«Ուրարտու»–«Մարիբոր» հանդիպում

«Ուրարտուն» պարտվեց «Մարիբորին», բայց հաղթելու շանսեր դեռ ունի

62
(Թարմացված է 14:03 09.07.2021)
«Ուրարտուն» արժանի մրցակից էր «Մարիբորի» համար։ Խաղի մեկնարկից մեկ ժամ անց մեր թիմը մրցակցին չէր զիջում վիճակագրական բոլոր տվյալներով։

ԵՐԵՎԱՆ, 9 հուլիսի - Sputnik. Ֆուտբոլի Եվրոպայի Կոնֆերենցիաների լիգայի առաջին տուրի շրջանակում Երևանի «Ուրարտուն» Սլովենիայում 0։1 հաշվով պարտվեց «Մարիբորին», բայց նվազագույն հաշվով պարտությունը մեր թիմին լիարժեք շանսեր է տալիս որակավորման երկրորդ փուլ դուրս գալու համար։ Ռևանշը կարող է տեղի ունենալ մեկ շաբաթ անց Երևանում։

«Ուրարտուն» արժանի մրցակից էր «Մարիբորի» համար։ Խաղի մեկնարկից մեկ ժամ անց մեր թիմը մրցակցին չէր զիջում վիճակագրական բոլոր տվյալներով, մերոնք նույնիսկ ավելի շատ հարված էին կատարել մրցակցի դարպասին։ Բայց երկրորդ խաղակեսի 12-րդ րոպեին բաց թողած գնդակը ինչ–որ տեղ հոգեբանորեն կարող էր ազդել հայկական թիմի գործողությունների վրա։

Արցախցի մարզիկը մուայթայի միջազգային առաջնությունում հաղթել է ադրբեջանցուն

Բայց «Ուրարտուն» չընկրկեց ավելի փորձառու մրցակցի առջև ու շարունակեց պայքարել։ Լարված պայքարը շարունակվեց մինչև խաղի վերջին վայրկյանը, սակայն կողմերին ավելին անել չհաջողվեց։ Մեկ գնդակի տարբերությունը իհարկե վճռական չի կարող լինել, քանի որ առջևում ևս մեկ խաղ կա կողմերի միջև։ Բացի դրանից, առաջին խաղում հյուրընկալվելիս հիմնական նպատակը բոլոր թիմերի մոտ չպարտվել է կամ մեծ տարբերությամբ չպարտվելը։

Օլիմպիական հավաքական. ովքեր կներկայացնեն Հայաստանը Տոկիոյում

«Ուրարտուն» հետապնդում էր այլ նպատակ, մեր թիմը ուզում էր հաղթել։ Հիմա էլ ամենևին ուշ չէ, և ոչինչ կորած չէ։ Դիմակայությունում վերջնական հաղթանակի հասնելու համար հարկավոր է հաղթել Երևանում ավելի մեծ տարբերությամբ։ Իսկ դա այնքան էլ անհավանական չէ։

Նշենք, որ սլովենական «Մարիբորը» եվրագավաթներում փորձված թիմ է։ 2019/20 մրցաշրջանում Եվրոպայի լիգայի մրցաշարում թիմը հասավ մինչ փլեյ օֆֆ, որտեղ երկու ոչ–ոքիից հետո մրցակցի հարկի տակ խփած գոլերի թվով զիջեց բուլղարական «Լյուդոգորեցին»։

«Նոայի» հաղթական նորամուտը Կոնֆերենցիաների լիգայում. հայկական թիմը հաղթեց ֆինլանդականին

 

62
թեգերը:
Հայաստան, Ուրարտու, ֆուտբոլ
Ըստ թեմայի
Բռնցքամարտի Եվրոպայի առաջնությունում հայ մարզիկը նոկաուտով հաղթել է թուրքին. տեսանյութ
Արոնյանի և Սարգսյանի հիմնած շախմատի դպրոցը վերաբացվել է. ովքեր և ինչպես կարող են ընդունվել
Հայ մարզիկների ծանրաձողերը շուտով կհասնեն. Փաշինյանը զայրացել էր
Արթուր Ալեքսանյանը ֆին ըմբիշ Արվի Մարտին Սավոլայնենի հետ մարտից հետո

Արթուր Ալեքսանյանը երկրորդ հաղթանակը տոնեց օլիմպիական խաղերում

85
(Թարմացված է 09:13 02.08.2021)
«Սպիտակ արջը» հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

ԵՐԵՎԱՆ, 2 օգոստոսի - Sputnik. Օլիմպիական խաղերի չեմպիոն Արթուր Ալեքսանյանը Տոկիոյի օլիպիական խաղերի քառորդ եզրափակչում 5։1 հաշվով առավելության հասավ ֆին ըմբիշ Արվի Մարտին Սավոլայնենի նկատմամբ։

«Սպիտակ արջի» համար շատ ծանր սկիզբ ունեցավ գոտեմարտը Սավոլայնենի հետ։ Առաջին մրցափուլում մրցավարները պասիվություն տվեցին մեր ըմբիշին ու մեկ միավոր Սավոլայնենին։ Բայց  Ալեքսանյանին պարտերից գլորել ֆինը չկարողացավ, սակայն նվազագույն առավելությամբ հաղթեց առաջին մրցափուլը։

Երկրորդ մրցափուլում Արթուր հաստատեց իր բարձր կարգը ու, ինչպես ասում են, ամեն ինչ իր տեղը դրեց։ Նախ Արթուրը վաստակեց մեկ միավոր ու պարտերում աշխատելու հնարավորություն։ Եվ հետո, երկու անգամ գլորելով մրցակցին, առաջ անցավ հաշվի մեջ 5։1 հաշվով։

Սավոլայնենը ստիպված էր հարմարվել պարտության հետ, իսկ Արթուրը հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

Նշենք, որ դրանից առաջ Արթուր Ալեքսանյանն իր առաջին գոտեմարտում 4։1 հաշվով պարտության մատնելով Ղրղզստանի ներկայացուցիչ Ուզուր Դժուզուպբեկովին՝ դուրս էր եկել քառորդ եզրափակիչ։

85
թեգերը:
Արթուր Ալեքսանյան, օլիմպիադա, Ճապոնիա, ըմբշամարտիկ, հաղթանակ
Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ

Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ․ լուսանկարներ

140
(Թարմացված է 08:42 02.08.2021)
Հայաստանի օլիմպիական հավաքականի կազմում Արթուր Ալեքսանյանն արդեն օլիմպիական երրորդ խաղերում է, ինչ համարվում է օլիմպիական ոսկե մեդալի հիմնական հավակնորդներից մեկը։

ԵՐԵՎԱՆ, 2 օգոստոսի - Sputnik.  Տոկիոյի օլիմպիական խաղերում 97 կգ քաշային կարգում օլիմպիական չեմպիոն Արթուր Ալեքսանյանն իր առաջին գոտեմարտում 4։1 հաշվով պարտության մատնելով Ղրղզստանի ներկայացուցիչ Ուզուր Դժուզուպբեկովին՝ դուրս եկավ քառորդ եզրափակիչ։

Поединок 1/8 финала по борьбе греко-римского стиля между Артуром Алексаняном (Армения) и Узур Джузупбеков (Кыргызстан) на XXXII летних Олимпийских играх (2 августа 2021). Токио
© Sputnik / Asatur Yesayants
Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ

Օլիմպիական խաղերի ոսկե և բրոնզե մեդալակիր, աշխարհի եռակի ու Եվրոպայի առաջնությունների հնգակի չեմպիոն Արթուր Ալեքսանյանի հետ գոտեմարտերում բոլոր ըմբիշներն էլ պայքարում են յուրովի։ Չէ որ նման տիտղոսակիր ըմբիշին հաղթելը հեղինակություն է բերում յուրաքանչյուրին։ Բայց դա հաջողվում է բացառիկ դեպքերում։

Поединок 1/8 финала по борьбе греко-римского стиля между Артуром Алексаняном (Армения) и Узур Джузупбеков (Кыргызстан) на XXXII летних Олимпийских играх (2 августа 2021). Токио
© Sputnik / Asatur Yesayants
Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ

Տոկիոյի օլիմպիաական գորգում հաղթելու մեծ նպատակով էր գորգ դուրս եկել Ղրղզստանի ներկայացուցիչ Ուզուր  Դժուզուպբեկովը, բայց Արթուրի հզոր բազուկներին ու ճկուն շարժումներին մրցակիցը չդիմացավ։ Մեր ըմբիշն առաջին մրցափուլում երեք միավորի առավելություն ստացավ ու այն կարողացավ պահպանել նաև երկրորդ մրցափուլի ընթացքում։

Поединок 1/8 финала по борьбе греко-римского стиля между Артуром Алексаняном (Армения) и Узур Джузупбеков (Кыргызстан) на XXXII летних Олимпийских играх (2 августа 2021). Токио
© Sputnik / Asatur Yesayants
Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ

Հաղթելով 4։1 հաշվով՝ Արթուր Ալեքսանյանն առաջին քայլը կատարեց դեպի պատվո պատվանդան։ Հաջորդ գոտեմարտում մեր ըմբիշը մրցելու է Ֆինլանդիայի ներկայացուցիչ Արվի Մարտին Սավոլայնենի հետ։

Поединок 1/8 финала по борьбе греко-римского стиля между Артуром Алексаняном (Армения) и Узур Джузупбеков (Кыргызстан) на XXXII летних Олимпийских играх (2 августа 2021). Токио
© Sputnik / Asatur Yesayants
Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ

Հիշեցնենք, որ այսօր իր առաջին գոտեմարտում հաղթանակ էր տոնել Հայաստանի մյուս ներկայացուցիչ Կարապետ Չալյանը, որը 77 կգ քաշային կարգում 5։0 հաշվով Յալգասբայ Բերդիմուրատովի նկատմամբ։

Поединок 1/8 финала по борьбе греко-римского стиля между Артуром Алексаняном (Армения) и Узур Джузупбеков (Кыргызстан) на XXXII летних Олимпийских играх (2 августа 2021). Токио
© Sputnik / Asatur Yesayants
Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ
140
թեգերը:
Արթուր Ալեքսանյան, ըմբիշ, օլիմպիադա, հաղթանակ
Ըստ թեմայի
Հովհաննես Բաչկովը Տոկիո-2020-ում փայլուն հաղթանակ տարավ ադրբեջանցու նկատմամբ
Ինչպես է Բաչկովը «շանսատակ» անում ադրբեջանցուն. տպավորիչ լուսանկարներ Տոկիոյից
Վրացի երկու ձյուդոիստի հեռացրել են Օլիմպիադայից. ո՞րն է պատճառը
Արփի Վանյան

Պատկերացնում եմ՝ ինչպես եմ Հադրութ մտնում, գերեզման վազում․ արցախցիների կյանքը կռվից հետո

14
(Թարմացված է 09:04 02.08.2021)
Պատերազմից հետո հայրենազրկված հադրութցիները բազմաթիվ խնդիրների առաջ են հայտնվել՝ սոցիալական, իրավական, հոգեբանական։ Նոր միջավայրում ինտեգրումն էլ հեշտ չի ստացվում։

Գրող, սցենարիստ Արփի Վանյանը ծնունդով Հադրութից է, սակայն արդեն երկար տարիներ Երևանում է ապրում։ Ասում է` տարին տարի չէր լինի, եթե ընտանիքի հետ գոնե երկու անգամ հարազատ Հադրութ չգնային...

Արցախյան 44–օրյա պատերազմից հետո Արփին հիմնադրել է «Հադրութի դեօկուպացիա» ՀԿ-ն, որը զբաղվում է բռնի տեղահանված հադրութցիների սոցիալական, իրավական, նաև Հադրութի մշակութային ժառանգության հարցերով։

Իսկ խնդիրները շատ են ու բազմապիսի։ Նոյեմբերի եռակողմ հայտարարությունից հետո Արցախի նախագահը որոշակի օգնություն է ցուցաբերել, որով ՀԿ–ն կարողացել է մի քանի ամսով լուծել 25 ընտանիքի կեցության հարցը։

Իսկ ներկայում, Արփիի խոսքով, սոցիալական խնդիրը բավականին սուր է հատկապես տղամարդկանց դեպքում։ Կանայք և երեխաները պետությունից 68 հազար դրամի չափով աջակցություն են ստանում, իսկ տղամարդիկ՝ ոչ։

«Անհասկանալի տրամաբանություն է։ Տղամարդիկ մի քանի անգամ դիմել են և՛ ՀՀ ղեկավարությանը, և՛ Արցախի, ամեն անգամ ասել են՝ այո՛, ճիշտ եք, կվերանայենք այդ հարցը, բայց մինչև այսօր չեն վերանայել։ Ստացվում է, որ տղամարդիկ (պատերազմ անցած կամ չանցած) այսօր գրպանում մի կոպեկ փող չունեն` աշխատանք են փնտրում, գտնել չեն կարողանում»,- շեշտում է Արփին։

Ըստ էության՝ անգամ պատերազմի դժոխքով անցած տղամարդիկ, որոնք չեն վիրավորվել և հաշմանդամության կարգ չունեն, որևէ աջակցություն չեն ստանում։

Արփին ընդգծում է՝ աշխատանք գտնելու համար տղամարդիկ տարբեր դռներ են թակում։ Նրանց խոստանում են՝ «կզանգենք», բայց զանգ այդպես էլ չի ստացվում։

«Հադրութի դեօկուպացիա» ՀԿ-ն հայթայթած ֆինանսական միջոցների հաշվին կարողանում է ժամանակ առ ժամանակ աջակցության ծրագրեր իրականացնել։ Դրանցից մեկն, օրինակ, «Նախշուն Հադրութ» ծրագիրն է։

«Կանանց տվել ենք թելեր և շյուղեր, պլեդներ են գործում, հետո մենք իրենցից գնում ենք այդ պլեդները, փորձում վաճառել՝ այդպիսով օգնելով կանանց գումար վաստակելու հարցում»,–պատմում է Արփին։

Այսօր հադրութցիների առջև ծառացած ամենամեծ խնդիրներից մեկն էլ իրավական աջակցություն ու խորհրդատվություն ստանալն է։ Մարդիկ Հադրութում թողել են իրենց տունն ու ունեցվածքը. անհրաժեշտ է գույքագրել ամբողջը, ներկայացնել միջազգային կառույցներին։ ՀԿ–ն ունի մեծ ծրագիր՝ հավերժացնելու հադրութցիների պատմությունները։

Պապին, Ծիտը, Գևորգը... մոռանալ չի կարելի. կապիտանը պատմում է հերոսների ու չհերոսների մասին

«15 թվի եղեռնից հետո չկային տեխնիկական հնարավորություններ՝ արձանագրելու ցեղասպանությունը վերապրածների պատմությունները։ Հիմա այդ մարդիկ այլևս ողջ չեն, շատ պատմություններ կորսված են։ Բայց այսօր տեխնոլոգիաները թույլ են տալիս վավերագրել այս ամենը։ Ուզում ենք հադրութցիների պատմությունը՝ իրենց հետ բերած լուսանկարներով, նյութերով ներկայացնել»,- ասում է Արփին` նշելով, որ ներկայում այս ծավալուն ծրագրի իրականացման համար են ֆինանսավորում փնտրում։

Ի թիվս առկա մի շարք խնդիրների՝ Արփին ընդգծում է նաև ինտեգրման խնդիրը։ Միշտ չէ, որ դա հարթ է ստացվում, հատկապես, երբ մարդիկ տարբեր բարբառներով են խոսում։ Այս ամենի կողքին Արփին կարևորում է իրենց՝ Հադրութի բարբառի պահպանումը, պարբերաբար հադրութցիների հանդիպումների կազմակերպումը, որ հավաքվեն ու հարազատ բարբառով զրույցի բռնվեն։

Իսկ բոլոր ծրագրերի հիմքում, անշուշտ, Հադրութ վերադառնալու երազանքն է։ Արփին նշում է՝ առանց այդ հավատի ամեն բան անիմաստ է դառնում, կյանքի գույներն են կորչում։

«Ես մի վայրկյան անգամ չեմ կասկածում, որ վերադառնալու եմ։ Ես անընդհատ պատկերացնում եմ՝ ինչպես եմ մտնում Հադրութ, ինչպես եմ նկարում, ինչպես եմ վազում գերեզմաններ, չխենթանալու համար՝ մամայիս հետ երկնքում եմ խոսում, ասում եմ՝ գիտեմ, որ դու վերևում ես, ոչ թե այնտեղ...»։

Արցախցի կանայք սկսում են զրոյից․ երբ պետությունը լուռ է, անհատն է գործի անցնում

Ծաղկուն քաղաքը թշնամին քարուքանդ արեց, google maps-ի օգնությամբ տեսել են՝ հարազատ փողոցներն ու տներն այրված են։ Ցավը մեծ է, բայց հույսն ու հավատն ավելի մեծ են։ Հենց դրանք են օգնում հաղթահարել առկա բազմաթիվ խնդիրները, ուժ տալիս պայքարել հայրենի տուն վերադառնալու համար։

14
թեգերը:
Հադրութ, Պատերազմ
Ըստ թեմայի
Կառավարությունում քննարկել են քաշաթաղցիների և հադրութցիների բնակապահովման հարցը
Շնորհակալություն, Երևան. հադրութցիները ծառեր են տնկել Նոր Նորքում
Ստեփանակերտում կառուցվող շենքի բնակարանները կտան Շուշիից ու Հադրութից տեղահանվածներին