Համով Հայաստան․ Մեծ պահքը խոչընդոտ չէ. ինչու է հայկական արիշտան այդքան հայտնի

144
Արիշտան սիրված է ինչպես տեղի հայերի, այնպես էլ՝ զբոսաշրջիկների մոտ։ Այն ընդունված է պատրաստել մեծ քանակությամբ՝ ձմռան համար։ Արիշտան տարբեր եղանակներով են պատրաստում։ Խմորը բաղկացած է ալյուրից, ջրից և աղից։ Իսկ ահա բաղադրիչների հարցում կարելի է գործի դնել երևակայությունը՝ մատուցել մսի կամ խաշած բանջարեղենի հետ։

Sputnik Արմենիայի թղթակիցները «Համով Հայաստան» խոհարարական խորագրի շրջանում պատրաստել են պահքի արիշտա, քանի որ Հայաստանում հիմա Մեծ պահք է։ Այդ հարցում մեզ օգնեց Սեդրակ Մամուլյանի խոհարարական ստուդիայի խոհարար Աննա Մաթևոսյանը։

Ճաշատեսակի համար օգտագործել ենք արիշտա, սունկ, սպանախ, «Աշտարակ» սոուս, արևածաղկի ձեթ, աղ, պղպեղ։

Քանի որ արիշտան նախօրոք պատրաստ էր (մենք զրոյից չենք պատրաստել խմորը), ապա ճաշատեսակը պատրաստել են կես ժամում։ Կաթսան դնում ենք գազօջախին և սպասում, մինչև ջուրը եռա։ Միաժամանակ կտրատում ենք սունկը և սպանախը։ Երբ ջուրը եռում է, գցում ենք արիշտան։

Ի դեպ, մեր արիշտայի մեջ մտնում են ալյուր, ջուր և աղ։ Մենք ձու չենք օգտագործել, որպեսզի այն պահքի լինի։ Եփում ենք տասը րոպե։ Ջուրը քամում ենք։

Տապակը դնում ենք կրակին, ավելացնում արևածաղկի ձեթ, սունկ, մի քիչ տապակում, ավելացնում սպանախ և «Աշտարակ» սոուս։ Սոուսը պատրաստվում է ընկույզով, սխտորով, քացախով կամ սպիտակ գինով, աղով և համեմունքներով։

Ավելացնում ենք պատրաստի արիշտա և խառնում։

Բարի ախորժակ։

Մեր խորագրում ծանոթացեք այլ հետաքրքիր բաղադրատոմսերի:

144
Ըստ թեմայի
Ինչո՞ւ բրիտանացին չի հեռանա Հայաստանից, իսկ հայկական գարեջուրը «կողողի» տարածաշրջանը
Համով Հայաստան. «Հրակեզ սերկևիլ» կամ հայկական թագավորական աղանդերի գաղտնիքը
Համով Հայաստան․ սաղմոնի սթեյքը ռեկորդների է հասնում․ ո՞րն է հաջողության գաղտնիքը
Համով Հայաստան․ ինչպես պատրաստել իշթար քյաբաբ` հայկական մատուցմամբ
Վիետնամական խոզերով «վարդամորու» դրախտ. հայ ծրագրավորողը յուրահատուկ բիզնես է սկսել

sys_stories