Сборная Армении на разминке

Ինչպիսի՞ ֆուտբոլ է սպասվում. Շվեդիայում խաղացած հայ ֆուտբոլիստների կանխատեսումները

175
(Թարմացված է 17:49 04.06.2021)
Խորվաթիայի հետ առաջին անգամ մրցելով և ոչ ոքի խաղալով` Հայաստանի հավաքականը հեղինակության նոր միավորներ վաստակեց։ Հունիսի 5-ին ֆուտբոլային մեր ընտրանին հյուրընկալվելու է Շվեդիայի հավաքականին, որի հետ նույնպես մինչև օրս չի խաղացել ոչ պաշտոնական, ոչ էլ ընկերական խաղերում։

ԵՐԵՎԱՆ, 5 հունիսի-Sputnik, Խաչիկ Չախոյան. Շվեդիա-Հայաստան խաղին 50 հազար նստատեղ ունեցող Ստոկհոլմի «Ֆրենդս Արենա» մարզադաշտում լինելու է ընդամենը 500 երկրպագու։ Համավարակի պատճառով տոմսեր չեն վաճառվում, և տրիբունաներում հայ ֆուտբոլասերներ չեն լինելու։

Առաջիկա խաղի հետ կապված Sputnik Արմենիան զրուցել է շվեդական ակումբներում հանդես եկած Լևոն Փաչաջյանի և Քրիստինա Մանգասարյանի հետ։

Հայաստանի ազգային հավաքականի նախկին ֆուտբոլիստ Լևոն Փաչաջյանը Շվեդիայում խաղում է 2013 թվականից։ Այն հարցին, թե հայ երկրպագուներն ինչպես են պատրաստվում առաջիկա խաղին Լևոնը պատասխանում է, որ ցավոք Covid-19 պայմաններում Շվեդիայում շատ մեծ սահմանափակումներ են գործում, պատվիրակություններին ստիպում են թեստեր հանձել, իսկ երկրպագուների հարցը լ ավելի խիստ է:

«Հայ երկրպագուներն իհարկե հետաքրքրված էին Շվեդիա-Հայաստան խաղով։ Պարբերաբար զանգահարում ու խնդրում են, որ իրենց օգնենք խաղին ներկա գտնվելու, բայց ցավոք այս պահին անհնար է դա անել։ Անկախ ամեն ինչից, հայ համայնքը հուսով է, որ մեր ընտրանին արժանի խաղ կցուցադրի ու անպարտելի խաղերի շարքը կշարունակվի»,–ասում է Լևոնը։

Հավաքականի նախկին ֆուտբոլիստը նկատում է, որ մեր թիմին բարդ հանդիպում է սպասվում, քանի որ շվեդներն իրոք շատ ամուր թիմ ունեն` ֆիզիկապես ուժեղ, տակտիկապես շատ լավ պատրաստված:

Արսեն Զախարյանը մեծ ապագա ունի. Երվանդ Սուքիասյան

«Բայց ինչպես ասում են` մենք էլ նվեր չենք և վերջին խաղերում գրանացած արդյունքները հույս են ներշնչում, որ շվեդների համար էլ հեշտ չի լինելու: Չնայած խաղի ընկերական բնույթին, ես սպասում եմ դիտարժան ֆուտբոլ։ Շվեդիայի լրատվամիջոցներն էլ ուշադրության կենտրոնում են պահում այս հանդիպումը և կարևորում այն, քանի որ Եվրո-2020-ի մեկնարկից առաջ հայերի հետ խաղը վերջին ստուգողականն է նրանց համար»,–ասում է Փաչաջյանը։

Հայաստանի կանանց ազգային հավաքականի ֆուտբոլիստ Քրիստինե Մանգասարյանը, որը նույնպես երկար ժամանակ խաղացել է Շվեդիայի առաջնությունում, գտնում է, որ մեր ընտրանուն հեշտ խաղ չի սպասվում ու վստահեցնում, որ Շվեդիայում ֆուտբոլ շատ են սիրում։

«Շվեդիայում շատ զարգացած է ֆան շարժումը։Ներքին առաջնությունում կան սկզբունքային մրցակիցներ, որոնց խաղերի ժամանակ նույնիսկ ընդհարումներ են լինում։ Բայց ազգային հավաքականի խաղերի ժամանակ շվեդները միավորվում են ու աջակցում իրենց հավաքականին»,–պատմում է Քրիստինեն։

Հաշվի առնելով այն հանգամանքը, որ մարզադաշտում երկրպագուների թիվը շատ չի լինելու` կարելի է համարել, որ Հայաստանի հավաքականի վրա մրցակցի ֆան շարժման ճնշում չի գործադրելու։ Իսկ թե ինչպիսի ճնշում կգործադրի Շվեդիայի հավաքականը, կտեսնենք խաղի ժամանակ։

ՀՀ ֆուտբոլի ազգային հավաքականի «պարային» նախավարժանքը. տեսանյութ

Վստահ կարելի է ասել, որ Շվեդիա-Հայաստանը տարբերվելու է Խորվաթիա-Հայաստան խաղից, որովհետև մեր մրցակիցները տարբեր խաղաոճ են դավանում։

175
թեգերը:
Շվեդիա, Հայաստանի ազգային հավաքական, ֆուտբոլիստ, ֆուտբոլ
Ըստ թեմայի
Ավելի լավ է Մխիթարյանը խաղար․ Խորվաթիայում թերահավատությամբ են վերաբերվում մեր հավաքականին
Հայաստանի հավաքականը չպարտվեց նաև աշխարհի փոխչեմպիոնին. Խորվաթիա-Հայաստան՝ ոչ-ոքի
«Եվս մեկ մրցաշրջան, Ռոմանսիտա». Մխիթարյանը տեսանյութ է հրապարակել
Լևոն Արոնյան

Արոնյանը Grand ChessTour շախմատային սերիայի երկրորդ փուլի առաջատարների թվում է

48
(Թարմացված է 22:47 18.06.2021)
Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։ Grand ChessTour սերիայի երկրորդ փուլում շախմատիստները ռապիդ և բլից կխաղան։

ԵՐԵՎԱՆ, 18 հունիսի – Sputnik. Առաջատար հայ գրոսմայստեր Լևոն Արոնյանը Փարիզում անցկացվող Grand ChessTour սերիայի երկրորդ փուլի առաջատարների խմբում է։

Հայ գրոսմայստերը մրցաշարը սկսեց ոչ ոքիով. նա խաղում էր ադրբեջանցի Թեյմուր Ռաջաբովի հետ։ Երկրորդ փուլում նա կիսեց միավորները շախմատի համաշխարհային թագին վերջերս հավակնող ամերիկացի Ֆաբիանո Կարուանայի հետ, իսկ երրորդում` հաղթանակ տարավ ֆրանսիացի Էթյեն Բաքրոյի նկատմամբ։

Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։

Արոնյանից բացի, մրցաշարին մասնակցում են նաև Մաքսիմ Վաշյե–Լագրավը (Ֆրանսիա), Յան Նեպոմնյաշչին (Ռուսաստան), Ֆաբիանո Կարուանան (ԱՄՆ), Թեյմուր Ռաջաբովը (Ադրբեջան), Պյոտր Սվիդլերը (Ռուսաստան), Ուեսլի Սոն (ԱՄՆ), Ռիխարդ Ռապորտը (Հունգարիա), Ալիռեզա Ֆիրուջա (FIDЕ), Էթյեն Բաքրոն (Ֆրանսիա)։

Grand ChessTour սերիայի երկրորդ փուլում շախմատիստները ռապիդ և բլից կխաղան։

Լևոն Արոնյանը երկրորդ անընդմեջ հաղթանակն է տոնել Grand Chess Tour մրցաշարում

Մրցանակային ֆոնդը 150 հազար դոլար է, հաղթողը 37 500 դոլար է ստանում։ Ռապիդում հաղթանակի համար 2 միավոր է գրանցվում, ոչ ոքիի համար` 1, բլիզում հաղթանակի դեպքում` 1, ոչ ոքիի դեպքում` 0.5 միավոր։

48
թեգերը:
հաղթանակ, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
Արոնյանը Grand Chess Tour մրցաշարին կմասնակցի Հայաստանի դրոշի տակ
Grand Chess Tour. Արոնյանը կհանդիպի շախմատի համաշխարհային թագի նախկին հավակնորդի հետ
Լևոն Արոնյանը հերթական ոչ-ոքին խաղաց Բուխարեստի մրցաշարում
Քրիստիան Էրիկսեն

Դանիայի հավաքականի առաջատարի մարմնում դեֆիբրիլյատոր կտեղադրեն

121
(Թարմացված է 16:41 17.06.2021)
Քրիստիան Էրիկսենը Եվրո-2020-ի խմբային փուլի առաջին տուրի Դանիա-Ֆինլանդիա հանդիպման ժամանակ կորցրել էր գիտակցությունը:

ԵՐԵՎԱՆ, 17 հունիսի - Sputnik. Դանիայի հավաքականի կիսապաշտպան Քրիստիան Էրիքսենի մարմնում սրտամկանի դեֆիբրիլյատոր կտեղադրեն: Տեղեկությունը հայտնում է Դանիական ֆուտբոլային միության մամուլի ծառայությունը։

Մասնագետների հետ խորհրդակցելուց հետո Էրիկսենը համաձայնել է վիրահատությանը։

Սրտի դեֆիբրիլյատորը թույլ է տալիս կանխել սրտի աշխատանքի հանկարծակի դադարեցումը:

Հիշեցնենք, որ Եվրո-2020-ի խմբային փուլի առաջին տուրում Դանիայի ու Ֆինլանդիայի հավաքականների հանդիպման ժամանակ Քրիստիան Էրիքսենը կորցրել էր գիտակցությունը։ Խաղն ընդհատվել էր։ Ֆուտբոլիստը հիվանդանոց էր տեղափոխվել, ավելի ուշ նրա վիճակը կայունացել էր։

Մի շարք ֆուտբոլիստներ հեռացել են «Փյունիկ-2»–ից. ակումբը հրապարակել է նրանց անունները

121
թեգերը:
հիվանդանոց, ֆուտբոլիստ, Դանիա
Արմեն Չարչյան

Ինչու դատարանը չի հրապարակում Արմեն Չարչյանի վերաբերյալ որոշումը․ պաշտպանն իր վարկածն ունի

173
(Թարմացված է 23:57 19.06.2021)
Չարչյանի պաշտպանները հայտարարել էին, որ անգամ վարույթ իրականացնող մարմինը կասկած ունի, որ ձայնագրության մեջ լսվող ձայնը Արմեն Չարչյանինն է:

ԵՐԵՎԱՆ, 19 հունիսի – Sputnik. Երևան քաղաքի Ավան և Նոր Նորք վարչական շրջանների ընդհանուր իրավասության դատարանը «Իզմիրլյան» բժշկական կենտրոնի տնօրեն Արմեն Չարչյանի ձերբակալության իրավաչափության վերաբերյալ որոշումը պետք է հրապարակեր այսօր՝ ժամը 20։00-ին, սակայն հրապարակումից առաջ՝ ժամը 19։34-ին, պաշտպանները դատավորի օգնականից տեղեկացել են, որ նշանակված ժամին որոշման հրապարակումը տեղի չի ունենալու։ Տեղեկությունը հայտնում է Չարչյանի պաշտպան Էրիկ Ալեքսանյանը։

«Իսկ թե կոնկրետ երբ կհրապարակվի դատական ակտը, դատավորի աշխատակազմից որևէ տեղեկություն չի հաղորդվել և չի հաղորդվում մինչ այս պահը: Այս ամենը թույլ է տալիս պաշտպանության կողմին ողջամտորեն ենթադրելու, որ դատարանի նկատմամբ հենց այս պահին բիրտ ճնշումներ են գործադրվում իշխանության համար ցանկալի որոշում կայացնելու առումով։ Սա ևս մեկ անգամ հաստատում է այն հանգամանքը, որ պարոն Չարչյանի նկատմամբ իրականացվում է քաղաքական հետապնդում։ Հորդորում ենք դատավորին հավատարիմ մնալ իր երդմանը, մերժել բոլոր տեսակի ճնշումները և գործել բացառապես օրենքով»,- Facebook-ի իր էջում գրել է նա։

Նշենք, որ այսօր դատարանում տեղի էր ունեցել Արմեն Չարչյանի ձերբակալության դեմ բողոքի քննությունը:

Գործով քննիչը և դատախազը չէին ներկայացել դատական նիստին։ Քննության ավարտից հետո պաշտպանները հայտնել էին, որ Չարչյանի ձերբակալության իրավաչափության վերաբերյալ դատական ակտը կհրապարակվի 20։00-ին։

Չարչյանի պաշտպաններ Էրիկ Ալեքսանյանը և Արամ Վարդևանյանը լրագրողների հետ զրույցում հայտարարել էին, որ գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

Նրանք արձանագրել էին, որ վարույթ իրականացնող մարմինը երեկ որոշում է կայացրել ձայնագրային փորձաքննություն նշանակելու մասին և ի թիվս այլ հարցերի հարց է առաջադրել` արդյո՞ք այդ ձայնագրության մեջ խոսող անձն Արմեն Չարչյանն է: Ըստ նրանց` ստացվում է, որ անգամ վարույթ իրականացնող մարմինը կասկած ունի, որ այդ անձն Արմեն Չարչյանն է:

Հիշեցնենք` երեկ համացանցում հրապարակվեց մի ձայնագրություն, որում Չարչյանն ասում է` տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

173
թեգերը:
Դատարան, Արմեն Չարչյան, Հայաստան
Ըստ թեմայի
Պրոֆեսոր Չարչյանը պետք է անհապաղ ազատ արձակվի. Արա Բաբլոյան
Գորիսի «Գուսան Աշոտ» մշակույթի կենտրոնի տնօրենը կալանավորվել է
Ընտրողներին կաշառք տալու կասկածանքով 3 մարդու են ձերբակալել, մեկը պատգամավորի թեկնածու է