Ֆերդինանդ Կարապետյանը

Ում պարտվել էր, հետո հաղթեց. ինչպես է Կարապետյանը պատրաստվում ադրբեջանցիների հետ մարտին

290
(Թարմացված է 09:01 13.04.2021)
2015 թվականից սկսելով հանդես գալ Հայաստանի ձյուդոյի հավաքականի կազմում` Ֆերդինանդ Կարապետյանը դարձել է հաղթող ու մրցանակակիր տարբեր կարգի մրցումներում։ 2018–ին հայ ձյուդոիստն արդեն Եվրոպայի չեմպիոն էր։ Բայց Կարապետյանի գլխավոր երազանքը դեռևս իրականացված չէ։

Ձյուդոիստ Ֆերդինանդ Կարապետյանը երազում է մասնակցել օլիմպիական խաղերին ու նվաճել օլիմպիական չեմպիոնի կոչումը։ Sputnik Արմենիայի հետ զրույցում Ֆերդինանդը պատմել է, թե ինչպես է հայտնվել ձյուդոյում։

Ձյուդոիստ հարևանները

Ֆերդինանդի կյանքում մեծ դերակատարում են ունեցել Ռուսաստանի ձյուդոյի հավաքականի մարզիկ, օլիմպիական խաղերի և աշխարհի փոխչեմպիոն Տամեռլան Տմենովն ու նրա մայրը։ Վլադիկավկազում նրանք միևնույն բակում էին ապրում։ «Տամեռլան Տմենովի ընտանիքի հետ շատ լավ հարաբերություններ ունեինք և ունենք։

Մայրս խնդրել էր Տամեռնալնի մորը ինձ ձյուդոյի տանել։ Մի օր ես ու եղբայրս խաղում էինք բակում, Տամեռլանի մայրը մեզ կանչեց ու գրանցել տվեց մոտակայքում գործող ձյուդոյի սեկցիայում։ Եվրոպայի չեմպիոն դառնալուց հետո ես հանդիպել եմ և՛ Տամեռլանին, և՛ նրա մորը։ Ինձ շնորհավորել են, հիշել ենք անցած օրերը (ժպտում է)», - պատմում է Ֆերդինանդը։

Օսեթիան` երկրորդ հայրենիք

Ապրելով ու մարզվելով Վլադիկավկազում` հայ ձյուդոիստն իրեն միշտ էլ յուրային է զգացել Օսեթիայի մայրաքաղաքում։ «Վլադիկավկազում երբեք չեմ զգացել, որ տարբերություն դնեն հայի կամ օսի միջև։ Ի սկզբանե ես Ռուսաստանի անձնագիր չունեի, դրա համար էլ շատ մրցաշարեր եմ բաց թողել։ Նկատի ունեմ պատանի ու երիտասարդ տարիքային խմբերը։

23 տարեկանում, երբ ստացա անձնագիր, Ռուսաստանի երիտասարդական առաջնությունում մեդալ նվաճեցի, իսկ մեծահասակների եզրափակչում, կարելի է ասել, ինձ մրցավարները հաղթեցին։ Դենիս Լավրենտևին պարտվեցի մրցավարական սխալի պատճառով, իսկ երբ տեղափոխվեցի Հայաստանի հավաքական, հենց առաջին միջազգային մրցաշարում մրցեցի Լավրենտևի հետ ու հաղթեցի նրան», - նշում է Կարապետյանը։

Հայաստանի հավաքական տեղափոխվելը

Հայաստանի դրոշի ներքո հանդես գալու հրավեր Ֆերդինանդը բազմիցս ստացել է, բայց տեղափոխվել է 2015–ին։ «Ռուսաստանում մրցակցությունը շատ բարձր մակարդակի վրա է։ Ես անընդհատ հավաքների մեջ էի, բայց մրցաշարի մասնակցելու հնարավորություն չէի ստանում։ Ոչ մեկին էլ չէի զիջում, բայց ինձ հանդես գալու հնարավորություն չէին տալիս»,–ասում է հայ ձյուդոիստը և հավելում, որ շատ բաներից զրկվեց Ռուսաստանը թողնելուց հետո, բայց ուզում էր իրեն ցույց տալ միջազգային մրցումներում։

Фотосессия дзюдоиста Фердинанда Карапетяна в проекте Нац.олимпийского комитета Армении Дорога в Минск
Ֆերդինանդ Կարապետյանը

Մարզիկի դիտարկմամբ` հիմա Հայաստանում բարձրակարգ ձյուդոիստների թիվը խիստ կրճատվել է ֆինանսական խնդիրների պատճառով։

Դպրոցների տարբերությունը

Ֆերդինանդ Կարապետյանը երկար ժամանակ մարզվել է Ռուսաստանում, դարձել Ռուսաստանի առաջնության փոխչեմպիոն։ Հիմա ներկայացնելով Հայաստանը` հայ ձյուդոիստը մեծ տարբերություններ է տեսնում երկու երկրների ձյուդոյի դպրոցների միջև։ «Ցավոք սրտի, մեծ տարբերություն կա Ռուսաստանի ու Հայաստանի ձյուդոյի դպրոցների միջև, և դա Հայաստանի օգտին չէ։ Հայաստանում ձյուդոիստների համար պրոֆեսիոնալ ակումբ չկա։ Կոնկրետ պատճառներ չեմ կարող ասել, բայց Հայաստանը հետ է մնում ձյուդոյի զարգացման առումով», - ասում է նա։

Սկզբունքային գոտեմարտերը

Կարապետյանի կարծիքով` ձյուդոյում հաջողության հասնելու համար հարկավոր է նվազագույնի հասցնել վրիպումները։ Բոլոր գոտեմարտերին էլ հայ ձյուդոիստը նախապատրաստվում է առավելագույն ուշադրությամբ, բայց ադրբեջանցի ձյուդոիստների հետ գոտեմարտերը, միևնույնն է, տարբերվում են մյուսներից։

Ծանրամարտիկ Գոռ Մինասյանը՝ Եվրոպայի փոխչեմպիոն, Վարազդատ Լալայանը՝ բրոնզե մեդալակիր

«Թե՛ ես, թե՛ իրենք յուրովի ենք տրամադրվում այդ գոտեմարտերին։ Անչափ ուշադիր եմ գործում, երբ մրցակիցս ադրբեջանցի է։ Օրինակ` Ռուստամ Օրուժովին, որը հայտնի ձյուդոիստ է և իմ սկզբունքային մրցակիցը, մինչև Տաշքենդի գրան պրին պարտվել էի նրան, բայց Ուզբեկստանի մայրաքաղաքում հաղթեցի մաքուր գցումով», - պատմում է Կարապետյանը։

Պարող ձյուդոիստը

Կարծես թե ընդունված բան է, որ ըմբիշները շատ լավ պարում են, Կարապետյանը գտնում է, որ ձյուդոիստներն էլ կարող են հետ չմնալ, հատկապես որ կովկասցիները կրակոտ պարերի սիրահար են, ու ինքը բացառություն չէ այդ առումով։

«Կովկասում շատ տարածված է լեզգինկա պարը։ Ես էլ և՛ սիրում եմ, և՛ պարում։ Չեմ կարող ասել, որ շատ լավ եմ պարում, բայց լսելով երաժշտությունը, միշտ էլ ոտքի եմ կանգնում ու տեղ տալիս էմոցիաներին, առանց որի լեզգինկան չի լինում»,- ասում  է Ֆերդինանդը։

Ընտանիքի և պետության աջակցությունը

Ֆերդինանդը գտնում է, որ իր հաջողությունների մեջ մեծ ներդրում ունեն իր ընտանիքին ու պետությունը։ «Եղբայրներս միշտ հետևում են իմ գոտեմարտերին, իսկ ծնողներս չեն կարողանում են դիտել, միայն անհամբեր սպասում են արդյունքներին։ Բացի այդ նաև պետության աջակցությունն եմ զգում։ Ես ամեն ինչ անում եմ, որ Հայաստանի դրոշը բարձրանա ու հնչի մեր օրհներգը։ Առանց աջակցության ես ոչ մի արդյունքի չեմ կարող հասնել, դրա համար էլ բոլորից շնորհակալ եմ»,- ասում է ձյուդոիստը։

Օլիմպիական խաղերին մասնակցելու շանսեր Ֆերդինանդ  Կարապետյանը դեռ ունի։ Միջազգային մրցաշարերում արդյունքի հասնելով ու միավորներ վաստակելով` նա կարող է բարելավել իր վարկանիշն ու ընդհուպ մոտենալ առայժմ անհասանելի երազանքին՝ օլիմպիական մեդալին։ Մինչև Տոկիոյի օլիմպիական խաղերի մեկնարկը դեռևս կան կարևորագույն մրցաշարեր, որոնց հայ ձյուդոիստը նախապատրաստվում է ամենայն լրջությամբ։

290
թեգերը:
ձյուդո, Ֆերդինանդ Կարապետյան, Հայաստան, Ռուսաստան, մարզիկ, Օլիմպիական խաղեր
Ըստ թեմայի
«Դա իմ կյանքի ամենագեղեցիկ որոշումն էր». ինչո՞ւ են ֆուտբոլիստները դաջվածքներ անում
ՀՖՖ-ն գործում է ոչ թե հանուն, այլ ընդդեմ հայկական ֆուտբոլի
Հայաստանում լույս է տեսել ֆուտբոլային բացառիկ անթոլոգիա. նման ձեռնարկ երբևէ չի հրատարակվել
Կարեն Խաչանով

Կարեն Խաչանովը Տոկիոյից կհեռանա արծաթե մեդալով. նա պարտվեց եզրափակիչում. լուսանկարներ

85
(Թարմացված է 19:01 01.08.2021)
Աշխարհի թիվ մեկ ռակետ Նովակ Ջոկովիչը Տոկիո–2020–ի թենիսի տղամարդկանց մենախաղերի մրցումներում չկարողացավ հաղթանակի հասնել նույնիսկ բրոնզե մեդալի համար խաղում, իսկ ահա հայազգի Կարեն Խաչանովը հասել էր եզրափակիչ, որտեղ նրա մրցակիցը Գերմանիան ներկայացնող Ալեքսանդր Զվերևն էր։

ԵՐԵՎԱՆ, 1 օգոստոսի - Sputnik. Ռուսաստանի ներկայացուցիչ հայազգի թենիսիստ Կարեն Խաչանովը Ճապոնիայի մայրաքաղաք Տոկիոյում անցկացվող օլիմպիական խաղերի եզրափակիչում պարտվեց Գերմանիան ներկայացնող Ալեքսանդր Զվերևին։

Немецкий теннисист Александр Зверев после матча с Каренов Хачановым на Олимпийских играх в Токио (1 августа 2021). Япония
© Sputnik / Asatur Yesayants
Ալեքսանդր Զվերև

Մեկ ժամ 21 րոպե տևած մրցամարտում Խաչանովն առաջին սեթում զիջեց 3։6 հաշվով ու այլևս չկարողացավ կառուցել իր խաղը, և երկրորդ սեթում Զվերևի առավելությունն ավելի քան ակնհայտ էր։ Զվերևը շատ լավ մատուցում էր, ու առաջին մատուցման իրացման բարձր տոկոսը ի վերջո նրան հաղթանակ ապահովեցին ոսկե մեդալի համար խաղում։ Խաչանովը առաջին սեթում դիմադրեց ինչքան կարողացավ, ունեցավ հնարավորությունը հաշիվը հավասարեցնելու համար։ Բայց Զվերևի հիանալի խաղը պաշտպանվելիս և ագրեսիվությունը հարձակման ժամանակ թույլ չտվեցին Խաչանովին այս մրցամարտում բաղձալի ոսկե մեդալը վաստակել։

Տոկիո-2020. Արման Դարչինյանը չկարողացավ հաղթել ֆիլիպինցի մրցակցին

Карен Хачанов во время финального матча мужского теннисного турнира Олимпийских игр в Токио (1 августа 2021). Япония
© Sputnik / Asatur Yesayants
Կարեն Խաչանով

Առաջին սեթից հետո թվաց` Խաչանովը կվերադասավորի իր ուժերն ու կկարողանա պայքար պարտադրել ուժեղ մրցակցին։ Բայց տեղի ունեցավ հակառակը։ Զվերևը գործում էր սառնասրտորեն ու հստակ։ Արդեն օլիմպիական խաղերի չեմպիոն դարձած մարզիկը մրցամարտի ընթացքում իրացրեց 6 էյս` Խաչանովի երեքի փոխարեն, թուլ չտվեց կրկնակի ոչ մի սխալ մատուցման ժամանակ` Խաչանովի մեկ նման սխալի դիմաց, և երկուսն էլ ութ անգամ ունենալով բրեյք պոինտի հնարավորություն` օգտագործեցին չորսը։

Карен Хачанов во время финального матча мужского теннисного турнира Олимпийских игр в Токио (1 августа 2021). Япония
© Sputnik / Asatur Yesayants
Կարեն Խաչանով

Ո՞ւմ հետ կմրցեն Ալեքսանյանն ու Չալյանը. հայտնի են վիճակահանության արդյունքները

Այսպիսով, օլիմպիական խաղերի ոսկե մեդալը նվաճեց Ալեքսանդր Զվերևը, որը թենիսի տղամարդկանց համաշխարհային դասակարգման ցուցակում զբաղեցնում է 5–րդ տեղը։ Իսկ Կարեն Խաչանովի համար, որը նույն ցուցակի 25–րդ հորիզոնականում է, արծաթե մեդալը միանշանակ հաջողություն է։

  • Կարեն Խաչանով
    Կարեն Խաչանով
    © Sputnik / Asatur Yesayants
  • Կարեն Խաչանով
    Կարեն Խաչանով
    © Sputnik / Asatur Yesayants
  • Կարեն Խաչանով
    Կարեն Խաչանով
    © Sputnik / Asatur Yesayants
  • Կարեն Խաչանով
    Կարեն Խաչանով
    © Sputnik / Asatur Yesayants
  • Կարեն Խաչանով
    Կարեն Խաչանով
    © Sputnik / Asatur Yesayants
  • Կարեն Խաչանով
    Կարեն Խաչանով
    © Sputnik / Asatur Yesayants
1 / 6
© Sputnik / Asatur Yesayants
Կարեն Խաչանով

Տոկիո-2020. Արմեն Մելիքյանը լքեց պայքարը

85
թեգերը:
Ռուսաստան, Կարեն Խաչանով, թենիս
Արմեն Մելիքյան

Տոկիո-2020. Արմեն Մելիքյանը լքեց պայքարը

95
(Թարմացված է 13:59 01.08.2021)
Ուկրաինացի ըմբիշին չհաջողվեց նվաճել եզրափակիչի ուղեգիր, և Մելիքյանը զրկվեց բրոնզե մեդալի համար պայքարելու հնարավորությունից:

ԵՐԵՎԱՆ, 1 օգոստոսի – Sputnik. Ճապոնիայի մայրաքաղաք Տոկիոյում ընթացող 32-րդ ամառային օլիմպիական խաղերի ըմբշամարտի մրցաշարում Հայաստանը ներկայացնող հունահռոմեական ոճի ըմբիշ Արմեն Մելիքյանը զրկվեց մեդալի համար պայքարելու հնարավորությունից:

Նշենք, որ 60 կգ քաշային կարգում 25-ամյա Մելիքյանը 1/8 եզրափակիչում մեկնարկել էր 22-ամյա իրանցի Ալի Ռեզա Նեջաթիի նկատմամբ հաղթանակով (5:5), իսկ երկրորդ գոտեմարտում 4:8 հաշվով պարտվել էր 31-ամյա ուկրաինացի Լենուր Տիմուրովին:

Եթե Տիմուրովը եզրափակիչի ուղեգիր նվաճեր, հայ ըմբիշը բրոնզե մեդալի համար պայքարելու հնարավորություն կստանար, սակայն ուկրաինացի ըմբիշին չհաջողվեց նվաճել եզրափակիչի ուղեգիր, և Մելիքյանը զրկվեց բրոնզե մեդալի համար պայքարելու հնարավորությունից:

Նշենք, որ Տիմուրովը 1:5 հաշվով պարտվեց աշխարհի կրկնակի չեմպիոն, ճապոնացի Կենիչիրո Ֆումիտային:

Հիշեցնենք, որ Տոկիո-2020-ի հունահռոմեական ոճի ըմբշամարտի մրցաշարում Հայաստանը կներկայացնեն նաև Կարեն Ասլանյանը (67 կգ), Կարապետ Չալյանը (77 կգ) և գործող օլիմպիական չեմպիոն Արթուր Ալեքսանյանը (97 կգ): Չալյանն ու Ալեքսանյանը պայքարի մեջ կմտնեն օգոստոսի 2-ին, Ասլանյանը՝ օգոստոսի 3-ին:

Ազատ ոճի ըմբշամարտի մրցաշարում Հայաստանի մասնակիցներն են Արսեն Հարությունյանը (57 կգ) և Վազգեն Թևանյանը (65 կգ):

95
թեգերը:
Օլիմպիական խաղեր, Արմեն Մելիքյան, ըմբիշ
Ըստ թեմայի
Վարսենիկ Մանուչարյանն ավարտեց ելույթը Տոկիո-2020–ում
«Արարատ» -«Շլենսկն» ավարտվեց ոչ ոքի, բայց հայկական թիմը դուրս մնաց Կոնֆերենցիաների լիգայից
«Թարգմանիչ ունեմ»․ Հարոյանը՝ իսպանական նոր թիմի, մարզչի և ֆուտբոլիստների մասին
Թուրքիա

Թուրքական իշխանամետ թերթն անտառները հրկիզելու պատասխանատվությունը դրել է քրդերի վրա

71
Թուրքիայում վերջին օրերին 107 անտառային հրդեհ է մարվել, սակայն դեռևս վերահսկողության տակ չեն առնվել Անթալիայի և Մուղլայի առողջարանային շրջաններում բռնկված հինգ հրդեհները: Արդեն բազմիցս ասվել է, որ հրկիզումները միտումնավոր բնույթ ունեն։

ԵՐԵՎԱՆ, 1 օգոստոսի - Sputnik. Թուրքական «Yeni Safak» իշխանամետ թերթը պնդում է, որ Թուրքիայի անտառները հրկիզելու պատասխանատվությունը ստանձնել է «Կրակի զավակներ» խմբավորումը, որը կապված է Թուրքիայում արգելված Քրդստանի աշխատավորական կուսակցության (ՔԱԿ) հետ։ Տեղեկությունը հայտնում է ՌԻԱ Նովոստին։

Ըստ թերթի` այդ տեղեկության աղբյուրը սոցիալական ցանցերն են, որոնք իբր կապված են ՔԱԿ-ի հետ։

Ինչպես ավելի վաղ հայտարարել էր երկրի գյուղատնտեսության և անտառային տնտեսության նախարար Բեքիր Փաքդեմիրլին, Թուրքիայում վերջին օրերին 107 անտառային հրդեհներ են մարվել, բայց դեռ վերահսկողության տակ չեն վերցվել Անթալիայի և Մուղլայի առողջարանային գոտիների հինգ հրդեհները: Առողջապահության նախարար Ֆահրեթին Քոջան էլ հայտնել էր, որ Թուրքիայում անտառային հրդեհների հետևանքով մահացածների թիվը հասել է 8–ի, տուժածների թիվը` 864-ի:

Թուրքիայում 5.5 մագնիտուդով երկրաշարժ է գրանցվել

71
թեգերը:
Թուրքիա, հրդեհ, քուրդ
Ըստ թեմայի
Էրդողանը Թուրքիայի անտառային հրդեհներից տուժած շրջաններն աղետի գոտի է հայտարարել
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Հունաստանի ԱԳՆ-ն պատասխանել է Թուրքիայի քաղաքացու սպանության վերաբերյալ մեղադրանքներին