Զբոսաշրջիկներ

Երևանն այն քաղաքների շարքում է, ուր ռուսաստանցիներն ուղարկում են իրենց երեխաներին

135
Ռուսաստանաբնակներն իրենց երեխաներին հիմնականում ուղարկում են Ղրիմ ու Բուլղարիա, բայց շատերը նախապատվությունը տալիս են Հայաստանին։

ԵՐԵՎԱՆ, 21 հունիսի — Sputnik. Երևանն ընդգրկվել է այն քաղաքների ցանկում, ուր 2019թ–ին նախընտրում են իրենց երեխաներին հանգստի ուղարկել ռուսաստանցիները։ Այս մասին հայտնում է Biletix–ը։

Ամենատարածված ուղղություններն են Ղրիմը և Բուլղարիայի հանգստավայրերը։ Իսկ 7-17 տարեկան երեխաների համար ծնողներն ընտրում են Սոչի, Անապա, Կրասնոդար և Գելենջիկ քաղաքները, ինչպես նաև Սալոնիկը (Հունաստան), Բարսելոնան (Իսպանիա), Երևանը (Հայաստան) և Թբիլիսին (Վրաստան)։

«Տուրստատի» տվյալներով` Հայաստանում ռուսաստանցի զբոսաշրջիկների թիվն անցած տարվա համեմատ 2019թ–ի առաջին եռամսյակում աճել է 19 տոկոսով` կազմելով 94 հազար մարդ։

Հայաստանում 2019 թվականին աճել է ռուսաստանցի զբոսաշրջիկների թիվը

Հիշեցնենք, որ վերջին հինգ տարիների ընթացքում Ռուսաստանը մշտապես հայտնվում է այն երկրների հնգյակում, որոնք առաջատար են Հայաստան այցելող քաղաքացիների թվով։ 2018թ–ին Հայաստան են ժամանել Ռուսաստանի 684 հազար քաղաքացիներ։ Երկրորդ տեղում Վրաստանն է (314 հազար), երրորդ տեղում` Իրանը (մոտ 160 հազար), ԱՄՆ–ն գտնվում է չորրորդ տեղում (54 հազար), իսկ Ուկրաինան` հինգերորդ (30 հազար)։

 

 

135
թեգերը:
Երևան, Ռուսաստան, Զբոսաշրջիկ, Հայաստան
Ըստ թեմայի
«Սևանը երբեք այսպիսին չեք տեսել». 22-ամյա Հայրապետը զբոսաշրջիկներին նոր տրանսպորտ կնստեցնի
Զբոսաշրջիկին տեղափոխող տաքսիները չպետք է հիասթափեցնեն. Շիրակի մարզպետ
Հայերի ստեղծած գլուխգործոցները Թուրքիայում. ինչի՞ մասին զբոսաշրջիկներին չեն պատմում