Երևան

Երևանը հայտնվել է ռուսաստանցի թոշակառուների նախընտրած քաղաքների ցանկում

98
(Թարմացված է 00:14 25.07.2019)
Ուսումնասիրության ընթացքում փորձագետները վերլուծել են վերջին մեկ տարվա ընթացքում 65 տարեկանից մեծ զբոսաշրջիկների չվերթների ամրագրումները։

ԵՐԵՎԱՆ, 25 հուլիսի — Sputnik.  Ռուսաստանցի թոշակառուների շրջանում ամենամեծ պահանջարկը վայելող տասը ուղղությունների ցանկում ընդամենը երկու արտասահմանյան քաղաք կա` Երևանն ու Թել Ավիվը։ Այս քաղաքներ են ուղևորվում թոշակի տարիքի զբոսաշրջիկների համապատասխանաբար 2,3% ու 1,6%–ը։ Այս մասին հայտնում է Aviasales ավիատոմսերի որոնման մամուլi ծառայությունը։

Բայց ռուսաստանցի թոշակառուների մեծ մասը նախընտրում է հայրենիքում հանգստանալ։

Ուսումնասիրության ընթացքում փորձագետները վերլուծել են վերջին մեկ տարվա ընթացքում 65 տարեկանից մեծ զբոսաշրջիկների չվերթերի ամրագրումները։ Պարզվել է` ամենապահանջված ուղղությունը Մոսկվան է. այնտեղ են մեկնում նշված խմբի զբոսաշրջիկների 27%-ը։

Երկրորդ տեղում Սանկտ Պետերբուրգն է (7%), երրորդ տեղում` Սիմֆերոպոլը` (6%), չորրորդ տեղում` ՄինՎոդին (2,5 %)։ Առաջին հնգյակը եզրափակում է Սոչին (2,3%)։

Հուլիսին Aviasales–ի փորձագետները թվարկել էին ռուսաստանցիների կարծիքով հանգստի համար ամենավտանգավոր երկրները։ Հարցվողների մեծ մասը նշել էր Սոմալին։ Այդ երկիր ուղևորվելուց հրաժարվում են պատերազմների, գողությունների, զբոսաշրջիկների վրա կատարած հարձակումների ու սպանությունների պատճառով։ Երկրորդ տեղում Հնդկաստանն է` հիգիենայի վատ պայմանների պատճառով։

98
թեգերը:
Զբոսաշրջիկ, Տատիկ, թոշակառու, Թոշակ, Ռուսաստան, Երևան, Հայաստան
Ըստ թեմայի
Հայաստանում 2019 թվականին աճել է ռուսաստանցի զբոսաշրջիկների թիվը
Վրաստանում զբոսաշրջիկների մեքենան գլորվել է զառիթափից. զոհեր կան
Ռուսաստանցիները կգնահատեն դա. ինչպե՞ս կտրուկ ավելացնել զբոսաշրջիկների հոսքը Հայաստան