Համով Հայաստան․ Բարեկենդանի տոնական ղափաման

443
(Թարմացված է 13:45 03.03.2019)
Հայաստանում տոնական սեղանին հաճախ կարելի է տեսնել ղափամա։ Լցոնած դդում պատրաստել են հատուկ օրերին, ինչպես նաև հարսանեկան հանդիսությունների ժամանակ` հատուկ նորապսակների համար։

Հայ առաքելական եկեղեցին մարտի 3-ին նշում է Բուն Բարեկենդանը։ Այդ օրը կարելի է ուտել այն, ինչն արգելքի տակ կլինի Մեծ պահքի շրջանում (որն այս տարի սկսվում է մարտի 4-ից), ուստի հայ ժողովուրդը միշտ մեծ շուքով է նշել այս տոնը։

ՀԱԵ Արարատյան հայրապետական թեմին կից «Արարատ» երիտասարդական միության նախագահ Տաթև Զախարյանի հետ միասին «Համով Հայաստան» խորագիրը կպատմի, թե ինչպես պատրաստել տոնական ճաշատեսակը։

«Մենք ընտրել ենք ղափամա, քանի որ այդ ճաշատեսակը հիանալի սազում է մեր տոնական սեղանին», - ասաց Զախարյանը Sputnik Արմենիայի թղթակցի հետ զրույցում։

Այն պատրաստելու համար անհրաժեշտ են հետևյալ մթերքները․բրինձ, մեղր, դդում, չիր, ընկույզ, կարագ, բուսական յուղ, դարչին, աղ։

Բրնձով կաթսան դնում ենք կրակին, հասցնում կիսաեփ վիճակի։ Այդ ընթացքում կտրատում ենք չրերը, դդումը մաքրում կորիզներից, կտրում գլուխը, որ կափարիչ ծառայի։ Չրերը և ընկույզը տապակում ենք ուժեղ կրակի վրա մինչև ոսկեգույն դառնալը։ Ավելացնում ենք մի քանի գդալ մեղր, խառնում։ Դդումը ներսից պատում ենք մեղրով։

Այնուհետև սկսում ենք լցոնել դդումը։ Շերտերով շարում ենք բրինձը, չրերը և ընկույզը։ Ի դեպ, բաղադրիչները կարելի է նախօրոք խառնել և միանգամից լցոնել։ Դդումը փակում ենք «գլխարկով»։

Անցնում ենք վերջին փուլին․ դդումը դնում ենք ջեռոցի մեջ և եփում 150-160 ջերմաստիճանով։

Բարի ախորժակ։

 

443
թեգերը:
Հայաստան
թեմա:
Հայկական խոհանոցի բաղադրատոմսեր (56)
Ըստ թեմայի
Համով Հայաստան. հոթ դոգի ամենահամեղ բաղադրատոմսը
Համով Հայաստան. Այս հավի հետ մատներն էլ կուտեք. պահանջված բաղադրատոմս
Համով Հայաստան. նախաճաշ հայկական ձևով. սա պետք է համտեսի յուրաքանչյուրը

sys_stories