Девушка наблюдает за выступлением армянской тяжелоатлетки Татев Акопян на чемпионате Европы в Москвe (10 апреля 2021). Еревaн

Տաթև Հակոբյանին մեդալ նվաճել չհաջողվեց

87
(Թարմացված է 22:38 10.04.2021)
Ծանրամարտի Եվրոպայի առաջնության ավարտին մնացել է մեկ օր։ Ապրիլի 11-ին մրցահարթակ դուրս կգան կանանց ու տղամարդկանց գերծանր քաշային ծանրամարտիկները։ Հայաստանի հավաքականը մեդալների իր հավաքածուն թարմացնելու հնարավորություն դեռ ունի։

ԵՐԵՎԱՆ, 10 ապրիլի – Sputnik․ Եվրոպայի առաջնության մրցումների նախավերջին օրը Հայաստանի կանանց հավաքականը 87կգ քաշային կարգում ներկայացրեց Տաթև Հակոբյանը։ Նա երկամարտի 221կգ արդյունքով իններորդն էր։

Տաթև Հակոբյանը պոկում վարժությունում երեք մոտեցումներից իրացրեց միայն մեկը՝ առաջինը. գլխավերևում պահեց 101կգ կշռող ծանրաձողը, բայց հետո երկու անգամ չկարողացավ բարձրացնել 106 կգ քաշը։ Արդյունքում հայ ծանրամարտիկը պոկում վարժությունում զբաղեցրեց յոթերորդ տեղը` ուղիղ 10կգ պարտվելով այս վարժությունում չեմպիոնի կոչում նվաճած Վրաստանի ներկայացուցիչ Անաստասիա Հոդֆրիդին։

Հրում վարժությունում Հակոբյանը նույնպես օգտագործեց առաջին մոտեցումը։ Հայ ծանրամարտիկը բարձրացրեց 120կգ։ Երկրորդ մոտեցումով Տաթևը գլխավերևում պահեց 126կգ կշռող ծանրաձողը, բայց երեք մրցավարներից երկուսը, չգիտես ինչու, չհաշվեցին քաշը մեր մարզուհու օգտին։ Իսկ երրորդ մոտեցման համար պատվիրված 129 կիլոգրամը Հակոբյանը չբարձրացրեց ու երկամարտի 221 կգ արդյունքով զբաղեցրեց 9-րդ տեղը։

«Ուզում եմ Հայաստանի հավաքականում խաղալ»․ Արթուր Գալոյանը` իր նվիրական երազանքի մասին

Այսպիսով Եվրոպայի առաջնությունում Հայաստանի հավաքականը մրցումների ավարտից մեկ օր առաջ նվաճել է 5 ոսկե, 6 արծաթե և 6 բրոնզե մեդալ։ Բայց սա դեռ վերջը չէ, քանի որ վաղը մենք մեդալների ենք հավակնում գերծանր քաշային կարգում։ Ապրիլի 11-ին Եվրոպայի առաջնությունում պայքարի մեջ են մտնելու կանանց և տղամարդկանց գերծանր քաշային կարգի ծանրամարտիկները։ 87+կգ քաշային կարգում Հայաստանը ներկայացնելու է Արփինե Դալալյանը, իսկ տղամարդկանց 109+կգ քաշային կարգում մեր երկիրը ներկայացնելու են Գոռ Մինասյանն ու Վարազդատ Լալայանը։

Սամվել Գասպարյանը դարձավ Եվրոպայի չեմպիոն, Արսեն Մարտիրոսյանը` փոխչեմպիոն

87
թեգերը:
ծանրամարտ, Հայաստան
Ըստ թեմայի
Հայաստանի ֆուտբոլի ազգային հավաքականը բարելավել է դիրքերը ՖԻՖԱ-ի աղյուսակում
Հովհաննես Բաչկովը նոկաուտի է ենթարկել թուրք բռնցքամարտիկին. տեսանյութ
Լիանա Գյուրջյանը դարձավ ծանրամարտի Եվրոպայի առաջնության բրոնզե մեդալակիր
Նաիր Տիկնիզյան

«Լոկոմոտիվը» ԲԿՄԱ-ին առաջարկել է ձեռք բերել հայ կիսապաշտպանին

42
(Թարմացված է 13:11 14.05.2021)
Նաիր Տիկնիզյանը 14 տարեկանից խաղում է ԲԿՄԱ-ում, 2017-ին՝ 18 տարեկանում, նա իր նորամուտը նշեց մեծահասակների թիմի հիմնական կազմում։

ԵՐԵՎԱՆ, 14 մայիսի - Sputnik. Մոսկվայի «Լոկոմոտիվն» իր ֆուտբոլիստ Նաիր Տիկնիզյանին գնելու պաշտոնական առաջարկ է ուղարկել ԲԿՄԱ-ին: Տեղեկությունը հայտնում է «Սպորտ Էքսպրեսը»՝ հղում անելով իր աղբյուրին։

«22-ամյա կիսապաշտպանը հետաքրքրում է Մարկո Նիկոլիչին, «երկաթուղայիններն» արդեն Եվրոպայի լիգայի ուղեգիր ունեն և ֆուտբոլիստին ավելի շահավետ պայմաններ են առաջարկում։ Բանակայինների ակումբը որոշում կկայացնի մրցաշրջանի ավարտից հետո», - գրում է պարբերականը։

Եվրոպայի չեմպիոնը կկողմնորոշովի մոտ ապագայում. տեսանյութ

Նաիր Տիկնիզյանը 6 տարեկանից ֆուտբոլով է զբաղվում։ ԲԿՄԱ-ի կազմում է 14 տարեկանից, 2017 - ին՝ 18 տարեկանում, նորամուտն է նշել մեծահասակների թիմի հիմնական կազմում՝ Կուրսկի «Ավանգարդի» դեմ Ռուսաստանի գավաթի խաղում։ Տիկնիզյանը խաղացել է նաև Ռուսաստանի պատանեկան ու երիտասարդական հավաքականներում: Նաիրը երկու անձնագիր ունի՝ ռուսական և հայկական։

Արմեն Մելիքյանն ու Կարեն Ասլանյանը օլիմպիական ուղեգիր վաստակեցին

42
թեգերը:
(ԲԿՄԱ) Բանակային Կենտրոնական Մարզական Ակումբ, ֆուտբոլիստ, ֆուտբոլ
Ըստ թեմայի
Ալեքսանդր Կարապետյանը խոստանում է մորուքը ներկել ՀՀ-ի դրոշի գույներով, բայց մի պայմանով
«Ուրարտուն» հյուրընկալել է Արթուր Աբրահամին. 11-մետրանոցներ են եղել
Մոուրինյոն նոր ակումբի պատվին փոխել է հեռախոսի պատյանը
Վարազդատ Հարոյան. արխիվային լուսանկար

Վարազդատ Հարոյանը հեռանում է «Աստանայից». հայտնի է նրա նոր ակումբի անունը

160
(Թարմացված է 16:02 12.05.2021)
Հայաստանի ազգային հավաքականի պաշտպան Վարազդատ Հարոյանը «Աստանա» էր տեղափոխվել այս տարվա սկզբին։

ԵՐԵՎԱՆ, 12 մայիսի - Sputnik. Հայաստանի ազգային հավաքականի և ղազախական «Աստանայի» պաշտպան Վարազդատ Հարոյանը հաջորդ մրցաշրջանում հանդես կգա իսպանական Լա լիգայում: Տեղեկությունը հայտնում են ղազախական լրատվամիջոցները:

Ավելի վաղ լրագրող Արարատ Մամբրեյանը իր  տելեգրամ ալիքում հայտնել էր, որ Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։

Sputnik Արմենիայի տեղեկություններով` հայ ֆուտբոլիստն արդեն համաձայնեցրել է պայմանագրի կետերը «Կադիսի» հետ:

Նշենք, որ Հարոյանը «Աստանա» էր տեղափոխվել այս տարվա սկզբին։

Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

Հարոյանը` «Աստանա» գնալու, «Տամբովի» պարտքի ու իր նախասիրությունների մասին. բացառիկ զրույց

160
թեգերը:
Վարազդատ Հարոյան
Ըստ թեմայի
Վարազդատ Հարոյանը նոր ակումբ է տեղափոխվել
Կասպարով. Իրանական ակումբի` Հարոյանից հրաժարվելը քաղաքական որոշում է
Օրվա կադրը. ռումինացի դարպասապահը նեղսրտությունից «գրավեց» սեփական դարպասը
Ջեյհուն Բայրամով

Ջեյհուն Բայրամովը հայ–ադրբեջանական սահմանի լարվածությունը քննարկել է Ստեֆանո Սաննինոյի հետ

0
Ադրբեջանի արտգործնախարարն ընդգծել է, որ իր երկիրը հավատարիմ է իրավիճակը քաղաքական և դիվանագիտական ճանապարհով կարգավորելուն։

ԵՐԵՎԱՆ, 14 մայիսի - Sputnik. Ադրբեջանի արտաքին գործերի նախարար Ջեյհուն Բայրամովը Եվրոպական արտաքին գործողությունների ծառայության գլխավոր քարտուղար Ստեֆանո Սաննինոյի հետ հեռախոսով քննարկել է ադրբեջանա-հայկական սահմանին տիրող իրավիճակը: Տեղեկությունը հայտնում է Ադրբեջանի արտգործնախարարության մամուլի ծառայությունը։

«Կողմերը մտքեր են փոխանակել Հայաստանի և Ադրբեջանի սահմանին առաջացած լարվածության վերաբերյալ», - նշված է հաղորդագրության մեջ:

Ադրբեջանցի նախարարը զրուցակցին տեղեկացրել է սահմանին տիրող իրավիճակի մասին ՝ ընդգծելով, որ իր երկիրը հավատարիմ է իրավիճակը քաղաքական և դիվանագիտական ճանապարհով կարգավորելուն:

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Պետք է պատրաստ լինենք հնարավոր վատ զարգացումներին. Ավինյանը` Սյունիքի մասին

0
թեգերը:
Ջեյհուն Բայրամով, Հայաստան, Ադրբեջան
Ըստ թեմայի
Նիկոլ Փաշինյանը դիմել է Վլադիմիր Պուտինին ռազմական օգնության հարցով. Ալեն Սիմոնյան
Ադրբեջանն ԱՄՆ-ին տեղեկացրել է, որ բանակցում է Հայաստանի հետ
Փաշինյանն ու Ալիևը համաձայնությա՞ն են եկել. Սյունիքի նախկին մարզպետը` իրավիճակի մասին
«Կոչ ենք անում պատրաստ լինել ցանկացած սցենարի». «Հայաստան» դաշինքի հայտարարությունը
Ի՞նչ է կատարվում Գեղարքունիքի մարզի Կութ և Վերին Շորժա գյուղերում. պատմում են բնակիչները