Վիետնամ

Ի՞նչ ուտել, բացի մողեսներից և միջատներից․ խորհուրդներ Վիետնամ այցելողների համար

314
(Թարմացված է 18:09 30.01.2019)
Ի՞նչ պետք է իմանալ Վիետնամ այցելելուց առաջ։ Sputnik Արմենիան առանձնացրել է ամենակարևորները։

Վերջին շրջանում հայաստանցիների հետաքրքրությունը դեպի ասիական Վիետնամ աճել է։ Զբոսաշրջային գործակալություններ հաճախ են դիմում Վիետնամ այցելելու համար։ Ինչ պետք է իմանալ այս հետաքրքիր ու հին երկրի այցելելուց առաջ։ Sputnik Արմենիան առանձնացրել է ամենակարևորները։

Ամենակարճ ճանապարհը

Mеждународный аэропорт города Хошимина (бывший Сайгон), Вьетнам
Վիետնամի Հոշիմին քաղաքի Թան Սոն Նհաթ միջազգային օդանավակայանը

Վիետնամ հասնելու ամենահարմար և մատչելի տարբերակը Մոսկվայով է։ Չարտերային թռիչքներ իրականացնող տուրիստական համապատասխան ընկերություններն առաջարկում են շատ հարմար ու մատչելի հանգստի ամբողջական փաթեթներ՝ ներառյալ ավիատոմս, հյուրանոց, տրանսֆեր, ապահովագրություն։

Վիզայի մասին

ՀՀ քաղաքացիներին Վիետնամի վիզան տրվում է տեղում՝ օդանավակայան ժամանելիս, արժեքը 25 դոլար է։ Բայց վիզան տեղում ստանալու համար անհրաժեշտ է, որ ձեզ հետ ունենաք պաշտոնական հրավեր՝ ստացված Վիետնամից։ Դրա համար օնլայն դիմում եք ուղարկում. նվազագույնը 3 աշխատանքային օրվա մեջ ստացվում է անհրաժեշտ հրավերը։ Հրավերը ստանալու գործընթացն արժե է 15 դոլար։

Վիետնամում դրամական միավորը վիետնամական դոնգն է։ Այս պահին 1 դոլարն արժե մոտավորապես 23 ու կես վիետնամական դոնգ։

«Must see» շարքից

Лодки в Нячанг, Вьетнам
Ձկնորսական նավակներ Նյաչանգում

Վիետնամի ամենահայտնի հանգստավայրը Նյաչանգն է, որը նաև անվանում են Վիետնամի լողափային մայրաքաղաք։ Նյաչանգում ամենաակտիվ տուրիստական սեզոնը սկսվում է հունվարին և շարունակվում մինչև օգոստոս։ Օգոստոսից մինչև դեկտեմբեր այստեղ անձրևոտ ու քամոտ է։ Քամիներն իրենց հետ բերում են ուժեղ ալիքներ, հետևաբար` նաև հմայում սերֆինգի սիրահարներին աշխարհի տարբեր կողմերից։ Երբեմն լինում են նաև փոթորիկներ ու մրրիկներ։ Եթե եղանակի կամակորությունները ձեզ չեն անհանգստացնում, քամուց, ալիքներից չեք վախենում և, առհասարակ, կարծում եք, որ դուք հաջողակ եք, ապա կարող եք փորձել հենց այդ ամիսներին այցելել Վիետնամ, որովհետև այդ ընթացքում հանգիստն այստեղ ամենամատչելին է։

Նյաչանգը համարվում է Վիետնամի լավագույն շոփինգ-կենտրոններից մեկը։ Հենց այստեղ կարող եք ասիական կոլորիտ գտնել, նաև համաշխարհային բրենդների հագուստ`  բավականին մատչելի արժեքով։

Վիետնամում բավականին մատչելի արժեքներով վաճառվում են ջայլամի և կոկորդիլոսի կաշվից պատրաստված տարբեր իրեր։ Ինչպես արևելյան շատ երկրներում, այնպես էլ այստեղ, ընդունված է սակարկելը։  Անպայման գնեք նաև տեղական ծաղիկներով անուշաբույր թեյ, 1 կգ–ի արժեքը միջինը 7 դոլար է։

Ի դեպ, Վիետնամում տաքսիով երթևեկելը թանկ հաճույք չէ, 1 կմ-ն արժե մոտ կես դոլար:

Այս երկրում կարող եք էքստրեմալ ձկնորսությամբ զբաղվել՝ որսալով պիրանյաներ։

Ի՞նչ ուտել

Լավ տեղեկություն Վիետնամ այցելողների համար. սնվելն այստեղ բավականին էժան է, ֆուդկորտերում կվճարեք մոտ 3-4 դոլար, սրճարանում՝ 5-6, ռեստորաններում՝ մոտ 10-12 դոլար։

Ամենասիրված և տարածված կերակուրն այս երկրում բրինձն է․տեղացի յուրաքանչյուր բնակիչ օրական ուտում է մոտ կես կգ բրինձ։

Անպայման փորձեք ավանդական ֆո ապուրը, որի մի քանի տեսակ կա՝ Ֆո-բո, ֆո-գա և ֆո-կա, համապատասխանաբար տավարի, հավի մսով և ձկով։ Նաև կուտեք կանաչ պապայայի սոուսով խոզի միս և չմոռանաք բան-բաո կարկանդակների մասին, որոնք եփվում են գոլորշու վրա և պատրաստված են բրնձի ալյուրով և տարբեր միջուկներով՝ օրինակ, խոզի, խեցգետնի մսով։

Вьетнамская кухня: суп Фо
© CC0 / Kasman / Pho
Ֆո ապուրը

Վիետնամից մատչելի գներով կարող եք այցելել  հարևան երկիր՝ Կամբոջա:

5 հետաքրքիր փաստ Վիետնամի մասին

Այս տարի Վիետնամում Նոր տարին նշվում է փետրվարի 5-ին, իսկ 2020-ին այն կնշվի հունվարի 25-ին:

Վիետնամցիները խիստ կվիրավորվեն, եթե սխալվեք և ասեք, որ նրանք տոնում են չինական Նոր տարի, որովհետև վիետնամականը տարբերվում է իր սովորույթներով, երբեմն էլ`տոնը նշելու ամսաթվով։ 1975-ից մինչև 2100 թվականը ասիական այս երկու երկրների նոր տարիները 4 անգամ չեն համընկնելու:

Վիետնամական ամանորին եղևնու դերում բամբուկն է, որի ցողունը փաթաթում են Կարմիր թղթով, կարմիրը բարեկեցության և բարգավաճման խորհրդանիշ է:

Ամանորին վիետնամցիները նույնպես մեկմեկու հյուր են գնում, բայց ոչ այնպես, ինչպես մենք` առավոտյան արթնացանք ու որոշեցինք հյուր գնալ։ Հյուրին նախապես հրավիրում են. վիետնամցիները փորձում են առաջինը հրավիրել հաջողակ և բարեկեցիկ ընկերներին, որովհետև կարևոր է, թե այդ օրն ով է առաջինը շեմքից ներս մտնում, ինչ-որ առումով նրա մուտքը ընտանիքի համար տարվա ընթացքն է կանխորոշելու:

Վիետնամում Նոր տարվա սեղանին, անպայման, պիտի լինի ազգային ամենահայտնի կերակրատեսակներից մեկը` Բանչինգը: Այն մեծ, քառակուսի կարկանդակ է, միջուկը խոզի միս, սոխ, կանաչ ոլոռ և, իհարկե, բրինձ: Միջուկը հատուկ ձևով է պատրաստվում. այն փաթաթում են բամբուկի տերևներով և եփում օրեր շարունակ:

314
Ախուրյանի ջրանցքը

Շիրակի մարզի պոտենցիալը. Ախուրյանի կիրճը սպասում է արկածային տուրիզմի սիրահարներին

196
(Թարմացված է 16:58 22.09.2020)
Շիրակի մարզը մեծ պոտենցիալ ունի արկածային տուրիզմի համար։ Դրան նպաստում են նաև համավարակով պայմանավորված իրավիճակն ու ներգնա տուրիզմի զարգացումը։

ԵՐԵՎԱՆ, 23 սեպտեմբերի — Sputnik. Շիրակի մարզը դեռևս չբացահայտված ռեսուրսներ ունի, օրինակ՝ Ախուրյանի կիրճը, որտեղ բոլոր նախադրյալները կան արկածային տուրիզմը խթանելու համար: Շիրակի մարզպետ Տիգրան Պետրոսյանը մարզում տեսնում է էքստրեմալ, արկածային ու սպորտային տուրիզմը զարգացնելու բոլոր նախադրյալները: Նա վստահ է, որ մարզի տնտեսությունը հնարավոր է զարգացնել նաև արկածային տուրիզմի միջոցով։ 

«Խոսող» ծաղիկներ Գյումրիից, կամ ինչպես 17-ամյա Անին բիզնես հիմնեց պանդեմիայի օրերին

«Հիմա կարևոր է գտնել այն բոլոր տարածքները, որտեղ շատ հեշտությամբ ու անվտանգ կարելի է այդ ամենը կազմակերպել, ու արդեն հաջորդ տարի մտնել տուրիստական ու ժամանցային ծառայությունների շուկա»,-նշեց Տիգրան Պետրոսյանը:

«Շիրակը մեր տունն է» ՀԿ նախագահ Արսեն Վարդանյանը, որը լավ է տիրապետոում մարզի զբոսաշրջային հոսքերին, կարծում է, որ ունեցած ռեսուրսները ճիշտ օգտագործելու ու մատուցելու դեպքում այստեղ այցելողներն արդեն իրենք կսկսեն գովազդել Շիրակը որպես արկածային տուրիզմի մարզ:

Любители экстремального туризма в ущелье реки Ахурян
© Photo : provided by Arsen Vardanyan / Gyumri is our home
Ախուրյանի ջրանցքը

«Ուսումնասիրությունները ցույց են տվել, որ Շիրակի մարզում առկա ջրային ռեսուրսները ոչ բավարար են օգտագործվում: Նախկինում Ախուրյանի կիրճն օգտագործվում էր միայն հետիոտնային արահետներով արշավների համար, բայց այն նաև հրաշալի վայր կարող է դառնալ կայակներով ու սապփադլներով (հիմնականում փչովի, նեղ նավակների տեսակներ,-խմբ.) զբոսանքներ կազմակերպելու համար: Կարևորը ռեսուրսը ճիշտ ժամանակին օգտագործելն ու նուրբ ներկայացնելն է»,-Sputnik Արմենիայի հետ զրույցում նշեց Վարդանյանը:

Любители экстремального туризма в ущелье реки Ахурян
© Photo : provided by Arsen Vardanyan / Gyumri is our home
Ախուրյանի ջրանցքը

 

Նշենք, որ հատկապես վերջին տարիներին Գյումրին ներգնա տուրիզմի հիմնական կետերից է, բայց Շիրակի մարզը, բացի Գյումրիից, ունի նաև այնպիսի տարածքներ, որոնք գրավում են ոչ միայն հայ, այլ նաև օտարազգի զբոսաշրջիկներին՝ Երերույքի տաճար, Հառիճավանք, Լմբատավանք, Մարմաշենի վանական համալիր, «Արփի լիճ» ազգային պարկ, Ջրափի Քարավանատուն և այլն:

«Դիսնեյլենդ» չէ, բայց պակաս էլ չէ. Գյումրիում եզակի ժամանցային այգի կկառուցեն

Մարզում հարմար տարածքներ կան նաև լեռնային հեծանվարշավների համար: Իսկ էքստրեմալ տուրիզմը զարգացնելու համար մարզն արդեն համապատասխան գույք ունի, որը տրամադրվել է ԱՄՆ ՄԶԳ կողմից ֆինանսավորվող «Աջակցություն Հայաստանին- նախաձեռնություն» ծրագրի շրջանակներում՝ Շիրակի մարզպետարանի և «Շիրակը մեր տունն է» ՀԿ-ի հետ եռակողմ համագործակցության արդյունքում։

196
թեգերը:
զբոսաշրջություն, Ախուրյանի ջրանցք, Գյումրի, Շիրակի մարզ
Ըստ թեմայի
Համավարակն ու տուրիզմը. ի՞նչ կտա ոլորտին կառավարության որոշումը
30 նոր ուղղություն. ներքին տուրիզմի մասնագետներն իրավիճակից դուրս գալու ելքեր են փնտրում
Հայաստանում տուրիզմի ոլորտը կոլապսի մեջ է. փրկության 2 ճանապարհ կա
Նորավանք

Հայաստանի հարավի զբոսաշրջային գանձերը. հատուկ հետաքրքրասերների համար

148
(Թարմացված է 22:04 19.09.2020)
Հարուստ է պատմամշակութային հուշարձաններով և տեսարժան վայրերով հատկապես գրավիչ է Հայաստանի հարավային հատվածը։ Sputnik Արմենիան ներկայացնում է հինգ վայր, որոնք կարող են հետաքրքրել նույնիսկ ամենաքմահաճ և աշխարհ տեսած զբոսաշրջիկին:

Արենի

Ճանապարհորդությունը սկսենք Արենի գյուղից, որտեղ գտնվում է համանուն գինու գործարանը: 1994 թվականից գոյություն ունեցող գինեգործարանի պատմությունը տերերը որոշել են հատուկ թանգարանում ցուցադրել:

Посетители у пещеры Арени
© Sputnik / Janna Poghosyan
Արենի

Մուտքի մոտ հյուրերը հնարավորություն են ստանում համտեսել ազնվական ըմպելիքի անհավանական տեսակներ, որոնց շարքում են ծիրանի, մոշի, բալի, սերկևիլի, ավանդական՝ խաղողի և նռան գինիներ: Այստեղ կարելի է գինի գնել հենց արտադրողից:

Пещера Арени
© Sputnik / Janna Poghosyan
Արենի քարանձավ

Ի դեպ, այստեղ է գտնվում նաև հայտնի Արենի 1 քարանձավը, որտեղ հնէաբանները հայտնաբերել են աշխարհի ամենահին կաշվե ոտնամանը: Այն մոտ 6000 տարեկան է: Հիմա ամենահին կոշիկը Հայաստանի պատմության թանգարանում է, իսկ քարանձավը դարձել է զբոսաշրջային էքսկուրսիաների վայր:

Նորավանք

Իր յուրահատուկ ճարտարապետությամբ հայտնի Նորավանք համալիրը թվագրվում է XIII—XIV դարերով: Սուրբ Աստվածածին հոյակերտ եկեղեցին, որի շինարարությունն ավարտվել է 1339-ին, համարվում է հայ տաղանդավոր ճարտարապետ և մանրանկարիչ Մոմիկի վերջին գլուխգործոցը: Եկեղեցու մոտ նրա փոքր և համեստ դամբարանն է: Օրբելյան իշխանների կառավարման շրջանում եկեղեցին դարձել է խոշոր կրոնական կենտրոն, իսկ ХIV դարում` Սյունիքի եպիսկոպոսների նստավայրն է եղել:

Монастырь Нораванк
© Sputnik / Aram Nersesyan
Նորավանք

Հրաշակերտ վանական համալիրը հիանալի համադրվում է գեղատեսիլ լանդշաֆտի հետ: Վանական համալիրը ժայռի վրա է կառուցված: Նորավանքը գերում է էներգիայով և շրջակա բնության գեղեցկությամբ:

Տաթև

Տաթևը Հայաստանի հին ու ամենից հայտնի վանական համալիրներից մեկն է, որ իրավամբ համարվում է հայկական ճարտարապետության մարգարիտը: Այստեղ է գործել միջնադարյան Հայաստանի ամենամեծ համալսարանը: IX դարում հիմնադրված Տեթևն այժմ խոշոր զբոսաշրջային համալիրի մաս է, որը ներառում է Տաթևի մենաստանը, «ՏաԹևեր» ճոպանուղին, «Սատանի կամուրջը»:

Татевский монастырь
Տաթև վանք

Եկեղեցու և շրջակա բնաշխարհի ներդաշնակությունը հիանալի մթնոլորտ են ստեղծում` այցելուներին տեղափոխելով հին դարեր, երբ Տաթևը եղել է Հայաստանի հոգևոր և ակադեմիական կարևորագույն կենտրոններից մեկը:

Татевский монастырь
© Sputnik / Asatur Yesayants
«ՏաԹևեր» ճոպանուղին

«ՏաԹևեր» ճոպանուղին կառուցվել է 2010 թ.-ին: Այն ամենաերկար հետադարձելի ճոպանուղին է աշխարհում: Ռեկորդային են ոչ միայն օդուղու երկարությունը՝ 5752 մ, այլև ճոպանուղու կառուցման ժամկետները՝ ընդամենը 10 ամիս:

Խնձորեսկ

Այս վայրը հայտնի է իր ժայռային քարանձավներով, որտեղ դեռ անցած դարի կեսերին մարդիկ են ապրել: Քարանձավային քաղաքը Հայաստանի ամենաառեղծվածային վայրերից է:

Հայաստան գալու ժամանակը. հանգիստ, որն անմոռանալի կլինի, կամ որտեղ վայելել ամառը

Ոչ ոք չգիտի, թե երբ են այստեղ հայտնվել առաջին բնակավայրերը: Հայտնի է միայն, որ երեք–չորս հազարամյակ առաջ մարդիկ այստեղ ապրել են բնական քարայրներում: Ամենայն հավանականությամբ, նրանք որսորդներ են եղել: Ժամանակի ընթացքում մարդիկ սկսել են զբաղվել անասնապահությամբ, հողագործությամբ և կիրճով վերև բարձրացել` խորը անցքեր փորելով ժայռերի մեջ: Քարանձավի մուտքը գտնվել է 20-30 մետր բարձրության վրա: Մարդիկ իրենց տներ են մտել ճոպանների օգնությամբ:

Քարանձավ-բնակարանն ունեցել է երդիկ, խորը փորված հոր` մթերք պահելու համար և ժայռափոր դարակներ: Կան նաև երկհարկանի և եռահարկ «տներ», որտեղ ապրել են այն ժամանակվա իշխանները:

Գինի ու քամանչայի թանգարան․ Աշտարակում գտել են գաստրոնոմիական մայրաքաղաք դառնալու բանալին

Խնձորեսկում շատ հետաքրքիր է բացառիկ կախովի կամուրջը, որը հայտնվել է 2012 թվականին: Դրա շնորհիվ զբոսաշրջիկները հիմա կարող են այցելել ոչ միայն քարանձավի մի մասը, այլ նաև անցնել նրա հակադիր կողմը: Պետք է նշել, որ այստեղ կարելի է հիանալ հիասքանչ մայրամուտով և մթնշաղով, երբ ամպերը փափուկ վերմակի նման գրկում են լեռները և կիրճը:

Քարահունջ

Քարահունջ կամ Զորաց քարեր հնագույն մեգալիթյան համալիրը հաճախ համեմատում են անգլիական Սթոունհենջի հետ: Մ.թ.ա 5–րդ հազարամյակով թվագրվող Քարահունջը, ամենայն հավանականությամբ, հնագույն աստղադիտարան է:

Նոր բացահայտում. Քարահունջը միակը չէ, Հայաստանի տարածքում նման կառույցները մի քանիսն են

Համալիրը գտնվում է ծովի մակարդակից 1770 մետր բարձրության վրա, բրոնզե դարի ժամանակաշրջանի բնակավայրի մոտ և կազմված է բազմաթիվ կանգնած քարերից, որոնց մի մասի վերին հատվածում կլոր անցքեր են արված:

Караундж
© Sputnik / Karen Yepremyan
Քարահունջ

Պատմաբանները հակված են մտածելու, որ Քարահունջը նախապատմական մարդկանց համար դամբարանատեղի է ծառայել: Որոշ գիտնականներ կարծում են, որ համալիրն աշխարհի ամենահին աստղադիտարանն է: Այստեղ ուսումնասիրությունները շարունակվում են, իսկ Զորաց քարերի շուրջ վեճերը չեն դադարում:

148
թեգերը:
Արենի, Խնձորեսկ, Սյունիքի մարզ, Քարահունջ, Տաթևի վանք, Նորավանք, Հայաստան
Ըստ թեմայի
Սյունեցի դպրոցականը փորձում է իրենց գյուղը զբոսաշրջային կենտրոն դարձնել ու ստացվում է
Գորշ արջի զբոսանքը Սյունիքում. տեսանյութ
ՀԴՄ կտրոնները` Ադրբեջանի շահերի պաշտպան. զբոսաշրջիկները կօգնե՞ն հետ բերել Ղարաբաղը
Արխիվային լուսանկար

2381 վարակման դեպք, 41 մահ` մեկ օրում. կորոնավիրուսային հիվանդության ընթացքը Հայաստանում

73
(Թարմացված է 11:00 31.10.2020)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 31 հոկտեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 2381–ով և դարձել 89813։ Տեղեկությունը հայտնում է Հիվանդությունների վերահսկման և կանխարգելման կենտրոնը:

Այս պահին փաստացի բուժում է ստանում 32 788-ը (+1330) մարդ, կատարվել է 402588 (+4992) թեստավորում, առողջացել են վարակվածներից 55 317–ը (+1001)։ Գրանցվել է մահվան 1341 (+41) դեպք։ Կորոնավիրուսով վարակված, բայց այլ պատճառով մահացածների թիվն ավելացել է 9–ով և դարձել 367։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Վիրավոր զինվոր, թե Covid-ով հիվանդ. առողջապահական համակարգը պարալիզացման եզրին է

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

73
թեգերը:
համավարակ, Հայաստան, կորոնավիրուս, թեստ
թեմա:
Կորոնավիրուսը Հայաստանում և Արցախում
Ըստ թեմայի
Հայաստանը COVID-19-ի դեմ պատվաստանյութ կգնի. արդեն համաձայնագիր է ստորագրվել
Կորոնավիրուսի դեմ ի՞նչ պատվաստանյութ կհասնի Հայաստանին. նախարարությունը քայլեր է անում
Մենք չպետք է մոռանանք, որ ունենք անտեսանելի թշնամի. կորոնավիրուսը նոր թափ է հավաքել