«Ռոմա» –«Պարմա» հանդիպումը

«Ռոման» երրորդ անգամ անընդմեջ հաղթեց. Մխիթարյանը փայլում էր

170
(Թարմացված է 22:00 22.11.2020)
«Ռոման» խաղում էր առանց Էդին Ջեկոյի, սակայն վստահ հարձակում էր գործում դաշտի կենտրոնում։ Այստեղ խաղի ծանրությունն իր վրա էր վերցրել Մխիթարյանը։

ԵՐԵՎԱՆ, 22 նոյեմբերի — Sputnik. «Ռոման» երրորդ անընդմեջ հաղթանակն է տոնում Իտալիայի առաջնությունում, այս անգամ թիմը 3:0 հաշվով հաղթեց «Պարմային»։ Առաջին հարվածը հասցրեց Բորխա Մայորալը, հետո ևս երկուսը՝ Հենրիխ Մխիթարյանը։

Էդին Ջեկոյի բացակայության պայմաններում (նա կորոնավիրուսի պատճառով դաշտ դուրս չէր եկել) այս խաղում Հենրիխ Մխիթարյանը դաշտի կենտրոնի հարձակումների հիմնական ավարտողն էր, հատկապես, որ «Պարման» անուշադրության էր մատնում տուգանային հրապարակի դիմացի հատվածը։ Առաջին անգամ Մխիթարյանը գոլ խփեց մոտ 25 մետրից, երկրորդ անգամ ամփոփեց Ռիկ Կարսդորպի հիանալի փոխանցումը։

Բոլոր երեք հարվածներն արվեցին արագ հարվածներից հետո. հռոմեացիները պատրաստվելու վրա ժամանակ գրեթե չէին ծախսում։ Երկրորդ խաղակեսում գոլեր չեղան։

Այնուամենայնիվ, հռոմեացիները մի քանի վտանգավոր հարձակում իրականացրին, ընդ որում՝ երկու դեպքում 4-5 հոգով լավ թիմային հարձակումներ արեցին, որոնցից մեկում Մխիթարյանը կրունկով հիանալի փոխանցում արեց Պեդրոյին։ Եվս մեկ դրվագում Մխիթարյանը ձախ թև անցավ ու գոլ խփեց դարպասի մոտակա անկյունը։

Հպարտանում եմ իմ հավաքականով. Հենրիխ Մխիթարյան

Այսպիսով՝ А սերիայի տուրերի վերջին հինգ խաղերում «Ռոման» չորս հաղթանակ է ունեցել ու մեկ ոչ-ոքի։ Այս խաղից հետո թիմը աղյուսակում երկրորդ տեղն է զբաղեցնում, այն «Միլանի» հետ 17-ական միավոր ունի։ Սակայն Միալնը դեռ պետք է խաղա «Նապոլիի» հետ, որը նույնպես մոտ է առաջատարներին (14 միավոր)։ Առաջին տեղում է «Սասուոլոն», որը 18 միավոր ունի։

Իտալիայի 20/21 թվականների առաջնությունում Մխիթարյանը հինգ գոլի հեղինակ է դարձել, ընդ որում՝ վերջին երկու խաղերում (նախորդ տուրում նա հեթ-տրիկ է արել)։ բացի այդ, Հենրիխը չորս գոլային փոխանցում է արել ու այդ ցուցանիշով առաջատարն է А Սերիայում։

Եվրոպայի լիգայի երեք խաղերում Մխիթարյանը մեկ գոլ է խփել ու մեկ փոխանցում է արել։

«Իմ ազգի համար». հաղթական խաղից հետո Մխիթարյանը լուսանկար է հրապարակել

170
թեգերը:
ֆուտբոլ, Հենրիխ Մխիթարյան, «Ռոմա» ֆուտբոլային ակումբ
Ըստ թեմայի
«Առա՛ջ, «Ռոմա», առա՛ջ, Հայաստան». Մխիթարյանի լուսանկարը «գայլերի» հաղթանակից հետո
Հենրիխ Մխիթարյանը միանգամից 3 գոլի հեղինակ դարձավ մեկ խաղում. տեսանյութ
«Ռոման» չի թույլատրել Հենրիխ Մխիթարյանին միանալ ազգային հավաքականին
Արմեն Մելիքբեկյան

Հավաքականը նոր տեխնիկական տնօրեն կունենա. ՀՖՖ նախագահը խոսեց հաջողությունների մասին

41
(Թարմացված է 18:36 04.12.2020)
Հայաստանի ազգային հավաքականի հաղթանակն Ազգերի լիգայի C խմբային փուլում մեր ֆուտբոլային գերատեսչության միակ հաջողությունը չէ։

ԵՐԵՎԱՆ, 4 դեկտեմբերի – Sputnik. Ազգերի լիգայում խմբային փուլի Հայաստանի ազգային հավաքականի հաղթանակը պատմական արդյունք էր, որին դժվարին պայմաններում մեր ընտրանին կարողացավ հասնել` հաղթահարելով և՛ մրցակցի դիմադրությունը, և՛ Covid 19-ի արգելքը։

Նման կարծիք հայտնեց Հայաստանի ֆուտբոլի ֆեդերացիայի նախագահ Արմեն Մելիքբեկյանն այսօր կայացած առցանց ասուլիսում։

«Ես շնորհակալ եմ բոլոր նրանց, ովքեր կապ են ունեցել մեր հավաքականի հետ, ովքեր երկրպագել են մեր թիմին։ Մենք շատ կարևոր հաղթանակ տարանք աննախադեպ դժվարին իրավիճակում», - ասաց Մելիքբեկյանը։

Նշենք, որ Ազգերի լիգայի խմբային փուլում մեր ընտրանու կազմում իրենց դեբյուտը նշանավորեցին շատ ֆուտբոլիստներ, որոնցից շատերը հանդես են գալիս արտասահմանում։

«Հավաքականում կան բավականին շատ նորեկներ։ Անընդհատ նոր խաղացողներ ներգրավել հնարավոր չէ։ Բայց մենք նպատակային այդ աշխատանքին հետամուտ ենք լինելու։ Հիմա էլ ունենք նոր ֆուտբոլիստների ցուցակ, որոնց հետ բանակցում ենք և բանակցելու ենք։ Բայց նկատեմ, որ ամեն ինչ կախված է հավաքականի գլխավոր մարզչից, որը պետք է ընտրություն կատարի խաղային տարբեր դիրքերում նոր ֆուտբոլիստներ փորձարկելու համար», - նկատեց ՀՖՖ նախագահը։

Խորեն Բայրամյանը ճանաչվել է լավագույն ֆուտբոլիստ

2020 թվականին դեկտեմբերի 31-ին ավարտվում է ՀՖՖ-ի և հավաքական թիմերի տեխնիկական տնօրեն, իսպանացի մասնագետ Խինես Մելենդեսի միջև գործող պայմանագիրը։

«Խինես Մելենդեսի աշխատանքի օրոք հայկական ֆուտբոլը իմիջ ձեռք բերեց։ Հասանք մեծ հաջողությունների մարզչական կրթվածությունն էլ ավելի բարձր մակարդակի հասցնելու հարցում։ Տարբեր դասախոսությունների միջոցով արդեն հայերեն լեզվով ունենք հարյուրավոր էջեր, որոնք ուսումնասիրելու շնորհիվ հաջողություններն ավելացան ու դարձան նկատելի», - նշեց Մելիքբեկյանը։

Նոր տեխնիկական տնօրենի անունը, նրա խոսքով,  հայտնի կլինի 2021 թվականի սկզբին։

Հայաստանի առաջնության ամենացավոտ հարցը շարունակում է մնալ մրցավարությունը, որի շուրջ դժգոհությունների ալիք բարձրանում է համարյա ամեն տուրից հետո։

«Մենք տարբեր երկրների՝ Վրաստանի, Ղազախստանի, Բելառուսի հետ արդեն որոշակի պայմանավորվածություններ ունեինք մրցավարական անձնակազմների փոխանակման հետ կապված։ Իհարկե այդ դեպքում մեր մրցավարները շատ լավ փորձ ձեռք կբերեին։ Բայց կորոնավիրուսի պատճառով այդ ծրագրերը կյանքի կոչել չկարողացանք։ Եկող տարվա սկզբից նորից այդ ուղղությամբ աշխատանքները շարունակվելու են» - ասեց ՀՖՖ նախագահը։

Մելիքբեկյանի խոսքով` VAR համակարգը շատ հարցերի պատասխան կարող է տալ Հայաստանում, և այդ ուղղությամբ էլ 2021 թվականի սկզբից աշխատանքներ են տարվելու, որպեսզի VAR համակարգը հնարավոր լինի ներդնել առաջնության խաղերի համար։

ՈւԵՖԱ-ն թույլ է տվել հանդիպումներ անցկացնել Հայաստանում ու Ադրբեջանում

Հիշեցնենք` Ազգերի լիգայի երկրորդ խաղարկության C լիգայի խմբային փուլում Հայաստանի հավաքականը վերջին երկու խաղերում` նոյեմբերի 15-ին և 18-ին, հաղթանակի հասավ Վրաստանի (2։1) և Հյուսիսային Մակեդոնիայի (1։0) հավաքականների նկատմամբ և խմբում զբաղեցրեց առաջին հորիզոնականը։

41
թեգերը:
Հայաստանի ազգային հավաքական, ֆուտբոլիստ, ֆուտբոլ, ՀՖՖ, Արմեն Մելիքբեկյան
Ըստ թեմայի
Փաշինյանն ընդունել է Ջորկաեֆներին. եղբայրներն ասել են` ինչու են եկել Հայաստան
Յուրի Ջորկաեֆը Հայաստանի ազգային հավաքականի մարզաշապիկ է նվեր ստացել
«Յանգ Բոյզի» պաշտպանը բռունցքով հարվածել է Հենրիխ Մխիթարյանին ու հեռացվել խաղադաշտից
Մոհամեդ Կամարան բռունցքով հարվածեց Մխիթարյանին և հեռացվեց խաղադաշտից:

«Յանգ Բոյզի» պաշտպանը բռունցքով հարվածել է Հենրիխ Մխիթարյանին ու հեռացվել խաղադաշտից

371
(Թարմացված է 11:28 04.12.2020)
Մխիթարյանը պայքար էր մղում գնդակի համար և ոչ մի ագրեսիվ գործողություն չէր ցուցաբերում Գվինեան ներկայացնող ֆուտբոլիստի նկատմամբ:

ԵՐԵՎԱՆ, 4 նոյեմբերի - Sputnik. Եվրոպա լիգայի խմբային փուլի 5-րդ տուրի շրջանակում «Ռոման» երեկ հյուրընկալել էր «Յանգ Բոյզին»։ 

Հայաստանի հավաքականի ավագ Հենրիխ Մխիթարյանը երկրորդ խաղակեսում փոխարինման մտավ:

83-րդ րոպեին «Յանգ Բոյզի» պաշտպան Մոհամեդ Կամարան բռունցքով հարվածեց Մխիթարյանին և հեռացվեց խաղադաշտից:

Նշենք, որ այդ դրվագում Հենրիխը պայքար էր մղում գնդակի համար և ոչ մի ագրեսիվ գործողություն չէր ցուցաբերում Գվինեան ներկայացնող ֆուտբոլիստի նկատմամբ:

Հանդիպումն ավարտվեց «Ռոմայի» հաղթանակով՝ 3-1։

Хорватский судья Фран Йович показывает красную карточку защитнику Янг Бойз Мохаммеду Али Камаре во время футбольного матча группы А Лиги Европы УЕФА между командами Рим - Янг Бойз (3 декабря 2020). Рим
© AFP 2020 / ALBERTO PIZZOLI
Մոհամեդ Կամարան բռունցքով հարվածեց Մխիթարյանին և հեռացվեց խաղադաշտից:
371
թեգերը:
Հենրիխ Մխիթարյան, ֆուտբոլ
թեմա:
Հենրիխ Մխիթարյան
Ըստ թեմայի
«Ռոմայի» մարզիչը խոսել է Հենրիխ Մխիթարյանի խաղի մասին
Հենրիխ Մխիթարյանն իր երկու գոլը նվիրել է հայ հերոսներին. լուսանկար
Հենրիխ Մխիթարյանն ընդգրկվել է իտալական Ա Սերիայի խորհրդանշական հավաքականում
Երևան, բողոքի ակցիա

Այս իրավիճակում արտահերթ ընտրություններ անելը սխալ է. Ռոբերտ Քոչարյան

0
(Թարմացված է 00:02 05.12.2020)
2-րդ նախագահի կարծիքով՝ Նիկոլ Փաշինյանն այսօր մարմնավորում է մեր պարտությունն ու ամեն անգամ ցավ պատճառում ժողովրդին։

ԵՐԵՎԱՆ, 4 դեկտեմբերի - Sputnik. Երկրում ստեղծված լարված իրավիճակում արագ արտահերթ ընտրություններ անելը սխալ է։ «5 -րդ ալիքի» հետ հարցազրույցում նման կարծիք հայտնեց ՀՀ երկրորդ նախագահ Ռոբերտ Քոչարյանը։ Նշում է՝ արդեն մի անգամ տեսանք, թե «էյֆորիայի տակ» անցկացված ընտրություններն ինչ արդյունք ունեցան։ Սակայն շեշտում է՝ այս իշխանությունն այլևս լեգիտիմ չէ, իսկ խորհրդարանն էլ չի արտացոլում ժողովրդի կարծիքը։ Նա ողջունեց ընդդիմադիրների որոշումն ու Վազգեն Մանուկյանի թեկնածությունը՝ վարչապետի պաշտոնում։

«Սա պաշտոնի կռիվ չէ։ Ես չեմ նախանձում որևէ մեկին, որն այս մեկ տարվա ընթացքում պետք է մտնի այդ անցումային կառավարության մեջ։ Չեմ նախանձում որևէ մեկին և առաջին հերթին՝ Վազգեն Մանուկյանին։ Սա մի առաքելություն է, որը պետք է կարողանան իրենք պատվով կատարել, և նա այն մարդն է, որն իր անցած ճանապարհով հույս է ներշնչում, որ ի վիճակի է դա անել»,- նշեց Ռոբերտ Քոչարյանն ու կոչ արեց իր կողմնակիցներին ակտիվ մասնակցել քաղաքական այն գործընթացներին, որոնք ուղղված են ներկա իշխանությանը պաշտոնանկ անելուն։

Ասում է, որ պատմության մեջ միայն մեկ դեպք է հիշում, երբ պետությունը պարտվել է, և իշխանությունը չի փոխվել։ Խոսքն իրաքյան առաջին պատերազմի և Սադամ Հուսեինի մասին է։ Ընդգծում է՝ նրա համար ամեն ինչ վատ ավարտվեց, ի վերջո՝ կախաղան հանվեց։

«Պարտված իշխանությունը, կապիտուլյացիա ստորագրած իշխանությունը պետք է փոխվի։ Պետք է փոխվի հենց հանուն այդ ժողովրդի։ Այսօր վարչապետի դեմքը մարմնավորում է մեր այս խայտառակ պարտությունը։ Հոգեբանները լավ գիտեն, որ երբ հանցագործի նկարը ցույց են տալիս զոհին, նույնիսկ նկարը նայելով՝ զոհը գրեթե նույն ցավն է ապրում։ Հիմա մեր վարչապետի դեմքն այդ ցավն է, մենք հիմա դատապարտվա՞ծ ենք ամեն օր այդ ցավը վերապրել»,- ասաց պաշտոնաթող նախագահը։

«Եթե ես լինեի, պատերազմ չէր սկսվի». Ռոբերտ Քոչարյան

Ընդգծում է՝ եթե Նիկոլ Փաշինյանի անվտանգության երաշխիքներ են պետք, ապա նաև պետք է ասի այդ «հումանիտար միջանցքի» մասին։

Նշենք, որ նոյեմբերի 9–ի եռակողմ հայտարարությունից հետո Երևանում պարբերեբար բողոքի ակցիաններ են տեղի ունենում ՀՀ վարչապետ Նիկոլ Փաշինյանի հրաժարականի պահանջով։ Դեկտեմբերի 3–ին ընդդիմադիր կուսակցությունները հայտարարեցին, որ անցումային կառավարության վարչապետի իրենց միասնական թեկնածուն Վազգեն Մանուկյանն է։

0
թեգերը:
Նիկոլ Փաշինյան, Վազգեն Մանուկյան, Ընտրություններ, Արցախյան պատերազմ, Ռոբերտ Քոչարյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ինչո՞ւ Ադրբեջանը չէր համաձայնում զինադադարների. պարզաբանում է Ռոբերտ Քոչարյանը
Ադրբեջանը ՄԻԵԴ-ին առաջին անգամ տրամադրել է գերիների մասին տեղեկություն
Արայիկ Հարությունյանը չի համաձայնել հանդիպել Ռոբերտ Քոչարյանի հետ. ասել է՝ «իրեն կուտեն»