Ֆուտբոլիստը խաղադաշտում

«Արարատը» հաղթեց «Ֆեհերվարին» ու դուրս եկավ հաջորդ փուլ. տեսանյութ

70
(Թարմացված է 19:31 15.07.2021)
2021/22 մրցաշրջանի մեկնարկը խոստումնալից է հայկական ակումբների համար։ Չեմպիոնների լիգայի որակավորման առաջին փուլում «Ալաշկերտի» հաղթանակից հետո, եվրագավաթային իր դիմակայությունը նույն փուլում, բայց Կոնֆերենցիաների լիգայում հաղթահարեց Երևանի «Արարատը»։

ԵՐԵՎԱՆ, 15 հուլիսի - Sputnik. Երևանի «Արարատը», յուրաքանչյուր խաղակեսում մեկական գնդակ ուղարկելով հունգարական «Ֆեհերվար» թիմի դարպասը, երկու հանդիպումների արդյունքում հաղթանակի հասավ 3։1 հաշվով և կխաղա որակավորման երկրորդ փուլում։

Առաջին խաղում, երբ «Արարատը» հայտնվել էր հետապնդողի դերում, հայկական ակումբի պարտությունից փրկեց Դմիտրիե Պոբուլիչը, որի հեռահար «կրակոցն» անակնկալ էր մրցակցի դարպասապահի համար։ Գյումրու քաղաքային ստադիոնում կայացած երկրորդ խաղում էլ Պոբուլիչը անակնկալ ուներ «Ֆեհերվարի» դարպասապահի համար։ Ադամ Կովաչիկը ստիպված էր հայացքով հետևել, թե ինչպես է գնդակը հայտնվում իր պաշտպանած դարպասում, երբ տուգանայինը վարպետորեն իրացրեց նույն Դմիտրիե Պոբուլիչը։

Չեմպիոնների լիգա. «Ալաշկերտը» հաղթեց ու դուրս եկավ 2-րդ փուլ. տեսանյութ

Իհարկե խփած գնդակը անմիջապես փոխեց հանդիպման ընթացքը, մերոնք արդեն հակագրոհելու շատ լավ հնարավորություններ ունենալով` մեկը մյուսի հետևից սպառնում էին հյուրերի դարպասին։ Արդարության համար նշենք, որ հունգարական թիմն էլ կարող էր հասնել արդյունքի, բայց Վսեվոլոդ Երմակովը անսասան էր։ Իսկ երբ խաղի հիմնական ժամանակի ավարտից 5 րոպե առաջ Դոնիմանի Սիլուն անհատական վարպետությամբ շրջանցեց պաշտպանին ու երկրորդ գնդակն ուղարկեց «Ֆեհերվարի» դարպասը, պարզ դարձավ, որ «Արարատը» հաղթահարում է որակավորման առաջին փուլը։

Երկրորդ փուլում «Արարատը» մրցելու է էստոնական «Պայդե» և լեհական «Շլենսկ» զույգի հաղթողի հետ։ Ամենայն հավանականությամբ մեր թիմի մրցակիցը լինելու է լեհական թիմը, որը առաջին խաղում մրցակցի հարկի տակ հաղթել է էստոնացիներին։

Այսօր ավելի ուշ իրենց պատասխան հանդիպումներն են անցկացնելու հայկական ևս երկու ակումբներ։ Առաջին խաղում նվազագույն 0։1 հաշվով պարտվելուց հետո «Ուրարտուն» հյուրընկալելու է «Մարիբորին», իսկ «Նոան» Ֆինլանդիայում տեղի «ԿուՊՍ»-ի հետ խաղում ունի մեկ գնդակի առավելություն Երևանում հաղթելուց հետո։

Մխիթարյանը շնորհավորել է Իտալիայի հավաքականին Եվրո-2020-ում հաղթելու առթիվ

70
թեգերը:
տեսանյութ, ֆուտբոլ, Հայաստան
Կարեն Խաչանով

Մահանալ կորտո՞ւմ. Խաչանովին զայրացրել է, որ օլիմպիական խաղերը ցերեկվա շոգին են անցկացվում

11
(Թարմացված է 11:34 28.07.2021)
Տոկիոյում ցերեկային ժամերին շատ շոգ է լինում, ինչը անհարմարություն է պատճառում մարզիկներին, հատկապես եթե մրցումները բաց երկնքի տակ են անցկացվում:

ԵՐԵՎԱՆ, 28 հուլիսի - Sputnik. Ռուսաստանցի թենիսիստ Կարեն Խաչանովն իր վրդովմունքն է հայտնել այն փաստի առնչությամբ, որ Տոկիոյում օլիմպիական խաղերը ցերեկվա շոգին են անցկացվում, այն դեպքում, երբ դրանք կարելի էր ավելի ուշ սկսել։ Տեղեկությունը հայտնում է ՌԻԱ Նովոստին:

Խաչանովն այսօր դուրս է եկել Տոկիոյի օլիմպիադայի քառորդ եզրափակիչ՝ երեք պարտիաներում հաղթելով արգենտինացի Դիեգո Շվարցմանին: Խաղը տեղի է ունեցել ավելի քան 30 աստիճան շոգին:

«Մենք խնդրել էինք խաղերն ավելի ուշ ժամերի նշանակել։ Չեմ ուզում թույլ թվալ, ֆիզիկապես բավականին ուժեղ եմ, բայց խաղաս այնպիսի տապին, որ «մահանաս» կորտում․.. Այլ մարզաձևերի մրցումներն անցկացվում են օդորակիչներով սրահներում կամ սկսում են առավոտյան 9-ին: Ոչ մի խնդիր չեմ տեսնում 16-17։00-ին սկսելու մեջ, ավելի թեթև է լինում։ Այստեղ լավ լուսավորություն կա։ Այո, նույնքան տոթ ու խոնավ կլիներ, բայց զգացողությունը կլիներ, որ 10 աստիճանով հով է», - ասել է Խաչանովը լրագրողներին։

12-ից մինչև 66. Տոկիոյի Օլիմպիադայի ամենաերիտասարդ և ամենատարեց մարզիկները. լուսանկարներ

Նա նաև նշել է, որ Շվարցմանի հետ հանդիպման ժամանակ ագրեսիվ է խաղացել, բայց շոգ է եղել ու տոթ։ Խաչանովը պարտվել է երկրորդ պարտիայում, բայց արդյունքը դրական է եղել։

Ավելի վաղ ռուսաստանցի թենիսիստ Դանիիլ Մեդվեդևի ինքնազգացողությունը վատացել էր խաղի ժամանակ, բայց նա դուրս էր եկել օլիմպիական խաղերի քառորդ եզրափակիչ: «Ես կարող եմ ավարտել հանդիպումը, բայց կարող եմ մահանալ։ Եթե ես մեռնեմ, ո՞վ կլինի պատասխանատուն» - Մեդվեդևի ասածը մեջբերում է բրիտանացի լրագրող Տիմանի Քարայոլը։

Դիմակայությունը շարունակվել է, ու երկու ժամ 25 րոպեում ռուսաստանցին հաղթել է 6:2, 3:6, 6:2 հաշվով։

Նշենք, որ թենիսի մրցաշարերն ընթանում են օրվա ամենաշոգ ժամերին, կիզիչ արևի տակ:

«Չի փոշոտվի». Արթուր Դալալոյանը պատմել է՝ ինչ է անելու օլիմպիական մեդալը

11
թեգերը:
Կարեն Խաչանով, Օլիմպիական խաղեր
Հայկ Մարտիրոսյան

Հայկ Մարտիրոսյանը դուրս մնաց շախմատի աշխարհի գավաթի խաղարկությունից

85
(Թարմացված է 18:51 27.07.2021)
Հայաստանի ներկայացուցիչները ավարտեցին իրենց ելույթները Սոչիի աշխարհի գավաթի խաղարկությունում:

ԵՐԵՎԱՆ, 27 հուլիսի - Sputnik. Սոչիում ընթացող շախմատի աշխարհի գավաթի խաղարկությունում հայ գրոսմայստեր Հայկ Մարտիրոսյանը չկարողացավ դուրս գալ քառորդ եզրափակիչ: Հայ շախմատիստը 1/8 եզրափակչի լրացուցիչ երկու պարտիաներում պարտվեց իրանցի Ամին Տաբատաբային:

Առաջին պարտիայում չկարողանալով հաղթել սպիտակներով, իսկ Հայկը շահեկան դիրքում էր, Մարտիրոսյանը սև քարերով ևս պարտվեց երկրորդ պարտիայում:

Նախորդ ռաունդում հայ շախմատիստն ուժեղ էր գտնվել խորվաթ Անտե Բրկիչից: Աշխարհի գավաթի 1/32-րդ խաղարկությունում Հայկ Մարտիրոսյանը հաղթել է ՖԻԴԵ-ի դասակարգման աղյուսակում 6-րդ հորիզոնականը զբաղեցնող Շաքրիյար Մամեդյարովին:

Մինչ այդ հայ գրոսմայստերը պայքարից դուրս էր թողել զամբիացի շախմատիստ Չիտումբո Մվալիին և թուրք գրոսմայստեր Մուստաֆա Յիլմազին:

Այսպիսով, Հայաստանի ներկայացուցիչները ավարտեցին իրենց ելույթները Սոչիի աշխարհի գավաթի խաղարկությունում: Գրոսմայստերներ Գաբրիել Սարգսյանը, Հովհաննես Գաբուզյանը, Շանթ Սարգսյանը ավելի վաղ փուլում դուրս մնացին հետագա պայքարից, իսկ հայկական շախմատի առաջատար Լևոն Արոնյանը պայքարից դուրս մնաց առողջական վիճակի պատճառով:

«Արդեն լավ եմ». Լևոն Արոնյանը խոսել է առաջիկա ծրագրերի մասին

Մրցաշարը մեկնարկել է հուլիսի 12-ին և կավարտվի օգոստոսի 6-ին: Աշխարհի գավաթի եզրափակչի մասնակիցները իրավունք կստանան մասնակցել համաշխարհային թագի հավակնորդների մրցաշարին:

85
թեգերը:
Հայկ Մարտիրոսյան, շախմատիստ, շախմատ
Ըստ թեմայի
Հայկ Մարտիրոսյանը հաղթեց Ադրբեջանի առաջատար շախմատիստ Շահրիյար Մամեդյարովին
Շախմատի աշխարհի գավաթ. Մարտիրոսյան–Մամեդյարով մրցապայքարի հաղթողը կորոշվի թայ–բրեքով
Հայկ Մարտիրոսյանը հաղթեց Ադրբեջանի ուժեղագույն շախմատիստին ու անցավ հաջորդ փուլ