Հենրիխ Մխիթարյան

«Ռոման» չի ուզում բաց թողնել Մխիթարյանին և բանակցություններ է վարում Մոուրինյոյի հետ. ԶԼՄ

187
(Թարմացված է 21:30 22.05.2021)
Մարզիչ Ժոզե Մոուրինյոյի՝ «Ռոմա» տեղափոխվելու պատճառով Մխիթարյանն ուզում էր լքել ակումբը, բայց ղեկավարությունն ուզում է պահել նրան՝ որպես թիմի կարևորագույն խաղացողներից մեկը։

ԵՐԵՎԱՆ, 22 մայիսի – Sputnik. «Ռոման» ուզում է Հենրիխ Մխիթարյանին պահել թիմում` չնայած Ժոզե Մոուրինյոյի տեղափոխմանը։ Տեղեկությունը հայտնում է իտալական Calciomercato–ն («Ֆուտբոլային շուկա»)։

Պարբերականի տվյալներով՝ «Ռոմայի» հետ նոր պայմանագիրն արդեն որոշված հարց էր, երբ հայտնի դարձավ, որ թիմի նոր մարզիչը լինելու է Ժոզե Մոուրինյոն, որի աշխատանքը «Տոտենհեմում» չէր ստացվել։

Գաղտնիք չէ, որ Մխիթարյանի ու Մոուրինյոյի հարաբերությունները լարված էին դեռևս «Մանչեսթեր Յունայթեդում» աշխատելու ժամանակներից։

«Բայց «Ռոմայում» Մխիթարյանը սովորական խաղացող չէ, այդ պատճառով էլ Մոուրինյոն երկխոսության պատրաստակամություն է հայտնել, ամենայն հավանականությամբ թիմի մենեջերների հետ զրույցից հետո, որոնք իրենց հերթին շփվել են Մխիթարյանի գործակալ Մինո Ռայոլայի հետ»,– նշում է պարբերականը։

«Ուստի Մխիթարյանի և «Ռոմայի» պատմությունն ամենևին էլ ավարտված չէ, ամեն ինչ տանում է նրան, որ նրանք միասին կմնան», նշում է Calciomercato-ն։

Մալխաս Ամոյանը 7:0 հաշվով ջախջախեց ադրբեջանցի մարզիկին. տեսանյութ

Նշենք, որ Մխիթարյանը բավականին հաջող է անցկացրել նախորդ խաղաշրջանը, իսկ այս խաղաշրջանում Իտալիայի առաջնությունում արդեն 12 գոլ է խփել և 10 գոլային փոխանցում կատարել։ Վերջին տուրից առաջ, որը կսկսվի վաղը, ռմբարկուների ցուցակում Մխիթարյանը թոփ-15-ի մեջ է (հարձակվող չհանդիսանալով), իսկ ասիստենտների մեջ երկրորդ տեղն է զբաղեցնում ամբողջ A Սերիայում (Ռոդրիգո դը Պոլի, Դուվան Սապատայի և Պյոտր Զելինսկու հետ միասին` զիջելով միայն Ռուսլան Մալիկովսկուն)։

Առաջնության վերջին երեք խաղերում Մխիթարյանը երեք գոլի և երկու գոլային փոխանցման հեղինակ է դարձել։

Անհրաժեշտ է ամեն ինչ լավ կշռադատել. Մխիթարյանը խոսել է «Ռոմայում» մնալ–չմնալու մասին

187
թեգերը:
Ժոզե Մոուրինյո, «Ռոմա» ֆուտբոլային ակումբ, Հենրիխ Մխիթարյան
թեմա:
Հենրիխ Մխիթարյան (361)
Դրվագ Դանիա-Ֆինլանդիա խաղից

ՈւԵՖԱ–ն նորություն է հայտնել խաղադաշտում գիտակցությունը կորցրած Էրիքսենի առողջական վիճակից

262
(Թարմացված է 22:15 12.06.2021)
Մինչ ֆուտբոլիստին հիվանդանոց էին տեղափոխում, սոցցանցերում մի լուսանկար տարածվեց, որտեղ երևում էր` նա գիտակցության է եկել։

ԵՐԵՎԱՆ, 12 հունիսի - Sputnik. Ֆուտբոլի Եվրոպայի առաջնության B խմբի Դանիա-Ֆինլանդիա խաղն այսօր ընդհատվեց. խաղի առաջին կեսի ժամանակ դանիացի ֆուտբոլիստ Քրիստիան Էրիքսենը կորցրել էր գիտակցությունը:

Բժիշկներն արագ նրան օգնություն ցուցաբերեցին և հոսպիտալացրին։
Սակայն քիչ առաջ ՈւԵՖԱ-ն Twitter-ի էջում տեղեկություն տարածեց, որ Էրիքսենն արդեն հիվանդանոցում է, նրա վիճակը կայուն է։

Բացի այդ, մինչ նրան հիվանդանոց էին տեղափոխում, սոցցանցերում մի լուսանկար տարածվեց, որտեղ երևում էր` ֆուտբոլիստի աչքերը բաց են, նա գիտակցության է եկել։

Եթե «Սպուտնիկով» ես պատվաստվել, Եվրոպայում ֆուտբոլ դիտելու իրավունք չունես. ի՞նչ անել

262
թեգերը:
ՈւԵՖԱ, Եվրոպա, ֆուտբոլիստ
Ըստ թեմայի
Ինչպիսի՞ ֆուտբոլ է սպասվում. Շվեդիայում խաղացած հայ ֆուտբոլիստների կանխատեսումները
ՀՀ ֆուտբոլի ազգային հավաքականի «պարային» նախավարժանքը. տեսանյութ
«Ռոման» առաջարկել է Մխիթարյանին 4.5 մլն եվրո. ֆուտբոլիստը կպատասխանի 48 ժամվա ընթացքում
Եվրո-2020–ը մեկնարկեց

Եվրո-2020–ը մեկնարկեց. կկարողանա՞ն ֆրանսիացիները հաղթահարել «մահվան խումբը»

92
(Թարմացված է 21:18 12.06.2021)
Ֆուտբոլի Եվրոպայի 2020 թվականի առաջնությունը կորոնավիրուսի համավարակի պատճառով մեկնարկեց ոչ թե ավանդական քառամյա, այլ հինգ տարվա ընդմիջումից հետո։ Առաջիկա մեկ ամսվա ընթացքում աշխարհը կկենտրոնանա ֆուտբոլային փառատոնի վրա:

ԵՐԵՎԱՆ, 12 հունիսի - Sputnik. Հունիսի 11-ին Իտալիա-Թուրքիա խաղով մեկնարկեց ֆուտբոլի Եվրոպայի 2020 թվականի առաջնությունը: Իտալիայի հավաքականը խոշորՙ  3:0 հաշվով հաղթանակի հասավ մրցաշարի անդրանիկ խաղում:

Եվրոպայի առաջնության մեկ տարով հետաձգումը անկասկած մեծ հարված էր ֆուտբոլին:  2020 թվականին` հետաձգման պահին, ոչ ոք չէր էլ կարող ասել, որ մեկ տարի անց մրցաշարը կանցկացվի, որովհետև կորոնավիրուսի համաճարակը ուղղակի հնարավորություն չէր տալիս ապագայի մասին լավատեսորեն մտածել: 2021 թվականին համաճարակի հերթական ալիքը նորից վտանգի տակ դրեց Եվրոպայի առաջնության մեկնարկը: Փոխվեցին առաջնությունն ընդունող մի քանի քաղաքներ, բայց ՈւԵՖԱ-ն ի վերջո որոշեց  անցկացնել Եվրոպայի առաջնությունը Եվրոպական 11 քաղաքներում:

Բացման խաղը Ռոբերտո Մանչինի թիմը խաղաց սեփական հարկի տակ, որովհետև Եվրո-2020-ին մեկնարկային հանդիպումը որոշված էր անցկացնել Հռոմի Օլիմպիկո մարզադաշտում:

Ինչպիսի՞ ֆուտբոլ է սպասվում. Շվեդիայում խաղացած հայ ֆուտբոլիստների կանխատեսումները

Իտալացիները ամբողջ խաղի ընթացքում ունեին տարածքային ու խաղային առավելություն, և երկրորդ խաղակեսում  երեք անպատասխան գնդակ ուղարկելով Թուրքիայի հավաքականի դարպասը, հաստատեցին խմբում ֆավորիտի իրենց կարգավիճակը:

Նույն խմբում Ուելսի և Շվեյցարիայի հավաքականները մեկական գնդակ փոխանակեցին ու մեկական միավոր վաստակեցին: Հետևաբար, պայքարն այս խմբում երկրորդ ուղեգրի համար դեռևս առջևում է:

Խմբային փուլի հանդիպումները կայանալու են ամեն օր` մինչև հունիսի 23-ը: Յուրաքանչյուր խմբում վերջին տուրի հանդիպումները կայանալու են միաժամանակ: Իսկ հետո 1/8 եզրափակիչի ուղեգիր են ստանալու խմբերում առաջին և երկրորդ տեղերը զբաղեցրած, ինչպես նաև համեմատաբար լավ արդյունք ցույց տված վեց խմբերից չորսում երրորդ տեղ զբաղեցրած հավաքականները:

«Չելսին» պաշտոնապես հայտարարել է եվրոպական ֆուտբոլային Սուպերլիգայից դուրս գալու մասին

Շատերը Եվրո-2020-ի ֆավորիտ համարում են ֆուտբոլի աշխարհի գործող չեմպիոն Ֆրանսիայի հավաքականին: Բայց ֆրանսիացիները պետք է նախ հաղթահարեն «մահվան խումբը», որտեղ մրցելու են Գերմանիայի, Պորտուգալիայի և Հունգարիայի հավաքականների հետ:

Մի խոսքով` Եվրո-2020-ը մեկնարկեց, Եվրոպայի առաջնությունը  մեկ ամիս ֆուտբոլային գեղեցիկ ու լարված, հետաքրքիր ու դրամատիկ ֆուտբոլային ներկայացումներ է պարգևելու ֆուտբոլասերներին: Բարի երթ, Եվրո-2020:

Խոակին Կապառոս. «Ֆուտբոլը թիմային խաղ է, անհատները լավ խաղում են, բայց հաղթում է թիմը»

92
թեգերը:
Եվրոպա, ֆուտբոլ
Ըստ թեմայի
Ֆուտբոլի ապագա աստղերի կրեատիվ սանրվածքները. Եվրոպայի Մ19 առաջնության եզրափակիչ
Ֆուտբոլի Եվրոպայի 2020 թվականի առաջնությունը մեկ տարով հետաձգվեց
Ֆուտբոլի 2021թ. Եվրոպայի մինչև 19 տարեկանների առաջնությունը չեղյալ է հայտարարվել
Խորհրդարանի դահլիճը

Հացթուխ, փականագործ, դիմահարդար ու լոգոպեդ. ովքեր են պայքարում պատգամավորի մանդատի համար

18
(Թարմացված է 21:53 13.06.2021)
Sputnik Արմենիան ուսումնասիրել է արտահերթ խորհրդարանական ընտրություններին մասնակցող քաղաքական ուժերի ընտրական ցուցակներն ու բավական ուշագրավ փաստեր հայտնաբերել դրանցում ներառված թեկնածուների մասին։

2.5 մլն ընտրող ու 2 500 պատգամավորի թեկնածու. հունիսի 20-ին նախանշված արտահերթ խորհրդարանական ընտրություններին, փաստորեն Հայաստանի յուրաքանչյուր 1000 չափահաս քաղաքացիներից 1-ն իրեն տեսնում է պոտենցիալ ազգընտիրի դերում։

Վատ աշխատանք չէ։ 661 400 դրամ աշխատավարձ, ծառայողական ավտոմեքենա, աշխատանքային թեթև գրաֆիկ, գործուղումներ, էլ չենք խոսում հանրային ճանաչման ու կարիերայի մասին։ Հայաստանյան իրականության համար բավական ցանկալի աշխատանք է։

Թերևս հենց այս հանգամանքով է պայմանավորված, որ պատգամավոր դառնալու ցանկություն ունեցողների մեջ բավական լուրջ թիվ են կազմում չաշխատողները։ Այսպես, 2 539 թեկնածուներից 786–ը ներկա պահին չեն աշխատում, գործազուրկ են կամ անաշխատունակ, 27–ը` թոշակառու։

Չաշխատող թեկնածուների թվով առաջատարը Դավիթ Սանասարյանի գլխավորած «Ինքնիշխան Հայաստան» կուսակցությունն է։ Ըստ հրապարակված ցուցակի, այս քաղաքական ուժի 85 թեկնածուներից 52-ը կամ շուրջ 60 տոկսը չի աշխատում։

Ինչ վերաբերում է աշխատանքով ապահովված թեկնածուներին, ապա ինչպես բոլոր, այնպես էլ այս ընտրություններում մեծ թիվ են կազմում գործարար–ձեռներեցները, հասարակական կազմակերպությունների ու տարբեր հիմնադրամների նախագահները, իրավաբանները, գիտաշխատողները, ուսուցիչները, բժիշկները։ Բավական նկատելի է նաև հոգեբանների առկայությունը որոշ քաղաքական ուժերի ցուցակներում։

Քննությունը կպարզի ՔՊ-ի քարոզարշավին խոչընդոտելու դեպքի հանգամանքները

Թե ինչ անելիք ունի խորհրդարանում հոգեբանը, կարելի է ենթադրել, բայց թե ինչ անելիք ունեն այնտեղ պահնորդները, վարսահարդարները, դիմահարդարներն ու անգամ լոգոպեդները, մնում է միայն ենթադրել։ Եվ սա կատակ չէ։ Այս մասնագիտությունների տեր մարդիկ ևս ընտրացուցակներում կան։

Կա նաև 1 դաշնակահարուհի, մի քանի անասնաբույժներ, վարորդներ ու վարորդ–առաքիչներ, տարբեր առևտրի կենտրոնների վաճառողներ ու վաճառքի խորհրդատուներ, մի քանի մարզիչներ ու դպրոցների զինղեկներ, մանկապարտեզի ֆիզկուլտուրայի 1 դաստիարակ, անգամ` կահույքի արտադրամասի 1 վարպետ, 2 փականագործ, էլեկտրամեխանիկ, ճաշարանի վարիչ, բանվորներ, հացթուխ, խաղատան օպերատոր ու գազալցակայանի լիցքավորող։

Թե նրանցից ով որ քաղաքական ուժի ցուցակում է, միտումնավոր չենք նշում` քարոզչությունից ու հակաքարոզից ձեռնպահ մնալու համար, հատկապես, որ ցանկության դեպքում ընտրողներն իրենք կարող են ծանոթանալ թենածուների ցանկին ԿԸՀ պաշտոնական կայքում։ 

Իսկ թե ինչպես է ստացվել, որ օրինաստեղծ գործունեության հետ կապ չունեցող մասնագիտությունների տեր անձինք հայտ են ներկայացրել լինելու օրենսդիր ու գործադիր իշխանություններում, Sputnik Արմենիան որոշեց ճշտել Հանրային կառավարման հարցերի փորձագետ Հովհաննես Ավետիսյանից։

«Քաղաքական տեսանկյունից դաշտն այնքան նոսրացած է որակների առումով, որ մարդիկ ընտրում են իրենց հավատարիմ  անձանց` առանց խորանալու մասնագիտական որակների ու օգտակարության մեջ»,– ասաց նա` հավելելով, որ նույն կերպ 2018-ին Փաշինյանը ձևավորել էր նաև այսօրվա խորհրդարանական մեծամասնությունն ու կառավարությունը, թերևս բացառությամբ մի քանի իրոք որակյալ մասնագետների։

Իսկ այդ ամենի հիմքում, Ավետիսյանի խոսքով, Հայաստանում կայացած քաղաքական կուսակցությունների, այդ համակարգում ձևավորված քաղաքական կադրերի բացակայությունն է։

Դրանում համոզվելու համար Հովհաննես Ավետիսյանն առաջարկում է հայաստանյան կուսակցություններից հանել դրանց լիդերներին, համոզվելու համար, որ այդ կուսակցությունն ուղղակի կդադարի գոյություն ունենալ։

«Կա անհատ, կան նրա շուրջ հավաքված անձինք, որոնք հավաքվում են բարիդրացիական հարաբերությունների, բիզնեսի, նվիրվածության չափորոշիչներով»,– ասաց փորձագետը։

Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը

Իսկ եթե ընտրությունների արդյունքում իշխանության գա այս հիմքով ձևավորված քաղաքական ուժ, որը չի ապահովի երկրի առջև ծառացած խնդիրները գիտակցելու ու դրանք լուծելու մասնագիտական ներուժ, ապա Հովհաննես Ավետիսյանի խոսքով, առկա խնդիրներն էլ ավելի են խորանալու։

18
թեգերը:
մասնագիտություն, թեկնածու, Պատգամավոր, Հայաստան
Ըստ թեմայի
«2008 թ.–ից հետո իշխանությունների հետ որևէ առնչություն չեմ ունեցել, հասկացա՞ք». Քոչարյան
Փաշինյանի հետ համագործակցությունը բացառվում է, իսկ Քոչարյանի՞. Արման Աբովյանի պատասխանը
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ