Հայաստանի հավաքականի ֆուտբոլիստներ

Իբրահիմովիչը չի խաղա, բայց շվեդները լուրջ են տրամադրված Հայաստանի դեմ խաղին

108
(Թարմացված է 12:35 05.06.2021)
Հայաստանի ազգային հավաքականի հետ խաղով Շվեդիան ավարտելու է Եվրո-2020-ի նախապատրաստությունը։ ԶԼՄ–ները նշում են, որ Իբրահիմովիչի բացակայության պայմաններում հայերի հետ խաղը շատ կարևոր է մյուսների համար, որոնք Եվրոպայի առաջնության առաջին խաղում մրցելու են Իսպանիայի հետ։

ԵՐԵՎԱՆ, 5 հունիսի - Sputnik, Խաչիկ Չախոյան. Շվեդիա-Հայաստան հանդիպումը, որը կայանալու է այսօր Ստոկհոլմում, տեղի լրատվամիջոցների ուշադրության կենտրոնում է։ Sputnik Արմենիան զրուցել է Շվեդիայում բնակվող հայ երկրպագու Կարեն Մկրտչյանի հետ, որն էլ մանրամասն ներկայացրել է թե ինչպես են կարևորում մերոնց հետ խաղը Շվեդիայում։

Մայիսի 29-ին Շվեդիայի հավաքականը ընկերական խաղում մրցեց Ֆինլանդիայի թիմի հետ ու հաղթանակի հասավ 2։0 հաշվով։ Սակայն այդ խաղում շվեդների գլխավոր մարզիչ Յաննե Անդերսոնը մեկնարկային կազմում չէր ընդգրկել առաջատար մի քանի խաղացողի։ Քանի որ մեր հավաքականի խաղից առաջ արդեն հայտնի է մրցակցի մեկնարկային կազմը, ապա արդեն պարզ է, որ Շվեդիայի հավաքականը շատ լուրջ է վերաբերվում Հայաստանի ընտրանու հետ խաղին։

-Կարեն, ի՞նչ տրամադրություններ են տիրում Ստոկհոլմում Հայաստանի հավաքականի հետ խաղից առաջ։

- Այն, որ շվեդների մարզիչն արդեն հրապարակել է իր հավաքականի մեկնարկային կազմը ու նույնիսկ նշել մարտավարության մասին, չի նշանակում, որ այս խաղը նրանք չեն կարևորում։ Լրիվ հակառակը։ Կազմը տեսնելով` մենք հասկացանք, որ Շվեդիայի ընտրանին շատ լուրջ է տրամադրված առաջիկա խաղին և փորձելու է հաղթական տրամադրություն ապահովել Եվրո-2020-ում Իսպանիայի հետ մեկնարկային խաղից առաջ։ Մեկնարկային կազմում կան հարձակման գծի երկու առաջատարները՝ Ալեքսանդեր Իսակն ու Դեյան Կուլուսևսկին։ Բացի նրանցից, խաղալու է թիմին առաջ տանող շարժիչը՝ Էմիլ Ֆորսբերգը։

-Իսկ ի՞նչ գնահատական է ստացել տեղի լրատվամիջոցների կողմից Հայաստանի հավաքականը։

-Մեր ընտրանու հետ կապված նշում են, որ Հայաստանի հավաքականը վերելք է ապրում ու անպարտելի խաղերի շարք է ապահովել։ Ու այն, որ խորվաթների հետ ոչ-ոքի ենք խաղացել, այս մասին էլ է նշվում, կարծես որպես զգուշացում շվեդ ֆուտբոլիստներին, որ չթերագնահատեն Հայաստանի հավաքականին։

-Զլատան Իբրահիմովիչի բացակայությունը ինչպե՞ս է ընդունվել Շվեդիայում։

-Դե, Զլատանը Շվեդիայի լեգենդն է, որը շատ էր ուզում խաղալ Եվրո-2020-ում, և նրա վերադարձը հավաքական շատ էր ուրախացրել շվեդ ֆուտբոլասերներին։ Բայց քանի որ վնասվածքի պատճառով Իբրահիմովիչը չի խաղալու, բոլորն էլ ստիպված իրենց հույսը կապում են Իսակի, Կուլսևսկու և Ֆորսբերգի հետ։ Այդ մասին գրել է ATG թերթը։

-Տոմսեր չվաճառելու պատճառով ստադիոնում հայ երկրպագուներ չեն լինելու։ Ինչպե՞ս դա ընդունեցին հայ ֆուտբոլասերները Շվեդիայում։

-Շատ վատ նորություն էր մեզ համար, քանի որ ես անձամբ շատ հայերի գիտեմ, որոնք պատրաստվում էին ներկա գտնվել խաղին ու աջակցել մեր հավաքականին։ Բայց քանի որ կա կորոնավիրուսի պատճառով սահմանափակում, ստիպված ենք ենթարկվել օրենքին ու խաղին հետևել հեռուստացույցով։

Այսպիսով կորոնավիրուսի պատճառով «Ֆրենդս Արենա» մարզադաշտում 50 հազար հանդիսականի փոխարեն ներկա են գտնվելու ընդամենը 500 երկրպագուներ։ Սակայն Շվեդիայի ու Հայաստանի հավաքականների մարզիչների համար խաղի նշանակությունը չի փոխում։ Անդերսոնը փորձելու է տեսնել իր թիմի պատրաստականությունը Եվրո-2020-ից անմիջապես առաջ, իսկ Կապառոսը դիտարկելու է տարբերակներ, որոնք կօգտագործի արդեն աշնանը կայանալիք պաշտոնական խաղերում։ Հավելենք, որ Շվեդիա-Հայաստան խաղը մեկնարկելու է Երևանի ժամանակով 22։45-ին։

108
թեգերը:
ֆուտբոլ, Շվեդիա, Հայաստան
Ըստ թեմայի
Հայաստանի հավաքականը չպարտվեց նաև աշխարհի փոխչեմպիոնին. Խորվաթիա-Հայաստան՝ ոչ-ոքի
Արսեն Զախարյանը մեծ ապագա ունի. Երվանդ Սուքիասյան
Հարոյանի մասնակցությունը հարցականի տակ է. Հայաստանի հավաքականն առաջին մարզումն է անցկացրել
Լևոն Արոնյան

Արոնյանը Grand ChessTour շախմատային սերիայի երկրորդ փուլի առաջատարների թվում է

31
(Թարմացված է 22:47 18.06.2021)
Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։ Grand ChessTour սերիայի երկրորդ փուլում շախմատիստները ռապիդ և բլից կխաղան։

ԵՐԵՎԱՆ, 18 հունիսի – Sputnik. Առաջատար հայ գրոսմայստեր Լևոն Արոնյանը Փարիզում անցկացվող Grand ChessTour սերիայի երկրորդ փուլի առաջատարների խմբում է։

Հայ գրոսմայստերը մրցաշարը սկսեց ոչ ոքիով. նա խաղում էր ադրբեջանցի Թեյմուր Ռաջաբովի հետ։ Երկրորդ փուլում նա կիսեց միավորները շախմատի համաշխարհային թագին վերջերս հավակնող ամերիկացի Ֆաբիանո Կարուանայի հետ, իսկ երրորդում` հաղթանակ տարավ ֆրանսիացի Էթյեն Բաքրոյի նկատմամբ։

Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։

Արոնյանից բացի, մրցաշարին մասնակցում են նաև Մաքսիմ Վաշյե–Լագրավը (Ֆրանսիա), Յան Նեպոմնյաշչին (Ռուսաստան), Ֆաբիանո Կարուանան (ԱՄՆ), Թեյմուր Ռաջաբովը (Ադրբեջան), Պյոտր Սվիդլերը (Ռուսաստան), Ուեսլի Սոն (ԱՄՆ), Ռիխարդ Ռապորտը (Հունգարիա), Ալիռեզա Ֆիրուջա (FIDЕ), Էթյեն Բաքրոն (Ֆրանսիա)։

Grand ChessTour սերիայի երկրորդ փուլում շախմատիստները ռապիդ և բլից կխաղան։

Լևոն Արոնյանը երկրորդ անընդմեջ հաղթանակն է տոնել Grand Chess Tour մրցաշարում

Մրցանակային ֆոնդը 150 հազար դոլար է, հաղթողը 37 500 դոլար է ստանում։ Ռապիդում հաղթանակի համար 2 միավոր է գրանցվում, ոչ ոքիի համար` 1, բլիզում հաղթանակի դեպքում` 1, ոչ ոքիի դեպքում` 0.5 միավոր։

31
թեգերը:
հաղթանակ, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
Արոնյանը Grand Chess Tour մրցաշարին կմասնակցի Հայաստանի դրոշի տակ
Grand Chess Tour. Արոնյանը կհանդիպի շախմատի համաշխարհային թագի նախկին հավակնորդի հետ
Լևոն Արոնյանը հերթական ոչ-ոքին խաղաց Բուխարեստի մրցաշարում
Քրիստիան Էրիկսեն

Դանիայի հավաքականի առաջատարի մարմնում դեֆիբրիլյատոր կտեղադրեն

117
(Թարմացված է 16:41 17.06.2021)
Քրիստիան Էրիկսենը Եվրո-2020-ի խմբային փուլի առաջին տուրի Դանիա-Ֆինլանդիա հանդիպման ժամանակ կորցրել էր գիտակցությունը:

ԵՐԵՎԱՆ, 17 հունիսի - Sputnik. Դանիայի հավաքականի կիսապաշտպան Քրիստիան Էրիքսենի մարմնում սրտամկանի դեֆիբրիլյատոր կտեղադրեն: Տեղեկությունը հայտնում է Դանիական ֆուտբոլային միության մամուլի ծառայությունը։

Մասնագետների հետ խորհրդակցելուց հետո Էրիկսենը համաձայնել է վիրահատությանը։

Սրտի դեֆիբրիլյատորը թույլ է տալիս կանխել սրտի աշխատանքի հանկարծակի դադարեցումը:

Հիշեցնենք, որ Եվրո-2020-ի խմբային փուլի առաջին տուրում Դանիայի ու Ֆինլանդիայի հավաքականների հանդիպման ժամանակ Քրիստիան Էրիքսենը կորցրել էր գիտակցությունը։ Խաղն ընդհատվել էր։ Ֆուտբոլիստը հիվանդանոց էր տեղափոխվել, ավելի ուշ նրա վիճակը կայունացել էր։

Մի շարք ֆուտբոլիստներ հեռացել են «Փյունիկ-2»–ից. ակումբը հրապարակել է նրանց անունները

117
թեգերը:
հիվանդանոց, ֆուտբոլիստ, Դանիա
Պուգաչովայի և Գալկինի զավակները

«Սա հիթ է». Գարի և Լիզա Գալկինները հայրիկի ծննդյան օրն անակնկալ են մատուցել. տեսանյութ

31
(Թարմացված է 23:59 18.06.2021)
Ալլա Պուգաչովան երեխաների հետ երաժշտական համար է նախապատրաստել հայտնի շոումեն ամուսնու համար։

ԵՐԵՎԱՆ, 18 հունիսի – Sputnik. Մաքսիմ Գալկինի և Ալլա Պուգաչովայի երեխաները` Գարին և Լիզան, որոշել են ուրախացնել հայրիկին արտասովոր շնորհավորանքով։ Հայտնի երգիծաբան և հեռուստահաղորդավար Մաքսիմ Գալկինը հունիսի 18-ին 45 տարեկան դարձավ։

Մեկնաբանություններում օգտատերերը նշել են, որ Գալկինն ու Պուգաչովան հրաշալի ընտանիք ունեն, երեխաներն էլ շատ դաստիարակված են։ Նրանց տոնական երգը հավանության արժանացել շատերի կողմից։

Արտիստը շնորհավորանքներ է ստանում ընկերներից, գործընկերներից և երկրպագուներից։  Բայց նախևառաջ ընտանիքի անդամներից։ Գարի և Լիզա Գալկինները հոր համար ռեփ են կատարել։ Այդ երգով նրանք շնորհավորել են հայրիկի ծննդյան օրն ու նշել, որ «նա արժանի և խելացի, օրինակելի, հավատարիմ և ուժեղ տղամարդ է մեծացել»։

Գարին և Լիզան խոստովանել են, որ ուրախ են նրա երեխաները լինելու համար և ուզում են նրա պես լինել։

«Սա հիթ է», «Վաու։ Ինչ հիանալի շնորհավորանք է։ Երեխաները հրաշք են», «Որքան լավ է նման բան տեսնելն ու լսելը», «Բրավո ռեփի աստղերին», – այսպիսի մեկնաբանություններ են թողել Գալկինի երկրպագուները։

Ալլա Պուգաչովան և Մաքսիմ Գալկինն ամուսնացած են 2011 թվականից։ Ամուսինները երկու երեխա են դաստիարակում` երկվորյակներ Լիզային և Գարիին։ Հեռուստահաղորդավար և երգիծաբան Գալկինի  համար սա առաջին ամուսնությունն է, երգչուհու համար` հինգերորդը։ Պուգաչովայի ավագ դուստրը` հայտնի երգչուհի Կրիստինա Օրբակայտեն, 50 տարեկան է։

 

31
թեգերը:
ծնունդ, երեխա, Մաքսիմ Գալկին, Ալլա Պուգաչովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ինչպես է հաջողվում 9 տարի շարունակ ապրել միասին. Գալկինը փակագծեր է բացել
Ծիրանագույնից մինչև «Կիմ Չեն Քարդաշյան»․ Գարիկ Մարտիրոսյանը զվարճացրել է հետևորդներին