքացի մնացել են Եգիպտոսի փողոցներում։ Նրանք չեն կարողանում շարունակել հանգիստը կամ հայրենիք վերադառնալ իրենց հանգիստը կազմակերպած Info Travel տուրիստական ընկերության մեղքով։ Այս մասին Sputnik Արմենիայի թղթակցի հետ զրույցում ասաց Եգիպտոսում հանգստացողներից մեկը։

Երեք ընտանիք Info Travel զբոսաշրջային ընկերությունից 11 օրվա տուրփաթեթներ է ձեռք բերել` 1850 դոլար, 2850 դոլար և 1650 դոլար արժողությամբ։ Մեր զրուցակցի խոսքով` Info Travel զբոսաշրջային ընկերությունը տուրփաթեթ է կազմել, օգտվելով երկու տարբեր տուրօպերատորների ծառայություններից` համապատասխանաբար նրանցից վերցնելով 6 օրվա և 5 օրվա հանգստի տոմսեր։ Առաջին վեց օրվա ավարտից հետո պարզվել է, որ հյուրանոցում մնալու ժամկետը սպառվել է, իսկ հաջորդ 5 օրերի համար վճարված չէ։

«Մեզ հետ 4 երեխա կա, երեխաս վաղը պետք է 1 տարեկան դառնա, որոշել էինք այստեղ նշել։ Բայց հիմա փողոցում ենք մնացել, մեզ դուրս են հանել համարից», – ասաց մեր զրուցակիցը։

Ինչպես չսխալվել Հայաստանում տուրօպերատոր ընտրելիս. փորձագետի խորհուրդները

Նրա խոսքով` Եգիպտոսում Հայաստանի դեսպանատան հետ նրանք չեն կարողանում կապ հաստատել. այնտեղ ոչ ոք հեռախոսազանգերին չի պատասխանում։ Սեփական միջոցների հաշվին հյուրանոցում համար ամրագրել նույնպես չի հաջողվում` հյուրանոցների ծանրաբեռնվածության պատճառով։ Ազատ համարներ չկան։

«Երեկվանից կապի մեջ ենք ընկերության տնօրեն Նոյեմ Շահինյանի հետ։ Սակայն նա ամեն անգամ նոր բաներ է մեզ ասում. մեկ` սպասեք, ձեզ այլ հյուրանոցում կտեղավորենք, մեկ դուք համար գտեք, ձեզ գումար կփոխանցենք։ Իսկ գործնականում` ոչինչ չի արվում», – ասաց նա։

Նա ընդգծեց, որ Եգիպտոսում մնացած ՀՀ քաղաքացիների հետ կապված աղմկահարույց պատմությունից հետո, Շահինյանը նրանց վստահեցնում էր, որ որևէ խնդիր չի առաջանա։

Sputnik Արմենիան փորձել է կապ հաստատել Շահինյանի հետ։ Զբոսաշրջային ընկերությունում մեզ պատասխանեցին, որ Եգիպտոսում մնացած ՀՀ քաղաքացիների մասին տվյալներ չունեն և խնդրեցին ավելի ուշ զանգահարել` պատասխանատու անձի հետ զրուցելու համար։

Տուրիստական ընկերության ընտրության հարցն ավելի քան արդիական է դարձել A&R Tour տուրօպերատորի հետ պատահած միջադեպից հետո։ Հայաստանցի զբոսաշրջիկները հուլիսի 24–ին չէին կարողացել Եգիպտոսից հայրենիք վերադառնալ տուրօպերատորի հետ առաջացած խնդիրների պատճառով։ Դեպի Եգիպտոս (Շարմ էլ Շեյխ և Հուրգադա) տոմսեր են վաճառվել, իսկ ավելի ուշ այդ ուղղություններով չվերթերը չեղարկել են, քանի որ ընկերությունը փոխադրողին չարթերի դիմաց գումարը չի փոխանցել։ Կառավարությունը միջամտել էր, երեք չարթերային չվերթ էր իրականացվել։

1912
թեգերը:
խաբեություն, Հյուրանոց, դեսպանատուն, զբոսաշրջություն, Զբոսաշրջիկ, Եգիպտոս
Ըստ թեմայի
Չկայացած հանգիստ. Եգիպտոսում մնացած ՀՀ քաղաքացիների թիվը կարող է ավելանալ
Ինչպես «Զվարթնոց» օդանավակայանում դիմավորեցին Եգիպտոսում մնացած զբոսաշրջիկներին. տեսանյութ
Արտասահմանում հանգստանալը կթանկանա. գիշերել հյուրանոցի սպասասրահում, թե՞ ավելի շատ վճարել
Զբոսաշրջիկներ. արխիվային լուսանկար

Ռուսաստանցիները նախընտրում են հանգստանալ Հայաստանում. ուրիշ որտեղի՞ց սպասել զբոսաշրջիկների

182
(Թարմացված է 22:08 30.04.2021)
Հայաստանը զբոսաշրջային այցերի առումով թիրախային է համարում Ռուսաստանն ու մի շարք ԱՊՀ երկրներ։ Ակտիվ համագործակցություն է հաստատվել գերմանական և ֆրանսիական շուկաների հետ։

ԵՐԵՎԱՆ, 30 ապրիլի – Sputnik. 2021 թվականի առաջին եռամսյակի արդյունքներով` Ռուսաստանը շարունակում է առաջատարների ցանկում մնալ Հայաստան կատարած զբոսաշրջային այցելությունների թվով։ Բացի այդ, սպասվում է, որ առաջիկայում այդ ցուցանիշն աճելու է։ Այս մասին Sputnik Արմենիայի թղթակցի հետ զրույցում ասաց ՀՀ էկոնոմիկայի նախարարության զբոսաշրջության կոմիտեի հանրային կապերի և թվային մարքեթինգի գծով փորձագետ Գայանե Այվազյանը։

Ավելի վաղ հայտնի էր դարձել, որ «Սբերբանկ ապահովագրություն» և Tutu.ru–ի տվյալների հիման վրա իրականացված ուսումնասիրությունների արդյունքներով` Հայաստանը համալրել է մայիսյան տոներին ռուսաստանցիների արտասահմանյան ուղևորությունների ամենապահանջված ուղղությունների ցանկը։ Ռուսաստանցիների մեծ մասը տոմսեր են ամրագրում մերձավոր արտասահմանի երկրներ` Հայաստան, Մոլդովա, Ղրղզստան, Բելառուս, Ադրբեջան և Ուզբեկստան մեկնելու համար։ 

Հայաստանը կարող է դառնալ տարածաշրջանի առաջին երկիրը, որ կվերականգնի զբոսաշրջության ոլորտը

Այվազյանի խոսքով` վերջնական վիճակագրական տվյալները կոմիտեն կհրապարակի առաջիկայում։ Սակայն արդեն հայտնի են նախնական տվյալները։

«2021 թվականի առաջին եռամսյակում 2020 թվականի նույն ժամանակահատվածի համեմատ մեզ մոտ զբոսաշրջային հոսքի 70-տոկոսանոց անկում է գրանցվել։ Դա կապված է այն բանի հետ, որ մինչև մարտի կեսերը մեր երկրում դեռ պահպանվում էր զբոսաշրջային ակտիվությունը։ Այնուհետև լոքդաուն եղավ, որը փոխեց պատկերը», – ասաց Այվազյանը։

Միևնույն ժամանակ, նա նաև լավ նորություններ հայտնեց։ 2021 թվականի մարտին իրավիճակը դեպի լավն է փոխվել։ Ընդ որում, դինամիկան գլխավորապես պայմանավորված է Ռուսաստանից զբոսաշրջային այցելությունների քանակով։ Այնուհետև գալիս են Իրանն ու Ուկրաինան։ Այվազյանը նշեց, որ Նովրուզին Հայաստան են այցելել մեծ թվով իրանցիներ։

Նրա խոսքով` այդ աճը ենթադրում է, որ երկրորդ և երրորդ եռամսյակներում իրավիճակն առաջինի համեմատ կբարելավվի։ Այցելուների թվով ակտիվության նոր ալիք կլինի ամռանը։

Ընդհանուր առմամբ, առավել շատ զբոսաշրջիկներ Հայաստանում այս տարի սպասվում են Ռուսաստանից և ԱՊՀ այն երկրներից, որոնք մտնում են «հայկական թիրախային խմբի մեջ»։ Եվրոպական ուղղությամբ աշխատանքներ են տարվում Գերմանիայի և Ֆրանսիայի հետ։

«Ներկա պահին մենք թվային հարթակներ ենք ակտիվացրել և գովազդային արշավներ ենք տանում մեր թիրախային լսարանների հետ։ Ռուսաստանցի զբոսաշրջիկների մասով մենք չենք սահմանափակվում միայն մայիսյան տոներով», – ասաց Այվազյանը։

Բացի այդ, ռուսական շուկայում Հայաստանը պահանջված ուղղություն դարձնելու նպատակով կոմիտեն մի շարք քայլեր է ձեռնարկում։ Համագործակցություն է հաստատվել տարբեր առցանց պարբերականների, բլոգերների, ավիաընկերությունների հետ։ Մայիսի կեսերին «Поедем, поедим» և «По секрету всему свету» ռուսական հաղորդումների շրջանակում Հայաստանի մասին ռեպորտաժներ կցուցադրեն։

Ներկա պահին քննարկումներ են գնում երկիր մուտք գործելը պարզեցնելու այն երկրների քաղաքացիների համար, որոնց վիզա է անհրաժեշտ, այն դեպքում, երբ խոսքը խմբային տուրերի մասին է։ Բացի այդ, հնարավոր է, որ Հայաստանը չեղարկի ՊՇՌ թեստերի արդյունքների առկայության անհրաժեշտությունը արդեն իսկ պատվաստված քաղաքացիների համար։

Ի՞նչ անել, որ զբոսաշրջիկների համար Հայաստանը վտանգավոր երկրների ցանկից դուրս գա

Հայաստանում մայիսի կեսերին զբոսաշրջիկների մեծ հոսք են սպասում նաև Իսրայելից. Թել–Ավիվ–Երևան ուղիղ չվերթեր են գործարկվելու։

Հիշեցնենք, որ ՀՀ էկոնոմիկայի նախարարության 2020 թվականի հունվար–սեպտեմբեր ամիսների տվյալներով` 2019 թվականի նույն ժամանակահատվածի համեմատ զբոսաշրջիկների թիվը կրճատվել է 75,5%–ով։ Ընթացիկ տարում Հայաստան է այցելել 327 735 մարդ։ Ընդ որում, 2020 թվականի համար մասնագետները զբոսաշրջային հոսքի 14-15% աճ էին կանխատեսել։ Զբոսաշրջության համաշխարհային կազմակերպության 2020 թվականի հունվար–հոկտեմբեր ամիսների տվյալներով` զբոսաշրջային ոլորտում անկումը կազմել է 72%, 900 մլն մարդով պակաս է ճանապարհորդել անցած տարվա նույն ժամանակահատվածի համեմատ։

Մեկի փոխարեն երկու անձնագիր՝ հանուն զբոսաշրջության ու ընդդեմ կորոնավիրուսի

182
թեգերը:
Ռուսաստան, Հայաստան, զբոսաշրջություն, Զբոսաշրջիկ
Ըստ թեմայի
Հայաստանի զբոսաշրջության ոլորտի ներկայացուցիչներն ահազանգում են «պատային իրավիճակի» մասին
Դահուկներ, ճոպանուղի, ձյուն. ինչ արդյունքներ է տվել ձմեռային զբոսաշրջությունը Ծաղկաձորում
Աշխարհում Հայաստանի իմիջի փոփոխություն և ոչ միայն. ինչպես փրկել զբոսաշրջային ոլորտը
Կադրային փոփոխություննե՞ր, թե՞ փրկության փորձ. ի՞նչ է կատարվում զբոսաշրջության ոլորտում
Արխիվային լուսանկար

Հայաստանում 1 մլն մարդ արտագնա տուրիզմն է նախընտրում. Մհեր Գրիգորյան

43
(Թարմացված է 11:55 15.04.2021)
Փոխվարչապետը կարծում է`կարևորն այն է, որ ներքին տուրիզմի ենթակառուցվածքները մրցակցային լինեն։

ԵՐԵՎԱՆ, 15 ապրիլի - Sputnik. ՀՀ փոխվարչապետ Մհեր Գրիգորյանը կարծում է, որ այս տարի տուրիստական հոսք ենք ունենալու։ Գրիգորյանն ԱԺ նիստի ժամանակ նման կարծիք հայտնեց` հավելելով, որ Հայաստանն այն քիչ երկրներից մեկն է, որը հնարավորություն է տալիս ուղղակի տոմս գնել և գալ ՀՀ։

«Կորոնավիրուսը ցույց տվեց, որ ներքին և արտագնա տուրիզմի խնդիրները պետք է միշտ ուսումնասիրենք։ Արտագնա տուրիզմի արգելքների առնչությամբ ներքինը որոշակի աճ ունեցավ նախորդ տարի, սակայն կարևորն այն է, որ ներքին տուրիզմի ենթակառուցվածքները մրցակցային լինեն»,–ասաց փոխվարչապետը։

Նա հայտնեց նաև, որ Հայաստանում 1 մլն մարդ արտագնա տուրիզմն է նախընտրում և պետք է մտածել, թե որն է պատճառը, որ այդքան մարդ նախընտրում է դրսում հանգստանալ։ Գրիգորյանը նշեց` եթե ինքներս, օրինակ, Դենդրոպարկ գնանք, հետո այնքան կպատմենք, որ դրսում գտնվողների համար էլ այն հրապուրիչ կթվա։

30 նոր ուղղություն. ներքին տուրիզմի մասնագետներն իրավիճակից դուրս գալու ելքեր են փնտրում

Հիշեցնենք, որ ապրիլի 6-ին զբոսաշրջության կոմիտեն հայտարարություն տարածեց` ասելով, որ հաշվի առնելով վերջին օրերին կորոնավիրուսային վարակով հիվանդացության աճը՝ կոմիտեի կողմից հավաքագրվում են հյուրանոցային տնտեսության օբյեկտներ, որոնք պատրաստակամ են ծառայել որպես կացարան անձանց մեկուսացման համար։

Ուրբաթը շաբաթից շուտ եկավ. տուրիզմի ոլորտին «ռեանիմատոլոգներ» են պետք

43
թեգերը:
Հայաստան, Մհեր Գրիգորյան, զբոսաշրջություն
Ըստ թեմայի
Հայաստանը կարող է դառնալ տարածաշրջանի առաջին երկիրը, որ կվերականգնի զբոսաշրջության ոլորտը
Ռուսաստանը փակում է Թուրքիայի օդը. ի՞նչ է լինելու 2021 թվականի զբոսաշրջային սեզոնի հետ
Մալթան պատրաստ է մինչև 200 եվրո վճարել յուրաքանչյուր զբոսաշրջիկի
Երուսաղեմ

Հրթիռի առաջ բոլորը հավասար են. Իսրայելի հայերը` ռմբակոծության տակ կյանքի մասին

72
(Թարմացված է 00:00 18.05.2021)
Պաղեստինա-իսրայելական հակամարտության սրումը չէր կարող չանդրադառնալ Իսրայելի հայ համայնքի վրա։ Թե ինչով և ինչպես են ապրում հայերն այս օրերին, պարզել է Sputnik Արմենիան։

ԵՐԵՎԱՆ, 17 մայիսի – Sputnik. Իսրայելի հայ համայնքը փորձում է որքան հնարավոր է` սովորական ռեժիմով ապրել, զբաղվել առօրյա հոգսերով։ Բնակչությունը, չնայած ռմբակոծություններին և ավերածություններին, խուճապահար չէ, և այս հարցում Իսրայելի իշխանությունների հսկայական վաստակը կա, որոնք, մեր հայրենակիցների կարծիքով, պատրաստ էին ստեղծված իրավիճակին։

Հայկական թաղամասը

Երուսաղեմի հայոց թեմի գրասենյակի ղեկավար Հովնան Բաղդասարյանը Sputnik Արմենիայի թղթակցի հետ զրույցում նշեց, որ հայկական թաղամասը Երուսաղեմի ուղղությամբ հրթիռային հարվածից չի տուժել: Ընդհանուր առմամբ, հոգևոր և աշխարհիկ կյանքն այստեղ սովորական հունով է ընթանում։

«Այստեղ ամեն ինչ հանգիստ է, ավերածություններ, տուժածներ, տարհանվածներ չկան։ Սակայն հրթիռային հարվածները շարունակվում են Իսրայելի հարավում, որտեղ նույնպես կան մեր հայրենակիցներից»,-ասաց Բաղդասարյանը` ավելացնելով, որ հայրապետության տվյալներով՝ այնտեղ ևս տուժած հայեր չկան։

Հոգևորականը պատմեց, որ պետությունը հոգ է տարել իր քաղաքացիների մասին և բոլոր բնակելի շենքերը հագեցած են ռմբապաստարաններով։ Ազդանշանը լսելուն պես բնակիչներն անմիջապես իջնում են այնտեղ։

Արյունախեղդ Պաղեստինը. Գազայի հատվածին հասցված հարվածների զոհերը` լուսանկարներում

Բաղդասարյանը նշեց, որ արաբների և հրեաների միջև բախումներն Իսրայելի ներսում տեղի են ունեցել «խառը» քաղաքներում (այդպես են անվանում քաղաքները, որտեղ կողք-կողքի հրեաներ և արաբներ են ապրում)։ Ընդհանուր առմամբ` նա նշեց, որ հայ համայնքում սրացման առաջին օրվանից խուճապ չի եղել, հայկական վարժարանները շարունակում են գործել, եկեղեցիներն ու գրասենյակներն աշխատում են։

«Մեզ մոտ խուճապ ու վախ չկա»,-ասաց Բաղդասարյանը։

Հրթիռի առաջ բոլորը հավասար են

Հրթիռի առաջ բոլորը հավասար են, և դա հստակ գիտակցում են Իսրայելի իշխանությունները, որոնք միանման հոգածությամբ են վերաբերում բոլոր քաղաքացիներին՝ անկախ նրանց էթնիկ պատկանելությունից։ Sputnik Արմենիայի հետ զրույցում նման կարծիք հայտնեց տեղի հայ համայնքի ներկայացուցիչ Տիգրան Մամաջանյանը։

Թուրքիան կաջակցի պաղեստինցիներին այնպես, ինչպես Ղարաբաղում սատարեց Բաքվին. Էրդողան

Նրա խոսքով` հիանալի են աշխատում նաև փրկարար ծառայությունները, որոնք շատ արագ արձագանքում են արտակարգ իրավիճակներին։ Օրինակ՝ հրթիռը որոշակի վայր ընկնելու դեպքում փրկարարներն անմիջապես գալիս են դեպքի վայր, մարում հրդեհը, անհրաժեշտության դեպքում ՝ տարհանում մարդկանց։

«Մենք փորձում ենք սովորական ռեժիմով ապրել։ Ովքեր աշխատում են` շարունակում են աշխատանքի գնալ, շատերը ստիպված են տանը մնալ և երեխաներին հետևել, քանի որ որոշ քաղաքներում դպրոցներն ու մանկապարտեզները փակ են»,-ասաց Մամաջանյանը։

Իսրայելի բոլոր սփյուռքահայկական կազմակերպությունները սերտ կապ են պահպանում։ Ճշտված տվյալներով՝ մինչ այժմ էթնիկ հայերի շրջանում հրթիռային հարձակումների հետևանքով տուժածներ չկան: Մամաջյանը նաև ընդգծեց, որ չեն տուժել նաև հայկական ճարտարապետական հուշարձանները:

Ընդհանուր առմամբ, ըստ նրա, կարելի է հանգել այն եզրակացության, որ պետությունը պատրաստ է այս տեսակի պատերազմին։ Միակ բանը, որ մեր հայրենակիցներին անհանգստացնում է այս օրերին, այն է, որ Իսրայելի տարբեր քաղաքներում արաբ բնակչությունը ջարդեր է կազմակերպում ի աջակցություն պաղեստինցիների։

Ըստ հայկական աղբյուրների՝ հայկական արքայական տոհմերի ներկայացուցիչները Երուսաղեմ են ժամանել դեռևս 4-րդ դարում։ Նրանք այստեղ տներ են կառուցել, որոնց նմանությամբ էլ հետագայում կառուցվել է ամբողջ հայկական թաղամասը։

Պաղեստինը չի ուզում, որ Անկարան պաղեստինյան սրացումը համեմատի Ղարաբաղի իրավիճակի հետ

72
թեգերը:
հայեր, ռմբակոծություն, Պաղեստին, Իսրայել
Ըստ թեմայի
Որո՞նք են իսրայելա-պաղեստինյան առճակատման պատճառները
3 երկիր ՄԱԿ-ի ԱԽ-ի նիստ անցկացնելու առաջարկ է արել իսրայելա-պաղեստինյան հարցի առնչությամբ
«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում