Շվեդիա–Հայաստան հանդիպում

Հայաստանի հավաքականը պարտվեց Շվեդիային

255
(Թարմացված է 00:50 06.06.2021)
Շվեդիայի հավաքականը բարձր տրամադրությամբ է մեկնելու Եվրոպայի առաջնությանը։ Հայաստանի ազգային հավաքականի հետ առաջին խաղը շվեդների համար հաղթական էր։

ԵՐԵՎԱՆ, 6 հունիսի - Sputnik, Խաչիկ Չախոյան. Շվեդիա-Հայաստան խաղում մեր հավաքականը կրեց առաջին պարտությունը վերջին տասը խաղերում։ Մեր ընտրանին զիջեց մրցակցին 1։3 հաշվով։

Игрок сборной Швеции Маркус Даниэльсон в борьбе за мяч с Тароном Восканяном из сборной Армении во время товарищеского матча на стадионе Френдс Арена (6 июня 2021). Стокгольм
© AFP 2020 / JONATHAN NACKSTRAND
Մարկուս Դանիելսոն

Ինչպես սպասվում էր, Շվեդիա-Հայաստան խաղի մեկնարկում դաշտի տերերը անմիջապես գործի անցան ու, տիրելով նախաձեռնությանը, կտրուկ քայլերով մեծացնում էին ճնշումը մեր ընտրանու դարպասի վրա։ Մեծ հաշվով Հայաստանի հավաքականի համար դա անակնկալ չէր, ու նախորդած շատ խաղերում մեր թիմը կարողացել էր դիմագրավել մրցակցին, հետո արդեն հասել իր նպատակին։ Բայց շվեդների հետ խաղում մինչև ընդմիջում մեր հավաքականին չհաջողվեց անառիկ պահել սեփական դարպասը։ Դավիթ Յուրչենկոյի սխալի մասին երևի թե իմաստ էլ չունի խոսել. մեր դարպասապահը սխալվեց ու գնդակ ընդունեց սեփական դարպասը, բայց Դավիթը հետո էլ հետ մղեց 11 մետրանոցը։

Այսինքն` պետք է սովորենք, ու հասկանանք, որ ֆուտբոլն իրոք թիմային խաղ է, և սխալվում կամ պարտվում է թիմը, այլ ոչ թե կոնկրետ մեկ խաղացող։ Այս ամենը ասվում է, ոչ թե Դավիթ Յուրչենկոյին արդարացնելու, այլ պարզապես հավաքականի խաղի նկատմամբ մոտեցումը փոխելու համար։ Հաստատ պետք է փոխել, քանի որ Խոակին Կապառոսը համարձակորեն փոխում է մեր թիմի կազմը, խաղը` անսպասելի ու անակնկալ որոշումներ կայացնելով։ Բայց չէ՞ որ մինչև օրս, ինչպես ասում են, ամեն ինչ աշխատում էր։ Ֆուտբոլում հիմնականում կարևորը խաղի ավարտից հետո գրանցված հաշիվն է։ Փորձենք ինքներս պատասխանել այս հարցին՝ լավ խաղալ ու պարտվելն է լա՞վ, թե՞ վատ խաղալ ու հաղթելը։

Ինչևէ, ի տարբերություն նախորդ խաղի, որում մեր մրցակիցը՝ Խորվաթիայի հավաքականը, լրիվ այլ մոտեցում էր ցուցաբերել մերոնց հետ խաղին, շվեդները Եվրո-2020-ում մեկնարկելուց առաջ վերջին ստուգողական խաղում փորձեցին մոտեցնել իրենց թիմի խաղակցվածությունը առավելագույնի, և արդեն ոչ մի նշանակություն չուներ, թե դասակարգման ցուցակում մրցակիցը՝ Հայաստանը, որ տեղն էր զբաղեցնում։ Կարծում ենք, որ Կապառոսն իր հերթին այս խաղերում բավականին լուրջ ինֆորմացիա ստացավ նախևառաջ մեր թիմի թույլ կողմերի մասին։ Շվեդների հետ խաղում էլ մեր պաշտպանները պարտվեցին օդային պայքարում, ու Մարկուս Դանիելսոնը գլխի հարվածով կրկնապատկեց շվեդների առավելությունը։ Խորվաթների հետ խաղում էլ, խաղային այս իրավիճակում մերոնք զիջում էին մրցակցին։

Игрок сборной Швеции Маркус Даниэльсон празднует второй забитый гол с товарищем по команде Виктором Нильссоном Линделофом во время товарищеского матча со сборной Армении на стадионе Френдс Арена (6 июня 2021). Стокгольм
© REUTERS / JANERIK HENRIKSSON/TT
Մարկուս Դանիելսոն

Բայց այնպես չէ, որ մեր ընտրանու կազմում միայն բացասական կողմեր կային։ Սովորականի համաձայն` ընդմիջման ընթացքում Հայաստանի հավաքականի կազմում փոփոխություններ եղան, և սովորականի պես մերոնք երկրորդ կեսում ավելի լավ խաղացին, իսկ Վահան Բիչախչյանն էլ ազգային թիմում խփեց իր առաջին գոլը։ Ճիշտ է, հաշվի նվազագույն առավելությունը շվեդները զարգացրին, բայց դա էլ դիրքային վրիպման արդյունք էր մերոնց կողմից, ինչը իհարկե չի վրիպի Կապառոսի հմուտ աչքերից։

Համենայնդեպս Կապառոսը իրոք ընկերական այս երկու խաղերում ուրվագծեց իր ու թիմի աշխատանքը առաջիկա ամիսների ընթացքում։ Մինչև սեպտեմբեր մեր թիմը այլևս խաղ չունի անցկացնելու, իսկ աշնան առաջին ամսվա առաջին իսկ օրերին մերոնց սպասում են ծանր խաղեր նախ` Հյուսիսային Մակեդոնիայի, ապա` Գերմանիայի հավաքականների հետ, ընդ որում` երկու դեպքում էլ մրցակցի հարկի տակ։

Ոչ ոքի թող չհուսահատեցնի իննը անպարտելի խաղերից հետո մերոնց պարտությունը Շվեդիայում։ Անպարտելիության շարքը հիմնականում վիճակագրերի համար է։ Իսկ թիմն ու մարզիչը յուրաքանչյուր խաղում կոնկրետ խնդիրներ են լուծում` մտածելով և՛ այդ խաղի, և՛ ինչ– որ տեղ էլ ապագա խաղերի մասին։

255
թեգերը:
ֆուտբոլ, Շվեդիա, Հայաստան
Ըստ թեմայի
Նարեկ Աբգարյանը կմենամարտի օգոստոսին
Լևոն Արոնյանը «Grand Chess Tour» մրցաշարում հանդես է գալիս Հայաստանի դրոշի ներքո
Հայ ըմբիշները 7 մեդալ են նվաճել Ուկրաինայում
Բռնցքամարտ

Հայ բռնցքամարտիկը տեխնիկական նոկաուտով հաղթեց ադրբեջանցուն

73
(Թարմացված է 10:35 20.06.2021)
ժորժիկ Մարությանի հարվածներից մեկի ժամանակ ադրբեջանցին ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը։

ԵՐԵՎԱՆ, 20 հունիսի – Sputnik. Իտալիայում անցկացվող բռնցքամարտի Եվրոպայի մինչև 22 տարեկանների առաջնության 3-րդ մրցումային օրը կաշվե ձեռնոցի հայ պատվիրակների հաղթարշավը շարունակվում է: Երեկ մրցահերթում ռինգ դուրս եկած մեր բոլոր բռնցքամարտիկները հաղթել են իրենց մրցակիցներին: Տեղեկությունը հայտնում է Հայաստանի բռնցքամարտի ֆեդերացիայի մամուլի քարտուղարությունը:

56 կգ քաշային Արթուր Բազեյանը մրցավարների միաձայն որոշմամբ առավելության է հասել բելառուս Մաքսիմ Պանկաուի նկատմամբ:

60 կգ քաշային ժորժիկ Մարությանն իր առաջին մենամարտում հաղթանակ է տոնել ադրբեջանցի Ջալալ Գառբանովի նկատմամբ:

«Առաջին երկու ռաունդներում մեր բռնցքամարտիկը ուներ հսկայական առավելություն ու նրա հարվածաշարերից մեկի ժամանակ մրցակիցը ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը»,– նշված է հաղորդագրության մեջ:

Այնուհետև բժիշկները թույլ չեն տվել շարունակել մենամարտը, և քանի որ Մարությանը նաև միավորներով է մեծ առավելություն ունեցել, հաղթանակը շնորհվել է հայ մարզիկին: Գեղեցիկ հաղթանակ է տոնել նաև Արմեն Մաշակարյանը, որի համար սա երկրորդն էր այս առաջնությունում: Այս անգամ Մաշակարյանը պարտության է մատնել մոլդովացի Նիկոլա Բուկսային:

Պատանեկան ԵԱ․ Անդրանիկ Ավետիսյանը ջախջախեց ադրբեջանցուն

 

73
թեգերը:
հաղթանակ, ադրբեջանցի, հայ, բռնցքամարտ
Լևոն Արոնյան

Արոնյանը Grand ChessTour շախմատային սերիայի երկրորդ փուլի առաջատարների թվում է

51
(Թարմացված է 22:47 18.06.2021)
Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։ Grand ChessTour սերիայի երկրորդ փուլում շախմատիստները ռապիդ և բլից կխաղան։

ԵՐԵՎԱՆ, 18 հունիսի – Sputnik. Առաջատար հայ գրոսմայստեր Լևոն Արոնյանը Փարիզում անցկացվող Grand ChessTour սերիայի երկրորդ փուլի առաջատարների խմբում է։

Հայ գրոսմայստերը մրցաշարը սկսեց ոչ ոքիով. նա խաղում էր ադրբեջանցի Թեյմուր Ռաջաբովի հետ։ Երկրորդ փուլում նա կիսեց միավորները շախմատի համաշխարհային թագին վերջերս հավակնող ամերիկացի Ֆաբիանո Կարուանայի հետ, իսկ երրորդում` հաղթանակ տարավ ֆրանսիացի Էթյեն Բաքրոյի նկատմամբ։

Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։

Արոնյանից բացի, մրցաշարին մասնակցում են նաև Մաքսիմ Վաշյե–Լագրավը (Ֆրանսիա), Յան Նեպոմնյաշչին (Ռուսաստան), Ֆաբիանո Կարուանան (ԱՄՆ), Թեյմուր Ռաջաբովը (Ադրբեջան), Պյոտր Սվիդլերը (Ռուսաստան), Ուեսլի Սոն (ԱՄՆ), Ռիխարդ Ռապորտը (Հունգարիա), Ալիռեզա Ֆիրուջա (FIDЕ), Էթյեն Բաքրոն (Ֆրանսիա)։

Grand ChessTour սերիայի երկրորդ փուլում շախմատիստները ռապիդ և բլից կխաղան։

Լևոն Արոնյանը երկրորդ անընդմեջ հաղթանակն է տոնել Grand Chess Tour մրցաշարում

Մրցանակային ֆոնդը 150 հազար դոլար է, հաղթողը 37 500 դոլար է ստանում։ Ռապիդում հաղթանակի համար 2 միավոր է գրանցվում, ոչ ոքիի համար` 1, բլիզում հաղթանակի դեպքում` 1, ոչ ոքիի դեպքում` 0.5 միավոր։

51
թեգերը:
հաղթանակ, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
Արոնյանը Grand Chess Tour մրցաշարին կմասնակցի Հայաստանի դրոշի տակ
Grand Chess Tour. Արոնյանը կհանդիպի շախմատի համաշխարհային թագի նախկին հավակնորդի հետ
Լևոն Արոնյանը հերթական ոչ-ոքին խաղաց Բուխարեստի մրցաշարում
Հայկ Սարգսյան

Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով

0
«Քաղաքացիական պայմանագրի» պատգամավորության թեկնածու Հայկ Սարգսյանը, որը հանրությանն առավել հայտնի է «Շիշ բռնող» մականունով, Facebook-ում հրապարակել է «Հայաստան» դաշինքի քվեաթերթիկները՝ լուսանկարված քվեախցիկի «չօգտագործված քվեաթերթիկներ» հատվածից։

ԵՐԵՎԱՆ, 20 հունիսի – Sputnik. «Քաղաքացիական պայմանագիր» կուսակցության պատգամավորի թեկնածու Հայկ Սարգսյանի հրապարակած լուսանկարի փաստի առթիվ ոստիկանությունում նյութեր են նախապատրաստվում։ Տեղեկությունը հայտնում է ոստիկանությունը։

Գերատեսչությունն արձանագրել է, որ Սարգսյանը Facebook-ի իր էջում քվեախցից արված լուսանկար է հրապարակել։

«Քաղաքացիական պայմանագիր» կուսակցության պատգամավորի թեկնածու Հայկ Սարգսյանը, որը հանրությանն առավել հայտնի է «Շիշ բռնող» մականունով, Facebook-ում հրապարակել է «Հայաստան» դաշինքի քվեաթերթիկները՝ լուսանկարված քվեախցիկի «չօգտագործված քվեաթերթիկներ» հատվածից։

Իր հրապարակումը Սարգսյանը վերնագրել է «մերժվածները»։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

0