Չինացի զբօսաշրջիկներ

Հայաստանի մէջ կայ, Վրաստանի եւ Ատրպէյճանի մէջ` ոչ. չինացի զբօսաշրջիկները հիացած են հայերով

367
(Թարմացված է 11:56 10.06.2019)
Չինացի զբօսաշրջիկներն այցելած են Ատրպէյճան, Վրաստան, Հայաստան ու տարածաշրջանային շրջագայութենէն ստացած տպաւորութիւնները պատմած են Sputnik Արմենիայի թղթակիցին:

Լաուրա Սարգսեան, Sputnik Արմենիա

Հայաստանէն Չինաստան մեկնելուն պէտք է քեզ հետ տանիս ոչ միայն հայկական արեւէն եւ մթնոլորտէն մասնիկ մը, այլեւ քոնեակ ու տեղական արտադրութեան յուշանուէրներ: Յամենայնդէպս հէնց այս հաւաքածուն ընտրած է 32-ամեայ չինացի Տինգը:

Ան Հայաստան եկած է որպէս Չինաստանի զբօսաշրջային խումբի ղեկավար: Խումբը տարածաշրջանային շրջագայութեան ժամանակ այցելած է Հարաւային Կովկասի բոլոր երեք երկիրները:

«Հայաստանի մէջ կայ այն, ինչ մենք չտեսանք ո՛չ Վրաստանի, ո՛չ Ատրպէյճանի մէջ: Ատրպէյճանը ժամանակակից երկիր է, սակայն այնտեղ պատմամշակութային ժառանգութիւնը քիչ է: Վրաստան շատ գեղեցիկ է, բայց այնտեղ ալ յուշարձաններն այդքան շատ չեն, որքան Հայաստանի մէջ», – Sputnik Արմենիայի թղթակիցին հետ զրոյցին ըսաւ Տինգ:

Հայաստան մեր չինացի հիւրերը կ’ընկալեն որպէս հակասութիւններու երկիր, ուր նորակառոյց շէնքը կրնայ գտնուիլ բազմադարեայ վանքի աւերակներու կողքը: Զբօսաշրջիկներուն զարմացուցած է ոչ միայն բնութիւնը, այլեւ հարուստ մշակոյթն ու աւանդոյթները: Հաւանաբար հէնց այդ է պատճառը, որ Հայաստան բոլոր երեք երկիրներէն ամէնէն շատ հոգեհարազատ թուացած է չինացիներուն:

Տինգին տպաւորած է յատկապէս Գեղարդը: Իսկ տեղի խոհանոցի մասին աւանդական հարցին ան պատասխանեց, որ ամէնէն շատ հաւնած է ձուկը, որ համտեսած է Սեւանայ լիճի ափին, եւ հաւի խորովածը: «Հետաքրքիր համ է, այդպիսի հաւ Չինաստանի մէջ չես գտներ», – ըսաւ Տինգ:

Турист из Китая в Ереване, господин Динг
© Sputnik / Aram Nersesyan ,
Տինգ

Հայաստան ոգեշնչած է նաեւ 61 տարեկան Զուին: Ան եղած է աշխարհի աւելի քան 80 երկրի մէջ եւ համարձակօրէն կը պնդէ, որ աշխարհի ամենալաւ լիճը Սեւանն է, ամենաարհեստավարժ զբօսավարներն ալ Հայաստանի մէջ են:

«Ես ոչ մէկ տեղ չեմ տեսած, որ զբօսավարը հիւրասիրէ զբօսաշրջիկներուն: Ձեր զբօսավարը մեզի հայկական խնձորի օղի հիւրասիրեց», – խոստովանեցաւ ան:

Զուն համոզուած է, որ Հայաստանի գլխաւոր առանձնայատկութիւնը հիւրընկալութիւնն է, իսկ մեր երկիրը յայտնագործութիւն է ճանապարհորդի համար: Ան զարմացած է, որ փոքր Հայաստանի մէջ ԵՈՒՆԵՍՔՕ–ի ոչ նիւթական ժառանգութեան այսքան յուշարձաններ կան:

Турист из Китая в Ереване, господин Зу
© Sputnik / Aram Nersesyan ,
Զու

Հայաստանէն ստացած ընդհանուր տպաւորութիւնները փոքր–ինչ խամրեցուցած են վատ ճանապարհներն ու հասարակական զուգարաններու պակասը:

Մեր իշխանութիւններուն ան խորհուրդ կու տար վերանորոգել ճանապարհները, մայրուղիներ կառուցել, իսկ զուգարանները դարձնել աւելի մաքուր եւ աւելցնել ատոնց քանակը:

Չինաստանէն ժամանած հիւրերու խումբին մէջ էր նաեւ լրագրող Չժի Պուին: Sputnik Արմենիայի հետ զրոյցին ան խոստովանեցաւ, որ ապշած է երկրի հսկայական մշակութային ժառանգութենէն:

Турист из Китая в Ереване, госпофин Чжибуи
© Sputnik / Aram Nersesyan ,
Չժի Պու

«Այցելած եմ աշխարհի աւելի քան 100 երկիր եւ կը վստահեցնեմ, որ Հայաստան պէտք է տեսնեն բոլոր չինացիները», – ըսաւ ան:

Զբօսավար Ռոզա Յովհաննիսեան պատասխանեց, որ վերջին 3 տարուան ընթացքին Չինաստանէն եկողներուն թիւն աւելցած է: Զբօսաշրջիկներու մեծ հոսք կը սպասուի Հայաստանի եւ Չինաստանի շարքային քաղաքացիներուն համար վիզայի կարգի չեղարկման մասին համաձայնագրի ստորագրման ծիրին մէջ:

Гид Роза Ованнисян
© Sputnik / Aram Nersesyan ,
Ռոզա Յովհաննիսեան

Հիմնականին մէջ չինացիները «այս կողմ» կու գան` տեսնելու համար միանգամէն բոլոր երեք երկիրները` Ատրպէյճանը, Վրաստանն ու Հայաստանը: Միակ բացասական կողմն այն է, որ Հայաստանի համար անոնց շատ քիչ ժամանակ կը մնայ: Օրինակ` կ’ուզեն Տաթեւի վանք այցելել, տեսնել ամենաերկար ճոպանուղին, բայց չեն հասցներ:

«Անոնց շրջագայութիւնը կը տարբերի, քանի որ խումբին մէջ, որպէս կանոն, մեծահասակներ են, իսկ անոնք կ’ընտրեն դասական տարբերակը», – ըսաւ Յովհաննիսեան:

Սովորաբար անոնք Վրաստանէն Հայաստան կու գան` ճանապարհին կանգառ կատարելով Դիլիջանի, Սեւանի, Երեւանի մէջ, բացի այդ կը հասցնեն տեսնել Գառնին, Գեղարդն ու Խոր Վիրապը:

Туристы из Китая в Ереване
© Sputnik / Aram Nersesyan ,
Չինացի զբօսաշրջիկներ
367
թեգերը:
Զբոսաշրջիկ, Չինաստան, Հայաստան
թեմա:
Sputnik Արմենիան` արևմտահայերենով (221)
Ըստ թեմայի
Ամօթի ու վախի արանքին մէջ. ինչո՞ւ  ծնողներն ու երեխաները կը լռեն սեռական բռնութեան մասին
12 օր է` ինքնաշարժի մէջ կը քնանամ. 1 օրուան մէջ «փլեցան» Սահակեան ընտանիքի ծրագիրները
Սուրբ Կիրակոս եկեղեցին կը վերանորոգուի. հայերը վերստին կրցած են եկեղեցի մուտք գործել
Հանրապետական անձաւաբուժական կեդրոնը կը բուժէ շնչուղիներու հիւանդութիւնը, դիւրազգացութիւնը
Հայկն ու Կարինէն կը պատմեն իրենց գաղտնիքները. լուսնոտութիւնը դժոխքի պատմութիւն չէ
Հայաստանի մէջ վարորդներու տուգանքները կը նուազին, բայց վարորդական իրաւունքէն կը զրկուին