Խոակին Կապառոս

Իսպանիայում Կապառոսին հայ են անվանում, Ռումինիայում պահանջում են իրենց մարզչի հրաժարականը

607
(Թարմացված է 15:46 01.04.2021)
Մարտի 31-ին 2022 թվականի աշխարհի առաջնության ընտրական փուլի երրորդ տուրում Հայաստանի հավաքականը սեփական հարկի տակ 3:2 հաշվով հաղթեց Ռումինիայի թիմին, ինչը բուռն քննարկման թեմա է դարձել հատկապես Ռումինայում։

ԵՐԵՎԱՆ, 1 ապրիլի – Sputnik. Իսպանացի մասնագետ Խոակին Կապառոսը հայ է դարձել։ Այս մասին գրում է իսպանական «Marca»–ն։

«Խոակին Կապառոսն արդեն հայ է դարձել, այդ պատճառով էլ իր հաղթանակը տոնում է Հայաստանի հետ։ Լեգենդար իսպանացի մարզիչն այժմ գլխավորում է Հայաստանի ազգային հավաքականը, որի հետ երեք հաղթանակ է տարել Կատարում կայանալիք 2022 թվականի աշխարհի առաջնության ընտրական փուլում», - գրել է կայքը և Հայաստանի հաղթանակի մասին տեսանյութ հրապարակել։

Մինչդեռ Ռումինիայում սկսել են պահանջել իրենց հավաքականի գլխավոր մարզչի հրաժարականը։ Թեման նախ սոցցանցերում բարձրացրին Ռումինիայի հավաքականի երկրպագուները, իսկ հետո այդ մասին խոսեցին նաև պաշտոնատար անձինք։

Մասնավորապես Ռումինիայի ֆուտբոլի ֆեդերացիայի գլխավոր քարտուղար Ջասթին Ստեֆանը քննադատել է Ռեդոյին ՝ ընդգծելով, որ ֆեդերացիայում պետք է արմատական փոփոխություններ արվեն:

«Հայաստանից կրած պարտությունը նվաստացուցիչ էր։ Աշխարհի առաջնությունում հայտնվելու միայն տեսական շանսեր մնացին»,- գրել է Ստեֆանը Facebook-ի իր էջում։

Հիշեցնենք` մարտի 31-ին 2022 թվականի աշխարհի առաջնության ընտրական փուլի երրորդ տուրում Հայաստանի հավաքականը սեփական հարկի տակ 3:2 հաշվով հաղթեց Ռումինիայի թիմին:

Երեք տուրից հետո Հայաստանի հավաքականը 9 միավորով դարձավ միանձնյա առաջատար։ Հյուսիսային Մակեդոնիան ու Գերմանիան ունեն 6-ական, Իսլանդիան ու Ռումինիան՝ 3-ական միավոր։ Լիխտենշտեյնը դեռ ոչ մի միավոր չի վաստակել։

Օրվա կադր. ռումինացի դարպասապահը նեղսրտությունից «գրավեց» սեփական դարպասը

607
թեգերը:
հայ, մարզիչ, Խոակին Կապառոս, Ռումինիա, Հայաստան
Ըստ թեմայի
«Մենք չպետք է բավարարվենք ձեռք բերածով». Խոակին Կապառոս
Արման Անդրեսյան

Արման Անդրեասյանը Եվրոպայի առաջնության բրոնզե մեդալակիր է

41
(Թարմացված է 22:59 20.04.2021)
Հայաստանի ազատ ոճի հավաքականը, որ մրցումներում ներկայացված էր չորս ըմբիշներով, վաստակեց մեկ բրոնզե մեդալ։

ԵՐԵՎԱՆ, 20 ապրիլի – Sputnik․ Լեհաստանի մայրաքաղաք Վարշավայում  ընթացող ըմբշամարտի Եվրոպայի առաջնությանը 70 կգ քաշային կարգում Արման Անդրեասյանը բրոնզե մեդալի համար գոտեմարտում, 4։3 հաշվով հաղթելով Մոլդովայի ներկայացուցիչ Միխաիլ Սավային, կանգնեց պատվո պատվանդանի երրորդ աստիճանին։

Անդրեասյանը շատ հաջող սկսեց մրցաշարը 1/8 եզրափակիչում 10։0 հաշվով առավելության հասնելով Լիտվայի ներկայացուցիչ Արտյոմ Աուգայի նկատմամբ, իսկ քառորդ եզրափակիչում հայ ըմբիշը 10։5 հաշվով պարտության մատնեց լեհ Պատրիկ Օլենչինին։ Եզրափակիչ մտնելու համար Արմանը գոտեմարտեց Ռուսաստանի ներկայացուցիչ Իսրայել Կասումովի հետ։ Ցավոք նրան Արմանը զիջեց մեկ միավորի տարբերությամբ՝ 3։4 հաշվով։

79 կգ քաշային կարգում Արման Ավագյանը 1/8 եզրափակչում 10։0 հաշվով հաղթել էր Գերմանիան ներկայացնող Էդուարդ Տատարինովին։ Իսկ քառորդ եզրափակիչում մեր ըմբիշը պարտվեց Սլովակիան ներկայացնող Ախսարբեկ Գուլաևին։ Քանի որ վերջինս հասավ եզրափակիչ, Ավագյանը հնարավորություն ունեցավ սփոփիչ գոտեմարտ անցկացնելու ու, հաղթելով մակեդոնացի Դեյան Միտրովին, իրավունք վաստակեց բրոնզե մեդալի համար գոտեմարտելու։ Սակայն հայ ըմբիշը երրորդ տեղի համար գոտեմարտում պարտվեց վրացի Նիկա Կենտչաձեին։

Տաթև Հակոբյանին մեդալ նվաճել չհաջողվեց

Այսպիսով` Եվրոպայի առաջնությունում Հայաստանի ազատ ոճի հավաքականը վաստակեց բրոնզե մեկ մեդալ։ Հիշեցնենք, որ մեր հավաքականի կազմում բացակայում էին օլիմպիական խաղերի ուղեգիր վաստակած Արսեն Հարությունյանն ու Վազգեն Թևանյանը, որոնք նախապատրաստվում են արդեն օլիմպիական մրցաշարին։ Ապրիլի 22-ին պայքարի մեջ կմտնեն հունահռոմեական ոճի ըմբիշները։

41
թեգերը:
Արման Անդրեասյան, մեդալ, Լեհաստան, Եվրոպայի ըմբշամարտի առաջնության, ըմբշամարտիկ
Ըստ թեմայի
Հայ ըմբիշները Ուկրաինայից կվերադառնան 8 մեդալով
Հայ ըմբիշներին մեկ քայլ է մնացել օլիմպիական ուղեգիր նվաճելու համար. ովքե՞ր են նրանք
Հայ ըմբիշներից մեկը չի մասնակցի Եվրոպայի առաջնությանը. նա վնասվածք է ստացել
Ալեքսանդր Չեֆերին

«Պարոնայք, սխալվել եք». ՈւԵՖԱ-ի ղեկավարը կոչ է արել վերանայել Սուպերլիգայի մասին որոշումը

36
Անգլիայի, Իսպանիայի և Իտալիայի մի շարք ակումբներ արդեն հաստատել են, որ մասնակցելու են Սուպերլիգային:

ԵՐԵՎԱՆ, 20 ապրիլի – Sputnik. Եվրոպական ֆուտբոլային ասոցիացիաների միության (ՈւԵՖԱ) ղեկավար Ալեքսանդր Չեֆերինը Սուպերլիգա ստեղծած ակումբներին հորդորել է վերանայել իրենց որոշումը: ՌԻԱ Նովոստին տեղեկացնում է, որ նա այդ մասին հայտարարել է ՈւԵՖԱ-ի կոնգրեսում։

«Դիմում եմ անգլիական որոշ ակումբների սեփականատերերին։ Պարոնայք, դուք մեծ սխալ եք գործել։ Ինչ-որ մեկը կասի` դա ագահություն է, մյուսները` ամբարտավանություն, տգիտություն, անգլիական ֆուտբոլային մշակույթի հանդեպ արհամարհանք։ Բայց դա կարևոր չէ։ Կարևորն այն է, որ ձեր կարծիքը փոխելու ժամանակ կա։ Բոլորն էլ սխալվում են։ Անգլիացի երկրպագուներն արժանի են, որ դուք ուղղեք սխալը», - ասել է Չեֆերինը։

Նա նշել է, որ իրենց հետ են ոչ միայն ֆուտբոլային հանրությունը, ֆուտբոլային ընտանիքը, այլև բոլոր կառավարությունները, երկրպագուները, լրատվամիջոցները։

«Մյուս կողմում քիչ մարդ կա, որոշ ագահներ։ Թո՞ւյլ կտանք, որ նրանք ֆուտբոլն իրենցով անեն։ Ո՛չ։ Հավատացեք` մենք դա թույլ չենք տա», - հավելել է նա։

Ավելի վաղ հայտնել էինք, որ եվրոպական 12 ակումբներ համաձայնության են եկել Սուպերլիգա ստեղծելու գաղափարի շուրջ:

Սուպերլիգան իրենց կներկայացնի 20 թիմերից կազմած մրցաշար, որոնցից 15-ը կլինեն անփոխարինելի ակումբներ: Մյուս 5 թիմերը իրավունք կստանան մասնակցելու մրցաշարին՝ հաղթահարելով որակավորման փուլը:

«Ուզում եմ Հայաստանի հավաքականում խաղալ»․ Արթուր Գալոյանը` իր նվիրական երազանքի մասին

Հիմնադիրները «Ռեալ», «Յուվենտուս», «Մանչեսթեր Յունայթեդ», «Բարսելոնա», «Ատլետիկո», «Միլան», «Ինտեր», «Մանչեսթեր Սիթի», «Լիվերպուլ», «Արսենալ», «Չելսի» և «Տոտենհեմ» ակումբներն են:

«Էությամբ խենթ եմ»․ դարպասապահ Դավիթ Յուրչենկոն՝ հայկական ծագման ու ֆուտբոլի մասին

Եվրոպական ֆուտբոլային ասոցիացիաների միությունը (ՈւԵՖԱ), Իսպանիայի ֆուտբոլի թագավորական ֆեդերացիան (RFEF), Իտալիայի ֆուտբոլի ֆեդերացիան (FIGC) և Անգլիայի ֆուտբոլային ասոցիացիան (The FA) հանդես են եկել համատեղ հայտարարությամբ, որում դատապարտել են եվրոպական Սուպերլիգայի ստեղծումը: ՈւԵՖԱ-ն նաև հայտնել է, որ Սուպերլիգայի մասնակից ակումբներին կարգելվի մասնակցել ազգային, եվրոպական ու համաշխարհային ցանկացած այլ առաջնության, իսկ ֆուտբոլիստները, ամենայն հավանականությամբ, կզրկվեն ազգային հավաքականներում խաղալու իրավունքից։

Սուպերլիգայի մրցաշարը կմեկնարկի օգոստոսին:

Հայ ըմբիշներից մեկը չի մասնակցի Եվրոպայի առաջնությանը. նա վնասվածք է ստացել

36
թեգերը:
ՈւԵՖԱ, ֆուտբոլ
Ըստ թեմայի
Շնորհակալություն, պետք չէ. հայկական ակումբն արձագանքել է Սուպերլիգայում խաղալու հրավերին
Մարմնամարզության աշխարհի չեմպիոն Արթուր Դալալոյանը վիրահատվել է
Հարություն Մարության

Ցեղասպանության թանգարան–ինստիտուտի քաղաքականությունը փոխելու փորձ չի եղել. Մարության

0
(Թարմացված է 13:33 21.04.2021)
Հայոց ցեղասպանության թանգարան-ինստիտուտի տնօրեն Հարություն Մարությանը Թուրքիային մեր թշնամին համարում է։

ԵՐԵՎԱՆ, 21 ապրիլի - Sputnik. Հայոց ցեղասպանության թանգարան-ինստիտուտն իշխանություններից որևէ զանգ չի ստացել կամ խոսակցություն չի ունեցել փոխելու իր քաղաքականությունը։ Նման կարծիք հայտնեց թանգարան–ինստիտուտի տնօրեն Հարություն Մարությանը` պատասխանելով Sputnik Արմենիայի հարցին, թե արդյո՞ք վերջին շրջանում Թուրքիայի հետ հարաբերությունների վերանայման հայտարարությունը որևէ կերպ անդրադառնում է կառույցի աշխատանքների վրա։

Հիշեցնենք, որ մեծ աղմուկ է բարձրացրել Անվտանգության խորհրդի քարտուղար Արմեն Գրիգորյանի` Հանրային հեռուստաընկերությանը տված հարցազրույցի ժամանակ արված այն հայտարարությունը, որ պետք է շտկումներ մտցնել Թուրքիայի նկատմամբ Երևանի մոտեցումներում։

«Որքանով ես գիտեմ` ՀՀ իշխանությունները պաշտոնական որևիցե բան չեն ասել՝ հայտարարություն, համաձայնագիր հայ-թուրքական հարաբերությունների վերաբերյալ։ ԱԳՆ-ն հայտարարեց, որ որևէ բանակցություն տեղի չի ունենում Թուրքիայի հետ։ Ավելին, մեր կառույցի նկատմամբ գաղափարական ուղղվածության փորձ չի եղել` մեր ցուցադրությունները նույնն են»,–ասաց Մարությանը։

Նա հավելեց` այո, զանազան մտքեր են ասում, սակայն իր համար էական են փաստաթղթեր։ Մարությանն ինքն էլ այսօրվա Թուրքիային մեր թշնամին է համարում։

Դա պատիվ կբերի հենց ամերիկացիներին. Բայդենը կասի՞ «ցեղասպանություն» բառը

«Սակայն թանգարանը քաղաքական հաստատություն չէ, այլ մշակութային։ Մենք ԱԳՆ-ի կցորդը չենք»,–ասաց Մարությանը։

Նա նաև հայտնեց, որ նախորդ տարի մեկ թուրք եկել է իրենց արխիվ և 1-2 ժամ աշխատելուց հետո գնացել։ Մարությանը շեշտեց` ինքը ո՛չ թուրքասեր է, ո՛չ թրքամոլ։

Հիշեցնենք, որ ապրիլի 14-ին վարչապետ Նիկոլ Փաշինյանն ԱԺ–ում անդրադարձել էր այս թեմային` ասելով, որ, այո, Թուրքիան մեր թշնամին է։

0
թեգերը:
թշնամի, Թուրքիա, Հարություն Մարության, Թանգարան, Հայոց ցեղասպանություն
Ըստ թեմայի
Լարված իրավիճակ ու բախումներ Ագարակում. քաղաքացիները բողոքում են Նիկոլ Փաշինյանի այցի դեմ
ՀՀ ՄԻՊ Արման Թաթոյանը արձագանքել է Ալիևի ագրեսիվ ու սադրիչ հայտարարությանը
Թուրքիայի արտգործնախարարը սպառնացել է ԱՄՆ-ին ապրիլի 24-ի կապակցությամբ