Խոակին Կապառոս

Միասնությունը դառնում է ուժ. Կապառոսն ու Մելիքբեկյանը հանդես են եկել ուղերձով. տեսանյութ

42
(Թարմացված է 15:12 25.03.2021)
Չնայած նրան, ֆուտբոլիստների առաջ շատ բարդ խնդիր է դրված, բայց Կապառոսն ու ՀՖՖ նախագահը համոզված են, որ միասնաբար հնարավոր է հասնել նպատակին։

ԵՐԵՎԱՆ, 25 մարտի – Sputnik. Հայաստանի ֆուտբոլի ֆեդերացիայի նախագահ Արմեն Մելիքբեկյանը և Հայաստանի ազգային հավաքականի գլխավոր մարզիչ Խոակին Կապառոսը Աշխարհի 2022 թ. առաջնության ընտրական փուլի մեկնարկից առաջ հանդես են եկել ուղերձով։

«Մի քանի ժամ անց Հայաստանի ազգային հավաքականը իր մեկնարկը կվերցնի ԱԱ ընտրական փուլում։ Նման ստուգատեսները միշտ էլ կարևոր են, բայց այս դեպքում, մենք կարող ենք ասել, որ սա առանձնահատուկ մեկնարկ է մեզ համար, որովհետև սա առաջին դեպքն է, երբ Հայաստանի ազգային հավաքականը հաղթել է նախորդ մրցաշարում։ Սա, իհարկե պարտավորեցնող է։ Մենք հիշում ենք, որ հաղթանակը տրվել է մեծ ջանքերի գնով։ Կորոնավիրուսային համավարակի պայմաններում, պատերազմական ու հետպատերազմական շրջանում մեր տղաները կարողացան ապացուցել, որ ունակ են մեծ նվաճումների հասնել։ Սա հնարավոր է եղել մեր միասնականության շնորհիվ։ Այս դեպքում մենք նույնն ենք ակնկալում։ Մենք ունենք մարտունակ թիմ, որը յուրաքանչյուր խաղում պայքարելու է հաղթանակի համար։ Մենք միասնական ենք, ուրախ ենք, որ երկրպագուներն այս անգամ կկարողանան մարզադաշտից աջակցել մեր թիմին։ Անհամբեր սպասում ենք ընտրական փուլի մեկնարկին ու հաջողություն ենք մաղթում բոլորիս»,-ասել է Մելիքբեկյանը։

Խոակին Կապառոսն էլ շեշտել է, որ շատ մեծ հույսերով և խանդավառությամբ են ընդունում նոր մարտահրավերները:

«Խաղում ենք բոլորս՝ ֆուտբոլիստները, մարզիչները, ֆեդերացիան և ողջ երկիրը: Բոլորս ազգային հավաքական ենք, բոլորս մասնակցում ենք այս հանդիպմանը:Բոլորս պետք է մտածենք այն մասին, որ առավելագույնն անենք մեր երկրի և հավաքականի համար: Չնայած նրան, որ մեր առջև շատ բարդ խնդիր է դրված, բոլորս միասնաբար կարող ենք հասնել մեր նպատակին: Միասնությունը դառնում է ուժ»,- ասել է նա։

Հիշեցնենք` Հայաստանի հավաքականն ընդգրկվել է ընտրական J խմբում, մրցակիցները լինելու են Գերմանիայի, Ռումինիայի, Իսլանդիայի, Հյուսիսային Մակեդոնիայի և Լիխտենշտեյնի ընտրանիները։

«Բարի գալուստ, Բայդաչնի». «Արարատ Արմենիան» նոր գլխավոր մարզիչ ունի

42
թեգերը:
Արմեն Մելիքբեկյան, Խոակին Կապառոս, ֆուտբոլ, Հայաստան
Աննա Սարգսյան

Հայ շախմատիստուհին 2-րդ տեղն է գրավել Բելառուսում անցկացված տղամարդկանց առաջնությունում

52
(Թարմացված է 16:31 15.04.2021)
Մրցաշարում հաջող հանդես եկան նաև պատանի շախմատիստներ Վահե Գրիգորյանը․ Արարատ Ստեփանյանը և Ռաֆայել Ստեփանյանը։

ԵՐԵՎԱՆ, 15 ապրիլի - Sputnik. Օրերս Բելառուսի Օրշա քաղաքում ավարտվեց միջազգային «Open» մրցաշարը, որտեղ տղամարդ շախմատիստների հետ պայքարում էր նաև Հայաստանի Ֆիզիկական կուլտուրայի և սպորտի պետական ինստիտուտի 2-րդ կուրսի ուսանողուհի, Եվրոպայի կայծակնային խաղի չեմպիոնուհի և արագ շախմատի արծաթե մեդալակիր, գրոսմայստեր Աննա Սարգսյանը, տեղեկացնում են Հայաստանի շախմատի ֆեդերացիայից։

ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր

Երիտասարդ շախմատիստ Արմեն Բարսեղյանը 6 միավորով գրավեց 6-րդ հորիզոնականը։

Մրցաշարում հաջող հանդես եկան նաև պատանի շախմատիստներ Վահե Գրիգորյանը․ Արարատ Ստեփանյանը և Ռաֆայել Ստեփանյանը, ովքեր իրենց գործակիցները բարձրացրեցին համապատասխանաբար 104, 80 և 62 կետերով։

52
թեգերը:
Հայաստան, շախմատ
Ըստ թեմայի
Հայկ Մարտիրոսյանը հաղթել է Բելգրադի մրցաշարում
2 հաղթանակ, 2 պարտություն և մեկ ոչ-ոքի. Արոնյանն արագ շախմատի հեռավար մրցաշարի մասնակից է
Երևանում շախմատի բարձրագույն վարպետության մարզադպրոց կբացվի. ավագանին որոշեց
Գեղասահք

Ռուսաստանցի գեղասահորդը հանդես կգա հայկական դրոշի ներքո

85
(Թարմացված է 16:24 14.04.2021)
Մարզիչ Ալեքսանդր Վոլկովը հայտնել է, որ Դանիլյանցը չի կարողանա մասնակցել 2022 թվականի օլիմպիադային ու աշխարհի առաջնությանը։

ԵՐԵՎԱՆ, 14 ապրիլի - Sputnik. Ռուսաստանցի գեղասահորդ, 14-ամյա Սեմյոն Դանիլյանցը հաջորդ մրցաշրջանից ելույթ կունենա Հայաստանի դրոշի ներքո: Տեղեկությունը «Սպորտ Էքսպրեսին» է հայտնել Սեմյոնի մարզիչ Ալեքսանդր Վոլկովը։

«Սեմյոն Դանիլյանցը հաջորդ մրցաշրջանից կներկայացնի Հայաստանը», - ասել է Վոլկովը:

Նրա խոսքով՝ Դանիլյանցն այս մրցաշրջանում մրցումներում մրցույթից դուրս է ելույթ ունեցել։ «2019 թվականի մարտին Դանիլյանցը 193,88 միավորով Ռուսաստանի պատանեկան առաջնությունում 12-րդ տեղն է զբաղեցրել։ Նա իրավունք չունի մասնակցելու 2022 թվականի օլիմպիադային ու աշխարհի առաջնությանը, քանի որ գեղասահորդը հուլիսի 1–ից հետո՝ նոյեմբերին է 15 տարեկան դառնում», - ասել է մարզիչը։

Ավելի վաղ Ալեքսանդր Վոլկովը հայտնել էր, որ հեռանում է «Պլյուշչենկոյի հրեշտակները» ակադեմիայից:

«Ուզում եմ Հայաստանի հավաքականում խաղալ»․ Արթուր Գալոյանը` իր նվիրական երազանքի մասին

85
թեգերը:
դրոշ, Հայաստան, գեղասահք
Ըստ թեմայի
Եվրոպայի առաջնությունում Հայաստանը 3-րդն է երկամարտի արդյունքներով
Իզաբելան ու Լիանան կարող էին ավելին անել. մարզիչը գոհ չէ աղջիկների արդյունքներից
Ում պարտվել էր, հետո հաղթեց. ինչպես է Կարապետյանը պատրաստվում ադրբեջանցիների հետ մարտին

Ամերիկացիները պատրաստվում են ակտիվանալ Արկտիկայում

0
(Թարմացված է 00:11 16.04.2021)

ԱՄՆ-ն ձգտում է կրճատել իր հետ մնալը Ռուսաստանից Արկտիկայում։ Օրերս Ցամաքային զորքերն Անդրբևեռային տարածքի համար ռազմական տեխնիկայի մշակման պայմանագիր են կնքել Oshkosh Defense կոնցեռնի հետ՝ սինգապուրյան ST Engineering-ի և BAE Systems-ի հետ համագործակցությամբ։ Պարզվել է, որ նման տիպի ժամանակակից մեքենաներ ամերիկացիներն ուղղակի չունեն, իսկ եղածներն էլ վաղուց հնացած են։ Ավելի մանրամասն՝ ՌԻԱ Նովոստիի հոդվածում։

Կառուցել մինչև հունիս

Արկտիկան լուրջ մարտահրավեր է ցանկացած բանակի համար։ Գերցածր ջերմաստիճաններ, սառցաբեկորներ, լողացող սառցալեռներ, ենթակառուցվածքների բացակայություն, բարդ լոգիստիկա, երկարատև բևեռային գիշեր՝ այս ամենը մեծապես բարդացնում է խոշոր ռազմական խմբավորման տեղակայումը:

Սառը պատերազմի տարիներին ԱՄՆ-ն, ի տարբերություն ԽՍՀՄ-ի, բավարար ուշադրություն չի դարձրել այդ տարածաշրջանին, ուստի այսօր Պենտագոնի տրամադրության տակ միայն մի սարքին սառցահատ կա՝ Polar Star-ը։ Ռուսաստանն այդ տիպի ավելի քան 40 նավ ունի։ Բացի այդ, ամերիկացիներն այնտեղ փաստացի ռազմակայաններ չունեն։

Ցամաքային զորքերի համար ևս տեխնիկան չի բավականացնում, որն ի վիճակի կլիներ բևեռային բարդ պայմաններում բեռներ ու զինծառայողներին տեղափոխել։

Դրա համար պիտանի միակ քարշակ-ամենագնացները շվեդական երկշղթա-թրթուրավոր Bandvagn 206-ներն են, որոնք սպառազինության մեջ ներառվել են Small Unit Support Vehicle նշումով (SUSV` ստորաբաժանումների աջակցության փոքր մեքենա)։ Սակայն այս տեսակի առաջին մեքենաները հոսքագծից դուրս են եկել դեռ 40 տարի առաջ և վաղուց արդեն չեն համապատասխանում ժամանակակից պահանջներին։

Բանակը որոշել է թարմացնել արկտիկական տեխնիկան և մրցույթ է հայտարարել ColdWeather, All-Terrain Vehicle (CATV, ամենագնաց սառը կլիմայի համար) ծրագրի շրջանակում։ Պենտագոնը պատրաստ է հեռանկարային քարշակի մշակման, կառուցման և փորձարկումերի վրա 2021 ֆինանսական տարում 6,6 միլիոն դոլար ծախսել, ևս 9,25 միլիոն՝ 110 միավոր CATV-ի վրա։

Այնուհետև պարկը կմեծացնեն՝ հասցնելով 163 ամենագնացի։ Նախատիպերը սպասվում են հունիսի 14-ին։ Օգոստոսից մինչև դեկտեմբերի վերջ՝ փորձարկումներ Ալյասկայի զինափորձարանում։ Հաղթողին կընտրեն 2022 թ․-ի ֆինանսական տարում։

Չորս տարբերակ

Սպասվում է, որ CATV-ն կներկայացեն 4 տարբերակով։ Ընդհանուր նշանակության ամենագնացը պետք է տեղավորի ոչ պակաս, քան 9 զինվոր, վարորդին չհաշվաց, ինչպես նաև երեք օրվա ինքնավար գործողությունների համար սարքավորումներ և պաշարներ ունենա։

Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ

Սանիտարական տարբերակը՝ բժշկական սարքավորումներով, նախատեսված է երկու բժշկի, երկու պառկած և չորս թեթև վիրավոր մարդկանց համար։ Հրամանատարական ամենագնացը կհագեցնեն կապի և զորքերի կառավարման ժամանակակից միջոցներով։ Եվ վերջապես, բեռնակիր տարբերակը՝ նախատեսված խոշոր չափերի ռազմական սարքավորումները մեծ հեռավորություններ տեղափոխելու համար։

«Այդ մեքենաները կկարողանան խնդիրների լայն շրջանակ լուծել ծայրահեղ ցածր ջերմաստիճանի պայմաններում, այլ տեխնիկայի համար անանցանելի տեղանքում»,-լրագրողներին պատմել է ԱՄՆ բանակի սպա, CATV ծրագրի պատասխանատու Թիմ Գոդդեթը։-Նրանք պետք է առանց խնդիրների տեղաշարժվեն սառույցի վրայով, հաղթահարեն ջրային պատնեշները, հեշտությամբ բարձրանան բարձունքները, լինեն հեշտ սպասարկվող և խնայողաբար ծախսեն վառելիքը»։

Մրցույթի մասնակիցները հենվում են նախորդ մշակումներ վրա։ Oshkosh-ը և ST Engineering-ը որպես հիմք են վերցրել Bronco 3 երկշղթա քարշակը։ Այդ մեքենան արդեն ավելի քան 20 տարի բրիտանական բանակի սպառազինության կազմում է, մասնակցել է Աֆղանստանի մարտական գործողություններին։

Bronco 3-ն ունի հակագնդակային զրահապատում, աշտարակ՝ գնդացրով, V-աձև հիմք, որը նվազեցնում է վնասը ականի վրա պայթելու դեպքում։ Ամենագնացը ջրային պատնեշները հաղթահարում է հինգ կմ/ժ արագությամբ։

BAE Systems-ը նորարարություն կառաջարկի Beowulf երկշղթա քարշակի հիման վրա, որը հիմնականում նույնն է, ինչ Bronco 3-ն ու SUSV-ը, բայց ավելի մեծ բեռնատարողություն ունի։

Հասնել Ռուսաստանին

Մեկ ամիս առաջ հրապարակված «Արկտիկական ռազմավարության» մեջ ամերիկացիները բացեիբաց հայտարարել են տարածաշրջանում Մոսկվային ու Պեկինին դուրս մղելու ցանկության մասին։ Պենտագոնին հատկապես մտահոգում է Ռուսաստանը, որի տրամադրության տակ է աշխարհի ամենամեծ սառցահատ նավատորմը, հյուսիսային լայնություններում ռազմակայանների ցանցը և առանց էքստրեմալ ցրտի պայմաններում աշխատելու ընդունակ տեխնիկայի մեծ զինանոցը։

Հաղթանակի շքերթներին միշտ մասնակցում են հայրենական ՀՕՊ համակարգերի արկտիկական մոդիֆիկացիաները․ փոքր հեռահարության «Тор-М2ДТ» զենիթահրթիռային համակարգը, զենիթային հրթիռահրանոթային «Панцирь-СА»-ն, ինչպես նաև ապահովման մեքենաների հատուկ տարբերակներ։

Արկտիկական տարածաշրջանի համար գրեթե ամբողջ ցամաքային տեխնիկան հավաքված է ДТ-30 «Витязь» երկշղթա թրթուրավոր ամենագնացների հիման վրա, որին չի վախեցնում անգամ ամենասարսափելի ցուրտը (մինչև -55 աստիճան)։ Որոշ մոդիֆկացիաներ կարող են կտրել-անցնել ջրային պատնեշները, ինչը Հյուսիսային բևեռում սառույցների մշտական կուտակման պայմաններում նկատելիորեն ավելացնում է շարժունակությունը։ Նոր «Панцирь»-ներն ու «Тор»-ը ծածկում են 2015թ․-ի Արկտիկայում տեղակայված հեռահար զենիթահրթիռային С-400 համակարգերի տեղակայման շրջանները։

Բացառիկ զինանոց ունի նաև Ցամաքային զորքերի առաջին լիարժեք արկտիկական միավորումը՝ 80-րդ առանձին մոտոհրաձգային բրիգադը, որը տեղակայված է Մուրմանսկի մարզի Ալակուրտտի ավանում: Ցրտադիմացկուն հետևակը յուրացնում է, մասնավորապես, ТРЭКОЛ բարձր անցանելիության ձնաճահճագնացները, որոնք տեղաշարժվում են գերցածր ճնշման հսկայական անվադողերով անիվների վրա։ Այդպիսի մեքենաներն անգամ ընդհատուն տեղանքով ընթանում են առանց արագությունը նվազեցնելու։

Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները

Բացի այդ, 80-րդ բրիգադի մարտիկներն ունեն «Урал» և КамАЗ լիաքարշ բեռնատարներ, որոնք հարմարեցված են ծայրահեղ սառնամանիքներին, ТТМ-1901 «Беркут» ձնագնացներ՝ ջեռուցվող խցիկով, օդային բարձիկով մոտորանավակներ, ինչպես նաև շների և եղջերուների լծվացքներ:

Հայրենական մեծ պատերազմի տարիներին լծվացքները կարևոր դեր են խաղացել Անդբևեռյան հատվածի պաշտպանության գործում։ Շներով և եղջերուներով նշանակված վայր էին հասցնում զինամթերքն ու անձնակազմը։ Կենդանիներն անցնում են այնտեղով, որտեղով տեխնիկան չի կարողանում անցնել։ Բացի այդ, արկտիկական բրիգադի համար մշակում են տանկերի, ՀՄՄ-ների և ուղղաթիռների հատուկ մոդիֆիկացիաներ, մասնավորապես՝ Ми-8АМТШ-ВА՝ ուժային սարքավորումների հիմնական ագրեգատների ջեռուցման համակարգով:

0
թեգերը:
ԱՄՆ, Ռուսաստան, Արկտիկա
Ըստ թեմայի
Ուղիղ սպառնալիք Ռուսաստանին. ի՞նչ է Պենտագոնը կառուցում Ալյասկայում
Վլադիմիր Պուտինը պատվավոր կոչում է շնորհել Արթուր Չիլինգարովին
ՌԴ-ն Սուեզի ջրանցքին փոխարինող է գտել․ ի՞նչ հեռանկարներ ունի Հյուսիսային ծովային ուղին