ԵՐԵՎԱՆ, 29 հունիսի — Sputnik. Հայաստանի Զբոսաշրջության պետական կոմիտեն շարունակում է լրագրողների հրավիրել Ռուսաստանի տարբեր շրջաններից։ Այդ մասին Sputnik Արմենիայի թղթակցին հայտնեց կոմիտեի փոխնախագահ Մեխակ Ապրեսյանը։
Լրագրողներին հրավիրում են ոչ միայն Մոսկվայից և Սանկտ Պետերբուրգից։ Անցած տարի այստեղ են եղել նաև սուրգուտցիները։ «Հեռացել են հարուստ տպավորություններով Հուսով ենք, որ շուտով այնտեղից մեզ մոտ կգան ոչ մեկ տասնյակ զբոսաշրջիկներ։ Չէ որ այնտեղի կլիման մեղմ չէ։ Իսկ մարդիկ աշխատում են ամբողջ տարին և ցանկանում են հանգստանալ», — նշեց Ապրեսյանը։
Հրավիրվում են ոչ թե միայն նավթագազային, այլ Ռուսաստանի բոլոր շրջաններից, հավաստիացրեց Ապրեսյանը։ Օրինակ, անցած տարի այստեղ եղել է նկարահանող խումբ Վորոնեժից։
«Առաջին հերթին աշխատում ենք այն քաղաքների հետ, ուր կան ուղիղ չվերթներ։ Շատերն այդքան լավ չգիտեն մեր երկիրը։ Մենք ուրախ ենք ամեն ինչ ցույց տալ և նրանց ուրախացնել։ Իսկ նրանք էլ տպավորությունները ուրախությամբ կիսում են համերկրացիների հետ», — ասաց Ապրեսյանը։
Իսկ եթե լրագրողների ժամանակը բավականացնում է, նրանց ցույց են տալիս Արցախի տեսարժան վայրերը։ Եթե մեկ շաբաթից ավել են մնում, ապա Արցախ գնալուց չեն պրծնի, կատակով հավելեց Ապրեսյանը։
Նշենք, որ մի շարք ուսումնասիրությունների համաձայն, Հայաստան եկող զբոսաշրջիկների 40-50 տոկոսը ռուսաստանցիներ են։
