Արսեն Զախարյանը դարձել է Եվրոպայի երիտասարդական առաջնությունների ամենաերիտասարդ ռմբարկուն
(Թարմացված է 22:53 26.03.2021)
2020-2021 թթ. Արսեն Զախարյանն սկսել է հանդես գալ Մոսկվայի «Դինամո-2»–ում, իսկ այս գարնանը դարձել է թիմի անդամ։
ԵՐԵՎԱՆ, 26 մարտի - Sputnik. Մոսկվայի «Դինամոյի» և Ռուսաստանի երիտասարդական հավաքականի կիսապաշտպան Արսեն Զախարյանը դարձել է Եվրոպայի երիտասարդական առաջնության եզրափակիչ մրցաշարերի ամենաերիտասարդ ռմբարկուն։ Տեղեկությունը հայտնում է «Դինամոյի» կայքը։
©
AP Photo / Anton Uzunov
Եվրոպայի երիտասարդական առաջնության եզրափակիչում Զախարյանը գոլի հեղինակ է դարձել 17 տարեկան 9 ամսական 27 օրական հասակում։ Նախորդ ռեկորդը պատկանում էր բելգիացի Յարի Վերսհարենին, որը գոլի հեղինակ էր դարձել 17 տարեկան 11 ամսական 10 օրական հասակում։
Արսեն Զախարյանն աչքի է ընկել Եվրոպայի առաջնության եզրափակիչում Ռուսաստանի երիտասարդական հավաքականի և Իսլանդիայի հետ առաջին խաղում: Ռուսաստանի հավաքականը հաղթեց 4:1 հաշվով: 17-ամյա Զախարյանը երիտասարդական հավաքականի կազմում դարձել է գոլի հեղինակ և 11 մետրանոց վաստակել։
Հայաստանում լույս է տեսել ֆուտբոլային բացառիկ անթոլոգիա. նման ձեռնարկ երբևէ չի հրատարակվել
Արսեն Զախարյանը ծնունդով Սամարայից է, «Крылья Советов» ակումբի սան: 2020-2021 թթ. սկսել է հանդես գալ Մոսկվայի «Դինամո-2»-ում, իսկ այս գարնանը դարձել է թիմի անդամ։
Նախորդ տարվա հոկտեմբերին Զախարյանը հայտնվել է 2003 թվականին ծնված աշխարհի 60 լավագույն երիտասարդ ֆուտբոլիստների ցուցակում, որն ամեն տարի կազմում է բրիտանական The Guardian պարբերականը։
Հայաստանի հավաքականի նախկին ֆուտբոլիստը Հարավային Ամերիկայում ՀՖՖ դեսպան է նշանակվել
Ում պարտվել էր, հետո հաղթեց. ինչպես է Կարապետյանը պատրաստվում ադրբեջանցիների հետ մարտին
(Թարմացված է 09:01 13.04.2021)
2015 թվականից սկսելով հանդես գալ Հայաստանի ձյուդոյի հավաքականի կազմում` Ֆերդինանդ Կարապետյանը դարձել է հաղթող ու մրցանակակիր տարբեր կարգի մրցումներում։ 2018–ին հայ ձյուդոիստն արդեն Եվրոպայի չեմպիոն էր։ Բայց Կարապետյանի գլխավոր երազանքը դեռևս իրականացված չէ։Ձյուդոիստ Ֆերդինանդ Կարապետյանը երազում է մասնակցել օլիմպիական խաղերին ու նվաճել օլիմպիական չեմպիոնի կոչումը։ Sputnik Արմենիայի հետ զրույցում Ֆերդինանդը պատմել է, թե ինչպես է հայտնվել ձյուդոյում։
Ձյուդոիստ հարևանները
Ֆերդինանդի կյանքում մեծ դերակատարում են ունեցել Ռուսաստանի ձյուդոյի հավաքականի մարզիկ, օլիմպիական խաղերի և աշխարհի փոխչեմպիոն Տամեռլան Տմենովն ու նրա մայրը։ Վլադիկավկազում նրանք միևնույն բակում էին ապրում։ «Տամեռլան Տմենովի ընտանիքի հետ շատ լավ հարաբերություններ ունեինք և ունենք։
©
Photo : provided by Ervand Sukiasyan
Մայրս խնդրել էր Տամեռնալնի մորը ինձ ձյուդոյի տանել։ Մի օր ես ու եղբայրս խաղում էինք բակում, Տամեռլանի մայրը մեզ կանչեց ու գրանցել տվեց մոտակայքում գործող ձյուդոյի սեկցիայում։ Եվրոպայի չեմպիոն դառնալուց հետո ես հանդիպել եմ և՛ Տամեռլանին, և՛ նրա մորը։ Ինձ շնորհավորել են, հիշել ենք անցած օրերը (ժպտում է)», - պատմում է Ֆերդինանդը։
Օսեթիան` երկրորդ հայրենիք
Ապրելով ու մարզվելով Վլադիկավկազում` հայ ձյուդոիստն իրեն միշտ էլ յուրային է զգացել Օսեթիայի մայրաքաղաքում։ «Վլադիկավկազում երբեք չեմ զգացել, որ տարբերություն դնեն հայի կամ օսի միջև։ Ի սկզբանե ես Ռուսաստանի անձնագիր չունեի, դրա համար էլ շատ մրցաշարեր եմ բաց թողել։ Նկատի ունեմ պատանի ու երիտասարդ տարիքային խմբերը։
23 տարեկանում, երբ ստացա անձնագիր, Ռուսաստանի երիտասարդական առաջնությունում մեդալ նվաճեցի, իսկ մեծահասակների եզրափակչում, կարելի է ասել, ինձ մրցավարները հաղթեցին։ Դենիս Լավրենտևին պարտվեցի մրցավարական սխալի պատճառով, իսկ երբ տեղափոխվեցի Հայաստանի հավաքական, հենց առաջին միջազգային մրցաշարում մրցեցի Լավրենտևի հետ ու հաղթեցի նրան», - նշում է Կարապետյանը։
Հայաստանի հավաքական տեղափոխվելը
Հայաստանի դրոշի ներքո հանդես գալու հրավեր Ֆերդինանդը բազմիցս ստացել է, բայց տեղափոխվել է 2015–ին։ «Ռուսաստանում մրցակցությունը շատ բարձր մակարդակի վրա է։ Ես անընդհատ հավաքների մեջ էի, բայց մրցաշարի մասնակցելու հնարավորություն չէի ստանում։ Ոչ մեկին էլ չէի զիջում, բայց ինձ հանդես գալու հնարավորություն չէին տալիս»,–ասում է հայ ձյուդոիստը և հավելում, որ շատ բաներից զրկվեց Ռուսաստանը թողնելուց հետո, բայց ուզում էր իրեն ցույց տալ միջազգային մրցումներում։
Մարզիկի դիտարկմամբ` հիմա Հայաստանում բարձրակարգ ձյուդոիստների թիվը խիստ կրճատվել է ֆինանսական խնդիրների պատճառով։
Դպրոցների տարբերությունը
Ֆերդինանդ Կարապետյանը երկար ժամանակ մարզվել է Ռուսաստանում, դարձել Ռուսաստանի առաջնության փոխչեմպիոն։ Հիմա ներկայացնելով Հայաստանը` հայ ձյուդոիստը մեծ տարբերություններ է տեսնում երկու երկրների ձյուդոյի դպրոցների միջև։ «Ցավոք սրտի, մեծ տարբերություն կա Ռուսաստանի ու Հայաստանի ձյուդոյի դպրոցների միջև, և դա Հայաստանի օգտին չէ։ Հայաստանում ձյուդոիստների համար պրոֆեսիոնալ ակումբ չկա։ Կոնկրետ պատճառներ չեմ կարող ասել, բայց Հայաստանը հետ է մնում ձյուդոյի զարգացման առումով», - ասում է նա։
Սկզբունքային գոտեմարտերը
Կարապետյանի կարծիքով` ձյուդոյում հաջողության հասնելու համար հարկավոր է նվազագույնի հասցնել վրիպումները։ Բոլոր գոտեմարտերին էլ հայ ձյուդոիստը նախապատրաստվում է առավելագույն ուշադրությամբ, բայց ադրբեջանցի ձյուդոիստների հետ գոտեմարտերը, միևնույնն է, տարբերվում են մյուսներից։
Ծանրամարտիկ Գոռ Մինասյանը՝ Եվրոպայի փոխչեմպիոն, Վարազդատ Լալայանը՝ բրոնզե մեդալակիր
«Թե՛ ես, թե՛ իրենք յուրովի ենք տրամադրվում այդ գոտեմարտերին։ Անչափ ուշադիր եմ գործում, երբ մրցակիցս ադրբեջանցի է։ Օրինակ` Ռուստամ Օրուժովին, որը հայտնի ձյուդոիստ է և իմ սկզբունքային մրցակիցը, մինչև Տաշքենդի գրան պրին պարտվել էի նրան, բայց Ուզբեկստանի մայրաքաղաքում հաղթեցի մաքուր գցումով», - պատմում է Կարապետյանը։
Պարող ձյուդոիստը
Կարծես թե ընդունված բան է, որ ըմբիշները շատ լավ պարում են, Կարապետյանը գտնում է, որ ձյուդոիստներն էլ կարող են հետ չմնալ, հատկապես որ կովկասցիները կրակոտ պարերի սիրահար են, ու ինքը բացառություն չէ այդ առումով։
«Կովկասում շատ տարածված է լեզգինկա պարը։ Ես էլ և՛ սիրում եմ, և՛ պարում։ Չեմ կարող ասել, որ շատ լավ եմ պարում, բայց լսելով երաժշտությունը, միշտ էլ ոտքի եմ կանգնում ու տեղ տալիս էմոցիաներին, առանց որի լեզգինկան չի լինում»,- ասում է Ֆերդինանդը։
Ընտանիքի և պետության աջակցությունը
Ֆերդինանդը գտնում է, որ իր հաջողությունների մեջ մեծ ներդրում ունեն իր ընտանիքին ու պետությունը։ «Եղբայրներս միշտ հետևում են իմ գոտեմարտերին, իսկ ծնողներս չեն կարողանում են դիտել, միայն անհամբեր սպասում են արդյունքներին։ Բացի այդ նաև պետության աջակցությունն եմ զգում։ Ես ամեն ինչ անում եմ, որ Հայաստանի դրոշը բարձրանա ու հնչի մեր օրհներգը։ Առանց աջակցության ես ոչ մի արդյունքի չեմ կարող հասնել, դրա համար էլ բոլորից շնորհակալ եմ»,- ասում է ձյուդոիստը։
Օլիմպիական խաղերին մասնակցելու շանսեր Ֆերդինանդ Կարապետյանը դեռ ունի։ Միջազգային մրցաշարերում արդյունքի հասնելով ու միավորներ վաստակելով` նա կարող է բարելավել իր վարկանիշն ու ընդհուպ մոտենալ առայժմ անհասանելի երազանքին՝ օլիմպիական մեդալին։ Մինչև Տոկիոյի օլիմպիական խաղերի մեկնարկը դեռևս կան կարևորագույն մրցաշարեր, որոնց հայ ձյուդոիստը նախապատրաստվում է ամենայն լրջությամբ։
Իզաբելան ու Լիանան կարող էին ավելին անել. մարզիչը գոհ չէ աղջիկների արդյունքներից
(Թարմացված է 20:23 12.04.2021)
Կանանց հավաքականի գլխավոր մարզիչը համոզված է, որ Լիանա Գյուրջյանը շուտով մեծ կիլոգրամներ ցույց կտա։ ԵՐԵՎԱՆ, 12 ապրիլի – Sputnik. Հայաստանի ծանրամարտի կանանց հավաքականի գլխավոր մարզիչ Արտաշես Ներսիսյանը դժգոհ է Ռուսաստանի Դաշնության մայրաքաղաք Մոսկվայում ծանրամարտի Եվրոպայի առաջնությունում աղջիկների գրանցած արդյունքներից: Ըստ մարզչի` նրանցից շատերը կարող էին ավելին անել:
©
Sputnik / Aram Nersesyan
«Իզաբելան կարող էր երկրորդ մոտեցման ժամանակ 2-րդ տեղը գրավել և 100 տոկոսով ապահովել օլիմպիական վարկանիշը: Ափսոս, չկարողացավ, ֆիզիկապես պատրաստ էին ինքն էլ, Տաթևն էլ, պարզապես երևի հոգեբանական խնդիր էր, և այդ 1 տարվա ընդմիջման պատճառով մեծ հարթակը անսովոր դարձավ»,-այսօր լրագրողների հետ զրույցում ասաց Ներսիսյանը:
Նա որպես ձեռքբերում առանձնացրեց Լիանա Գյուրջյանին:
«Լիանան նոր է պատանի տարիքից դուրս եկել, բայց արդեն մեծահասակների առաջնությունում մեդալ նվաճեց: Պարզ է, որ խոստումնալից մարզուհի է ու շուտով մեծ կիլոգրամներ ցույց կտա»,– շեշտեց մարզիչը:
Ինչպես դիմավորեցին հայ ծանրորդներին. լուսանկարներ
Հիշեցնենք` Եվրոպայի առաջնությունում Իզաբելա Յայլյանը (55 կգ) պոկում վարժությունում գրանցեց 90 կգ արդյունք՝ նվաճելով փոքր արծաթե մեդալ, իսկ հրում վարժությունն ավարտեց 105 կգ ցուցանիշով. երկամարտի 195 կգ արդյունքով Յայլյանը զբաղեցրել է չորրորդ հորիզոնականը: Լիանա Գյուրջյանը (81 կգ) դարձավ Եվրոպայի առաջնության բրոնզե մեդալակիր:
Գյումրեցիները դհոլ-զուռնայով են դիմավորել ծանրամարտիկներին. տեսանյութ
Ինչո՞ւ իջավ դոլարի գինը, ի՞նչ է կատարվում երկրում․ պատգամավորը ԿԲ-ից պատասխան է պահանջում
(Թարմացված է 18:06 13.04.2021)
Երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրեցին, թե արդյո՞ք դոլարի փոխարժեքի բարձրացումն ուՀՀ-ում գրանցվող գնաճը կառավարելի են, Երիցյանն ասաց, որ հակառակ դեպքում ինքն ԱԺ չէր գա ու կզբաղվեր այդ գործով։ԵՐԵՎԱՆ, 13 ապրիլի – Sputnik. Դոլարի փոխարժեքը շուրջ կես տարի անընդմեջ բարձրանալուց հետո վերջին մի քանի օրվա ընթացքում Հայաստանում նվազել է շուրջ 15-20 դրամով։ Այսօր այս խնդրին ԱԺ-ի ամբիոնից անդրադարձավ «Բարգավաճ Հայաստան» խմբակցության անդամ Միքայել Մելքումյանը՝ արձանագրելով, որ նման անսպասելի անկման պատճառը եղել է այն, որ ԿԲ-ն միանգամից 56 մլն դոլարի ներարկում է արել ՀՀ ֆինանսական շուկա։
«Ես ուզում եմ հասկանալ՝ երբ դոլարի գինը 530-532 դրամից 2 օրվա մեջ հասավ 545-547 դրամի, դա օրինաչա՞փ երևույթ էր»,- ասաց Մելքումյանը, ԿԲ-ից պահանջելով հրապարակավ մեկնաբանել, թե ինչ է կատարվում ՀՀ ֆինանսական շուկայում, և ի վերջո ԿԲ-ն իր գործառույթներն իրականացրե՞լ է, թե՞ ոչ։
«2 օր դու հետևում ես, որ անընդհատ աճում է ու մի կախարդական փայտիկի հարվածով իջեցնում են։ Հիմա մենք չգիտենք, թե հաջորդիվ ինչ է լինելու, 56 մլն-ը բավարա՞ր էր, թե՞ չէ։ Թող բացատրեն։ Արտարժույթ չկա՞ երկրում»,- ասաց Մելքումյանը։
©
Sputnik / Andranik Ghazaryan
Ընդդիմադիր պատգամավորը նաև կարծիք հայտնեց, որ դոլարի փոխարժեքի շարունակվող բարձրացումը հետևանք է արտահանման ծավալների կրճատման, ներդրումների դադարեցման, շինարարության ծավալների անկման և այլն, ԿԲ-ից ակնկալելով այս բոլոր հարցերի պատասխանները։
Հիշեցնենք՝ ապրիլի 6-ին, երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրին, թե արդյո՞ք դոլարի փոխարժեքի բարձրացումն ու ՀՀ-ում գրանցվող գնաճը կառավարելի են, Երիցյանն ասաց․ «Իրավիճակը կառավարելի է, հակառակ դեպքում ես այսօր չէի գա, կզբաղվեինք այդ գործով»։
Երկու օր անց՝ ապրիլի 8-ին, ԿԲ-ն հայտարարեց, որ ՀՀ ֆինանսական շուկաների բնականոն գործունեության ապահովման նպատակով ՀՀ արտարժութային շուկայում գործառնություններ կիրականացնի։
Այդ գործառնությունների արդյունքում դոլարի փոխարժեքը Հայաստանում միանգամից նվազեց շուրջ 20 դրամով։
Ինչու է դոլարի փոխարժեքը տատանվում և ինչ զարգացումներ են սպասվում արժութային շուկայում