Սերենա Ուիլյամս

«Ես չգիտեմ, թե ինչու, հերի՛ք է արդեն». Սերենա Ուիլյամսն արցունքներով լքել է ասուլիսի սրահը

93
(Թարմացված է 12:08 18.02.2021)
Աշխարհահռչակ թենիսիստուհին կարծում է, որ ամբողջ մրցաշարի ընթացքում լավ է խաղացել։ Իրեն հաջողվել է լավ խաղալ Նաոմի Օսակեի հետ ճակատագրական խաղի առաջին գեյմը, բայց հետո ինչ-որ բան այնպես չի գնացել:

ԵՐԵՎԱՆ, 18 փետրվարի - Sputnik. Ամերիկացի թենիսիստուհի Սերենա Ուիլյամսն արցունքներով հեռացել է ասուլիսի սրահից։ Պատճառն Ավստրալիայի բաց առաջնության կիսաեզրափակիչում կրած պարտությունն է, գրում է Championat.ru–ն։

Ուիլյամսը 3:6, 4:6 հաշվով պարտվել է ճապոնացի թենիսիստուհի Նաոմի Օսակեին:

«Այս օրը մեծ ձախողում է ինձ համար։ Ես շատ սխալներ եմ թույլ տվել և պարզագույն սխալներ»,–ասել է Ուիլյամսը։

Նշենք, որ նա իր կարիերայի ընթացքում 7 անգամ հաղթել Է Ավստրալիայի բաց առաջնությունում։

Ասուլիսի վերջում Սերենան արտասվել է՝ պատասխանելով այն հարցին, թե ինչու է վատ խաղացել։

«Ես չգիտեմ, թե ինչու։ Հերի՛ք է արդեն»,–ասել է Սերենան ու արցունքներով լքել ասուլիսի սրահը։

​2021 թվականի «Մեծ սաղավարտի» մրցաշարի եզրափակիչում Նաոմի Օսակեն կհանդիպի Կարոլինա Մուխովի (Չեխիա) – Ջենիֆեր Բրեյդիի (ԱՄՆ) խաղի հաղթողի հետ:

Սերենա Ուիլյամսը ճանաչվել է տասնամյակի լավագույն կին մարզիկ

93
թեգերը:
Պարտություն, թենիս, ասուլիս, Սերենա Ուիլյամս
Ըստ թեմայի
«Սերենա Ուիլյամսի հարվածը». Թայսոնը մարզում է անցկացրել Օհանյանի կնոջ համար. տեսանյութ
Սերենա Ուիլյամսը դստեր հետ կերպարանափոխվել է, Օհանյանը՝ հիացել
Սերենա Ուիլյամսը թենիսի Ավստրալիայի Բաց առաջնության երրորդ շրջան է դուրս եկել
Հայերն այդպիսի գիծ ունեն. Սերենա Ուիլյամսը խոսել է հայ ժողովրդի մասին
Արթուր Ալեքսանյան

Արթուր Ալեքսանյանը հրաժարվել է բրոնզե մեդալի համար պայքարից

145
(Թարմացված է 12:38 28.02.2021)
Հայաստանի մեկ այլ ներկայացուցիչ ևս չի շարունակի մասնակցել Կիևում ընթացող մրցաշարին։ Երկու ըմբիշներն էլ իրենց մասնակցությունը դադարեցրել են վնասվածքի պատճառով։

ԵՐԵՎԱՆ, 28 փետրվարի – Sputnik. Կիևում ընթացող ըմբշամարտի ավանդական մրցաշարում Օլիմպիական խաղերի չեմպիոն Արթուր Ալեքսանյանը վնասվածքի պատճառով հրաժարվել է բրոնզե մեդալի համար պայքարից: Տեղեկությունը հայտնում է armsport.am–ը։

Արթուր Ալեքսանյանը երեք հաղթանակից հետո պարտվել էր կիսաեզրափակիչ գոտեմարտում:

Կայքը նշում է, որ Արթուրը նախ 8-0 հաշվով պարտության էր մատնել ուկրաինացի Անդրեյ Դեգտյարյովին, ապա 7-0 հաշվով առավելության էր հասել ալժիրցի Ադեմ Բուջեմլինի նկատմամբ, իսկ 1/4 եզրափակչում 6-1 հաշվով հաղթել էր ուկրաինացի Եվգենի Սավետային։ Արթուր Ալեքսանյանը կիսաեզրափակչում մրցել էր ղրղըզ ըմբիշ Ուզուր Ջուզուպբեկովի հետ և անակնկալ պարտություն է կրել 5-7 հաշվով, ընդ որում՝ Արթուրը սկզբում առջևում է եղել 5-0 հաշվով:

Հայաստանի մեկ այլ ներկայացուցիչ՝ 67 կգ քաշային Կարեն Ասլանյանը ևս վնասվածքի պատճառով չի շարունակի մասնակցությունը մրցաշարում:

«Դա իմ կյանքի ամենագեղեցիկ որոշումն էր». ինչո՞ւ են ֆուտբոլիստները դաջվածքներ անում

 

145
թեգերը:
մրցաշար, մեդալ, Ուկրաինա, Արթուր Ալեքսանյան, Հայաստան
Ըստ թեմայի
Վնասվածք, որը խաչ քաշեց «խաչի» վրա, կամ Ազարյան ընտանիքում հայտնվեց 4–րդ օլիմպիական ոսկին
Ինչու Բերեզովսկուն չհաջողվեց իրագործել «Փյունիկի» հետ կապված ծրագրերը․ բացառիկ հարցազրույց
Ամենաերիտասարդ ավագը, ռեկորդակիրը, ամենաթանկ տրանսֆերը. էլ ինչ նվաճումներ ունի Մխիթարյանը
Մեծ ըմբիշը մեծ նպատակներ ունի. ինչու է «կուբանցի հայ» Յուրի Պատրիկեևը վերադարձել Հայաստան
Մալխաս Ամոյանը Կիևի մրցաշարի չեմպիոն է դարձել

Մալխաս Ամոյանը Կիևի մրցաշարի չեմպիոն է դարձել. տեսանյութեր և լուսանկարներ

100
(Թարմացված է 09:16 28.02.2021)
22–ամյա ըմբիշը 9:1 հաշվով հաղթել է Ռիոյի Օլիմպիական խաղերի բրոնզե մեդալակրին։ Ոսկե մեդալը նրան է հանձնել Տիգրան Սեյրանյանը։

ԵՐԵՎԱՆ, 28 փետրվարի – Sputnik. Հունահռոմեական ոճի ըմբիշ 72 կգ քաշային Մալխաս Ամոյանը Կիևում ընթացող ըմբշամարտի միջազգային մրցաշարի չեմպիոն է դարձել: Տեղեկությունը հայտնում է Ուկրաինայում ՀՀ դեսպան Տիգրան Սեյրանյանը։

Նա լուսանկարներ ու տեսանյութ հրապարակել Facebook–ի իր էջում։

Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին

Ոսկե մեդալը ըմբիշին է հանձնել հենց դեսպանը։

Ամոյանը մրցաշարի եզրափակիչում ժամանակից շուտ 9:1 հաշվով հաղթել է Ռիոյի Օլիմպիական խաղերի բրոնզե մեդալակիր, վրացի Բոլկվաձեին:

«Դա իմ կյանքի ամենագեղեցիկ որոշումն էր». ինչո՞ւ են ֆուտբոլիստները դաջվածքներ անում

Ամոյանի ու Բոլկվաձեի մենամարտի տեսագրությունը հրապարակվել է նաև Wrestling - Armenia ֆեյսբուքյան էջում։

«Ալաշկերտը» 5 նոր ֆուտբոլիստ ունի. ովքեր են նրանք

100
թեգերը:
Կիև, չեմպիոն, ըմբիշ, Մալխաս Ամոյան, Ուկրաինա
Ըստ թեմայի
5 ռեկորդ մեկ օրում. Յուրի Վարդանյանը մոսկովյան օլիմպիադայի թանկարժեք ադամանդն էր
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ջալալ Հարությունյան

Ջալալ Հարությունյանը բանակի կողքին է, կխոսի վիրահատությունից հետո

0
(Թարմացված է 16:42 28.02.2021)
Կայքի տեղեկություններով՝ ՊԲ նախկին հրամանատարի առողջական վիճակը վատացել է, այդ պատճառով էլ չի մեկնաբանում ԳՇ հայտարարությունը։

ԵՐԵՎԱՆ, 28 փետրվարի – Sputnik․ Արցախի պաշտպանության բանակի նախկին հրամանատար, ՀՀ ՊՆ ռազմական վերահսկողության ծառայության պետ Ջալալ Հարությունյանը Irakanum-ի հետ զրույցում նշել է, որ ինքը բանակի կողքին է։

«Ես ի ծնե բանակային մարդ եմ, բանակի կողքին, և միշտ այդպես է լինելու։ Այս փուլում չեմ տրվելու որևէ սադրանքի»,- ասել է Հարությունյանը՝ պատասխանելով կայքի խնդրանքին՝ մեկնաբանել Գլխավոր շտաբի հայտարարությունը։

Հարությունյանը հայտնել է, որ վիրահատության է պատրաստվում։ Խոստացել է մանրամասն խոսել վիրահատությունից հետո։

Նշենք, որ ավելի վաղ  Irakanum.am-ը հայտնել էր, որ Ջալալ Հարությունյանի առողջական վիճակը վատթարացել է, և նա պատրաստվում է գլխի վիրահատության։

Հիշեցնենք՝ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

Երեկ Փաշինյանը հայտարարեց, որ մարտի 1-ին հանրահավաք է անցկացնելու Հանրապետության հրապարակում։ Նա բոլորին հորդորել էր մասնակցել հանրահավաքին և երթին։

Նշենք, որ Արցախի պաշտպանության բանակի նախկին հրամանատար, գեներալ-լեյտենանտ Ջալալ Հարությունյանը փետրվարի 4-ին նշանակվել է ՀՀ պաշտպանության նախարարության ռազմական վերահսկողական ծառայության պետ։ Գեներալն այդ պաշտոնում իր աշխատանքը դիտարկում է որպես հայրենիքին ծառայելու, օգուտ տալու հնարավորություն:

Ջալալ Հարությունյանի վիրավորվելու մասին հոկտեմբերի 27-ին հայտնել էր Արցախի նախագահ Արայիկ Հարությունյանը: Նույն օրը Ջալալ Հարությունյանն ազատվել էր ԱՀ պաշտպանության նախարարի պաշտոնից։

0
թեգերը:
Բանակ, Ջալալ Հարությունյան, Արցախ
Ըստ թեմայի
Ջալալ Հարությունյանին հարցաքննել են, մահափորձ կատարելու հատկանիշներով քրգործ է հարուցվել
Ջալալ Հարությունյանը խոսել է պատերազմի, պարտության, իր դեմ մահափորձի ու նոր պաշտոնի մասին
Լռեցնո՞ւմ են, թե՞ սիրաշահում. ռազմական փորձագետը` Ջալալ Հարությունյանի նշանակման մասին