Աղջկաբերդ

Զբոսաշրջիկները հիացած են. Հայաստանի հիասքանչ, սակայն քիչ ծանոթ 5 լավագույն վայրերը

692
Գեղատեսիլ լանդշաֆտ, մաքուր լեռնային օդ, համեղ ջուր, բացառիկ խոհանոց և էքստրիմ։ Ահա ինչի համար են շատերը գալիս Հայաստան։ Սակայն մեր երկրում նաև բացառիկ հուշարձաններ կան, որոնց մասին տեղյակ են քչերը։

Լաուրա Սարգսյան, Sputnik Արմենիա

Եթե իտալացուն ասես, որ Երևանը Հռոմից հին է, նա սկզբում ներողամտորեն կժպտա, այնուհետև կսկսի մտածել, իսկ երբ ծանոթանա պատմական փաստերին` կզարմանա։ Եվ կշարունակի ծոծրակը քորելով ծանոթանալ Հայաստանի տեսարժան վայրերին։

Նման իրավիճակի են բախվում հաճախ զբոսավարները։ Այո, Հայաստանը միայն Տաթևում գտնվող ամենաերկար ճոպանուղիով, Գեղարդի փառահեղ վանքով և Գառնու անկրկնելի տաճարով չէ, որ գրավում է աշխարհի տարբեր երկրների զբոսաշրջիկներին։

Որքան էլ տարօրինակ հնչի, պարզվում է`շատերին, գրավում են առաջին հայացքից աննկատ վայրերը, որոնց մասին քչերն են լսել, տեսնելու մասին էլ չասենք։ Այդ վայրերը մեր հյուրերին ցույց են տալիս զբոսավարները։

Sputnik Արմենիան զրուցել է Հայաստանի փորձառու զբոսավարներից մեկի` Աշոտ Լևոնյանի հետ և իր ընթերցողին է ներկայացնում Հայաստանի 5 քիչ հայտնի, սակայն շատ կարևոր ու դիտարժան վայրերը։

Բջնիի ամրոց

Բջնիի ամրոցի մասին լսել են շատերը, ոմանք նույնիսկ կարդացել են դասագրքերում կամ Վիքիպեդիայում, սակայն այն իրականում տեսնել քչերն են հանդգնում. կամ ժամանակը չի բավականացնում, կամ ցանկությունը։ Բացի այդ զբոսաշրջային գործակալություններն էլ, հիմնականում, միայն դասական երթուղիներ են առաջարկում, որոնք վաղուց փորձված են և  մեծ պահանջարկ են վայելում։

Скалы в курортном селе Бжни
Фото/Федерация Альпинизма и горного туризма Армении
Բջնիի ամրոց

«Քչերն են հասնում Բջնիի X-XI դարի ամրոցի մոտ, իսկ այն պակաս գրավիչ և կարևոր չէ մեզ համար», – ասում է Լևոնյանը։

Նա այն սակավաթիվ զբոսավարներից է, որ զբոսաշրջիկներին բերում է այստեղ։ Բջնին Երևանից մոտ մեկ ժամ հեռավորության վրա է գտնվում, սակայն դրան ավտոմեքենայով շատ մոտենալ չի հաջողվի. ճանապարհի կեսը պետք է ոտքով հաղթահարել։

Լևոնյանը նշում է, որ ավտոբուսով երկար ճանապարհ անցնելուց հետո, սա քայլելու հիանալի հնարավորություն է, բացի այդ մշակութային ժառանգության կոթողն այդպես ավելի լավ է հիշվում։  Ամրոցից 10 մետր հեռավորության վրա, դեպի գետը տանող ստորգետնյա թունել կա։ Ի դեպ, այն միակն է, որ պահպանվել է Հայաստանում։ Պաշարման ժամանակ վանականները ջուր բերելու համար ամրոցից իջնում էին թունելով։

Մաթոսավանք

Մաթոսավանքը փոքր վանք է, որը գտնվում է ՀՀ Տավուշի մարզի «Դիլիջան» ազգային պարկի լեռնային անտառում։ Այն, չգիտես ինչու, նույնպես չի վայելում ո՛չ զբոսաշրջիկների, ո՛չ էլ տեղացիների ուշադրությունը։ Լևոնյանն այս շինությունը բացառիկ է համարում և համոզված է, որ այն գրավիչ է նույնիսկ կիսավեր վիճակում։

Матосаванк, Дилижан. Армения
© Sputnik / Aram Nersesyan
Մաթոսավանք

«Վանքը գտնվում է ցածրավայրում։ Ամռանը սաղարթախիտ անտառն ամբողջությամբ թաքցնում է այն, և դժվար է լինում եկեղեցին տեսնել նույնիսկ 10 մետր հեռավորությունից», – ասում է Լևոնյանը։

Ճարտարապետի մտահղացումն իրականացվել է. վանքն այնպես է կառուցվել, որ թշնամիներն այն չկարողանան գտնել։ Մաթոսավանքը շատ հանկարծակի է հայտնվում, և դա զբոսաշրջիկների վրա անջնջելի տպավորություն է թողնում։

Շատերն այստեղ են գալիս մեդիտացիայի համար, քանի որ այստեղ լուռ և հանգիստ է տարվա ցանկացած ժամանակ։

Աղջկաբերդ

Զբոսաշրջիկները դժվարանում են արտաբերել բերդի անունը, սակայն շինությունն ու նրա պատմությունը նրանց վրա մեծ տպավորություն է թողնում։ Բերդը գտնվում է Տավուշի մարզի Իջևան քաղաքից 16 կմ հեռավորության վրա, լեռնային անտառոտ բարձունքում` բոլոր կողմերից շրջապատված բարձր ժայռերով։

Աղջկաբերդի ստեղծման մի քանի վարկած կա։ Ամենատարածված տարբերակի համաձայն, որը Լևոնյանը պատմում է զբոսաշրջիկներին, մի աղջիկ էր ապրում, որին հայրն ուզում էր կնության տալ չսիրած էակին։ Հուսալքված աղջիկն իրեն գցում է գետն այս ամրոցի պատուհանից։

Մեկ այլ տարբերակով` ստեղծումը կապում են Լենկթեմուրի հետ։ Լեգենդի համաձայն`Լենկթեմուրը, իմանալով, որ Տավուշի բերդում շատ գեղեցիկ աղջիկ է ապրում, հրամայում է իր զինվորներին նրան իր մոտ բերել։ Երեք զինվորներն առևանգում են աղջկան`նրան աշխարհակալին հասցնելու համար։  Աղջկան փրկում է հովիվը, որը հետևում է Լենկթեմուրի զինվորներին, սպանում նրանց և օրիորդին վերադարձնում ամրոց։

Սա զայրացնում է Լենկթեմուրին, և նա որոշում է պաշարել ամրոցը` փակելով այստեղ հասնող ջրի ճամփան։ Աղջիկը, չցանկանալով ընկնել թշնամու ճիրանները, գցում է իրեն գետը և մահանում։ Նրա անունով էլ ամրոցն Աղջկաբերդ են կոչում։

Կայանբերդ

Արտաքինից փոքր ու աննկատ Կայանբերդ ամրոցը գտնվում է ՀՀ Լոռու մարզում, Հաղպատ և Սանահին վանքերի միջև։ Այն կառուցվել է XIII դարում Հաղպատի վանահայր Հովհաննես եպիսկոպոսի հրամանով։ Իսկզբանե բերդը կոչվել է Ամրոց Հաղպատա Սուրբ Նշանի, ավելի ուշ վերանվանվել  և ստացել Կայանբերդ անվանումը։

Լևոնյանը պատմում է, որ բերդն ավերվել է թաթարների կողմից։ Այսօր կարելի է տեսնել մի շարք շենքերի ավերակներ, ավազաններ, կավե ջրատար խողովակներ։ Բերդի տարածքում է գտնվում Դսևանքի Սուրբ Աստվածածին եկեղեցին։

«Հաղպատից ոտքով այնտեղ կարելի է հասնել 30 րոպեում։ Բերդն, այսպես կոչված, առաջակետ էր ծառայում. այստեղից երևում են Վրաստան և Ալավերդի տանող ճանապարհները», – ասում է Լևոնյանը։

Նա ընդգծում է, որ սովորաբար զբոսաշրջիկներին տանում են հայտնի Հաղպատն ու Սանահինը տեսնելու` զրկելով իրենց և հյուրերին բերդի էներգետիկայից և կոլորիտից։

Աշոցք

Ի դեպ, ովքեր ցանկանում են մակույկ նստել և ադրենալին ստանալ, Լևոնյանը տանում  է Աշոցք գյուղ, ընդ որում ինչպես ամռան, այնպես էլ ձմռան շրջանում։

«Այնտեղ և՛ հին կամուրջ կա, և՛ հիանալի տեսարան է բացվում դեպի Ախուրյան գետը։ Գետի վրա էլ հենց նավարկում  են մակույկներով», – ասում է Լևոնյանը։

каноэ
© Sputnik / Асатур Есаянц
Աշոցք

Ի դեպ, այնտեղ նաև ձմեռային մարզաձևերի համար կենտրոն է բացվել։ Նաև դահուկորդներ Միքայելյանների ընտանիքին պատկանող հարամարավետ հյուրատուն կա, ուր Լևոնյանը  նույնպես բերում է իր զբոսաշրջիկներին։ Ըստ զբոսավարի, նրանք շատ գոհ են մնում։

692
թեգերը:
Հայաստան
Ըստ թեմայի
Ինչո՞ւ են զբոսաշրջիկները գալիս Հայաստան. պատասխանում է նախարարը
Համով Հայաստան. սիրում են թե՛ զբոսաշրջիկները, թե՛ տեղացիները. ամենաթրենդային ուտեստը
Հայտնի է` որքան գումար են ծախսել ռուս զբոսաշրջիկները Հայաստանում Ամանորին
Հյուրատուն

Ճանապարհորդե՞լ Հայաստանում, թե՞ սպասել սահմանների բացմանը. հայկական զբոսաշրջության ներկան

305
(Թարմացված է 20:09 27.06.2020)
Հայաստանը կորոնավիրուսի համարավարակի պատճառով փակել է սահմանները։ Արձակուրդն առայժմ կարելի է անցկացնել միայն երկրի ներսում, բայց չափազանցություն կլիներ ասել, որ այդ ֆոնին աճել է ներքին զբոսաշրջությունը։

ԵՐԵՎԱՆ, 27 հունիսի – Sputnik, Նանա Մարտիրոսյան․ Սոցիալական ցանցերի հայկական տիրույթում ակտիվ քննարկվում է առաջիկա արձակուրդների թեման։ Քաղաքացիների մի մասը համառորեն մտադիր է սպասել օդային սահմանների բացմանն ու արտասահման մեկնելու հնարավորությանը, մյուսներն արդեն իրենց հանգիստը ծրագրել են Հայաստանի տարածքում։ Վերջիններս, ի դեպ, համարում են, որ ստեղծված իրավիճակը սեփական հայրենիքը ճանաչելու և զբոսաշրջային նոր ուղղություններ հայտնագործելու հիանալի հնարավորություն է։

Լուսինե Քարամյանը նրանցից մեկն է։ Վերջին շաբաթների ընթացքում նա հասցրել է լինել Հայաստանի մարզերից մի քանիսում, նոր տեսարժան վայրեր տեսնել ու մոտավոր ծրագրել մեղրամիսը, որը ստեղծված իրավիճակի պատճառով զույգը մտադիր է անցկացնել Հայաստանում։ Լուսինեն և նրա ապագա ամուսինը հյուրանոցների և հյուրատների հարմար տարբերակներ են փնտրում տարբեր մարզերում։ Երիտասարդները նշում են, որ գները, սպասումներին հակառակ, ոչ միայն չեն նվազել, այլև շոգերն ընկնելուն պես անգամ բարձրացել են․ դա հատկապես վերաբերում է լողավազանով հյուրանոցային համալիրներին։

«Որոշ սրճարաններ զեղչեր առաջարկում են, բայց ոչ բոլորը։ Ամեն ինչ թանկ է, այնպես որ երևի փոքր տուն վարձենք մարզերից մեկում և ինքներս ուտելիք պատրաստենք»,-ասաց աղջիկը։

Փոխարենը, Լուսինեի խոսքով, նկատելիորեն էժանացել են տուրերը։ Այսպես, Գյումրի կամ Ջերմուկ կարելի է հասնել ընդամենը երեք հազար դրամով՝ նախկին 7-8 հազարի փոխարեն։ Գնանկման պատճառները բացատրում է երկար տարիներ ներքին տուրիզմով զբաղվող Շողեր Հակոբյանը։ Նա վստահ է, որ դա դեմպինգի հետևանք է, որը կարող է հանգեցնել զբոսաշրջության ոլորտի փլուզման։ Խոսքն այն մասին է, որ որոշ տրանսպորտային ընկերություններ 50%–ով (նույնիսկ ավելի շատ) իջեցրել են գները, տարբեր մարքեթինգային հնարքների են դիմել հաճախորդներ գրավելու համար։

Հայկ Ստեփանյանը, որը գաստրոբակ ունի Արենի գյուղում, ուսումնասիրելով երկրում տիրող իրավիճակն ու զբոսաշրջային շուկան, անիմաստ է համարում հիմա զեղչեր անել, քանի որ քաղաքացիները միևնույնն է՝ վճարունակ չեն, իսկ նրանք, ովքեր այնուամենայնիվ ճամփորդում են երկրում, գերադասում են «պիկնիկներն» ու ճանապարհամերձ սրճարանները։ Ահա թե ինչու նա չի իջեցրել գները։

«Մենք որոշեցինք ժամանակ չկորցնել, մեր խնայողությունների հաշվին կվերանորոգենք տարածքը, կմեծացնենք բակը, և հուսանք, որ աշնանն ամեն ինչ լավ կլինի։ Ի դեպ, տուրիստական ընկերություններն արդեն տեղեր են ամրագրում հաջորդ տարվա համար»,- նշեց նա։

Գաստրոբակում նա արդեն չորս ամիս է՝ հյուրեր չի ընդունել, ամառվա հաջորդ ամիսներին էլ չի պատրաստվում։ Մոտ կես տարի է, ինչ նրա ընտանիքն ու համագյուղացիներից մի քանիսը, որոնք օգնում էին սպասարկել հյուրերին, փաստացի գումար չեն աշխատում։ Ընտանիքը համավարակի հետևանքների չեզոքացման ծրագրի շրջանակում կառավարությունից փոխհատուցում է ստացել, բայց գումարը համեմատելի չէ նրանց ամսական եկամտի հետ։

Տուրիզմի հայկական ֆեդերացիայի նախագահ Մեխակ Ապրեսյանը համարում է, որ պետական աջակցությունն, իհարկե, կարևոր է, բայց ամենակարևորը, նրա կարծիքով, այն է, որ բիզնեսին 2020 թվականի երկրորդ եռամսյակում ազատել են շահութահարկի կանխավճարից։ Դա թույլ կտա խնայողություններ անել և որոշակի ներդրումներ կատարել բիզնեսին աջակցելու համար։

«Շատ կարևոր է կանխել ընկերությունների փլուզումն ու սնանկացումը, քանի որ համավարակը կանցնի, իսկ զբոսաշրջային բիզնեսը երկրի տնտեսության կարևոր մասն է մնում»,-ասաց Ապրեսյանը։

Նա կարծում է, որ այս օրերին ներքին զբոսաշրջությունը թեև դանդաղ, բայց այնուամենայնիվ զարգանում է, շատ հարմար պահ է նոր զբոսաշրջային տարբերակ մտածելու և արդեն գոյություն ունեցողներն ավելի ճանաչելի դարձնելու համար։ Այժմ կարևոր է մտածել սահմանների բացման և «զբոսաշրջային արևի տակ» սեփական տեղը պահպանելու մասին։

«Հնարավոր չէ ապրել միայն ներքին տուրիզմի հաշվին, արդեն պետք է մտածել և պատրաստվել սահմանները բացելուն։ Պետք է պատկերացում ունենալ, թե հետո ինչ է լինելու, որպեսզի չուշանանք և չկորցնենք զբոսաշրջիկների հոսքը»,- ընդգծեց Ապրեսյանը։

Այս համատեքստում նա ընդգծեց, որ արդեն իսկ քննարկումներ են ընթանում մասնավոր հատվածի, պարետատան ներկայացուցիչների, Առողջապահության նախարարության, Զբոսաշրջության կոմիտեի և այլ շահագրգիռ կողմերի միջև՝ զբոսաշրջիկների ընդունման կանոններ մշակելու և սահմանների բացման ժամկետները նշելու համար։ Նա չի բացառում, որ դա կարող է տեղի ունենալ հուլիսի 1-15-ն ընկած ժամանակահատվածում։

Զբոսաշրջության կոմիտեից Sputnik Արմենիային հայտնեցին, որ զբոսաշրջային ընկերությունների կորուստների մասին որևէ վիճակագրություն դեռ չկա, ինչպես նաև չկան ընթացիկ տարվա երկրորդ եռամսյակի ներքին զբոսաշրջության մասին հստակ տվյալներ։ Այնուամենայնիվ, առանց որևէ հետազոտության էլ պարզ է, որ համավարակը ոլորտին լուրջ վնաս է հասցրել։

Ավելի վաղ զբոսաշրջության կոմիտեի ղեկավար Սուսաննա Սաֆարյանը հայտնել էր, որ 2020 թվականի առաջին եռամսյակում 2019թ-ի նույն ժամանակահատվածի համեմատ 175 հազարով քիչ զբոսաշրջիկ է այցելել Հայաստան, և երկիրն այդպիսով զրկվել է 135 միլիոն դոլարից։ Նա չէր բացառել, որ երկրորդ եռամսյակում իրավիճակը կարող է ավելի վատանալ, քանի որ մի շարք երկրների հետ սահմանները փակ են։

2019 թ․-ի առաջին եռամսյակում Հայաստան է այցելել 364 789 զբոսաշրջիկ, 2018թ․-ի նույն ժամանակահատվածում՝ 346 485։ Միայն 2019թ․-ի ինը ամիսների ընթացքում Հայաստան է այցելել 1 միլիոն 459 հազար 200 զբոսաշրջիկ, ինչը 14,4 տոկոսով շատ է 2018թ․-ի ցուցանիշից։

305
Ըստ թեմայի
Հայաստանն այն երկրների շարքում է, որտեղ ռուսաստանցիներն ամենաշատն են ուզում այցելել
Հայաստանի վարկային կազմակերպությունները վիրուսի պատճառով նվազեցրել են տոկոսները
Ծովի փոխարեն` Թբիլիսի, լյուքսի փոխարեն` հոսթել. ի՞նչ է սպասում հայաստանցի զբոսաշրջիկին
Գառնի

Էժան տուրերն անորակ են և հիասթափեցնո՞ւմ են զբոսաշրջիկներին. տուրիզմում գոյի խնդիր է

1047
(Թարմացված է 09:15 24.06.2020)
Ներքին տուրիզմում առաջարկը կտրուկ ավելացել է. տուրեր են առաջարկում ոչ միայն նախկինում արտագնա, ներգնա տուրիզմով զբաղվողները, այլև տրանսպորտային ընկերությունները, որոնք նույնպես մնացել են անգործ, քանի որ Հայաստան եկող զբոսաշրջիկ չկա։

Տարեսկզբին, երբ կորոնավիրուսը տարածվեց աշխարհով մեկ, երկրները հերթով փակեցին սահմանները, տուրոլորտի ներկայացուցիչները կանխատեսեցին՝ արտագնա և ներգնա տուրիզմը ժամանակավորապես «մեռնելու է», ուղևորությունների սիրահարները սկսելու են երկրի ներսում ավելի շատ ճամփորդել։ Բայց գոնե հայաստանյան ներքին տուրիզմում զբոսաշրջային«բում» չեղավ։ Փոխարենը շուկայի լճացում սկսվեց. հիմա զբոսաշրջային առաջարկը մի քանի անգամ ավելին է, քան պահանջարկը։

Այլ բան էին սպասում, այլ բան ստացվեց

Երբ իրավիճակը դեռ նոր էր, մտավախություն կար, թե հանկարծ ներքին տուրիզմում արհեստական գնաճ չլինի։ Տուրիզմի հայկական ֆեդերացիայի նախագահ Մեխակ Ապրեսյանն ասում է, որ դեռ այն ժամանակ վստահ էր՝ մասնավոր հատվածը գիտակից է, ճիշտ կգնահատի իրավիճակը և, մարդկանց վճարունակությունը հաշվի առնելով, համապատասխան մոտեցում կցուցաբերի նաև գների հարցում։

«Հիմա ունենք հակառակ իրավիճակը, երբ գներն արդեն շատ են նվազել։ Մենք մասնավոր հատվածի մեր գործընկերներին ասում ենք՝ լավ է, որ իրավիճակը ճիշտ եք գնահատում և փորձում եք մրցունակ, նաև մատչելի գներ առաջարկել, բայց դա պետք է լինի բարեխիղճ մրցակցության սկզբունքներին համապատասխան»,- ասում է Ապրեսյանը։

Տուրիզմում երկարամյա փորձ ունեցող մասնագետի խոսքով՝ իրավիճակը մարդկայնորեն հասկանալի է, մարդիկ այսօր պատրաստ են ցածր գնով, անգամ առանց շահույթի աշխատել, միայն թե օրվա գումարը վաստակեն, տուն տանեն։ Նա վստահ է՝ իրավիճակը մեղմելու համար աջակցման  միջոցառումներն էլ պետք է առավել իրական ու արդյունավետ լինեն, եթե գոյատևելու խնդիրն ինչ-որ չափով լուծվի, ապա դա նաև շուկային կօգնի։ Նրա խոսքով՝ պատասխանատու կողմերի հետ հարցն արդեն քննարկվում է։ Մյուս կողմից պետք է օր առաջ տուրեր իրականացնող ընկերությունների լիցենզավորման հարցը լուծել, որ ցանկացած մեկը դրանով չզբաղվի։ Ապրեսյանը վստահ է՝ եթե լիցենզավորումը լիներ, ճգնաժամային կառավարումն ավելի արդյունավետ կլիներ ։

Շուկան «զարգացնում» են դեմպինգով

Շողեր Հակոբյանը մոտ երեք տարի է, ինչ ներքին տուրիզմում է։ Նորմալ է վերաբերվում, որ արտագնա, ներգնա ընկերություններն ու նույնիսկ տրանսպորտային ընկերությունները որոշեցին  ներքին տուրերով զբաղվել։ Ասում է՝ իրավիճակը հասկանալի է, բայց նույնիսկ այս պայմաններում առողջ մրցակցություն կարող էր լինել, օրինակ՝ հիմնված որակի կամ ծառայությունների բազմազանության, բովանդակության վրա։ Բայց ներքին տուրիզմում հայտնված ընկերությունների մի մասը որոշեց ցածր արժեքով ծառայություններ մատուցել։ Պնդում է՝ նրանց մոտ 70 տոկոսը հենց տրանսպորտային ընկերություններն են։

Կորոնավիրո՞ւս. չեմ վախենում. վրացիներն ինքնամեկուսացումից հետո զանգվածաբար ծով են գնում

«Ոչ միայն 50 տոկոսով էժան տուրեր են առաջարկում, այլև աչքիս հայտարարություն  է ընկել անգամ անվճար տուրի։ Մարդիկ ներդրում են անում, որ շուկա գրավեն»,- ասում է Շողերն ու հավելում, որ վերջերս ներքին տուրիզմով զբաղվող 14 կազմակերպություն համախմբվել ու որոշել են միասին քայլեր ձեռնարկել իրավիճակը կարգավորելու համար։ Քայլերից մեկը դարձավ դեմպինգով զբաղվող ընկերությունների հետ հանդիպումը։

Շողերի կարծիքով՝ այս որոշումն ի վերջո կազմաքանդելու է ոլորտը, որովհետև եթե նախկինում ինքը 3000 դրամով Կոնդում էքսկուրսիոն տուր էր անում՝ թեյախմությամբ կամ գինեխմությամբ, ապա հիմա 3000 դրամով մարդիկ Գյումրի կամ Դիլիջան են առաջարկում գնալ։Չի պնդում, որ այդ գնով պարտադիր վատ ծառայություն է մատուցվելու, բայց նաև կարծում է՝ փորձառու ճանապարհորդը տարբերությունն անպայման զգալու է։ Ինչ վերաբերում է իրեն՝ այս տարի 4 էքսկուրսիոն տուր է անցկացրել, խմբերը դժվար են հավաքվում։ Անցյալ տարվա հետ համեմատած մոտ 70 տոկոս անկում ունի։

Վատ փորձառությունը կարծիք է ձևավորում

Գիդ-էքսկուրսավար Սիրանույշ Փիլոյանն աշխատում է ներգնա տուրերով Հայաստան ժամանած օտարերկրացիների խմբերի հետ։ Արդյունքում արդեն գրեթե չորս ամիս է՝ չի աշխատում։ Ներքին տուրերի համար որպես գիդ-էքսկուրսավար աշխատելու առաջարկները դեռ մերժում է, ասում է՝ շատերը եկան ներքին տուրիզմ, արդեն զբաղվողները շատ-շատ են։ Իր ծառայություններն էժան չեն լինելու, արդյունքում թանկ պրոդուկտ է ստացվելու, որի կողքին հիմա մեծ թվով էժան, շատ էժան ու չափազանց էժան առաջարկներ կան։

Առավել տուժած ոլորտների 37 հազար աշխատակիցներ 2-րդ անգամ աջակցություն կստանան պետությունից

Առայժմ կողքից հետևում է շուկայում կատարվող իրադարձություններին ու չի հասկանում, թե ինչպես կարող է երկու հազար դրամով լավ, որակով առաջարկ լինել, եթե, օրինակ, կամավորական սկզբունքով չեն աշխատում։ Սիրանույշը մտավախություն ունի նաև հայ զբոսաշրջիկին հիասթափեցնելու։ Որպես օրինակ ասում է, որ նման պատմությունների կարելի է հանդիպել, երբ ինչ-որ բլոգեր եկել է Հայաստան, վատ վարորդի հետ ճամփա գնացել, հետո գրել, թե Հայաստանում վարորդները լավը չեն, մինչդեռ այդպես չէ։ Ստացվում է՝ վատ փորձառությունը կարծիք է ձևավորում և մի ամբողջ ոլորտի վրա տարածվում։

Դեմպինգ չկա

Ռուբեն Բաղդիշյանը ներքին տուրիզմի հնաբնակներից է, սկսել է մոտ 12 տարի  առաջ՝ դառնալով հայաստանյան ոլորտի հիմնադիրներից մեկը։ Միանգամից ասում է՝ չի տեսնում դեմպինգ, տեսնում է գնիջեցում։ Ասում է՝ դեռ ամիսներ առաջ հնարավոր տարբեր հարթակներում խոսում էր այն մասին, որ խնդիր լինելու է, որովհետև պետական վերահսկողություն չկա, սահմանված կարգ ու կանոններ չկան։ Բացատրում է՝ այսօր զբոսաշրջությամբ զբաղվել կարող է ցանկացած մեկը, դրա համար պետք է ընդամենը, օրինակ որպես «անհատ ձեռնարկատեր» գրանցվել, բանկում հաշվեհամար բացել ու վերջ։

Դրա համար էլ տրանսպորտային ընկերություններն էլ են սկսել ինքնուրույն ներքին տուրեր անցկացնել։

«Ջունգլիի կանոնն է։ Ներքին տուրիզմի որոշ ընկերություններ հույս ունեին, որ մարդիկ կսկսեն երկրի ներսում ճամփորդել, մի լավ բան կլինի, ես բարձրաձայնում էի՝ վերահսկեք, որ այս ոլորտն էլ չմահանա։ Մենք տասներկու տարի պայքարել ենք, մարդկանց վստահությունն ենք շահել, շուկա ենք ձևավորել։ Մեր բերած վստահությունն իրենք են վայելում, բայց եթե գետնովը տան, ստիպված նորից ենք սկսելու»,- ասում է Ռուբենը։

Ինչ վերաբերում է իրենց՝ ասում է, որ գին չեն իջեցրել կամ աննշան փոփոխություն է եղել շնորհիվ ծախսերը կրճատելու։ Իրենց բիզնես մոտեցումն է, այլ ոչ թե շուկայում արհեստական գնիջեցմանն են հետևում։ Զբոսաշրջիկներն, անշուշտ պակասել են։ Մի կողմից սփյուռքից ժամանած մեր հայրենակիցներն այս տարի չկան, մյուս կողմից՝ հայաստանցիների մի մասը խուսափում է ճամփորդել տարբեր պատճառներով՝ հրաժարվում է դիմակ կրել, արտակարգ դրության պայմաններում չի կողմնորոշվում, վախենում է։ Ռուբենը պնդում է՝ ոլորտը կանոնակարգման ու վերահսկման կարիք ունի, Զբոսաշրջության պետական կոմիտեն էլ կամ պետք է վերահսկման գործիքներ և իրավասություն ունենա, կամ կազմալուծվի, այլապես անհասկանալի է՝ պետական մարմին կա, բայց և չկա։

Հայաստանը պատրաստվում է զբոսաշրջիկներ ընդունել. ինչո՞վ է զբաղված ֆեդերացիան

Ի պատասխան մեր հարցման՝ Զբոսաշրջության պետական կոմիտեից նշեցին, որ կոմիտեն տեսչական ու վերահսկողական գործառույթներ չունի, որևէ կերպ շուկայում տեղի ունեցող երևույթների վրա ազդեցություն ունենալ չի կարող։ Մինչ օրս կոմիտեն պաշտոնապես չի ստացել հակաօրինական գործողությունների մասին այնպիսի ահազանգ, որը կարող էր վերահասցեագրել ՏՄՊՊՀ-ին՝ խնդրի լուծմանն ուղղված քայլերի պահանջով։ Ինչ վերաբերում է լիցենզավորման խնդրին, ապա ՀՀ Զբոսաշրջության մասին օրենքի նոր նախագծով նախատեսվում է զբոսաշրջային սուբյեկտների հաշվառումը կամ որակավորումը։ Օրենքի նախագիծը ներկայումս վերջնականացման փուլում է և սահմանված կարգով շրջանառվելուց հետո կներկայացվի ՀՀ կառավարություն։

1047
թեգերը:
Մեխակ Ապրեսյան, գին, Հայաստան, զբոսաշրջություն, Զբոսաշրջիկ
Ըստ թեմայի
Կորոնավիրուսի հետքը. Ֆրանսիայում մարդիկ վաճառում են իրենց դղյակները
Համավարակն ու տուրիզմը. ի՞նչ կտա ոլորտին կառավարության որոշումը
Ավինյանը նորություն ունի. Ֆիրդուսի թաղամասի վերաբերյալ նոր որոշում է կայացվել
Գագիկ Ծառուկյան. արխիվային լուսանկար

«Կանխելու եմ հակառուսական տրամադրությունները»․ Գագիկ Ծառուկյան

0
(Թարմացված է 22:43 02.07.2020)
ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր։

ԵՐԵՎԱն, 2 հուլիսի - Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը Facebook-ում հայտարարություն է տարածել, որով արտահայտել է իր անհանգստությունը՝ կապված երկրում տիրող հակառուսական տրամադրությունների հետ։

«Որպես օրինակ՝ հարկ է նշել, որ հայ հասարակության մեջ ներմուծվում է այն թեզը, որ անհրաժեշտ է վերանայել Ռուսաստանի հետ ռազմական համաձայնագիրը, ինչը կհանգեցնի ռուսական 102-րդ ռազմական բազայի` մեր երկրից դուրս բերմանը: Կարծում եմ՝ բոլորս քաջ գիտակցում ենք, որ սա Թուրքիայի և Ադրբեջանի երազանքն է, որոնք անդադար սպառնում են մեզ պատերազմով և ոչնչացմամբ», - գրել է Ծառուկյանը։

ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր և խոստանում է անձամբ զբաղվել նրանցով։

«Ես՝ որպես ՀՀ ամենամեծ ընդդիմադիր քաղաքական ուժի կուսակցության նախագահ, որպես քաղաքական գործիչ, որպես քաղաքացի, կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները: Վստահ եմ, որ Հայաստանի զարգացման և մեր երկրի անվտանգության ու անկախության ամրապնդման համար մենք պետք է էլ ավելի խորացնենք և ամրապնդենք Ռուսաստանի Դաշնության հետ հարաբերությունները», - գրել է Ծառուկյանը։

Նա հավելել է, որ հայ-ռուսական հարաբերությունները պետք է զարգանան ոչ միայն երկկողմ ձևաչափով, այնպես էլ ԱՊՀ, ԵԱՏՄ, ՀԱՊԿ և այլ քաղաքական, տնտեսական, ռազմական ձևաչափերով։

Նշենք, որ «հակառուսական տրամադրությունների» մասին երեկ և այսօր սոցցանցերում ակտիվ քննարկումներ են ծավալվել։

0