ԵՐԵՎԱՆ, 25 նոյեմբերի - Sputnik. Հայ գրոսմայստեր Լևոն Արոնյանը Skilling Open -2020 շախմատի առցանց միջազգային մրցաշարի քառորդ եզրափակչում է։
Հայ շախմատիստը նախնական փուլում, որին մասնակցել են 16 ուժեղագույն գրոսմայստերներ, գրավել է հինգերորդ տեղը`վաստակելով հնարավոր 15–ից 8,5 միավոր։
Առցանց մրցույթի երկրորդ փուլում պայքարը կշարունակեն 8 շախմատիստներ, որոնք կխաղան նոկաուտ համակարգով (պարտվողը լքում է մրցաշարը):
Քառորդ եզրափակիչում Արոնյանի մրցակիցը ռուսաստանցի Յան Նեպոմնյաշչին է։
«Մատ տեռորին». Արոնյանն ու ընկերները կրկին գումար են փոխանցել «Հայաստան» հիմնադրամին
Skilling Open-2020-ի նախնական փուլում, բացի Արոնյանից, խաղատախտակի առջև կնստեն աշխարհի չեմպիոն Մագնուս Կարլսենը (Նորվեգիա), Յան Նեպոմնյաշչին (Ռուսաստան), Դին Լիրենը (Չինաստան), Ուեսլի Սոն, Հիկարու Նակամուրան (երկուսն էլ՝ ԱՄՆ), Թեյմուր Ռաջաբովը (Ադրբեջան), Մաքսիմ Վաշյե - Լագրավը (Ֆրանսիա), Սերգեյ Կարյակինը (Ռուսաստան), Անիշ Գիրին (Հոլանդիա), Ալիրեզա Ֆիրուջան (Իրան), Յան-Քշիշտոֆ Դուդան (Լեհաստան), Պյոտր Սվիդլերը (Ռուսաստան), Գուջարատին Վիդիտը (Հնդկաստան), Լե Կուանգ Լիեմը (Վիետնամ), Դավիդ Անտոն Գիխարոն (Իսպանիա):
Մրցաշարի մրցանակային ֆոնդը կազմում է 1,5 միլիոն դոլար: