Ալեքսանդր Կարապետյան

87 համարի ֆուտբոլիստը, կամ Ալեքսանդր Կարապետյանն արդեն «տանն» է

100
(Թարմացված է 20:51 12.02.2021)
Պրոֆեսիոնալ ֆուտբոլիստի կարիերան սկսելով 20 տարեկանում` Ալեքսանդր Կարապետյանը հասցրել է խաղալ տարբեր ակումբներում և դառնալ Հայաստանի ազգային հավաքականի խաղացող։ Հայ ֆուտբոլիստը Sputnik Արմենիայի հետ զրույցում խոսել է «Արարատ-Արմենիա» տեղափոխվելու պատճառների մասին։

ԵՐԵՎԱՆ, 13 փետրվարի – Sputnik․ Հայաստանի ֆուտբոլի գործող չեմպիոն «Արարատ-Արմենիան» հայտարարել է մեր ազգային հավաքականի հարձակվող Ալեքսանդր Կարապետյանի հետ պայմանագիր կնքելու մասին։ Հայ ֆուտբոլիստն առաջին անգամն է ուժերը փորձելու Հայաստանի առաջնությունում։

«Կայացավ իմ երազանքը, ես խաղալում եմ իմ հայրենիքում»։ Sputnik Արմենիայի հետ բացառիկ հարցազրույցն այսպես է սկսում 33-ամյա ֆուտբոլիստը` Ալեքսանդր Կարապետյանը։

Нападающий ФК Арарат Армения Александр Карапетян
© Photo : Facebook / FC Ararat-Armenia
Нападающий ФК "Арарат Армения" Александр Карапетян

Բարձրագույն խմբի առաջնությանն ընդառաջ չեմպիոնական մրցավազքի մասնակից թիմերը ձգտում են ամեն կերպ ուժեղացնել իրենց կազմերը` նոր ֆուտբոլիստներ ձեռք բերելով և ուսումնամարզական հավաքներ ու ստուգողական հանդիպումներ անցկացնելով։ Գործող չեմպիոն «Արարատ-Արմենայի» և հավաքականի հարձակվող Ալեքսանդր Կարապետյանի պայմանագիրն այս պահին ամենահետաքրքիրն ու կարևորն է մեր առաջնության և հավաքականի համար։ Ալեքսանդր Կարապետյանն իր խաղով կլինի հավաքականի մարզիչների ուշադրության կենտրոնում։

Կարապետյանը մինչև Հայաստան տեղափոխվելը հանդես էր գալիս Ռուսաստանի Պրեմիեր լիգայում՝ «Տամբովի» կազմում։ Պարզվում է`մեր ֆուտբոլիստի համար այնքան էլ հեշտ չի եղել այդ ակումբում խաղալը։ Պատճառները նա բացահայտում է մեզ հետ հարցազրույցում։ «Տամբովում դժվար ժամանակներ էին։ Ես երկու խնդիր ունեի։ Առաջինը` մենք աշխատավարձ չէինք ստանում և երկրորդը` իմ ընտանիքը մնացել էր Սոչիում, ես տեղափոխվել էի Սարանսկ: Շատ բարդ էր առանց իմ ընտանիքի ներկայության: Սարանսկն ու Սոչին անհամեմատելի են, դրա համար ես թողեցի իմ ընտանիքը Սոչիում»,–ասում է Կարապետյանը:

Հետո նա պատմում է, որ առաջարկներ էր ստացել նաև Ղազախստանից, բայց իր համար երազանք էր ֆուտբոլիստի կարիերայի ընթացքում Հայաստանում նույնպես հանդես գալը: «Սա կարծում եմ` լավագույն ժամանակն է Հայաստան տեղափոխվելու»,- նշում է ֆուտբոլիստը։

«Արարատ-Արմենիա» տեղափոխվելը Կարապետյանը համարում է շատ լավ քայլ իր կարիերայում, քանի որ թիմը Հայաստանի առաջնության առաջատարներից է։ Բացի այդ ընտանիքն արդեն հաստատ կլինի ֆուտբոլիստի հետ՝ Երևանում։ «Իմ ընտանիքը նույնպես տեղափոխվելու է Հայաստան: Հիմա դպրոց հաճախելու շրջանն է, և նրանք ինձ կմիանան ամռանը: Իմ կինը եղել է Երևանում, նա շատ է հավանել քաղաքի հանգիստ կյանքն ու մթնոլորտը: Ես նույնպես ինձ այստեղ ավելի լավ եմ զգում։ Որպես ազգային հավաքականի խաղացող` մարդիկ ինձ ճանաչում և սիրում են», - նշում է ֆուտբոլիստը։

«Լոռին» ու «Սևանը» զրկվել են նոր ֆուտբոլիստներ գրանցելու իրավունքից. ՖԻՖԱ–ն է որոշել

Ալեքսանդր Կարապետյանն իր նպատակն է համարում Հայաստանի չեմպիոնի կազմում Չեմպիոնների լիգայում լավ արդյունքի հասնելը։ «Մենք ունենք մեծ նպատակ Չեմպիոնների Լիգայի կամ Եվրոպա Լիգայի խմբային փուլ հասնելու: Հուսով եմ` կօգնեմ թիմին իմ խփած գոլերով իր նպատակին հասնելու հարցում։ Եվրագավաթներում խմբային փուլ անցնելը մի բարձունք է, որը ես դեռ չեմ նվաճել: Հուսով եմ, որ մենք կարող ենք անել այն այս տարի: Շատ լավ թիմ է, հետաքրքիր ու տարբեր ազգությունների ֆուտբոլիստներով համալրված», - ասում է Կարապետյանը։

Իսկ Հայաստանի առաջնությունը ի՞նչ կտա Կարապետյանին  հավաքականում հանդես գալում հարցում։ Այս առումով  ֆուտբոլիստն ուրախ է, որ լինելու է մարզիչների աչքի առաջ։ «Երբ հանդես էի գալիս Ռուսաստանում, հավաքական հրավիրվելու ժամանակ ընդամենը մի քանի օր էի անցկացնում թիմի հետ: Իսկ հիմա ես արդեն տանն եմ, և կարիք չի լինի թռիչքների վրա ժամանակ ծախսել, ինչը մեծ առավելություն է: Երկար ճանապարհը մեծ ուժ և էներգիա է խլում: Ես հիմա այստեղ եմ, մարզիչն էլ այստեղ է և կարող է օգնել ինձ իր խորհուրդներով»։

«Արարատ-Արմենիայի» գործադիր տնօրեն Պողոս Գալստյանն էլ գտնում է, որ Ալեքսանդր Կարապետյանը լավ ձեռք բերում է թիմի համար և մեծ օգուտ կտա գործող չեմպիոնին։ «Կարապետյանին շատ լավ էինք ճանաչում որպես ֆուտբոլիստ, այս շրջանում էլ նրան բացահայտեցինք որպես մարդ: Նա այն ֆուտբոլիստներից է, ում դեպքում կարելի է տարիքին չնայել. միշտ մոտիվացված, միշտ ձգտում է հաղթանակի, ինչը մեզ համար շատ կարևոր հատկանիշ է: Կարևոր է նաև նշել, որ Ալեքսանդրն ունի լիդերին բնորոշ գծեր: Վստահ եմ, որ մեր երիտասարդ ֆուտբոլիստները շատ բան կսովորեն իրենից, Կարապետյանն էլ իր հերթին մեզ կօգնի է և՛ առաջնության, և՛ Եվրոպայի խաղերին», - նշեց Գալստյանը։

Ալեքսանդր Կարապետյանն արդեն «Արարատ-Արմենիայի» կազմում մասնակցել է երկու խաղի, որոնցից հետո էլ ստորագրել պայմանագիր Հայաստանի չեմպիոնի հետ։ Հավաքականի ֆուտբոլիստն իր նոր ակումբում կրելու է 87 համարի մարզաշապիկը, դա համապատասխանում է նրա ծննդյան թվին՝ 1987։

100
թեգերը:
Հայաստան, Պայմանագիր, «Արարատ–Արմենիա», ֆուտբոլիստ, ֆուտբոլ, ՀՖՖ, Ալեքսանդր Կարապետյան
Ըստ թեմայի
Սուքիասյանները նվաճում են Ավստրիան. Երվանդը լավագույն հարձակվող է, Դավիթը` դարպասապահ
Հենրիխ Մխիթարյանը կտեղափոխվի՞ «Յուվենտուս»
Հայ անպարտելի մարզիկների տասնյակը. նրանցից ո՞վ կարող է Նուրմագոմեդովի պես անպարտելի լինել
Լևոն Արոնյան

«Խոստումների իրագործմանը սպասելուց հետո հասկացա` ստիպված եմ հեռանալ երկրից». Լևոն Արոնյան

136
(Թարմացված է 13:14 26.02.2021)
Լևոն Արոնյանը Հայաստանը լքելու ու ԱՄՆ շախմատիստների թիմակիցը դառնալու որոշում է կայացրել։

ԵՐԵՎԱՆ, 26 փետրվարի - Sputnik. Շախմատի գրոսմայստեր Լևոն Արոնյանը Հայաստանը լքելու ու ԱՄՆ շախմատիստների թիմակիցը դառնալու որոշում է կայացրել։ Արոնյանն իր որոշման հայտնել է ֆեյսբուքյան էջում գրառում անելով։

«Անցյալ տարին չափազանց ծանր էր բոլորիս համար՝ համաճարակ, պատերազմ, իմ դեպքում նաև՝ անձնական դժբախտությունն ու պետության բացարձակ անտարբերությունը հայկական շախմատի նկատմամբ: Ես հայտնվել էի ընտրության առջև՝ թողնել կյանքիս գործը կամ տեղափոխվել այնտեղ, որտեղ ինձ գնահատում են: Մեկ տարուց ավելի ներկայիս կառավարության խոստումների իրագործմանը սպասելուց հետո հասկացա` ստիպված եմ կայացնել բեկումնային որոշում և հեռանալ հարազատ երկրից»,–գրել է Արոնյանը։

Նա նշել է նաև, որ անկեղծորեն հպարտանում է, որ պատիվ է ունեցել զգալի ներդրում ունենալու հայկական շախմատի մեծագույն ձեռքբերումներում․ օլիմպիական երեք ոսկի, ոսկիներ աշխարհի և Եվրոպայի առաջնություններում, աշխարհի երկու գավաթ, մի շարք անհատական և թիմային հաղթանակներ: Արոնյանը նշել է, որ մեր շախմատային հաջողություններում էական գործոն էր Հայաստանի երրորդ նախագահ Սերժ Սարգսյանի անձնական ուշադրությունը: Նրա խոսքով` 2018 թվականի հեղափոխությունից հետո նոր կառավարությունը խոստացավ շարունակել այդ գիծը, սակայն խոստումը սահմանափակվեց ընդամենը մեկ տարի մասնակի օժանդակությամբ, որից հետո դա էլ դադարեց:

Շախմատիստն ասում է, որ այդպես էլ ներկայիս իշխանությանը չկարողացավ փոխանցել այն պարզ ճշմարտությունը, որ պետական աջակցություն խնդրում է ոչ թե անձամբ իր համար, այլ այդ հաջողություններով հայրենիքին ծառայելու և փառք բերելու հնարավորության, ինչը տասնամյակներ շարունակ Հայաստանը հնարավոր է այլևս չունենա: Դրա դիմաց նրան պատասխանել են.«Մեր փորձագետները գտնում են, որ Լևոն Արոնյանը այլևս պոտենցիալ չունի»:

«Անմիջապես այս «դատավճռից» հետո Ստավանգերի հեղինակավոր մրցաշարին ես պարտության մատնեցի և՛ աշխարհի չեմպիոնին, և՛ աշխարհի թիվ երկու խաղացողին: Տարիներ շարունակ ես տարբեր երկրներից հանդես գալու բազմաթիվ գրավիչ առաջարկներ եմ ստացել, այդ թվում՝ ամերիկացի մեծ բարերար և շախմատի սիրահար Ռեքս Սինկեֆելդի կողմից... Ուզում եմ երախտագիտությունս հայտնել հարգարժան Ռեքս Սինկեֆելդին, որ այսօր էլ շարունակում է հավատալ ինձ: Շնորհակալ եմ նաև Ֆաբիանո Կարուանային, ով լինելով Ամերիկայի ուժեղագույն խաղացողը, աջակցում է ինձ և կիսում թիմակիցներ լինելու որոշումս»,–գրել է նա։

Դադարեք քննադատել տաղանդավոր գրոսմայստերին․ Լևոն Արոնյանի մայրը զայրացած գրառում է արել

Արոնյանն իր խոսքն ամփոփել է` ասելով, որ համոզված է` կանցնի ժամանակ, և շախմատը Հայաստանում կվերադառնա իր կարգավիճակին. փակվող շախմատային դպրոցների և հեռացած նվիրյալների փոխարեն կրկին կտեսնենք հարգանք այն սպորտաձևի նկատմամբ, որտեղ մենք՝ որպես ազգ և երկիր, ունեցել ենք և դեռ կունենանք մեր կայուն տեղը:

Հիշեցնենք, որ 2018 թվականի հոկտեմբերի սկզբից շախմատային դպրոցի ֆինանսավորումը դադարեցվեց, թեև մարզումները շարունակվեցին։ Հայաստանի շախմատի ֆեդերացիայի նախագահը Հայաստանի արդեն նախկին նախագահ Սերժ Սարգսյանն է: Ու հենց նրա օրոք էլ հիմնվեց ու սկսեց գործել Լևոն Արոնյանի ու Գաբրիել Սարգսյանի անվան գրոսմայստերների դպրոցը:

136
Ըստ թեմայի
Այս անգամ չստացվեց. Airthings Masters-ում Լևոն Արոնյանը երկրորդ տեղը զբաղեցրեց
2 հաղթանակ, 2 պարտություն և մեկ ոչ-ոքի. Արոնյանն արագ շախմատի հեռավար մրցաշարի մասնակից է
«Մենք երկար զրուցեցինք, Պոնչիկն ասաց` այդպես լավ չէ». Արոնյանին «զգուշացում» են արել
Ֆուտբոլ

«Ալաշկերտը» 5 նոր ֆուտբոլիստ ունի. ովքեր են նրանք

49
(Թարմացված է 18:12 21.02.2021)
«Ալաշկերտ» ֆուտբոլային ակումբը ուրախությամբ հայտնել է նոր ֆուտբոլիստներով համալրման մասին։

ԵՐԵՎԱՆ, 21 փետրվարի – Sputnik. «Ալաշկերտ» ֆուտբոլային ակումբը 5 նոր ֆուտբոլիստ ունի։ Տեղեկությունը հայտնում է ալումբի մամուլի ծառայությունը։

«Մեր թիմ են վերադարձել առաջնության ամենափորձառու դարպասապահ Գևորգ Կասպարովը և «Ալաշկերտի» պատմության լավագույն ռմբարկու Միհրան Մանասյանը»,–ասված է հաղորդագրության մեջ:

Տեղեկացվում է, որ «Գանձասար-Կապանից» «Ալաշկերտ» են տեղափոխվել պաշտպան Վասպուրակ Մինասյանը, կիսապաշտպաններ Դավիթ Մինասյանը և Աշոտ Քոչարյանը:

Նշենք, որ Հայաստանի առաջնությանը 16-րդ տուրը մեկնարկելու է հաջորդ կիրակի՝ փետրվարի 28-ին, «Ալաշկերտ»-«Լոռի» խաղով։ Տուրի շրջանակներում կմրցեն նաև հետևյալ զույգերը՝ «Շիրակ»-«Փյունիկ», «Արարատ»-«Վան» և «Արարատ-Արմենիա»-«Ուրարտու»։

49
թեգերը:
«Ալաշկերտ» ֆուտբոլային ակումբ, ֆուտբոլիստ, ՀՖՖ, ֆուտբոլ
Ըստ թեմայի
Հենրիխ Մխիթարյանը կտեղափոխվի՞ «Յուվենտուս»
Հայ անպարտելի մարզիկների տասնյակը. նրանցից ո՞վ կարող է Նուրմագոմեդովի պես անպարտելի լինել
Հայրենիքը հայ կարատեիստի համար սկսվում էր Եռաբլուրից ու այնտեղ էլ ավարտվեց
Արթուր Վանեցյան

Ի՞նչ է նշանակում գերիներ չկան. Վանեցյանը խոստանում է մի քանի օրում վերադարձնել գերիներին

21
(Թարմացված է 14:27 26.02.2021)
Ընդդիմադիր կուսակցության ղեկավարը նաև հայտարարեց, որ ընդդիմությունը, այդ թվում` ինքը, իշխանության «կռիվ» չեն անում, բայց պնդում են, որ գործող իշխանությունը պետք է հեռանա։

ԵՐԵՎԱՆ, 26 փետրվարի - Sputnik. ՀՀ ներկա իշխանությունը պարտված իշխանություն է և չի կարող իր պահանջները ներկայացնել Ալիևին ։ Այսօր Բաղրամյան պողոտայում լրագրողների հետ զրույցում հայտնեց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը։

«Պաշտոնապես հայտարարում եմ, որ իմ` իշխանության գալու պարագայում, գերիների վերադարձի հարցը լինելու է մի քանի օրվա հարց»,– ասաց նա` հավելելով, որ ՌԴ–ում ու այլ երկրներում , բայց` ոչ Ադրբեջանում, ունի անձնական կապեր, մարդկային հարաբերություններ, որոնք կարող են օգտակար լինել այդ հարցում։

Մեկնաբանելով Ալիևի այսօրվա հայտարարությունը, թե Ադրբեջանում այլևս հայ գերիներ չկան` Վանեցյանը նշեց, որ նման բան ուղղակի չի կարող լինել։

«Ի՞նչ է նշանակում գերիներ չկան, ի՞նչ է նշանակում հանցագործներ։ Հենց դա է թուլությունը։ Բա մենք  ինչո՞ւ ենք ասում, որ մեր իշխանություններն այսօր չեն կարողանում պաշտպանել մեր երկրի շահերը»,– ասաց Վանեցյանը։

Ընդդիմադիր կուսակցության ղեկավարը նաև հայտարարեց, որ ընդդիմությունը, այդ թվում` ինքը, իշխանության «կռիվ» չեն անում, բայց պնդում են, որ գործող իշխանությունը պետք է հեռանա։

«Լավ, մեզ չեն սիրում, ինձ չեն սիրում, Վազգեն Մանուկյանին չեն սիրում, մնացածին չեն սիրում, թող մարդիկ դուրս գան և պահանջեն, որ Նիկոլ Փաշինյանը հեռանա և ուրիշ քաղաքական գործիչներ, ուրիշ մարդիկ գան իշխանության»,– ասաց նա։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

21
թեգերը:
Իշխանություն, Ադրբեջան, ռազմագերի, գերի, Հայաստան, Արթուր Վանեցյան
Ըստ թեմայի
Գերիների վերադարձ, սահմանազատում. էլ ի՞նչ են քննարկել Արմեն Սարգսյանն ու Ռուստամ Մուրադովը
Ադրբեջանը շարունակում է որպես գործիք օգտագործել գերիների վերադարձի հարցը. Այվազյան
Արցախի կարգավիճակ, գերիների վերադարձ. էլ ինչ են քննարկել Հայաստանի և Արցախի ԱԳ նախարարները