«Համով Հայաստան»․ ամառային ճաշատեսակ` «արնաթաթախ ձեռքի» վրա

397
(Թարմացված է 14:09 07.07.2019)
Ամռանն այս ճաշատեսակը պատրաստելիս խորհուրդ են տալիս օգտագործել սառույց։

Հայ խոհարարները հիանալի պատրաստում են սաղմոնով թարթար։ Դրանում համոզվել են Sputnik Արմենիայի թղթակիցները «Համով Հայաստան» խորագրի շրջանակում։

Շեֆ խոհարար Գոռ Հակոբյանի հետ միասին պատրաստել ենք դասական բաղադրատոմսով, բայց օրիգինալ մատուցմամբ ճաշատեսակ։

Գոռի մտահղացմամբ՝ այդ հաստատությունում ամռանը թարթարը մատուցում են սառույցի, ավելի ճիշտ՝ «սառցե ձեռքի» վրա, որը կարմիր է ներկված։ Այստեղից էլ այն տպավորությունը, որ ճաշատեսակն ասես պատրաստվում է արնաթաթախ ձեռքի վրա։

Այն պատրաստելու համար անհրաժեշտ է սաղմոն, կարմիր պղպեղ, լայմի հյութ, լայմի կեղև, զեյթունի ձեթ, լորի ձու, կանաչի, սառույց։

Սկզբից լվանում ենք ավոկադոն, մաքրում կեղևից և մանր կտրատում։ Մանր կտրատում ենք նաև սաղմոնի փափկամիսը։

Այդ ամենը դնում ենք ամանի մեջ, վրան ցանում մանրացված կարմիր պղպեղ։ Ավելացնում ենք լայմի կեղև և հյութ, զեյթունի ձեթ։ Ամեն ինչ խառնում ենք և մատուցում։

Շեֆ խոհարարը խորհուրդ է տալիս ամռանը մատուցելիս օգտագործել սառույց։ Թարթարի վրա ավելացնում ենք ձվի դեղնուց։

Մանրամասները դիտեք տեսանյութում։

Բարի ախորժակ։

397
թեգերը:
ձուկ, խոհանոց, Հայաստան
թեմա:
Աշխարհի խոհանոցները. Հայաստան (52)
Ըստ թեմայի
Համով Հայաստան. այսպիսի տոլմա չեք համտեսել. ավանդական ուտեստը ոչ ավանդական բաղադրատոմսով
Համով Հայաստան․ հեշտ պատրաստվում է, հեշտ` մարսվում. թեթև, ամառային և համեղ աղցան
Հոգիս թռչում է երկինք. Մարիա Զախարովան «համով» լուսանկարներ է հրապարակել Երևանից

sys_stories