Իսրայել Հակոբկոխյան

Հակոբկոխյանը չընտրվեց․ կայացել են Բռնցքամարտի ֆեդերացիայի նախագահի ընտրությունները

90
(Թարմացված է 17:56 29.04.2021)
Վերջին շրջանում հայկական բռնցքամարտը պառակտված էր, մեր երկրին պատիվ չի բերում միջազգային մրցաշարերին երկու թիմով մասնակցելը:

ԵՐԵՎԱՆ, 29 ապրիլի – Sputnik. Ձայների գերակշիռ մեծամասնությամբ այսօր Հայաստանի բռնցքամարտի ֆեդերացիայի նախագահ ընտրվեց Հովհաննես Հովսեփյանը։ ԿԳՄՍ նախարարության մամուլի ծառայությունը հայտնում է, որ նախարարի տեղակալ Կարեն Գիլոյանի նախաձեռնությամբ՝ ընտրությունների անաչառությունն ապահովելու համար դրանց հետևել են Բռնցքամարտի միջազգային ֆեդերացիայի ներկայացուցիչներ:

Ованнес Овсепян и Карен Гилоян во время 15-й отчетно-выборной конференции Федерации бокса Армении, на которой состоялись выборы председателя организации (29 апреля 2021). Еревaн
Հովհաննես Հովսեփյանն ու Կարեն Գիլոյանը

«Միջազգային ֆեդերացիայի համար շատ կարևոր է, որ Հայաստանի բռնցքամարտի ֆեդերացիան ունենա մշտական նախագահ: Երբ մեր անդամը չունի նախագահ, նշանակում է՝ տվյալ երկրից չկա ներկայացուցիչ, որի հետ կարող ենք բռնցքամարտի զարգացման շուրջ լիարժեք երկխոսություն ծավալել»,- նշել է Բռնցքամարտի միջազգային ֆեդերացիայի ներկայացուցիչ Յուրի Զայցևը։

Հայաստանի բռնցքամարտի ֆեդերացիայի նախագահի պաշտոնում առաջադրված էին երկու թեկնածուներ՝ Իսրայել Հակոբկոխյան և Հովհաննես Հովսեփյան։ Քվեների 67-10 հարաբերակցությամբ ֆեդերացիայի նախագահ է ընտրվել Հովհաննես Հովսեփյանը: 15 քվեաթերթիկ ճանաչվել է անվավեր:

ԿԳՄՍ փոխնախարար Կարեն Գիլոյանը շնորհավորել է նորընտիր նախագահին ու նաև ֆեդերացիայի նախկին նախագահ Արթուր Գևորգյանին և ղեկավարությանը՝ հայկական բռնցքամարտի զարգացմանն ուղղված անուրանալի աշխատանքի համար: Ընդգծել է՝ նրանց ղեկավարության տարիներին մենք ունեցել ենք հրաշալի հաղթանակներ:

«Վերջին շրջանում հայկական բռնցքամարտի պառակտված վիճակն անընդունելի էր: Հայկական բռնցքամարտին պատիվ չի բերում միջազգային մրցաշարերին երկու թիմով մասնակցելը: Մենք պետք է ջանք ու եռանդ չխնայենք՝ երբեմնի ավանդույթները վերականգնելու և բարձր արդյունքներ գրանցելու համար: Հույս ունեմ՝ նորընտիր նախագահը կկարողանա լուծել առկա խնդիրները, իսկ պետությունը կլինի ֆեդերացիայի կողքին»,- նշել է Գիլոյանը։

 Բռնցքամարտի ֆեդերացիայի նորընտիր նախագահ Հովհաննես Հովսեփյանն էլ խոստացել է՝ լինելու են մեկ բռունցքի նման միասնական և ջանք չեն խնայելու հայկական բռնցքամարտը զարգացնելու համար։

90
թեգերը:
Կարեն Գիլոյան, Նախագահ, բռնցքամարտ, Իսրայել Հակոբկոխյան
Մելիքսեթ Խաչիյան

Արոնյանի նախկին մարզիչը ՖԻԴԵ-ի կողմից ճանաչվել է լավագույն առաջին մարզիչ

4
Լևոն Արոնյանը մեկ անգամ չէ, որ գովեստով է խոսել իր առաջին մարզիչ Մելիքսեթ Խաչիյանի մասին։

ԵՐԵՎԱՆ, 11 մայիսի – Sputnik. Գրոյսմաստեր Լևոն Արոնյանի նախկին մարզիչ Մելիքսեթ Խաչիյանը Շախմատի համաշխարհային կազմակերպության (ՖԻԴԵ) կողմից ճանաչվել է լավագույնը «առաջին մարզիչ» անվանակարգում։ Այդ մասին տեղեկացնում է շախմատային chess-news.ru կայքը։

«Մելիքսեթ Խաչիյանը սկսել է աշխատել Արոնյանի հետ, երբ նա 9 տարեկան էր։ Հետագայում նշանավոր գրոյսմաստերը մեկ անգամ չէ, որ գովեստով է խոսել իր առաջին մարզչի մասին»,-նշված է կայքում։  

Գլխավոր մրցանակը ստացավ ուզբեկ գրոյսմաստեր Ռուստամ Կասիմջանովը, որն օգնել է հնդիկ Վիշվանաթան Անանդին շախմատային թագի համար մղված 3 մրցամարտում։

Չինացի գրոյսմաստեր Նի Հուան ճանաչվել է կանանց լավագույն մարզիչ։

Պատանեկան մրցաշարերի լավագույն մարզիչ է ճանաչվել ուզբեկ գրոյսմաստեր Սերգեյ Զագրեբելնին։

«Մանկական մարզիչ» (մինչև 14 տարեկան) անվանակարգում լավագույնն է ճանաչվել ռուս Յակով Գելլերը։

Լևոն Արոնյանը New in chess մրցաշարում զբաղեցրել է 4-րդ տեղը

4
թեգերը:
մարզիչ, Շախմատի միջազգային ֆեդերացիա (ՖԻԴԵ), Լևոն Արոնյան
Ըստ թեմայի
«Ինձ հասկացրել են, որ իմ կարծիքը ոչինչ չարժե». Լևոն Արոնյանն անկեղծացել է
Հայ շախմատիստուհին 2-րդ տեղն է գրավել Բելառուսում անցկացված տղամարդկանց առաջնությունում
Արոնյանն առցանց մրցաշարում հանդես է գալիս Հայաստանի դրոշի ներքո
Հենրիխ Մխիթրայան, Ժոզե Մոուրինյո

Հենրիխ Մխիթարյանն ուզում է խոսել Ժոզե Մոուրինյոյի հետ մինչև որոշում կայացնելը

86
(Թարմացված է 13:15 11.05.2021)
Ըստ միջազգային մամուլի` Հենրիխի ծառայություններով հետաքրքրված են մի շարք ակումբներ։

ԵՐԵՎԱՆ, 11 մայիսի – Sputnik. Հայաստանի հավաքականի ավագ և «Ռոմայի» կիսապաշտպան Հենրիխ Մխիթարյանը կցանկանար հանդիպել և զրուցել թիմի նորանշանակ մարզչի` Ժոզե Մոուրինյոն հետ, որից հետո նոր կողմնորոշվել իր ապագայի հարցում։ Այս մասին գրում է 90min-ը։

Հենրիխ Մխիթարյանի ապագան հռոմեական ակումբում դեռ անորոշ է։ Ֆուտբոլիստի պայմանագիրն իտալական ակումբի հետ լրանում է այս ամառ, իսկ պայմանագրի երկարաձգման վերաբերյալ դեռ ոչ մի տեղեկություն չկա։

Ինչպես արդեն հայտնել էինք, պորտուգալացի մարզիչ Ժոզե Մոուրինյոն նոր պայմանագիր է կնքել և հիմա գլխավորում է իտալական «Ռոմա» ակումբը։ Նրա պայմանագիրը նախատեսված է մինչև 2024 թվականի հունիսի 30-ը:

Նշենք, որ երբ Հենրիխ Մխիթարյանը հանդես էր գալիս «Մանչեսթեր Յունայթեդում», նա և Ժոզե Մոուրինյոն, որն այդ ժամանակ ՄՅՈւ–ի մարզիչն էր, այնքան էլ լավ հարաբերությունների մեջ չէին։

Դեռ հայտնի չէ, հայ ֆուտբոլիստն արդյոք մտնում է Ժոզե Մոուրինյոյի ապագա ծրագրերի մեջ, թե ոչ։ Ըստ միջազգային մամուլի, Հենրիխի ծառայություններով հետաքրքրված են մի շարք ակումբներ, իսկ կոնկրետ նշվում են «Յուվենտուսն» ու «Զենիթը»։

Նշենք, որ Ա Սերիայի այս մրցաշրջանում Մխիթարյանն իր ակտիվում ունի 10-ական գոլ և գոլային փոխանցում։

Մոուրինյոն` Մխիթարյանի հետքերով. ՄՅՈւ–ի նախկին մարզիչը տեղափոխվելու է «Ռոմա»

86
թեգերը:
Ժոզե Մոուրինյո, «Ռոմա» ֆուտբոլային ակումբ, Հենրիխ Մխիթարյան
թեմա:
Հենրիխ Մխիթարյան
Ըստ թեմայի
«Ռոման» խոշոր հաշվով պարտվեց «Մանչեսթեր Յունայթեդին». Մխիթարյանը նույնպես խաղադաշտում էր
Մոուրինյոն` Մխիթարյանի հետքերով. ՄՅՈւ–ի նախկին մարզիչը տեղափոխվելու է «Ռոմա»
«Ռոման» հաղթեց խոշոր հաշվով. Մխիթարյանը՝ գոլի և գոլային փոխանցումների հեղինակ