Զբոսաշրջիկներ Հանրապետության հրապարակում

Ռուսաստանցիները կգնահատեն դա. ինչպե՞ս կտրուկ ավելացնել զբոսաշրջիկների հոսքը Հայաստան

161
(Թարմացված է 19:05 20.06.2019)
Փորձագետները պատմեցին Հայաստանի զբոսաշրջային ոլորտում դրական միտումների մասին, ինչպես նաև բացատրեցին` ինչպես կարելի է ավելի լուրջ հաջողության հասնել այդ ուղղությամբ։

ԵՐԵՎԱՆ, 20 հունիսի — Sputnik, Լաուրա Սարգսյան. Հնագույն պատմություն, բազմաթիվ տեսարժան վայրեր և հյուրընկալություն. ահա թե ինչն է գրավում ռուսաստանցի զբոսաշրջիկներին Հայաստանում։ Բայց ոլորտում կարելի է հասնել ավելի բարձր արդյունքների։

Sputnik Արմենիայի հետ հարցազրույցում նման կարծիք հայտնեց Ռուսաստանի տուրիզմի միջազգային ակադեմիայի (ՌՏՄԱ) ռեկտոր, քաղաքական գիտությունների դոկտոր, պրոֆեսոր Եվգենի Տրոֆիմովը։

Այս օրերին Երևանում գտնվում Տրոֆիմովը մասնակցել է Ռուսաստանի տուրիզմի միջազգային ակադեմիայի (ՌՏՄԱ) 50–ամյակի միջոցառմանը` կազմակերպված ակադեմիայի միակ արտասահմանյան մասնաճյուղում` Տուրիզմի հայկական ինստիտուտում։

Զբոսաշրջիկներ ներգրավելու մեջ ոչ պակաս կարևոր դեր է խաղում այնպիսի գործոն, ինչպիսին է Հայաստանի և Ռուսաստանի միջև բազմադարյա բարեկամական հարաբերությունը։ Տրոֆիմովը նշեց, որ ռուսաստանցիները նաև բարձր են գնահատում հարուստ հայկական մշակույթը։

  • Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    © Sputnik / Asatur Yesayants
  • Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    © Sputnik / Asatur Yesayants
  • Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    © Sputnik / Asatur Yesayants
  • Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան
    © Sputnik / Asatur Yesayants
1 / 4
© Sputnik / Asatur Yesayants
Ռուսաստանի տուրիզմի միջազգային ակադեմիայի 50 ամյակը. 20 հունիսի 2019 թ., Երևան

Պրոֆեսորի խոսքով` թեև Ռուսաստանից Հայաստան մեկնողները բավական շատ են` տարեկան ավելի քան 600 հազար, սակայն այդ ցուցանիշը կարող է երեք անգամ բարձր լինել։ Դրա համար զբոսաշրջային ընկերությունները պետք է քննարկեն նոր ծառայությունների, դրանց որակի և արժեքի հետ կապված  հարցերը։

Տուրիզմի հայկական ինստիտուտի ռեկտոր Ռոբերտ Մինասյանը համակարծիք է ռուս գործընկերոջ հետ։

Բացի այդ, նա վստահ է, որ արդեն թվարկված առավելություններից բացի հանրապետությունը հետաքրքրում է շատ այցելուների նաև գիտական տեսանկյունից։

«Առանց գիտության չի կարող զարգանալ ոչ մի ոլորտ։ Մենք կարող ենք աշխարհին ներկայացնել մեր բազմաթիվ գիտական ձեռքբերումները», – կարծում է Մինասյանը։

Ռեկտորի կարծիքով` միայն գովազդով անհնար է հասնել զբոսաշրջիկների զգալի հոսքի։

Ректор Армянского Института Туризма Роберт Минасян на 50-летии основания Российской Междунанодной Академии Туризма (20 июня 2019). Еревaн
© Sputnik / Asatur Yesayants
Տուրիզմի հայկական ինստիտուտի ռեկտոր Ռոբերտ Մինասյանը

«Մենք` որպես գիտակրթական կազմակերպություն, երեք տարի շարունակ պատրաստել ենք «Ռուսական հետք» գիտազբոսաշրջային գիտարշավ։ Մենք նոր զբոսաշրջային պրոդուկտ ենք ստեղծել ակադեմիայի հետ հենց ռուսական շուկայի համար», – ասաց Մինասյանը։

Նա վստահ է, որ հաջողության կարելի է հասնել` աշխատելով և ստեղծելով զբոսաշրջային պրոդուկտներ` կողմնորոշված դեպի կոնկրետ շուկան, հաճախորդների կոնկրետ կատեգորիա, այլապես ոչինչ չի ստացվի։

Մինասյանի կարծիքով` դրանով պետք է զբաղվեն պրոֆեսիոնալները, և բուհը պատրաստում է նոր կադրեր, որոնք պահանջված են շուկայում։

Իր հերթին Տուրիզմի հայկական ֆեդերացիայի նախագահ Մեխակ Ապրեսյանը նշեց, որ վերջին տարիներին հանրապետությունում այդ ոլորտը բարձրացել է զարգացման նոր մակարդակ։ Օրինակ, եթե 2000թ–ին Հայաստանում զբոսաշրջիկների թիվը կազմել է ընդամենը 45 հազար մարդ, ապա հիմա այդ ցուցանիշն աճել է մոտ 10 անգամ` կազմելով 1 միլիոն 652 հազար մարդ։

«Մեզ մոտ ձևավորվել է միասնական զբոսաշրջային պրոդուկտ, զարգանում է ենթակառուցվածքը։ Եթե 2000–ականներին Երևանում ընդամենը մի քանի հյուրանոց կար, որոնք կարող էին ընդունել զբոսաշրջիկներին, ապա այսօր դրանք ամբողջ երկրում ավելի քան 500 են, և մեծամասնությունը` մարզերում», – ասաց Ապրեսյանը։

Հիշեցնենք, որ վերջին հինգ տարիների ընթացքում Ռուսաստանը մշտապես հայտնվում է այն երկրների հնգյակում, որոնք առաջատար են Հայաստան այցելող քաղաքացիների թվով։ 2018թ–ին Հայաստան են ժամանել Ռուսաստանի 684 հազար քաղաքացիներ։ Երկրորդ տեղում Վրաստանն է (314 հազար), երրորդ տեղում` Իրանը (մոտ 160 հազար), ԱՄՆ–ը գտնվում է չորրորդ տեղում (54 հազար), իսկ Ուկրաինան` հինգերորդ (30 հազար)։

161
թեգերը:
Հայաստան, բուհ, Զբոսաշրջիկ
Ըստ թեմայի
Հաճելի հանգիստ. Սևանա լիճ կարելի է հասնել նաև հարմարավետ էլեկտրագնացքով
«Էրեբունի» ամրոցում շուտով կլինեն նորմալ պայմաններ. Միքայել Բադալյան
Պատմական չվերթ` Երևանից Վան. Հայաստանի 1–ին և վերջին մայրաքաղաքներին 35 րոպե է բաժանում
Ինչպես հարստանալ ու հարստացնել Հայաստանը. Փաշինյանի կոչը` Իտալիայի գործարարներին
Արխիվային լուսանկար

Ներքին զբոսաշրջությունը չի փրկի. ինչն է Հայաստանում «սպանում» տուրօպերատորներին

684
(Թարմացված է 23:21 05.08.2020)
Զբոսաշրջության ոլորտի ներկայացուցիչները կարծում են, որ ներքին զբոսաշրջության հաշվին համավարակին դիմադրելու՝ իշխանությունների առաջարկը քննադատությանը չի դիմանում։

ԵՐԵՎԱՆ, 5 օգոստոսի – Sputnik. Համավարակով պայմանավորված փակ սահմանների պատճառով զբոսաշրջության ոլորտը Հայաստանում վերացման եզրին է։ Զբոսաշրջային ընկերությունները բողոքում են, որ կառավարությունը չի խոսում նույնիսկ իրավիճակի լավացման աղոտ հեռանկարների մասին։

Ավելի վաղ ՀՀ վարչապետ Նիկոլ Փաշինյանը նշել էր, որ մինչև զբոսաշրջության շրջանի ավարտը միջազգային չվերթերը Հայաստանում չեն վերականգնվի։ Նա ասել է, որ դա լավ հնարավորություն է մեր երկրի նոր անկյունները բացահայտելու համար։

Սակայն ոլորտի ներկայացուցիչները վստահ են, որ ներքին զբոսաշրջությունը չի կարող իրենց համար փրկություն դառնալ։ My Georgia Travel-ի հայկական գրասենյակի ղեկավար Անուշ Եղիազարյանը Sputnik Արմենիայի հետ զրույցում մանրամասն ներկայացրեց շուկայում տիրող իրավիճակը: Այս ոլորտն աշխատանք էր ապահովում հյուրանոցների, ռեստորանների, հյուրատների անձնակազմերի, նաև զբոսավարների ու վարորդների համար։

Եկամուտն արտագնա ու ներքին զբոսաշրջությունից

Եղիազարյանի խոսքով՝ զբոսաշրջության գործակալությունների աշխատանքի միջին միջնորդավճարը մոտ 7% է։

«Ուրեմն պատկերացրեք․ ես 1200 դոլար արժողությամբ տուր եմ վաճառել, ինձ դրա 7%-ն է հասնում։ Ես օրական, որպես զբոսաշրջային գործակալ, ասենք` 10 նման տուր եմ վաճառում։ Իմ ընկերությունում ևս 5 զբոսաշրջային գործակալ կա, բոլորս էլ ամսական որոշակի գումար ենք վաստակում։ Համավարակի պատճառով ամեն ինչ կանգ է առել։ Հիմա ինձ խորհուրդ են տալիս ներքին տուրեր վաճառել։ Բայց կախված ուղղությունից` ներքին տուրի արժեքը 3,5-8 հազար դրամ է կազմում։ Իսկ կարանտինի մեղմացումից հետո անհավանական դեմպինգ է սկսվել։ Նույնիսկ 2,5 հազար դրամ արժողությամբ տուրեր կային», - նշեց նա։

Բացի այդ, արդեն մի քանի ընկերություն զբաղվում են ներքին տուրերով։ Նրանք հիմնականում աշխատում են մի քանի լեզվով տուրերի համադրության հաշվին։ Նույն ուղղությամբ մեկնում են և՛ տեղացիները, և՛ արտասահմանցի զբոսաշրջիկները, զբոսավարը 2-3 լեզվով է խոսում։

Արշավներն այդ տուրերի ցանկում չեն։ Դա զբոսաշրջության յուրահատուկ տեսակ է, որը որոշակի ֆիզիկական պատրաստվածություն է պահանջում։ Շուկայում դրանք նույնպես չափազանց շատ են, սովորական տուրօպերատորները չեն կարող այնտեղ ներխուժել։

Ինչ վերաբերում է հինավուրց եկեղեցիներ ու վանքեր այցելություններին, Հայաստանում սովորաբար ընտանիքով են գնում վանքերը նայելու, տուօպերատորներին չեն դիմում։

 «Ինչպե՞ս, ու՞մ ու ինչքան տուրեր պետք է վաճառեն տուրօպերատորները, որ ոչ միայն չսնանկանան, այև աշխատակիցների աշխատավարձ վճարեն», - նշեց Եղիազարյանը։

Տուրօպերատորների ևս մեկ խնդիր է Հայաստանում հյուրանոցային համարների ամրագրումը։ My Georgia Travel ընկերությունը դրա դիմաց մոտ 10%, այսինքն՝ 1-3 հազար դրամ փոխհատուցում է ստանում։ Հարց է առաջանում՝ քանի համար է պետք ամրագրել հյուրանոցներում պարզապես գրասենյակի վարձակալության գումարը վճարելու համար։

Կորոնավիրուսը չի խանգարել Տավուշի տուրիստական հոսքերին

Ավելին՝ Հայաստանի հյուրանոցներից շատերը, չգիտես ինչու, նախընտրում են ավելի էժան տալ համարը Booking համակարգին, քան գործընկերոջը։ Ընդ որում՝ այդ փոքր արժեքի 15%-ը նույնպես տրվում է Booking-ին։

Կառավարության ոչ բավարար աջակցությունը

Ինչ վերաբերում է զբոսավարներին, նրանք օրական միջինը 20-25 հազար դրամ են վաստակում։ Ինչպե՞ս մարդը, որն ապրում ու ընտանիք էր պահում ամսական մոտ 400 հազար դրամով, հիմա ապրի 100 հազար դրամ ժամանակավոր աշխատավարձով։

Փոքր ընկերությունների ներկայացուցիչները դժգոհ են, որ կառավարությունը պատրաստ է արտոնյալ վարկեր տրամադրել միայն տարեկան 24-ից 500 միլիոն շրջանառություն ունեցող տնտեսավարողներին։

«Այսպիսով վերանում են բազում փոքր ընկերություններ, որոնք շատ զբոսաշրջիկներ էին մեր երկիր բերում։ Քննարկեք, սեկտորի համար ծրագրեր մշակեք», - ասում է Եղիազարյանը։

Նրա ու ոլորտի բազում այլ ներկայացուցիչների կարծիքով՝ պետք է հնարավորինս արագ զբոսաշրջային բիզնեսին ֆինանսական աջակցություն տրամադրելու ծրագիր կազմել, հետաձգել վարկերի մարման վճարումները։ 

Բացի այդ, նրա կարծիքով, պետք է բանակցություններ սկսել սահմանները բացելու ու ավիահաղորդակցությունը վերականգնելու մասին, պետք է հստակ ժամկետներ սահմանել և մինչև ճգնաժամի ավարտն ազատել բիզնեսը հարկերից։

Ապագա տուրերն արդեն հիմա է պետք վաճառել

Որպեսզի զբոսաշրջիկները սեպտեմբերի կեսին Հայաստան գան, ներգնա զբոսաշրջության մասնագետը պետք է հիմա արդեն սկսի վաճառք անել։ Դա վերաբերում է նաև արտագնա տուրերին։ Ավիահաղորդակցության հարցն այն հարցը չէ, որը մի քանի օրում է լուծվում։ Դա բավականին երկարատև գործընթաց է։

«Չի կարելի միանգամից «բարձրացնել վարագույրն» ու փրկել ոլորտը։ Զբոսաշրջային բիզնեսը ռեստորան չէ։ Սակայն վաճառքի սկիզբն ու սահամանների բացման մասին հստակ տեղեկությունը կօգնեն տուրօպերատորին որոշ ժամանակ աշխատել կանխավճարով», - կարծում է Եղիազարյանը։

Նա օրինակ է բերում ռուսական շուկան։ Մոսկվան սահմանները բացելու մասին պայմանավորվածություն է ձեռք բերել Անկարայի հետ, ու միանգամից սկսվեց զբոսաշրջային փաթեթների վաճառքը։ Այո, սահմանները կարող են նշված ժամկետից ուշ բացվել, սակայն տուրօպերատորներն արդեն աշխատում են»,- նշում է գրասենյակի ղեկավարը։ 

Մինչդեռ իրավիճակը մարզերի հյուրանոցներում ու հյուրատներում այնքան էլ վատ չէ. դրանք ամբողջովին կամ մասամբ լիքն են։ Իսկ ի՞նչ անի Երևանի հյուրանոցների մազմամարդ անձնակազմը։ Եղիազարյանի խոսքով՝ հյուրանոցային բիզնեսի ոլորտի բազմաթիվ աշխատակիցներ կառավարության թույլ մենեջմենթի հետևանքով են անգործ մնացել։

«Մենք գումար չենք ուզում, բայց աշխատելու համար պայման ստեղծեք։ Աշխատավարձով ապրող սովորական քաղաքացու համար դա աղետ է։ Ինչո՞ւ ենք նստած նայում՝ ինչպես է տնտեսության մի ամբողջ սեկտոր խորտակվում», - վրդովվում է զբոսաշրջային գործակալը։

Նրա խոսքով՝ զբոսաշրջության ոլորտի բազում աշխատակիցներ պատրաստ են անվճար աշխատել այդ հարցերի լուծման ուղղությամբ։

Երկրի դիրքավորումը

Սահմանները բացելն ու ավիահաղորդակցությունը վերսկսելը դեռ գործի կեսն է։ Պակաս կարևոր չեն PR-ը, մարքեթինգը, երկրի դիրքավորումն ու զբոսաշրջային ռազմավարությունը։

Եղիազարյանի կարծիքով՝ ներկայիս ռազմավարությունը նախատեսված է առաջիկա 10 տարվա համար, սակայն նախորդ նախագծերի կրկնօրինակն է ու ամբողջովին կորցրել է իր արդիականությունը։

«Պետք է ստեղծել խումբ, որը կաշխատի նոր ռազմավարության վրա ու կփոխի այն՝ կախված աշխարհում իրադարձությունների զարգացումից։ Զբոսաշրջիը պետք է նախապես իմանա, որ Հայաստանն անվտանգ երկիր է, որը հաղթահարել է կորոնավիրուսը, որը հետևում է անվտանգության բոլոր կանոններին։ Օրինակ՝ դիմել եմ Զբոսաշրջության հարցերի կոմիտեին ու հարցրել եմ՝ արդյո՞ք կարանտինից հետո հյուրանոցներում ախտահանում անցկացվելու է։ Ինձ այդպես էլ չպատասխանեցին։ Ու ընդհանրապես այդ հարցերով ոչ մի հայտարարություն չեն արել», - ասաց Եղիազարյանը։

Ամբողջ աշխարհում կորոնավիրուսի տարածումը կանխելու նպատակով քայլեր են ձեռնարկվում։ Մասնավորապես՝ հյուրանոցները 30-50% են բնակեցնում, COVID-19-ի թեստերն անցկացվում են երկիր ժամանելուց անմիջապես հետո։ Բացի այդ, վարակման դեպքում հյուրանոցները կարանտինի համար կորպուսներ են տրամադրում զբոսաշրջիկի հաշվին, դա նույնպես եկամտի աղբյուր է հյուրանոցի համար։

Ծովի փոխարեն` Թբիլիսի, լյուքսի փոխարեն` հոսթել. ի՞նչ է սպասում հայաստանցի զբոսաշրջիկին

Հիմա Հայաստանի քաղաքացիները ճամփորդում են առանց սանիտարական նորմերի պահպանման, որոշ հյուրանոցներ 100%-ով լցված են։ Ընդ որում՝ հյուրանոցները մի քանի շաբաթ առաջ արդեն ամրագրված են։

Իշխանությունն անհասանելի է

Եղիազարյանը նշեց, որ տուրօպերատորներն ուզում են համագործակցել իշխանության հետ, սակայն նրանց լսող չկա։ Զբոսաշրջության կոմիտեն մասնավոր սեկտորին ընդառաջ քայլեր չի ձեռնարկում։ Նրանք արդեն մի քանի ամիս է` լուռ են։ Երկու հանդիպում է եղել կոմիտեի ղեկավար Սուսաննա Սաֆարյանի հետ, բայց արդյունք դեռ չկա։

«Մենք արդեն մի քանի ամիս է` ոչինչ չենք անում։ Այո, ամբողջ աշխարհում քաոս է, բայց պետք է սովորել դրա հետ ապրել», - կարծում է Եղիազարյանը։

Sputnik Արմենիայի հետ զրույցում Pegas Travel Club ընկերության ղեկավար Ռուզան Հակոբյանն իր հերթին նշեց, որ իրենք չեն ստացել նույնիսկ իրենց առաջարկությունների սղագրությունը։ Առաջարկությունները հնչեցվել են գրեթե մեկ ամիս առաջ Զբոսաշրջության կոմիտեի ղեկավարի ու ԱԺ պատգամավորների մասնակցությամբ հանդիպման ժամանակ։

Նրա խոսքով՝ իրենք առաջարկել են, պատրաստակամություն են հայտնել մշակել արձանագրություններ, համավարակի ընթացքում աշխատանքի ռազմավարություն, սակայն կոմիտեն դրան նշանակություն չի տվել։

Հակոբյանը հայտնեց, որ նույնիսկ աշխատավարձը սուբսիդավորելու մասն իշխանության որոշումը չի տարածվում 5–ից պակաս աշխատակից ունեցող ընկերությունների վրա։

«Արդեն նրանց վրա հույս չեմ դնում։ Եթե չեղարկեն արտակարգ դրության ռեժիմն ու բացեն սահմանները, երևի ինքներս կլուծենք մեր խնդիրները», - ասաց ընկերության ղեկավարը։

Sputnik Արմենիայի թղթակիցը դիմեց Զբոսաշրջության կոմիտե ու խնդրեց տեղեկություն ներկայացնել՝ ինչ քայլեր են ձեռնարկվում ոլորտի խնդիրները լուծելու ուղղությամբ։

Կոմիտեում չկարողացան մեկնաբանել իրավիճակն ու խնդրեցին գրավոր հարցում ուղարկել, ինչը և արվեց։ Պատասխանը կհրապարակվի ստանալուն պես։

Նշենք, որ ավելի վաղ Տուրիզմի հայկական ֆեդերացիայի նախագահ Մեխակ Ապրեսյանը խոսել էր աշնանն արտասահմանցի զբոսաշրջիկներ ընդունելու անհրաժեշտության մասին։ Նրա խոսքով՝ միայն դա կարող է փրկել զբոսաշրջության ոլորտն ամբողջական տապալումից։

684
թեգերը:
զբոսաշրջություն, Հայաստան, կորոնավիրուս
Ըստ թեմայի
Զբոսաշրջային կազմակերպությունները կառավարությունից վարկային արձակուրդ են ակնկալում
Քարուքանդ ճանապարհները խանգարում են. Արփի լիճն ավելի գրավիչ կդառնա զբոսաշրջիկների համար
Արայիկ Հարությունյանը զբոսաշրջային ընկերությունների համար լավ լուր է հայտնել
Տաթևի վանք

Հայաստանում տուրիզմի ոլորտը կոլապսի մեջ է. փրկության 2 ճանապարհ կա

351
Հայաստանում զբոսաշրջության ոլորտի խնդիրների լուծման երկու ճանապարհ կա։ Դրանցից որ մեկը կընտրեն իշխանությունները՝ կախված է երկրում համաճարակաբանական իրավիճակից։

ԵՐԵՎԱՆ, 31 հուլիսի – Sputnik. Հայաստանը պետք է ամեն ինչ անի, որպեսզի աշնանից կարողանա արտասահմանցի զբոսաշրջիկներ ընդունել, անգամ եթե սկզբում նրանք շատ քիչ լինեն։ Միայն դա կարող է տուրիզմի ոլորտը փրկել լիակատար կործանումից։ Դրանում համոզված է Տուրիզմի հայկական ֆեդերացիայի նախագահ Մեխակ Ապրեսյանը։

ՀՀ վարչապետ Նիկոլ Փաշինյանը հինգշաբթի կայացած կառավարության նիստում նշել էր, որ մինչև զբոսաշրջային սեզոնի ավարտը Հայաստանում միջազգային թռիչքները չեն վերականգնվի: Այս սահմանափակման մեջ նա փորձել էր նաև լավ բան գտնել` այն անվանելով Հայաստանի նոր անկյունները բացահայտելու հիանալի հնարավորություն։

Բայց դեռ պարզ չէ, թե որքան ժամանակ են Հայաստանի սահմանները փակ լինելու այցելուների համար, և դեռ որքան է արտաքին աշխարհը հայերի համար փակելու իր սահմանները։ Սպասարկման ոլորտի (որը ներառում է ոչ միայն զբոսաշրջությունը, այլ նաև հյուրանոցային բիզնեսը, ռեստորանները, ժամանցի ոլորտում ներգրավված ընկերությունները) ներկայացուցիչներն արդեն վաղուց են ահազանգում, որ հազիվ են ծայրը ծայրին հասցնում, իսկ շատերը սնանկացման եզրին են։

Հյուրանոցային ոլորտի ներկայացուցիչներն արդեն դիմել են «Բարգավաճ Հայաստան» կուսակցության առաջնորդ Գագիկ Ծառուկյանին։ Ավելի վաղ սկսվել էր ոլորտին COVID-19-ի հասցրած վնասների գույքագրումը։

Ամենաշատը անհանգստացնում է անորոշությունը, ինչպես գործունեության վերսկսման ժամկետների, այնպես էլ առհասարակ զբոսաշրջության վերականգնման հետ կապված։

Sputnik Արմենիայի թղթակցի հետ զրույցում Ապրեսյանը նշեց, որ ամեն բան կախված է տուրիզմի սեզոնի ավարտի և սահմանների բացման ժամկետներից։

Եթե իշխանությունները նկատի ունեին ամառային տուրիստական սեզոնը, ապա հույս կա, որ աշնանը Հայաստանը կբացի դռներն արտասահմանցիների համար։

«Ամեն ինչ կախված է նրանից, թե երբ են իշխանությունները նախատեսում բացել սահմանները։ Եթե աշնանը, ապա հույս կա, որ հոկտեմբերի սկզբին կընդունենք առաջին միջազգային զբոսաշրջիկներին։ Դա նշանակում է՝ ոլորտի որոշակի ակտիվացում արդեն աշնանը կլինի»,-ասաց Ապրեսյանը։

Էժան տուրերն անորակ են և հիասթափեցնո՞ւմ են զբոսաշրջիկներին. տուրիզմում գոյի խնդիր է

Ապրեսյանի կարծիքով՝ նշանակություն չունի, թե երկիրը քանի զբոսաշրջիկ կընդունի, անգամ եթե նրանք շատ քիչ լինեն, դա արդեն նշանակալի դրական ազդեցություն կունենա ոլորտի վրա։

Բայց եթե Հայաստանի սահմանները մինչև տարեվերջ այդպես էլ փակ մնան, ապա ոլորտը կարող է լիակատար կոլապսի մեջ հայտնվել։ Հաջորդ տարի գործնականում ստիպված կլինեն ամեն ինչ զրոյից սկսել՝ զբոսաշրջիկներին գրավելու համար հսկայական ջանքեր գործադրելով։

Համավարակը ծանր հարված է հասցրել երկրի բնակչության մեծ մասի ընտանեկան բյուջեին, շատերն ուղղակի անվճարունակ են դարձել անգամ երկրի ներսում հանգստանալու համար։

Մյուս կողմից, մարդկանց մի շերտ կա, որը պարզապես վախենում է հանգստանալ երկրի ներսում։ Իսկ նրանք, ովքեր կարող են և ուզում են, շատ քիչ են՝ ոլորտը կործանումից համար։

«Ներքին տուրիզմի զարգացումը շատ կարևոր է, և մենք միշտ էլ խոսել ենք այդ մասին դեռ սահմանները փակելուց առաջ։ Սակայն միայն դա բավարար չէ»,-ասաց Ապրեսյանը։

Բայց ներքին զբոսաշրջության զարգացման հետ միասին կարևոր է բաց թողնել միջազգային տուրիզմի վերսկսման պահը։

Ինչ վերաբերում է պետական աջակցությանը, ապա ստեղծված իրավիճակում այն պետք է առավել առարկայական և շոշափելի լինի, որպեսզի թույլ չտա ոլորտի լիակատար փլուզումը։

Թե ինչ ճանապարհ կընտրեն իշխանությունները, մեծ հաշվով կախված է երկրում համաճարակաբանական իրավիճակից։

2020թ․-ի առաջին եռամսյակում երկիր այցելել է մոտ 311 հազար զբոսաշրջիկ՝ նախորդ տարվա նույն շրջանի 770 հազարի փոխարեն։ Միայն առաջին եռամսյակում Հայաստանն արդեն 450 հազար այցելու է կորցրել։

Համավարակն ու տուրիզմը. ի՞նչ կտա ոլորտին կառավարության որոշումը

Յուրաքանչյուր զբոսաշրջիկ Հայաստանում մոտ 800 դոլար էր ծախսում։ Հետևաբար՝ միայն առաջին եռամսյակում երկիրը մոտ 350 միլիոն դոլար է կորցրել։ Երկրորդ եռամսյակում, հասկանալի պատճառներով, զբոսաշրջիկներ չեն եղել։ Երրորդ եռամսյակն էլ նույն պատճառով ամբողջովին ձախողված է։ Նախորդ տարի կանխատեսվում էր զբոսաշրջիկների հոսքի 10 տոկոս աճ։

351
թեգերը:
Հյուրանոց, կորոնավիրուս, Սահման, Մեխակ Ապրեսյան, Հայաստան, զբոսաշրջություն, Զբոսաշրջիկ
Ըստ թեմայի
Զբոսաշրջիկներին «գցած» 25-ամյա Աննա Սահակյանն ազատության մեջ է. տուժածները դժգոհ են
Չարդարացված հույսեր․ Վրաստանի սահմանները հուլիսի 1-ից չեն բացվի զբոսաշրջիկների համար
Արայիկ Հարությունյանը զբոսաշրջային ընկերությունների համար լավ լուր է հայտնել
Ռաֆայել Նադալ

Ռաֆայել Նադալը ոչ միայն թենիս, այլև ֆուտբոլ է լավ խաղում

6
(Թարմացված է 00:06 08.08.2020)
Իսպանացի Ռաֆայել Նադալը մտադիր է մասնակցել հռոմեական Masters մրցաշարին, ինչպես նաև «Ռոլան Գարոսին»։

ԵՐԵՎԱՆ, 8 օգոստոսի- Sputnik. Իսպանացի թենիսիստ Ռաֆայել Նադալը շարունակում է նախապատրաստվել նոր մրցաշրջանին։

Աշխարհի երկրորդ ռակետը հրաժարվել է մասնակցել US Open-ին, բայց միևնույն ժամանակ շարունակում է մարզումները գրունտային ծածկույթի վրա։ Իսպանացին մտադիր է մասնակցել հռոմեական Masters մրցաշարին, ինչպես նաև «Ռոլան Գարոսին»։

Հերթական մարզման ժամանակ Նադալը ցուցադրել է ֆուտբոլային հմտությունները՝ կատարելով ֆանտաստիկ հնարք թենիսի գնդակով։

6
թեգերը:
մարզիկ, Իսպանիա, Ռաֆայել Նադալ, ֆուտբոլ, թենիս
Ըստ թեմայի
Ռաֆայել Նադալը՝ Իսպանիայի վերջին 50 տարիների լավագույն մարզիկ
Ալեքսիս Օհանյանի կինը՝ աշխարհի նախկին առաջին ռակետը, լքել է Մայամիի թենիսի մրցաշարը
Ռաֆայել Նադալ․ Ես ռիսկի եմ դիմում
Կարեն Խաչանովը բացահայտել է թենիսում հաջողության հասնելու գաղտնիքը