Դրվագ «Ուրարտու»– «Մալիբուր» խաղից

Հրաժեշտ Եվրոպային. «Ուրարտուն» և «Նոան» կորցրին վերջին շանսը

92
(Թարմացված է 22:32 15.07.2021)
Հայկական երկու ակումբների՝ «Ալաշկերտի» և «Արարատի» հաղթական մեկնարկից հետո հույս կար, որ մեր մյուս թիմերն էլ կկարողանան հաղթահարել որակավորման առաջին փուլը։ Բայց «Ուրարտուն» և «Նոան» չկարողացան շարունակել մեր հաղթանակները։

ԵՐԵՎԱՆ, 15 հուլիսի - Sputnik. Երևանի «Ուրարտուն» ինչպես և առաջին խաղում, պատասխան մրցավեճում էլ պարտվեց սլովենական «Մարիբորին» 0։1 հաշվով և ավարտեց ելույթները Կոնֆերենցիաների լիգայի խաղարկությունում։

Առաջին խաղում նվազագույն՝ 0։1 հաշվով պարտությունը անկասկած հույսեր ներշնչում էր «Ուրարատուի» վերջանական հաջողության հասնելու համար։ Նվազագույնը պետք էր հաղթել թեկուզ նույն հաշվով, ինչը հնարավորություն կտար խաղը տեղափոխել լրացուցիչ ժամանակ։ Կամ էլ հաղթողը կորոշվեր 11 մետրանոց հարվածաշարի միջոցով։ Բայց «Մարիբորը» խաղային հիանալի կարգապահությամբ պայքարեց ամբողջ խաղի ընթացքում։

«Ուրարտուն» մինչև ընդմիջում ընդամենը մեկ անգամ էր մոտ հաջողությանը, երբ Իվու Ուգուչուկվուի հարվածից հետո գնդակը դիպավ դարպասաձողին։ Երկրորդ կեսում հասկանալով, որ գործող 0։0 հաշիվը ձեռնտու չէ, «Ուրարտուն» փորձեց ակտիվանալ մասնավորապես հարձակման գծում, սակայն «Մարիբորն» էլ երբեմն օգտվում էր առաջացած ազատ գոտիներից ու վտանգավոր հակագրոհ ձեռնարկում։

Ալեքսանդր Կարապետյանը միացավ «Նոա»-ին

Հանդիպման վերջնամասում մեր թիմն ավելի մեծ ուժեր նետեց հարձակման գիծ և պաշտպանությունում «Ուրարտուի» մոտ սկսեցին խնդիրներ առաջանալ։ Եղան դրվագներ, երբ մեր դարպասապահն ու պաշտպանները պարզապես հրաշքով կարողացան անառիկ պահել սեփական դարպասը։ Բայց ի վերջո հյուրերը հասան իրենց նպատակին։

Խաղի հիմնական ժամանակի ավարտից հինգ րոպե առաջ Դանիել Շտուրմը բացեց խաղի հաշիվը` ապահովելով իր թիմը հաղթանակը «Ուրարտուի» նկատմամբ և՛ այս խաղում, և՛ դիմակայությունում։

Կոնֆերենցիաների լիգայում Հայաստանը ներկայացնող «Նոան» մեկ շաբաթ առաջ Երևանում 1։0 հաշվով հաղթելով ֆիննական ԿուՊՍ-ին, պատասխան խաղի առաջին խաղակեսում պատրաստ չէր մրցակցի գրհոներին, ու մինչև ընդմիջում ընդունելով չորս գնդակ սեփական դարպասը, կորցրեց դիամակայությունում հաջողության հասնելու հնարավորությունը։

Իսկ երկրորդ խաղակեսում ֆինները ևս մեկ գնդակ խփելով` հասան խոշոր հաշվով հաղթանակի՝ 5։0։ Երկու հանդիպումների արդյունքով հաղթելով 5։1 հաշվով` հաջորդ փուլ դուրս եկավ մրցակիցը։

Իտալիան Եվրոպայի կրկնակի չեմպիոն է․ Եվրո-2020 ֆուտբոլային տոնն ավարտվեց

92
թեգերը:
ֆուտբոլ, Ուրարտու, «Նոա» ֆուտբոլային ակումբ, Եվրոպա
Ըստ թեմայի
Ֆուտբոլային մեկնաբան Կարեն Ռաֆայելյանի՝ Եվրո-2020–ի հավատարմագրումը հաստատվել է
Ֆուտբոլիստը` տրիբունայում. ի՞նչ է պատմում Արմեն Շահգելդյանը Ռուսաստան- Բելգիա խաղից
Եվրո-2020–ը մեկնարկեց. կկարողանա՞ն ֆրանսիացիները հաղթահարել «մահվան խումբը»
«Հանցագո՞րծ եմ, թե՞ հանցակից». հայաստանցի ֆուտբոլային լրագրողները հեգնում են «Բաքվի վետոն»
Լևոն Արոնյան

Լևոն Արոնյանը հաղթեց ադրբեջանցուն և դուրս եկավ կիսաեզրափակիչ