Խոակին Կապառոսը Լևանտե - Բարսելոնա հանդիպման ժամանակ. արխիվային լուսանկար

Քվեարկությունն ավարտված է. Հայաստանի այս տարվա լավագույն մարզիչը Խոակին Կապառոսն է

39
(Թարմացված է 16:51 25.12.2020)
Մրցանակային տեղեր են զբաղեցրել նաև Երևանի «Արարատի» գլխավոր մարզիչ Վարդան Բիչախչյանն ու Հայաստանի մինչև 21 տարեկանների հավաքականի և ԲԿՄԱ-ի գլխավոր մարզիչ Ռաֆայել Նազարյանը: 

ԵՐԵՎԱՆ, 25 դեկտեմբերի - Sputnik. Հայաստանի ֆուտբոլի ֆեդերացիան ամփոփել է «Տարվա լավագույն մարզիչ» անվանակարգում 2020 թ. քվեարկության արդյունքները: Հավաքելով 134 միավոր՝ 2020 թ. լավագույն մարզիչ է ճանաչվել Հայաստանի ազգային հավաքականի գլխավոր մարզիչ Խոակին Կապառոսը: Տեղեկությունը հայտնում է ՀՖՖ–ի մամուլի ծառայությունը։

Ըստ հաղորդագրության` 50 միավորով երկրորդ հորիզոնականում է Երևանի «Արարատի» գլխավոր մարզիչ Վարդան Բիչախչյանը:

48 միավորով լավագույն եռյակը եզրափակում է Հայաստանի մինչև 21 տարեկանների հավաքականի և ԲԿՄԱ-ի գլխավոր մարզիչ Ռաֆայել Նազարյանը: 

Քվեարկության արդյունքներին ամբողջությամբ կարող եք ծանոթանալ այստեղ:

Հիշեցնենք` Հայաստանի ֆուտբոլի ֆեդերացիան «Տարվա լավագույն ֆուտբոլիստ» և «Տարվա լավագույն մարզիչ» անվանակարգերում քվեարկության սկիզբը հայտարարել էր դեկտեմբերի 17–ին:

Հայաստանի 2020–ի լավագույն մարզչի թեկնածուներն էին «Արարատ» ՖԱ մարզիչ ՎարդանԲիչախչյանը, «Արարատ-Արմենիայի» մարզիչներ Վարդան Մինասյանն ու Դավիդ Կամպանյան, «Ալաշկերտի» մարզիչ Եղիշե Մելիքյանը, Հայաստանի ազգային հավաքականի մարզիչ Խոակին Կապառոսը, ԲԿՄԱ–ի մարզիչ Ռաֆայել Նազարյանը։

Քվեարկությանը կարող էին մասնակցել միայն լրագրողները։ Քվեարկությունը տևել է մինչև ս.թ. դեկտեմբերի 24-ը՝ ժամը 18:00–ը:

Սարգիս Ադամյանը ճանաչվել է «Հոֆենհայմի»` ամսվա լավագույն ֆուտբոլիստ

39
թեգերը:
Հայաստան, մարզիչ, Խոակին Կապառոս
Ըստ թեմայի
Կապառոսի նորամուտը. ովքե՞ր կարող են խաղալ Հայաստանի ազգային հավաքականում
Հայաստանի ֆուտբոլի հավաքականի նոր մարզիչը հիվանդ է. հայտնի մեկնաբանը` Կապառոսի մասին
Մխիթարյանի բացակայությունը մեծ կորուստ է. Կապառոսը լավ խաղ է խոստանում
Ֆուտբոլ, արխիվային լուսանկար

Հայաստանի ու Ռուսաստանի ֆուտբոլի չեմպիոնները կխաղան Դուբայում

31
(Թարմացված է 18:58 26.01.2021)
Հայաստանի առաջնության երկրորդ հատվածին նախապատրաստվող թիմը հունվարի 27-ից փետրվարի 12-ը հավաք կանցկացնի:

ԵՐԵՎԱՆ, 26 հունվարի – Sputnik. Պատրաստվելով 2020/21 մրցաշրջանի երկրորդ հատվածին` «Արարատ-Արմենիան» ուսումնամարզական հավաք կանցկացնի Արաբական Միացյալ Էմիրություններում։ Տեղեկությունը հայտնում է ակումբի մամուլի ծառայությունը։

«Հավաքը կմեկնարկի հունվարի 27-ին և կավարտվի փետրվարի 12-ին»,– նշված է հաղորդագրության մեջ։

Հավաքի շրջանակում «Արարատ-Արմենիան» ընկերական հանդիպումներ կանցկացնի։ Մրցակից թիմերը կլինեն ռուսական «Ուրալը», «Ռոդինան», «Զենիթը» և լատվիական «Ռիգան»։

Հիշեցնենք` «Արարատ-Արմենիա» ֆուտբոլային ակումբը` Հայաստանի հավաքականի նախկին գլխավոր մարզիչ Վարդան Մինասյանի գլխավորությամբ, երկու անգամ հաղթել է Հայաստանի առաջնությունում:

Ազգային կոխից մինչև նարդի. Հայաստանում ու Արցախում մարզական փառատոն է անցկացվելու

31
թեգերը:
ֆուտբոլ, Ռուսաստան, Հայաստան
Ըստ թեմայի
Հենրիխ Մխիթարյանը «Սպեցիայի» հետ հանդիպմանը խաղադաշտ դուրս չի գա
Կրիշտիանու Ռոնալդուն բոլոր ժամանակների ու ժողովուրդների լավագույն ռմբարկու է ճանաչվել
Սուքիասյանները նվաճում են Ավստրիան. Երվանդը լավագույն հարձակվող է, Դավիթը` դարպասապահ
Երեխաներ, արխիվային լուսանկար

Ազգային կոխից մինչև նարդի. Հայաստանում ու Արցախում մարզական փառատոն է անցկացվելու

53
(Թարմացված է 17:13 25.01.2021)
Փառատոնին կարող են մասնակցել բոլոր ցանկացողները: ԿԳՄՍ–ն հրապարակել է միջոցառման անցկացման նախնական ժամանակացույցը։ Փառատոնի ավարտից հետո կընտրեն 1-3–րդ տեղերը գրաված համայնքները, որոնք կպարգևատրվեն հավաստագրերով ու գավաթներով

ԵՐԵՎԱՆ, 25 հունվարի – Sputnik. ՀՀ ԿԳՄՍ նախարարությունը Հայաստանի և Արցախի բնակչության շրջանում առողջ ապրելակերպի արմատավորման, երիտասարդությանը մարզական խմբակներում ընդգրկելու, համայնքներում սպորտի օրերի անցկացման նպատակով կազմակերպելու է մարզական փառատոն: Տեղեկությունը հայտնում է գերատեսչության մամուլի ծառայությունը։

ԿԳՄՍ նախարարի համապատասխան հրամանով հաստատված կանոնակարգի համաձայն՝ փառատոնը կկայանա աշնանը Հայաստանի 48 և Արցախի Ստեփանակերտ ու Ասկերան քաղաքներում, յուրաքանչյուրում՝ մեկ օր:

Մարզական միջոցառմանը կարող են մասնակցել քաղաքային և գյուղական համայնքների, ուսումնական հաստատությունների, մարզադպրոցների և այլ մարզական կազմակերպությունների թիմերը, մրցումները կանցկացվեն 7 մարզաձևից.

1) Կշռաքարի բարձրացում (16 կգ, աջ կամ ձախ ձեռքով) - Անհատական մրցումներ. կարող են մասնակցել բոլոր ցանկացողները: Վարժությունը կատարվում է ազատ ոճով, այն համարվում է կատարված, եթե կշռաքարը բարձրացվել և պահվել է գլխավերևում։

2) Շախմատ (անհատական մրցումներ) - Խաղի տևողությունը` 20 րոպե:

3) Նարդի (երկար, անհատական մրցումներ) - Մրցումներն անցկացվում են գործող կանոնների համաձայն՝ երեք խաղափուլով։

4) Ազգային կոխ ըմբշամարտ (պատանիներ, անհատական մրցումներ) - Մրցումներն անցկացվում են մեկ քաշային կարգով` համաձայն գործող կանոնների, քաշային կարգերն ընտրում են կազմակերպիչները:

5) Բազկամարտ (աջ ձեռքով, անհատական մրցումներ) - Մրցումներն անցկացվում են մարզաձևի գործող կանոնների համաձայն, օլիմպիական մրցակարգով:

6) Մինի ֆուտբոլ (թիմի կազմը` 8 հոգի) - Խաղերն անցկացվում են գործող կանոնների համաձայն, մինի խաղահրապարակներում։ Տարիքային սահմանափակում չկա։ Խաղի տևողությունը՝ 30 րոպե (15 + 15), 5 րոպե ընդմիջում:

7) Մասսայական վազքարշավ (1000 մետր, անհատական մրցումներ, տղա-աղջիկ) - Կարող են մասնակցել բոլոր ցանկացողները: Մրցումներն անցկացվում են աթլետիկայի գործող կանոնների համաձայն։

Փառատոնի անցկացման նախնական ժամանակացույցը

1) Կոտայքի մարզ – սեպտեմբերի 10-15-ը (ք. Հրազդան, ք. Աբովյան, ք. Չարենցավան, ք. Նոր Հաճն, ք. Ծաղկաձոր, ք. Բյուրեղավան, ք. Եղվարդ, գ. Գառնի),

2) Գեղարքունիքի մարզ – սեպտեմբերի 11-15-ը (ք. Գավառ, ք. Ճամբարակ, ք. Մարտունի, ք. Վարդենիս, ք. Սևան),

3) Տավուշի մարզ – սեպտեմբերի 13-16-ը (ք. Իջևան, ք. Դիլիջան, ք. Նոյեմբերյան, ք. Բերդ),

4) Լոռու մարզ – սեպտեմբերի 14-18-ը (ք. Վանաձոր, ք. Ալավերդի, ք. Ստեփանավան, ք. Սպիտակ, ք. Տաշիր, ք. Ախթալա, գ. Գուգարք),

5) Շիրակի մարզ – սեպտեմբերի 15-19-ը (ք. Գյումրի, ք. Արթիկ, ք. Մարալիկ, գ. Ամասիա, գ. Աշոցք, գ. Ախուրյան),

6) Արմավիրի մարզ – սեպտեմբերի 16-18-ը (ք. Արմավիր, ք. Էջմիածին, ք. Մեծամոր),

7) Արագածոտնի մարզ – սեպտեմբերի 16-18-ը (ք. Աշտարակ, ք. Ապարան, ք. Թալին),

8) Արարատի մարզ – սեպտեմբերի 17-20-ը (ք. Արտաշատ, ք. Արարատ, ք. Մասիս, ք. Վեդի),

9) Սյունիքի մարզ – սեպտեմբերի 19-23-ը (ք. Կապան, ք. Գորիս, ք. Սիսիան, ք. Քաջարան, ք. Մեղրի),

10) Վայոց ձորի մարզ – սեպտեմբերի 22-26-ը (ք. Եղեգնաձոր, ք. Վայք, ք. Ջերմուկ),

11) Արցախ – սեպտեմբերի 18-21-ը (ք. Ստեփանակերտ, ք․ Ասկերան):

Փառատոնի ավարտից հետո ՀՀ ԿԳՄՍ նախարարության համապատասխան հանձնաժողովը կընտրի 1-3-րդ տեղերը գրաված համայնքները, որոնք կպարգևատրվեն հավաստագրերով ու գավաթներով: Պարգևատրվելու են նաև առանձին մարզաձևերից 1-3-րդ տեղերը գրաված մարզիկները:

53
թեգերը:
փառատոն, Արցախ, Հայաստան
Ըստ թեմայի
Դժվար է պատկերացնել սրվակում բեղմնավորված արցախցու, կամ ԷԿՈ–ն կլուծի՞ հայերի հարցը
Արցախում նոր նախարարություն է ստեղծվում․ նախագահը հրամանագիր է ստորագրել
Արցախի գյուղերում հաստատվող քաղաքացիների համար տարբեր հնարավորություններ կստեղծվեն
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

82
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

82
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան