Խոակին Կապառոս

«Հույս ունեմ` Հենրիխը սեպտեմբերին կմիանա և կօգնի մեզ». Խոակին Կապառոս

111
(Թարմացված է 22:47 31.05.2021)
Հայաստանի ազգային հավաքականի գլխավոր մարզիչ Խոակին Կապառոսը վստահեցնում է, որ որևէ մեկը չի կարող ազդել իր կայացրած որոշումների վրա, որոնցից մեկն էլ է հավաքականի հայտացուցակում Հենրիխ Մխիթարյանին չներառելն էր։

ԵՐԵՎԱՆ, 31 մայիսի – Sputnik. Հայաստանի ազգային հավաքականի գլխավոր մարզիչ Խոակին Կապառոսը Խորվաթիա–Հայաստան ընկերական հանդիպմանն ընդառաջ նախախաղային ասուլիս է տվել և խոսել Հենրիխ Մխիթարյանի մասին:

Ասուլիսի ընթացքում հարցրել են, թե ինչու է հավաքականի հայտացուցակից բացակայում Մխիթարյանի անունը:

«Ես շատ եմ անդրադարձել այս հարցին, հիմա ևս մեկ անգամ կասեմ։ Մենք ընկերական երկու հանդիպում ենք անցկացնելու, որոնց ընթացքում ես ցանկանում եմ նոր ֆուտբոլիստների հնարավորությունները ստուգել, և սա ամենալավ հնարավորությունն է դա անելու։ Ես բազմիցս նշել եմ, որ Մխիթարյանը հիանալի ֆուտբոլիստ է: Նա շատ կարևոր է մեր հավաքականի համար, և արդեն պաշտոնական հաջորդ խաղերին, որոնք կկայանան սեպտեմբերին, հույս ունեմ, որ Հենրիխը կմիանա և կօգնի մեզ: Առջևում մեզ հաճելի, բայց միևնույն ժամանակ շատ բարդ մարտահրավեր է սպասում, և մենք մեծ խանդավառությամբ ենք մոտենում դրան»,–ասել է Կապառոսը:

Նա ընդգծել է, որ ոչ մեկը չի կարող ազդել իր կայացրած որոշումների վրա։

«Մի բան կցանկանայի հստակեցնել` ես 40 տարվա մարզչական փորձ ունեմ, և ոչ ոք երբևիցե չի կարողացել կազմի ընտրության հարցում ինձ վրա ազդել: Մենք պետք է ուժեղացնենք այն ֆուտբոլիստներին, որոնք այժմ գտնվում են մեր տրամադրության տակ»,–ասել է նա:

Հիշեցնենք` Կապառոսը մայիսի 24-ին հրապարակել էր Հայաստանի ազգային հավաքական հրավիրված ֆուտբոլիստների ցանկը, որը մեծ աղմուկ էր բարձրացրել սոցցանցերում։

Հայաստանի հավաքականի ավագ Հենրիխ Մխիթարյանին զարմացրել էր այն փաստը, որ իրեն չեն հրավիրել առաջիկա միջազգային խաղերին։ Նա Facebook-ի իր էջում գրառում էր արել` անդրադառնալով Հայաստանի ազգային հավաքական հրավիրված ֆուտբոլիստների ցանկին։

Մխիթարյանը նշել էր, որ պաշտոնական պատճառներն իրեն չեն համոզում, բայց ինքը կանգնած է տղաների կողքին և հաջողություն է մաղթում նրանց առաջիկա խաղերում։

Հավելենք, որ Հայաստանի ազգային հավաքականը հունիսին անցկացնելու է ընկերական 2 հանդիպում: Հունիսի 1-ին՝ ժամը 20:00-ին, (Երևանի ժամանակով) Վելիկա Գորիցայի քաղաքային մարզադաշտում կկայանա Խորվաթիա-Հայաստան, իսկ հունիսի 5-ին՝ ժամը 22։45-ին, Ստոկհոլմի «Ֆրենդս Արենա» մարզադաշտում՝ Շվեդիա-Հայաստան ընկերական հանդիպումը:

Հենրիխ Մխիթարյանի գոլը եվրագավաթային ուղեգիր պարգևեց «Ռոմային». տեսանյութ

111
թեգերը:
ֆուտբոլ, Խոակին Կապառոս, Հենրիխ Մխիթարյան
թեմա:
Հենրիխ Մխիթարյան (361)
Ըստ թեմայի
Գյումրեցի Գարիկ Կարապետյանը դարձավ երիտասարդների աշխարհի չեմպիոն. լուսանկարներ
Լիանա Գյուրջյանը փայլուն հանդես եկավ և դարձավ ծանրամարտի աշխարհի չեմպիոն
«Հաղթանակով վերադառնաք». Հայաստանի ազգային հավաքականը մեկնեց Խորվաթիա
ՀՖՖ-ն Եղեգնաձորում եվրոպական չափանիշներին համապատասխան մարզադաշտ կկառուցի
Ֆուտբոլ

Հայաստանը ներկայացնող 2 լրագրող հավատարմագրվել են Եվրո-2020-ը լուսաբանելու համար

96
(Թարմացված է 00:05 16.06.2021)
Ըստ Կարեն Ռաֆայելյանի` ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար։

ԵՐԵՎԱՆ, 15 հունիսի - Sputnik. Հայաստանը ներկայացնող 2 լրագրողներ հավատարմագրվել են Եվրո-2020-ը լուսաբանելու համար: Լրագրող Կարեն Ռաֆայելյանը ֆեյսբուքյան իր էջում գրառում է արել` հայտնելով, որ իր գործընկեր Դավիթ Եղիազարյանը նույնպես ստացել է նոր հավատարմագիր։

Ավելի վաղ հայտնել էինք, որ 2 մարզական լրագրողները մերժում են ստացել Եվրո-2020-ի հավատարմագրման համար։ Այսօր առավոտյան հայտնի դարձավ, որ Կարեն Ռաֆայելյանը նոր հավատարմագիր է ստացել։

«Ադրբեջանի կապիկությունները` կապված Եվրո-2020-ում հայ լրագրողներիս հավատարմագրումից զրկելու հետ, 2 օր էլ չտևեցին: Շնորհակալություն Հայաստանի ֆուտբոլի ֆեդերացիային արագ և ազդեցիկ արձագանքի համար: Բացի մեր անձնական նամակներից, հենց ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար»,–ֆեյսբուքի իր էջում գրել է Ռաֆայելյանը:

Հիշեցնենք, որ լրագրողները դեռևս 2020 թվականի հունվարին էին հայտ ներկայացրել և համաձայնեցրել ՈւԵՖԱ–ի մամուլի ծառայության հետ այն քաղաքներն ու խաղերը, որոնք կցանկանային այցելել։ Այդ ցանկում, բնականաբար, Բաքուն չի եղել։

«Դուք տղամարդ չեք». մարզական մեկնաբանի հարցը հունից հանել է Օլգա Բուզովային

Հավատարմագրումը ստացվել է մայիսին, բայց մեկ վերապահումով, որ այն կարող են չեղարկել, եթե մասնակից երկրներից որևէ մեկի իրավապահ մարմինները որոշեն, որ լրագրողներն առնչություն ունեն հանցագործության հետ։

Բնականաբար, հասկանալի է, թե որ երկիրը և ինչո՞ւ էր մերժել լրագրողներին։

96
թեգերը:
ֆուտբոլ, Ադրբեջան, Լրագրող, հայ, Հայաստան
ՈՒԵՖԱ-ի Ազգերի լիգայի վիճակահանություն

Հայտնի են հայկական ակումբների մրցակիցները Կոնֆեդերացիաների գավաթի խաղարկությունում

38
(Թարմացված է 18:30 15.06.2021)
Այսօր տեղի է ունեցել նաև Չեմպիոնների Լիգայի որակավորման առաջին փուլի վիճակահանությունը։

ԵՐԵՎԱՆ, 15 հունիսի - Sputnik. Շվեյցարիայի Նիոն քաղաքում տեղի է ունեցել ՈՒԵՖԱ-ի Եվրոպայի Կոնֆեդերացիաների գավաթի խաղարկության առաջին փուլի վիճակահանությունը:

Ըստ այդմ՝ Երևանի «Նոայի» մրցակիցն է ֆիննական ԿՈՒՊՍ-ը, իսկ «Ուրարտուինը»՝ սլովենական «Մարիբորը»։

Ավելի վաղ հայտնի էր դարձել, որ առաջին փուլում Երևանի «Արարատին» բաժին է հասել հունգարական «Ֆեհերվարը»։

Հանդիպումները կկայանան հուլիսի 8-ին և 15-ին։

Հիշեցնենք, որ այսօր տեղի է ունեցել Չեմպիոնների Լիգայի որակավորման առաջին փուլի վիճակահանությունը: Հայաստանի գործող չեմպիոն «Ալաշկերտը» կմրցի Ուելսի «Կոնաս Կի Նոմադս» ակումբի հետ:

38
թեգերը:
Ուրարտու, «Արարատ» ՖԱ, «Նոա» ֆուտբոլային ակումբ, ֆուտբոլ
Ըստ թեմայի
Ֆուտբոլիստը` տրիբունայում. ի՞նչ է պատմում Արմեն Շահգելդյանը Ռուսաստան- Բելգիա խաղից
Ֆուտբոլային մեկնաբան Կարեն Ռաֆայելյանի՝ Եվրո-2020–ի հավատարմագրումը հաստատվել է
«Հանցագո՞րծ եմ, թե՞ հանցակից». հայաստանցի ֆուտբոլային լրագրողները հեգնում են «Բաքվի վետոն»
И.о. премьер-министра Никол Пашинян с предвыборной кампанией в Ширакской области (9 июня 2021). Мец Манташ

«Հանգիստ մի հատ. դուք չեք որոշելու, թե որտեղ է թուրքը նստելու». Նիկոլ Փաշինյան

0
Նիկոլ Փաշինյանն Արենիում խոսում էր սահմանազատման մասին։ Ի պատասխան մի կին նրան հարց ուղղեց, թե ի՞նչ է լինելու` թուրքն արդեն նայում է իրենց բակերին։

ԵՐԵՎԱՆ, 16 հունիսի – Sputnik. Քարոզարշավի շրջանակում Արենի այցելած վարչապետի պաշտոնակատար Նիկոլ Փաշինյանից մի կին հետաքրքրվեց` սահմանազատման աշխատանքների ավարտից հետո ի՞նչ է լինելու իրենց համայնքում։

«Թուրքը գալո՞ւ է, մեր բակում նստի՞։ Հեն է` մեր բակում է, նայում են մեր բակին արդեն, բաղերին»,–հարցրեց կինը։

«Հանգիստ մի հատ։ Ես ասում եմ, որ դուք չեք որոշելու, թե որտեղ է թուրքը նստելու։ Ինչ վերաբերում է նրան, որ թուրքը նայում է, ապա 30 տարի թուրքը նայում է Այգեպար, Մովսես, Այգեպար, Ներքին Կարմիրաղբյուր, Կիրանց, Բերքաբեր, Ճամբարակ համայնքներին։ Պետք չի խուճապ տարածել։ Էդ որ ասում եք՝ թուրքը գալու է ձեր բակում նստի, ղալաթ է անելու»,–պատասխանեց Փաշինյանը։

Նա հավելեց, թե պետք չէ նման լուրեր տարածել։

0