Խոակին Կապառոսը

Խոակին Կապառոսը վստահ է` Ռումինիայի հետ խաղը դժվար է լինելու. ինչպես է նա դա բացատրում

128
(Թարմացված է 20:26 30.03.2021)
Աշխարհի 2022թ.-ի առաջնության եվրոպական ընտրական J խմբում Հայաստանի հավաքականը երկու անընդմեջ հաղթանակներից հետո երրորդ խաղում մրցելու է Ռումինայի ընտրանու հետ, որին դեռևս երբեք չի հաղթել։

ԵՐԵՎԱՆ, 30 մարտի – Sputnik․ Հայաստանի ֆուտբոլի հավաքականի գլխավոր մարզիչ Խոակին Կապառոսն ասում է, որ Հայաստանի ու Ռումինիայի հավաքականների խաղաոճում նմանություն կա։ Այս կարծիքը նա հայտնեց այսօր կայացած Հայաստան – Ռումինիա հանդիպման նախախաղային ասուլիսում։ Ասուլիսին մասնակցում էր նաև հավաքականի հարձակվող Տիգրան Բարսեղյանը։

«Ռումինացիները խաղում են մեզ նման լայնակի ու երկար փոխանցումների միջոցով և դա անում են բարձր արագությունների վրա։ Մեզ դժվար խաղ է սպասվում, քանի որ մրցակցի ֆուտբոլիստները խաղադաշտում շատ լավ հասկանում են, թե ինչ և ինչպես պետք է անել։ Մենք էլ յուրաքանչյուր խաղում հաշվի ենք առնում մրցակցի հնարավորություններն ու խաղային որակը և նախընտրում հենց մրցակցի հետ լավ խաղալու մարտավարություն»,–ասաց  Կապառոսնը։ Նա կարևորեց մեր ֆուտբոլիստների լավ տրամադրվածությունը։

Հավաքականի հարձակվող Տիգրան Բարսեղյանը, անդրադառնալով Ռումինիայի հավաքականի հետ վիճակագրության հարցին (1` ոչ ոքի, 4` պարտություն) ասաց, որ չէին հաղթել նաև Իսլանդիայի ընտրանուն։

«Հայաստանի հավաքականը սկսել է մտածել այլ ձևով։ Նոր մարզիչ, նոր մտքեր, նոր մոտեցումներ։ Ահա թե ինչն է փոխվել մեր թիմում։ Ինձ համար տարբերություն չկա, թե ինչ մարտավարությամբ է խաղում թիմը։ Պարզապես յուրաքանչյուր ֆուտբոլիստ պետք է կատարի իր պարտականությունները խաղադաշտում։ Ես էլ պետք է հասցնեմ օգնել թիմակիցներիս պաշտպանվելիս»,–  ասեց Բարսեղյանը։

Հայաստան-Ռումինիա հանդիպումը կսպասարկեն լատվիացի մրցավարները

Իսկ այն հարցին, թե նրա համար ինչպիսի հնարավորություն կա եվրոպական առաջատար առաջնություններից մեկում խաղալու, Տիգրան Բարսեղյանը ժպտալով պատասխանեց, թե իրեն Եվրոպա տանելու է Կապառոսը, թող ինքն էլ պատասխանի։

Աշխարհի 2022 թվականի առաջնության եվրոպական ընտրական J խմբում Հայաստանի հավաքականը Լիխտենշտեյնին ու Իսլանդիային հաղթելուց հետո ունի վեց միավոր։ Մարտի 31-ին հաղթանակը Ռումինիայի հավաքականի նկատմամբ մեր թիմին հնարավորություն  կտա առնվազն մինչև այս տարվա սեպտեմբեր կա՛մ գլխավորել, կա՛մ լինել խմբի առաջատարներից մեկը։

128
թեգերը:
Խոակին Կապառոս, Ռումինիա, ֆուտբոլ, Հայաստանի ազգային հավաքական
Ըստ թեմայի
Խոակին Կապառոս. «Ֆուտբոլը թիմային խաղ է, անհատները լավ խաղում են, բայց հաղթում է թիմը»
Հայաստանի ընտրանին շոկի ենթարկեց. ՖԻՖԱ
Հենրիխ Մխիթարյանը խաղադաշտ է վերադառնում
Արփինե Դալալյան

Եվրոպայի առաջնությունում Արփինե Դալալյանը 4-րդն է

21
(Թարմացված է 16:43 11.04.2021)
Դեռ սպասվում են 109+ կգ գերծանր քաշային կարգում ծանրորդներ Գոռ Մինասյանի ու Վարազդատ Լալայանի մրցելույթները։

ԵՐԵՎԱՆ, 11 ապրիլի – Sputnik․ Մոսկվայում ընթացող Եվրոպայի մեծահասակների առաջնության 87+ կգ քաշային կարգում Դալալյանը զբաղեցրեց 4-րդ հորիզոնականը: Պոկում վարժությունում մեր ծանրորդուհին բարձրացրեց 95 կգ, իսկ հրում վարժությունում՝ 126 կգ կշռող ծանրաձողերը։ Այսպիսով երկամարտում նա գրանցեց 221 կգ արդյունք։

Այսօր դեռ 109+ կգ գերծանր քաշային կարգում մրցահարթակ են դուրս գալու հայ ծանրորդներ Գոռ Մինասյանն ու Վարազդատ Լալայանը։

Հիշեցնենք՝ ապրիլի 10-ին Եվրոպայի առաջնությունում մրցումային մեկ օրվա ընթացքում հայ ծանրորդները տղամարդկանց մրցումներում նվաճեցին 3 ոսկե, 2 արծաթե և 1 բրոնզե մեդալ` հասցնելով մեր հավաքականի մեդալների ընդհանուր հավաքածուն 5 ոսկե, 6 արծաթե և 6 բրոնզե մեդալի։ Իսկ կանանց մրցումներում 87 կգ քաշային կարգում Տաթև Հակոբյանին չհաջողվեց մեդալ նվաճել․ նա երկամարտի 221կգ արդյունքով իններորդն էր։

21
թեգերը:
Հայաստան, ծանրամարտ, Եվրոպա
Ըստ թեմայի
Սամվել Գասպարյանը դարձավ Եվրոպայի չեմպիոն, Արսեն Մարտիրոսյանը` փոխչեմպիոն
Տաթև Հակոբյանին մեդալ նվաճել չհաջողվեց
Ծանրորդ Սիմոն Մարտիրոսյանը վնասվածք է ստացել Քարվաճառում՝ խաչքարերը դուրս բերելիս
Սիմոն Մարտիրոսյան

Ծանրորդ Սիմոն Մարտիրոսյանը վնասվածք է ստացել Քարվաճառում՝ խաչքարերը դուրս բերելիս

2540
(Թարմացված է 13:39 11.04.2021)
Երբ մարզիկները պատրաստվում էին հերթական առաջնությանը, Սիմոնը կամավորական աշխատանքներ էր կատարում Արցախում։

ԵՐԵՎԱՆ, 11 ապրիլի – Sputnik․ Աշխարհի և Եվրոպայի կրկնակի չեմպիոն, օլիմպիական խաղերի արծաթե մեդալակիր Սիմոն Մարտիրոսյանը Մոսկվայում ընթացող Եվրոպայի առաջնությունում ապրիլի 10-ին հրում վարժությունում զրո ստացավ ու դուրս մնաց երկամարտի պայքարից։ Նրան հաջողվեց փոքր ոսկե մեդալ նվաճել պոկում վարժությունում։

Երեկվանից համացանցում ակտիվորեն քննարկվում է, թե ինչպես 109 կգ քաշային կարգում հաղթողի հիմնական հավակնորդը երեք անգամ չկարողացավ բարձրացնել 227 կգ կշռող ծանրաձողը։ Դա այն դեպքում, երբ համաշխարհային բոլոր ռեկորդները այս քաշային կարգում պատկանում են աշխարհի և Եվրոպայի կրկնակի չեմպիոն, օլիմպիական խաղերի արծաթե մեդալակիր հայ ծանրորդին։

Ծանրաձողը չբարձրացնելուց հետո Սիմոն Մարտիրոսյանն ասաց․ «Ոտքերս չէին պահում»։

Պարզվում է՝ Սիմոնի անհաջողության պատճառը վնասվածքն էր, որը նա ստացել էր դեռ ամիսներ առաջ՝ Քարվաճառում, երբ օգնում էր փրկել հայկական խաչքարերը։ Ծանրորդի հետ տեղի ունեցած մասին Facebook-ի իր էջում պատմել է արշավական Միքայել Թոփուզյանը։

«Երբ բոլոր մարզիկները մարզվում ու պատրաստվում էին հերթական առաջնությանը, Սիմոնը կամավորական աշխատանքներ էր կատարում, երբ մի օր էր մնացել մերոնց Քարվաճառից դուրս գալու, չգիտես ինչի ձգձգվում էր էդ տարածքներից արժեքավոր խաչքարերի դուրս բերումը, արագ խումբ կազմվեց ու առաջիններից հենց ինքն էր՝ Սիմոնը, ու եթե ինքը չլիներ... Էնտեղ գտնվողները գիտեն՝ ինչ կլիներ, ու հենց էստեղ էլ եղավ վնասվածք...»,- գրում է Թոփուզյանը։

Ծանրամարտի տղամարդկանց Հայաստանի առաջնության չեմպիոնները հայտնի են

Թոփուզյանը նշում է՝ Սիմոն Մարտիրոսյանն այն մարզիկն է, «ում հետ մրցելուց վախենում են ու գիտեն, որ ընդամենը իրենից հետո կարող են արդյունքի հասնել...»։ Նա վստահ է՝ Սիմոնն այն ծանրորդն է, որը շուտով Օլիմպիական ոսկի է մեզ բերելու։

Թոփուզյանն իր էջում նաև մի քանի լուսանկարներ է հրապարակել, որոնցում Սիմոնը զինվորական համազգեստով է՝ հայրենիքի պաշտպանության դիրքերում։

2540
թեգերը:
Քարվաճառ, ծանրամարտ, Սիմոն Մարտիրոսյան
Ըստ թեմայի
Սամվել Գասպարյանը դարձավ Եվրոպայի չեմպիոն, Արսեն Մարտիրոսյանը` փոխչեմպիոն
Սիմոն Մարտիրոսյանը փոքր ոսկե մեդալ նվաճեց, բայց երկամարտում ձախողվեց
Տաթև Հակոբյանին մեդալ նվաճել չհաջողվեց
Գյուղատնտեսական աշխատանքներ Արցախում

Ադրբեջանցիները կրակել են Արցախի Սարուշեն գյուղի ուղղությամբ

90
(Թարմացված է 18:37 11.04.2021)
Ռուսական զորակազմի հետ բանակցություններ են վարվում՝ հետագա դեպքերը բացառելու համար։

ԵՐԵՎԱՆ, 11 ապրիլի – Sputnik․ Ադրբեջանցիները կրակել են Արցախի Ասկերանի շրջանի Սարուշեն գյուղի ուղղությամբ։

Տեղեկությունը Sputnik Արմենիայի հետ զրույցում հայտնեց ԱՀ ներքին գործերի նախարարության մամուլի խոսնակ Հունան Թադևոսյանը։ Նրա խոսքով՝ դեպքը տեղի է ունեցել ապրիլի 7-ին, Արցախի ոստիկանություն կրակոցների մասին հաղորդում չի ստացվել, այդ մասին ավելի ուշ է հայտնի դարձել։

«Բայց այդ ուղղությամբ աշխատանքներ կատարվում են։ Հարցն Անվտանգության խորհրդի տիրույթում է, բայց մենք ներքին անվտանգության հարցից ելնելով՝ ավելի ենք ուժեղացրել ճանապարհի այդ հատվածում հերթապահություն իրականացնող ոստիկանության զորքերը»,- նշեց Թադևոսյանը։

Առաջիկայում նախատեսվում է այդ ճանապարհին մի քանի դիրք ևս ավելացնել։

Թադևոսյանի խոսքով՝ նախարարի մակարդակով բանակցություններ են անցկացվել նաև ռուսական խաղաղապահ զորակազմի հետ՝ բացառելու նման դեպքերի կրկնությունը։ Ադրբեջանական կողմից էլ նշել են, թե կրակոցները թիրախավորված չեն եղել։

Սարուշեն համայնքի ղեկավար Կարեն Գասպարյանի խոսքով՝ ադրբեջանցիները գրեթե 20 րոպե կրակել են դաշտում աշխատող գյուղացիների ուղղությամբ։

«Հողագործական աշխատանքներ էին արվում, տրակտոր էր աշխատում, մարդիկ կային, որ սկսել են կրակել, տրակտորը քշել, հանել են դաշտից, շարունակել են կրակել տրակտորի ուղղությամբ, մի փամփուշտ էլ կպել է տրակտորին»,- նշեց Գասպարյանը։
Նրա խոսքով՝ կրակոցները գրեթե 20 րոպե են շարունակվել։

Հուսով ենք` ռուսական կողմը պատշաճ կարձագանքի կատարվածին. Արցախի նախագահի խոսնակ

Նշում է՝ նախկինում եղել է, որ օդ կրակեն՝ որպես զգուշացում, բայց գյուղի ուղղությամբ կրակելու առաջին դեպքն էր։

Դրանից հետո գյուղում խուճապ չկա, գյուղատնտեսական աշխատանքները շարունակվում են, թեպետ նշված դաշտում աշխատել դեռ վախենում են։

Սարուշեն գյուղն այսօր սահմանամերձ է՝ դեպի Շուշի տանող ճանապարհին։ Հրադադարից հետո այն վերաբնակեցվել է։

90
թեգերը:
կրակոց, ադրբեջանցի, Արցախ
Ըստ թեմայի
Պուտինը բանակցություններ է վարել Էրդողանի հետ ու քննարկել Ղարաբաղի թեման
Ռուս խաղաղապահները մարդասիրական օգնություն են հասցրել Վարդաձորի բնակիչներին
«The Halo trust»-ը զինամթերքի պայթեցման աշխատանք է իրականացնելու Իվանյան գյուղում