Լևոն Արոնյան

Շախմատի աշխարհի գավաթ․ Հայաստանն Արոնյանի հետ առաջ է շարժվում առանց կորուստների

99
Մրցաշարը մեկնարկել է հուլիսի 12-ին և կավարտվի օգոստոսի 4-ին։ Բոլոր հանդիպումները բաղկացած են երկու պարտիայից (90 րոպե՝ 40 քայլի համար):

ԵՐԵՎԱՆ, 14 հուլիսի – Sputnik. Հայաստանի ներկայացուցիչները հաղթահարել են Սոչիում ընթացող շախմատի աշխարհի գավաթի խաղարկության առաջին շրջանը և դուրս են եկել 1/64 եզրափակիչ, որտեղ պայքարի մեջ կմտնեն Լևոն Արոնյանն ու Գաբրիել Սարգսյանը:

Գրոսմայստեր Հայկ Մարտիրոսյանն ու Հայաստանի գործող չեմպիոն Հովհաննես Գաբուզյանը լրացուցիչ «արագ» պարտիաներում հաղթել են իրենց մրցակիցներին Մալիից և Ալժիրից՝ միևնույն 3:1 հաշվով:

1/64 եզրափակիչում Հայկ Մարտիրոսյանը կմրցի թուրք շախմատիստ Մուստաֆա Յըլմազի, իսկ Հովհաննես Գաբուզյանը՝ եգիպտացի Բասսեմ Ամինի հետ: Ավելի վաղ հաջորդ փուլի ուղեգիր էր նվաճել նաև Շանթ Սարգսյանը, որի մրցակիցը կլինի ադրբեջանցի Նիջաթ Աբասովը:

Լևոն Արոնյանը երկրորդ շրջանում կմրցի ավստրալիացի շախմատիստ Բոբի Չենգի, իսկ Գաբրիել Սարգսյանը՝ հնդիկ Պրանանանդհայի հետ:

Մրցաշարը մեկնարկել է հուլիսի 12-ին և կավարտվի օգոստոսի 6-ին: Բոլոր փուլերում հանդիպումները բաղկացած են 2-ական պարտիայից՝ 90 րոպե 40 քայլի համար, այնուհետև 30 րոպե մինչև պարտիայի ավարտը՝ յուրաքանչյուր քայլի համար 30 վայրկյան հավելումով՝ սկսած առաջինից։ Հավասար արդյունքի դեպքում թայ-բրեյք է խաղարկվում․ 2 պարտիա՝ 25 րոպե + քայլի համար 10 վայրկյան վերահսկողությամբ։ Հավասար հաշվի դեպքում՝ 2 պարտիա՝ 10+10 վերահսկողությամբ, ապա 2 պարտիա՝ 5+3 վերահսկողությամբ։ Եթե կարճ պարտիաների արդյունքում հաղթող չորոշվի, ապա խաղարկվում է վճռորոշ պարտիան՝ «Արմագեդոնը», որտեղ սպիտակները ստանում են 5 րոպե, սևերը՝ 4, ընդ որում՝ սպիտակները պետք է անպայման հաղթեն։

99
թեգերը:
Հայաստան, շախմատ, Լևոն Արոնյան
Ըստ թեմայի
«Հայաստանի և Արցախի հայերով նշում ենք». Արոնյանը հաղթելուց հետո լուսանկարներ է հրապարակել
Արոնյանի և Սարգսյանի հիմնած շախմատի դպրոցը վերաբացվել է. ովքեր և ինչպես կարող են ընդունվել
Լևոն Արոնյան

Լևոն Արոնյանը հաղթեց ադրբեջանցուն և դուրս եկավ կիսաեզրափակիչ

157
(Թարմացված է 22:20 04.08.2021)
Խաղի չորրորդ պարտիան չկայացավ հայ շախմատիստի վաղաժամ հաղթանակի պատճառով։

ԵՐԵՎԱՆ, 4 օգոստոսի - Sputnik. Հայկական շախմատի առաջատար Լևոն Արոնյանը հաղթեց ադրբեջանցի Շահրիար Մամեդյարովին «Grand Chess Tour» շարքի «Chessable Masters» առցանց մրցաշարում:

Մրցաշարի երկրորդ օրն Արոնյանը տոնեց երկու հաղթանակ, երկուսն էլ` սև խաղաքարերով, կրեց մեկ պարտություն։ Կանոնակարգով նախատեսված խաղի չորրորդ պարտիան չկայացավ հայ շախմատիստի վաղաժամ հաղթանակի պատճառով։

Արոնյանը 2,5:0,5 հաշվով հաղթեց ադրբեջանցի Մամեդյարովին:

Շախմատի առցանց մրցաշարի կիսաեզրափակիչում Արոնյանը կմրցի վիետնամցի գրոսմայստեր Լե Կուանգ Լիեմի հետ։ Վերջինս երկու հանդիպումներում էլ առավելության է հասել Ֆրանսիայի ներկայացուցիչ Ալիրեզա Ֆիրուզջուի նկատմամբ (3:1 և 2:0):

100 հազար մրցանակային ֆոնդով մրցաշարն անցկացվում է երկու փուլով։ Շրջանաձև մրցաշարի արդյունքում 8 լավագույն շախմատիստները կորոշեն նոկաուտ համակարգով հաղթողին։ Մրցումներն անցկացվում են արագ շախմատի կանոններով (15 րոպե` յուրաքանչյուր քայլի համար 10 վայրկյան ավելացնելով)։

«Շատ բան կա ասելու...». Արթուր Ալեքսանյանը խոստանում է փակագծեր բացել

Հիշեցնենք` Արոնյանը 2005 և 2017 թվականների աշխարհի գավաթակիր է, Հայաստանի հավաքականի կազմում 37-րդ, 38-րդ և 40-րդ համաշխարհային օլիմպիադաների, 2011 թվականի աշխարհի և 1999 թվականի Եվրոպայի թիմային առաջնությունների հաղթող, բազմաթիվ գերմրցաշարերի, ՖԻԴԵ-ի Մեծ մրցանակի, Վեյկ ան Զեյի մրցաշարի քառակի հաղթող (2007, 2008, 2012 և 2014), 2009 և 2013 թվականների Բիլբաո-Մեծ սաղավարտի հաղթող, արագ շախմատի 2009 թվականի աշխարհի չեմպիոն, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, 2002 թվականի Հայաստանի չեմպիոն։

Արոնյանը դեռևս հանդես է գալիս Հայաստանի դրոշի ներքո, բայց նա արդեն հայտարարել է, որ մեկնելու է ԱՄՆ:

Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին

157
թեգերը:
Հայաստան, Լևոն Արոնյան, հաղթանակ, շախմատ
թեմա:
Լևոն Արոնյանի վերելքներն ու վայրէջքները
Ըստ թեմայի
Այս Օլիմպիադան շատ քաղաքականացված է, կամ ամերիկացիների դեպքում «թերապևտիկ բացառություն» է
Մրցավարական կոպիտ սխալ, կամ ինչպես մեդալներից զրկեցին հալ օլիմպիականներին
«Աստծո դատաստանից չես խուսափի». Արսեն Ջուլֆալակյանը մեկնաբանել է իր գրառումը
Արթուր Ալեքսանյան

«Շատ բան կա ասելու...». Արթուր Ալեքսանյանը խոստանում է փակագծեր բացել

110
(Թարմացված է 20:22 04.08.2021)
Սպիտակ արջը նշում է, որ վնասվածքով, թե առանց դրա՝ միշտ պատրաստ է պայքարել իր երկրի համար։

ԵՐԵՎԱՆ, 4 օգոստոսի - Sputnik. Հայաստանի հավաքականի անդամ, հունահռոմեական ոճի ըմբշամարտիկ Արթուր Ալեքսանյանը խոստանում է փակագծեր բացել, բայց ոչ հիմա։ Instagram-ի իր էջում մարզիկը գրառում է արել՝ նշելով, որ միշտ պատրաստ է պայքարել իր երկրի համար։

«Շատ բան կա ասելու, բայց ոչ հիմա: Ունենք այն, ինչ ունենք: Վնասվածքով , թե առանց վնասվածք միշտ պատրաստ եմ իմ ԵՐԿՐԻ համար պայքարել: Շնորհակալ եմ ձեզ շնորհավորանքների համար : Ամեն վայրկյան զգացել եմ ձեր աջակցությունը»,- գրել է Ալեքսանյանը։

Հիշեցնենք, որ Արթուր Ալեքսանյանը Տոկիոյում կայացած պարգևատրման արարողության ժամանակ հրաժարվել էր կրել արծաթե մեդալը։

Ըմբիշը համաձայն չէ մրցավարների որոշմանը` իր և իր հակառակորդի` Ռուսաստանը ներկայացնող Մուսա Եվլոևի պայքարի շուրջ։

Նշենք, որ օգոստոսի 3-ին Արթուր Ալեքսանյանը 97 կգ քաշային կարգի եզրափակիչում 1։5 հաշվով պարտվեց Ռուսաստանի ներկայացուցիչ Մուսա Եվլոևին և դարձավ արծաթե մեդալակիր։

Նախորդ օրը կայացած կիսաեզրափակչում մեր մարզիկը վնասվածք էր ստացել իրանցի Մոհամադհադի Սարավի հետ մարտում։ Չնայած դրան` նա շարունակեց գոտեմարտը ու հաղթեց 4։1 հաշվով։

Արթուր Ալեքսանյանը Լոնդոնի oլիմպիական խաղերում նվաճել էր բրոնզե մեդալ մինչև 96 կգ քաշային կարգում, իսկ Ռիո դե Ժանեյրոյում կայացած ամառային խաղերում դարձել է 98 կգ քաշային կարգի հաղթող:

110
թեգերը:
Արթուր Ալեքսանյան, մեդալ, օլիմպիադա, ըմբշամարտիկ, Հայաստան
Ըստ թեմայի
Սիմոն Մարտիրոսյանը վերցրեց օլիմպիական արծաթը
Նախագահ Սարգսյանը շնորհավորել է օլիմպիական խաղերի բրոնզե մեդալակիր Արթուր Դավթյանին
Այս Օլիմպիադան շատ քաղաքականացված է, կամ ամերիկացիների դեպքում «թերապևտիկ բացառություն» է
Մքասիմ Գալկին և Ալլա Պուգաչովա. արխիվային լուսանկար

«Սիրում եմ ջահելներին». Գալկինը Պուգաչովային նրանից փոքր ռետրո մեքենա է նվիրել. տեսանյութ

0
(Թարմացված է 22:53 04.08.2021)
Պուգաչովան գնահատել է ամուսնու ռետրո անակնկալը. այժմ համացանցի օգտատերերը քննարկում են ոչ թե նվերը, այլ պրիմադոննայի հումորը:

ԵՐԵՎԱՆ, 4 օգոստոսի -Sputnik. Ռուս հայտնի հումորիստ և հեռուստահաղորդավար Մաքսիմ Գալկինն իր կնոջը՝ Ալլա Պուգաչովային ռետրո ավտոմեքենա է նվիրել՝ այն զարդարելով բազմաթիվ դաշտային ծաղիկներով և արևածաղիկներով:

Գալկինը Instagram-ի իր էջում տեսանյութ է հրապարակել, որն ուղեկցվում է Պուգաչովայի 70-ականների երգով։

Պրիմադոննան գնահատել է ամուսնու նվերը՝ նկատելով, որ մեքենան իր տարիքին է։ Գալկինը հակադարձել է՝ ասելով, որ այս «Զապորոժեցն» ավելի երիտասարդ է։

«Սիրում եմ երիտասարդներին», - պատասխանել է Պուգաչովան։

«Շնորհակալ եմ, որ հայտնվեցիր իմ կյանքում». ինչպես է Պուգաչովան շնորհավորել Գալկինին

Մեկնաբանությունների մեծ մասում օգտատերերը գրեթե չեն խոսում մեքենայի մասին, բոլորը խոսում են Ալլա Բորիսովնայի հումորի զգացողության մասին:

««Հումորը բոց է», «Ալլա Բորիսովնա, ինչպես միշտ, գեղեցիկ և հրաշալի հումորի զգացումով»»,–գրել են նրանք։

Միայն մեկ ժամում տեսանյութը դիտել են ավելի քան 500 հազար օգտատեր։

0
թեգերը:
Ռուսաստան, ավտոմեքենա, Մաքսիմ Գալկին, Ալլա Պուգաչովա
Ըստ թեմայի
Ինչպես է պարում 71-ամյա Ալլա Պուգաչովան. տեսանյութ
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
Ալլա Պուգաչովան երեկույթի է ներկայացել չափազանց կարճ հագուստով. լուսանկար և տեսանյութ