Ալեքսանդր Կարապետյան

Գոլ և գոլային փոխանցում, կամ Ալեքսանդր Կարապետյանի դեբյուտը Հայաստանի բարձրագույն խմբում

113
(Թարմացված է 17:16 21.02.2021)
Առաջնությանը 16-րդ տուրը մեկնարկելու է հաջորդ կիրակի, «Ալաշկերտ»-«Լոռի» խաղով։ Տուրի շրջանակներում կմրցեն «Շիրակ»-«Փյունիկ», «Արարատ»-«Վան» և «Արարատ-Արմենիա»-«Ուրարտու» զույգերը։

ԵՐԵՎԱՆ, 21 փետրվարի – Sputnik, Խաչիկ Չախոյան․ Տևական ընդմիջումից հետո վերսկսվել է Հայաստանի ֆուտբոլի բարձրագույն խմբի առաջնությունը։ Մրցաշարի նորեկ Ալեքսանդր Կարապետյանը իր անդրանիկ խաղում դարձավ գոլի հեղինակ «Արարատ-Արմենիայի» կազմում։

Երկու ամսից ավելի տևած ձմեռային արձակուրդներից հետո Հայաստանի ֆուտբոլի բարձրագույն խմբի առաջնությունում կայացան հերթական հանդիպումները։ Առաջատար թիմերը արձակուրդների ընթացքում էականորեն փոփոխել են իրենց կազմերը, և կայացած չորս հանդիպումներից հետո վստահ կարելի է ասել, որ պայքարը չեմպիոնական մրցավազքում և մրցանակային տեղերի համար լինելու է մրցակցային շատ բարձր մակարդակով։

Հայաստանի չեմպիոն «Արարատ-Արմենիան» ուժերը չափեց «Փյունիկի» հետ։ Երկու թիմերի կազմերում էլ զգալի փոփոխություններ էին տեղի ունեցել։ Բայց հայ ֆուտբոլասերի համար հետաքրքիր էր ազգային հավաքականի հարձակվող Ալեքսանդր Կարապետյանի դեբյուտը «Արարատ-Արմենիայի» կազմում։ Կարապետյանն առաջին կեսի վերջնամասում, հավասարեցնելով խաղի հաշիվը, հեղինակեց իր առաջին գոլը մեր առաջնություններում։ Հավաքականի մեկ այլ ֆուտբոլիստ՝ Վբեյմար Անգուլոն, Կարապետյանի փոխանցումից հետո կամային հաղթանակ ապահովեց չեմպիոնին երկրորդ կեսում՝2։1։

Футболисты Арарат-Армения празднуют забитый гол в матче армянской премьер-лиги Vbet против команды Пюник (21 февраля 2021). Еревaн
© Sputnik / Asatur Yesayants
«Արարատ-Արմենիա»-«Փյունիկ» հանդիպումը

Այսօր նաև «Արարատը» Մորի Կոնեի դուբլի շնորհիվ 2։0 հաշվով հաղթանակի է հասել «Ուրարտուի» նկատմամբ։ Նախորդ օրերի ընթացքում էլ գործող գավաթակի «Նոան» խոշոր՝ 4։0 հաշվով առավելության է հասել «Վանի» նկատմամբ։ Հանդիպման ընթացքում «Վանի» դարպասին նշանակվել է մետրանոց երեք հարված, ինչը այնքան էլ հաճախ չի պատահում մեր առաջնությունում։ «Շիրակ»-«Լոռի» մրցավեճում դաշտի տերերը մասնավորապես գոլային պահերով գերազանցել են մրցակցին, բայց գոլ խփել հաջողվել է «Լոռիին», որն էլ հաղթել է 1։0 հաշվով։

Հարձակվող Ալեքսանդր Կարապետյանը «Տամբովից» տեղափոխվեց «Արարատ–Արմենիա»

Առաջնությանը 16-րդ տուրը մեկնարկելու է հաջորդ կիրակի՝ փետրվարի 28-ին, «Ալաշկերտ»-«Լոռի» խաղով։ Տուրի շրջանակներում կմրցեն նաև հետևյալ զույգերը՝ «Շիրակ»-«Փյունիկ», «Արարատ»-«Վան» և «Արարատ-Արմենիա»-«Ուրարտու»։

113
թեգերը:
գոլ, Ալեքսանդր Կարապետյան, Արարատ–Արմենիա, ֆուտբոլիստ, ֆուտբոլ, ՀՖՖ
Ըստ թեմայի
Հենրիխ Մխիթարյանը կտեղափոխվի՞ «Յուվենտուս»
Հայ անպարտելի մարզիկների տասնյակը. նրանցից ո՞վ կարող է Նուրմագոմեդովի պես անպարտելի լինել
Հայրենիքը հայ կարատեիստի համար սկսվում էր Եռաբլուրից ու այնտեղ էլ ավարտվեց
Մալխաս Ամոյանը Կիևի մրցաշարի չեմպիոն է դարձել

Մալխաս Ամոյանը Կիևի մրցաշարի չեմպիոն է դարձել. տեսանյութեր և լուսանկարներ

46
(Թարմացված է 09:16 28.02.2021)
22–ամյա ըմբիշը 9:1 հաշվով հաղթել է Ռիոյի Օլիմպիական խաղերի բրոնզե մեդալակրին։ Ոսկե մեդալը նրան է հանձնել Տիգրան Սեյրանյանը։

ԵՐԵՎԱՆ, 28 փետրվարի – Sputnik. Հունահռոմեական ոճի ըմբիշ 72 կգ քաշային Մալխաս Ամոյանը Կիևում ընթացող ըմբշամարտի միջազգային մրցաշարի չեմպիոն է դարձել: Տեղեկությունը հայտնում է Ուկրաինայում ՀՀ դեսպան Տիգրան Սեյրանյանը։

Նա լուսանկարներ ու տեսանյութ հրապարակել Facebook–ի իր էջում։

Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին

Ոսկե մեդալը ըմբիշին է հանձնել հենց դեսպանը։

Ամոյանը մրցաշարի եզրափակիչում ժամանակից շուտ 9:1 հաշվով հաղթել է Ռիոյի Օլիմպիական խաղերի բրոնզե մեդալակիր, վրացի Բոլկվաձեին:

«Դա իմ կյանքի ամենագեղեցիկ որոշումն էր». ինչո՞ւ են ֆուտբոլիստները դաջվածքներ անում

Ամոյանի ու Բոլկվաձեի մենամարտի տեսագրությունը հրապարակվել է նաև Wrestling - Armenia ֆեյսբուքյան էջում։

«Ալաշկերտը» 5 նոր ֆուտբոլիստ ունի. ովքեր են նրանք

46
թեգերը:
Կիև, չեմպիոն, ըմբիշ, Մալխաս Ամոյան, Ուկրաինա
Ըստ թեմայի
5 ռեկորդ մեկ օրում. Յուրի Վարդանյանը մոսկովյան օլիմպիադայի թանկարժեք ադամանդն էր
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Կարապետ Չալյան. արխիվային լուսանկար

Ըմբշամարտի միջազգային մրցաշար Կիևում. Մալխաս Ամոյանն ու Կարապետ Չալյանը եզրափակիչում են

66
(Թարմացված է 23:48 26.02.2021)
Հունահռոմեական ոճի երկու հայ ըմբիշներն էլ փայլուն խաղ են ցուցադրել։ Կիև մեկնած ըմբշամարտիկների թվում է նաև Արթուր Ալեքսանյանը։

ԵՐԵՎԱՆ, 26 փետրվարի – Sputnik. Կիևում մեկնարկել է ըմբշամարտի միջազգային մրցաշարը: Հունահռոմեական ոճի ըմբիշներ Մալխաս Ամոյանն ու Կարապետ Չալյանը եզրափակիչում են։ Տեղեկությունը հայտնում է armsport–ը։

«Հունահռոմեական ոճի ըմբիշ, 72 կգ քաշային կարգում հանդես եկող Մալխաս Ամոյանը կիսաեզրափակիչում հաղթել է Ուկրաինայի ներկայացուցիչ Փարվազ Նասիբովին ու դուրս եկել եզրափակիչ։ Քառորդ եզրափակչում նա հաղթել էր Ուկրաինայի մեկ այլ ներկայացուցչի՝ Անդրիի Կուլիկին։ Եզրափակիչ է դուրս եկել նաև Կարապետ Չալյանը, որն այս մրցաշարում հանդես է գալիս 82 կգ քաշային կարգում»,–գրում է կայքը։

Հիշեցնենք, որ թիմերը Կիև էին մեկնել հետևյալ կազմով.

Ազատ ոճի ըմբիշներ. Կարեն Զուրաբյան (57 կգ), Ռազմիկ Պապիկյանին (61 կգ), Գևորգ Թադևոսյան (65 կգ), Հրայր Ալիխանյան, Վարուժան Կաջոյան, Արման Անդրեասյան (երեքն էլ՝ 74 կգ), Արման Ավագյան (79 կգ), Հովհաննես Մխիթարյան (86 կգ), Մարզպետ Գալստյան (92 կգ) և Հովհաննես Մաղաքյան (125 կգ):

Մեր հերոսը. Արթուր Ալեքսանյանը աշխարհի լավագույն ըմբշամարտիկներից մեկն է

Հունահռոմեական ոճի ըմբիշներ. Ռուդիկ Մկրտչյան (55 կգ), Գևորգ Ղարիբյան, Արմեն Մելիքյան (երկուսն էլ՝ 60 կգ), Հրաչյա Պողոսյան (63 կգ), Կարեն Ասլանյան, Սլավիկ Գալստյան (երկուսն էլ՝ 67 կգ), Մալխաս Ամոյան (72 կգ), Կարապետ Չալյան , Վարուժան Գրիգորյան (երկուսն էլ՝ 77 կգ), Արտավազդ Վարդանյան (82 կգ), Արթուր Ալեքսանյան, Արթուր Շահինյան (երկուսն էլ՝ 97 կգ), Դավիթ Օվասապյան (130 կգ):

Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին

66
թեգերը:
եզրափակիչ, Կիև, Մալխաս Ամոյան, Կարապետ Չալյան
Ըստ թեմայի
Հոգեբանորեն մեզ համար շատ դժվար էր. ըմբիշ Մալխաս Ամոյանը` նվաճած մեդալի և պատերազմի մասին
Կարապետ Չալյանը Եվրոպայի առաջնության մեդալակիր է
Կարապետ Չալյանը կիսաեզրափակիչում է, 4 ըմբիշ դուրս մնացին ոսկե մեդալի համար պայքարից
Էդմոն Մարուքյան

«Եվս 13 օր երկիրը մնում է պատային վիճակի մեջ»․ Էդմոն Մարուքյանն ամփոփել է փետրվարի 27-ը

9
(Թարմացված է 10:25 28.02.2021)
Քաղաքական գործչի կարծիքով՝ Նիկոլ Փաշինյանն այս իրավիճակում որևէ լայնախոհ, պետականամետ քայլ չի կատարում։

ԵՐԵՎԱՆ, 28 փետրվարի - Sputnik. Առաջիկա 13 օրերին մեր երկիրը շարունակելու է մնալ պատային վիճակում։ Այս կարծիքին է ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը։ Facebook-ի իր էջում նա գրառում է կատարել՝ ամփոփելով ստեղծված իրավիճակը։

Մարուքյանը վստահ է, որ հանրապետության նախագահ Արմեն Սարգսյանը դիմելու է Սահմանադրական դատարան՝ ՀՀ ԶՈւ ԳՇ պետ Օնիկ Գասպարյանին պաշտոնից ազատելու վարչապետի առաջարկության վերաբերյալ։ Սա, ըստ նրա, ակնհայտ է, քանի որ նախագահն արդեն իսկ հայտարարել է, որ տեսնում է խնդիր` կապված Սահմանադրության հետ։ Սահմանադրական դատարան դիմելու իր լիազորությունն օգտագործելու համար նախագահն ունի եռօրյա ժամկետ։

Սահմանադրական դատարանը գործը պետք է քննի նախագահի դիմումը ստանալուց հետո տասնօրյա ժամկետում։

«Ստացվում է, որ երկիրը ևս տասներեք օր մնում է անորոշ պատային վիճակի մեջ, որտեղ գլխավոր դերակատարը` վարչապետը, որևէ լայնախոհ, պատասխանատու և պետականամետ քայլ չի կատարում առանց այն էլ պրկված մթնոլորտը լիցքաթափելու եւ ներքաղաքական ճգնաժամը հանգուցալուծելու համար»,- գրում է Մարուքյանը։

Նա շեշտում է, որ երկիրը նպատակային տարվում է անորոշության, ցնցումների, ինչը հղի է ծանր հետևանքներով։

Հիշեցնենք՝ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

9
թեգերը:
Նիկոլ Փաշինյան, Արմեն Սարգսյան, Էդմոն Մարուքյան, Հայաստան
Ըստ թեմայի
Իշխանությունը կորցրել է իր ինստիտուցիոնալ միասնականությունը. Սուրենյանց
Վարչապետը դատախազին չի՞ հրավիրել. դատախազությունը պարզաբանում է
ՊՆ–ն պահանջում է բանակը չներքաշել քաղաքական պրոցեսների մեջ