Футбольный матч Лиги Европы между сборными Армении и Грузии (15 ноября 2020). Тбилиси

Կորոնավիրուսը փորձում է խանգարել. ֆուտբոլիստներից շատերը չեն մասնակցի հավաքականի խաղին

346
(Թարմացված է 16:38 18.11.2020)
Հայաստանի ֆուտբոլի ազգային հավաքականը շատ լավ հնարավորություն ունի Ազգերի լիգայի խաղարկության C լիգայի խմբային փուլում հաղթող ճանաչվելու, եթե կորոնավիրուսը չխանգարի։

ԵՐԵՎԱՆ, 18 նոյեմբերի- Sputnik. C լիգայի խմբային փուլի վերջին խաղին` Հայաստան–Հյուսիսային Մակեդոնիա հանդիպմանը, մեր հավաքականի կազմում կորոնավիրուսով վարակված լինելու պատճառով խաղադաշտ դուրս չեն գա Գևորգ Ղազարյանը, Սարգիս Ադամյանը, Անդրե Կալիսիրը և Գրիգոր Մելիքսեթյանը։

Նոյեմբերի 15-ին Հայաստանի ընտրանին մրցակցի հարկի տակ շատ կարևոր հաղթանակ տոնեց Վրաստանի հավաքականի նկատմամբ։ Մեր թիմի կազմում գոլով աչքի ընկան Գևորգ Ղազարյանն ու Սարգիս Ադամյանը։ Այդ խաղին էլ մեր ընտրանուն կորոնավիրուսի պատճառով հնարավորություն չունեցան օգնել Արսեն Բեգլարյանը, Անատոլի Այվազովը, Ռոբերտ Հակոբյանը, Աղվան Պապիկյանը և Էդգար Բաբայանը:

Ինչպես արդեն տեղեկացրել էինք, այս խաղերին չի մասնակցում նաև թիմի ավագ Հենրիխ Մխիթարյանը, քանի որ իտալական «Ռոման», որի կազմում հանդես է գալիս նա, գրություն էր ուղարկել ՀՖՖ` խնդրելով ազատել հայ  ֆուտբոլիստին հավաքականին միանալու հնարավորությունից, քանի որ ջալոռոսիների կազմում հանդես եկողներից մեկի թեստը դրական է եղել։

Վնասվածքի պատճառով թե՛ նախորդ, թե՛ այս խաղից բացակայում է նաև Խորեն Բայրամյանը։

Ստացվում է, որ տասը ֆուտբոլիստ չեն կարողանում մասնակցել մեր ընտրանու խաղերին։ Այսինքն` մի ամբողջ կազմ։ Բայց Հայաստան – Հյուսիսային Մակեդոնիա խաղը կայանալու է, ու հաղթանակի հասնելու առաջադրանքը չի փոխվելու։ Իսկ ինչպես կա՞րելի է հասնել այդ հաղթանակին։

Հայաստանի ազգային հավաքականի նախկին պաշտպան Ալեքսանդր Թադևոսյանը, որը 41 անգամ խաղադաշտ է դուրս եկել մեր ընտրանու կազմում, կարծում է, որ մեր թիմի համար դժվար է լինելու, բայց անհնարին ոչինչ չկա։ «Հաշվի առնելով, որ առաջատար ֆուտբոլիստներից շատերը բացակայում են, հոգեբանորեն իրոք դժվար է մյուսների համար, բայց հավաքական հրավիրված ֆուտբոլիստներից յուրաքանչյուրը լավագույններից մեկն է համարվում իր դիրքում։ Պետք է  տրամադրվել ու դուրս գալ խաղադաշտ խնդիրը լուծելու համար։ Այսպիսի պայմաններում նրանք, ովքեր փոխարինման էին դուրս գալիս, հնարավորություն ունեն խաղալու մեկնարկային կազմում, ու պետք է ապացուցեն, որ արժանի են հավաքականում խաղալուն»,– ասեց Թադևոսյանը։

Բացասական էներգիայի ուժը, կամ եկեք հավատանք հաղթանակի ուժին

Նա նշում է, որ Վրաստանին հաղթելուց հետո մեր թիմում բարձր տրամադրություն է տիրում։ Եվ մարզչին էլ պետք է կարողանա տղաներին փոխանցել մեծ վստահություն, որ իրենք կարող են հասնել արդյունքի։ Թադևոսյանն ընդգծում է, որ մակեդոնաիցներն այնպես չէ, որ շատ ուժեղ մրցակից են, բայց նրանց հետ խաղում պետք է զգույշ լինել ու օգտագործել ստացված հնարավորությունը` արդյունքի հասնելու համար։

Որո՞նք են մրցակցի ուժեղ և թույլ կողմերը։ Ինչպե՞ս մեր թիմը կարող է հասնել արդյունքի։  Հավաքականի նախկին կիսապաշտպան Արթուր Եդիգարյանը գտնում է, որ հոգեբանական վիճակը մեր թիմի համար հիմա ամենակարևոր գործոնն է։ «2014 թվականին էլ նման խաղ եղավ։ Սերբիայի հավաքականի հետ հանդիպմանը չէին մասնակցում Մխիթարյանը, Մովսիսյանը, Ղազարյանը, բայց մենք շատ լավ խաղացինք ու ավելի մոտ էինք հաղթանակին, քան մրցակիցը։ Ես համոզված եմ, որ մրցակցի խաղն ուսումնասիրվել է։ Ինչ- որ լուրջ տակտիկական խնդիր չեմ կարծում, որ մրցակիցը կարող է առաջացնել»,–ասաց նա։ Եդիգարյանը նշում է, որ իր տեղեկություններով` մակեդոնացիների կազմում էլ յոթ ֆուտբոլիստ բացակայելու են ու կրկին կորոնավիրուսի պատճառով։

«Իրենք հիմնականում ապավինում են երկար փոխանցումներին, կարծես սպասում են մերոնց սխալվելուն, ու մերոնք պետք է պատրաստ լինեն դրան։ Այդ առումով Անդրե Կալիսիրի բացակայությունը էական է, բայց դե ունենք նաև այլ լավ ֆուտբոլիստներ»,- ասեց Եդիգարյանը։

Հավաքականի նախկին կիսապաշտպան Արամ Հակոբյանն էլ գտնում է, որ մարզչի գործոնը շատ կարևոր է ստեղծված իրավիճակում։

«Հավաքական հրավիրվում են լավագույնները։ Հասկանալի է, որ առաջատար խաղացողների բացակայությունը զգացնել տալու է, բայց մարզիչը թիմ հրավիրում է ֆուտբոլիստների, որոնք կարող են փոխարինել այս կամ այն պատճառով շարքից դուրս մնացած խաղընկերոջը։ Ճիշտ է, դա ոչ միշտ համարժեք փոփոխություն կարող է լինել։ Լուրջ խնդիր է։ Հիշում եք` Իռլանդիա-Հայաստան խաղից առաջ ոչ ոք չէր մտածում, որ Բերեզովսկին կարող է խաղադաշտում չլինել։ Նա հեռացվեց, ու երիտասարդ Արսեն Պետրոսյանը իհարկե այդ խաղում չէր կարող համարժեք փոխարինել։ Հիմա էլ, Աստված մի արասցե ինչ- որ բան լինի Յուրչենկոյի հետ, ստիպված ենք լինելու խաղադաշտ դուրս բելել Վարդան Շահատունուն, որը այս կարգի խաղերի փորձ չունի»,– ասեց Հակոբյանը։

Այս հաղթանակը բոլորիդ համար է. Դավիթ Յուրչենկոն` վրացիներին պարտության մատնելու մասին

Նա նաև հիշեցնում է մակեդոնացիների հետ վերջին խաղը։ Մրցակիցը ոչ մի արտասովոր բան չարեց։ Երկու 11 մետրանոց, ու հաղթանակ։ Հակոբյանի կարծիքով` մերոնք պետք է շատ կարգապահ ֆուտբոլ խաղան ու մասքիմալ զերծ մնան սխալներից։ Մեր թիմի խաղը, նրա խոսքով, այս իրավիճակում կարող է կառուցվել հակագրոհների վրա։

Հավաքականի նախկին երեք ֆուտբոլիստներն էլ միակարծիք էին, որ մերոնք կարող են ու ձգտելու են հաղթել, որովհետև Արցախյան պատերազմի ընթացքում մեծ սթրես ապրած մեր ազգին հաղթանակներ են հարկավոր։

Հիշեցնենք, որ Հայաստան – Հյուսիսային Մակեդոնիա հանդիպումը կկայանա այսօր՝ նոյեմբերի 18-ին, Երևանի ժամանակով 21:00-ին՝ Կիպրոսի Նիկոսիա քաղաքի GSP մարզադաշտում:

346
թեգերը:
կորոնավիրուս, հաղթանակ, Գևորգ Ղազարյան, Սարգիս Ադամյան, Հենրիխ Մխիթարյան, Հայաստանի ազգային հավաքական, ֆուտբոլ, ՀՖՖ, ֆուտբոլիստ
Ըստ թեմայի
Թուրքեր և ադրբեջանցիներ չկան. ինչու է մեր հավաքականը Կիպրոսն ընտրել որպես «սեփական հարկ»
«Իմ ազգի համար». հաղթական խաղից հետո Մխիթարյանը լուսանկար է հրապարակել
Առանց Հենոյի ու Խորենի, բայց «գոլ խփողով». ի՞նչ ակնկալել նորեկներով լի ազգային հավաքականից
Արմեն Մելիքբեկյան

Հավաքականը նոր տեխնիկական տնօրեն կունենա. ՀՖՖ նախագահը խոսեց հաջողությունների մասին

42
(Թարմացված է 18:36 04.12.2020)
Հայաստանի ազգային հավաքականի հաղթանակն Ազգերի լիգայի C խմբային փուլում մեր ֆուտբոլային գերատեսչության միակ հաջողությունը չէ։

ԵՐԵՎԱՆ, 4 դեկտեմբերի – Sputnik. Ազգերի լիգայում խմբային փուլի Հայաստանի ազգային հավաքականի հաղթանակը պատմական արդյունք էր, որին դժվարին պայմաններում մեր ընտրանին կարողացավ հասնել` հաղթահարելով և՛ մրցակցի դիմադրությունը, և՛ Covid 19-ի արգելքը։

Նման կարծիք հայտնեց Հայաստանի ֆուտբոլի ֆեդերացիայի նախագահ Արմեն Մելիքբեկյանն այսօր կայացած առցանց ասուլիսում։

«Ես շնորհակալ եմ բոլոր նրանց, ովքեր կապ են ունեցել մեր հավաքականի հետ, ովքեր երկրպագել են մեր թիմին։ Մենք շատ կարևոր հաղթանակ տարանք աննախադեպ դժվարին իրավիճակում», - ասաց Մելիքբեկյանը։

Նշենք, որ Ազգերի լիգայի խմբային փուլում մեր ընտրանու կազմում իրենց դեբյուտը նշանավորեցին շատ ֆուտբոլիստներ, որոնցից շատերը հանդես են գալիս արտասահմանում։

«Հավաքականում կան բավականին շատ նորեկներ։ Անընդհատ նոր խաղացողներ ներգրավել հնարավոր չէ։ Բայց մենք նպատակային այդ աշխատանքին հետամուտ ենք լինելու։ Հիմա էլ ունենք նոր ֆուտբոլիստների ցուցակ, որոնց հետ բանակցում ենք և բանակցելու ենք։ Բայց նկատեմ, որ ամեն ինչ կախված է հավաքականի գլխավոր մարզչից, որը պետք է ընտրություն կատարի խաղային տարբեր դիրքերում նոր ֆուտբոլիստներ փորձարկելու համար», - նկատեց ՀՖՖ նախագահը։

Խորեն Բայրամյանը ճանաչվել է լավագույն ֆուտբոլիստ

2020 թվականին դեկտեմբերի 31-ին ավարտվում է ՀՖՖ-ի և հավաքական թիմերի տեխնիկական տնօրեն, իսպանացի մասնագետ Խինես Մելենդեսի միջև գործող պայմանագիրը։

«Խինես Մելենդեսի աշխատանքի օրոք հայկական ֆուտբոլը իմիջ ձեռք բերեց։ Հասանք մեծ հաջողությունների մարզչական կրթվածությունն էլ ավելի բարձր մակարդակի հասցնելու հարցում։ Տարբեր դասախոսությունների միջոցով արդեն հայերեն լեզվով ունենք հարյուրավոր էջեր, որոնք ուսումնասիրելու շնորհիվ հաջողություններն ավելացան ու դարձան նկատելի», - նշեց Մելիքբեկյանը։

Նոր տեխնիկական տնօրենի անունը, նրա խոսքով,  հայտնի կլինի 2021 թվականի սկզբին։

Հայաստանի առաջնության ամենացավոտ հարցը շարունակում է մնալ մրցավարությունը, որի շուրջ դժգոհությունների ալիք բարձրանում է համարյա ամեն տուրից հետո։

«Մենք տարբեր երկրների՝ Վրաստանի, Ղազախստանի, Բելառուսի հետ արդեն որոշակի պայմանավորվածություններ ունեինք մրցավարական անձնակազմների փոխանակման հետ կապված։ Իհարկե այդ դեպքում մեր մրցավարները շատ լավ փորձ ձեռք կբերեին։ Բայց կորոնավիրուսի պատճառով այդ ծրագրերը կյանքի կոչել չկարողացանք։ Եկող տարվա սկզբից նորից այդ ուղղությամբ աշխատանքները շարունակվելու են» - ասեց ՀՖՖ նախագահը։

Մելիքբեկյանի խոսքով` VAR համակարգը շատ հարցերի պատասխան կարող է տալ Հայաստանում, և այդ ուղղությամբ էլ 2021 թվականի սկզբից աշխատանքներ են տարվելու, որպեսզի VAR համակարգը հնարավոր լինի ներդնել առաջնության խաղերի համար։

ՈւԵՖԱ-ն թույլ է տվել հանդիպումներ անցկացնել Հայաստանում ու Ադրբեջանում

Հիշեցնենք` Ազգերի լիգայի երկրորդ խաղարկության C լիգայի խմբային փուլում Հայաստանի հավաքականը վերջին երկու խաղերում` նոյեմբերի 15-ին և 18-ին, հաղթանակի հասավ Վրաստանի (2։1) և Հյուսիսային Մակեդոնիայի (1։0) հավաքականների նկատմամբ և խմբում զբաղեցրեց առաջին հորիզոնականը։

42
թեգերը:
Հայաստանի ազգային հավաքական, ֆուտբոլիստ, ֆուտբոլ, ՀՖՖ, Արմեն Մելիքբեկյան
Ըստ թեմայի
Փաշինյանն ընդունել է Ջորկաեֆներին. եղբայրներն ասել են` ինչու են եկել Հայաստան
Յուրի Ջորկաեֆը Հայաստանի ազգային հավաքականի մարզաշապիկ է նվեր ստացել
«Յանգ Բոյզի» պաշտպանը բռունցքով հարվածել է Հենրիխ Մխիթարյանին ու հեռացվել խաղադաշտից
Մոհամեդ Կամարան բռունցքով հարվածեց Մխիթարյանին և հեռացվեց խաղադաշտից:

«Յանգ Բոյզի» պաշտպանը բռունցքով հարվածել է Հենրիխ Մխիթարյանին ու հեռացվել խաղադաշտից

379
(Թարմացված է 11:28 04.12.2020)
Մխիթարյանը պայքար էր մղում գնդակի համար և ոչ մի ագրեսիվ գործողություն չէր ցուցաբերում Գվինեան ներկայացնող ֆուտբոլիստի նկատմամբ:

ԵՐԵՎԱՆ, 4 նոյեմբերի - Sputnik. Եվրոպա լիգայի խմբային փուլի 5-րդ տուրի շրջանակում «Ռոման» երեկ հյուրընկալել էր «Յանգ Բոյզին»։ 

Հայաստանի հավաքականի ավագ Հենրիխ Մխիթարյանը երկրորդ խաղակեսում փոխարինման մտավ:

83-րդ րոպեին «Յանգ Բոյզի» պաշտպան Մոհամեդ Կամարան բռունցքով հարվածեց Մխիթարյանին և հեռացվեց խաղադաշտից:

Նշենք, որ այդ դրվագում Հենրիխը պայքար էր մղում գնդակի համար և ոչ մի ագրեսիվ գործողություն չէր ցուցաբերում Գվինեան ներկայացնող ֆուտբոլիստի նկատմամբ:

Հանդիպումն ավարտվեց «Ռոմայի» հաղթանակով՝ 3-1։

Хорватский судья Фран Йович показывает красную карточку защитнику Янг Бойз Мохаммеду Али Камаре во время футбольного матча группы А Лиги Европы УЕФА между командами Рим - Янг Бойз (3 декабря 2020). Рим
© AFP 2020 / ALBERTO PIZZOLI
Մոհամեդ Կամարան բռունցքով հարվածեց Մխիթարյանին և հեռացվեց խաղադաշտից:
379
թեգերը:
Հենրիխ Մխիթարյան, ֆուտբոլ
թեմա:
Հենրիխ Մխիթարյան
Ըստ թեմայի
«Ռոմայի» մարզիչը խոսել է Հենրիխ Մխիթարյանի խաղի մասին
Հենրիխ Մխիթարյանն իր երկու գոլը նվիրել է հայ հերոսներին. լուսանկար
Հենրիխ Մխիթարյանն ընդգրկվել է իտալական Ա Սերիայի խորհրդանշական հավաքականում
Ռոբերտ Քոչարյան

Հիմա Ռուսաստանի հետ ավելի խորը ինտեգրում է պետք. Ռոբերտ Քոչարյան

61
(Թարմացված է 00:24 05.12.2020)
Երկրորդ նախագահը վստահ է, որ ներկա իշխանությունները չեն կարող Ռուսաստանի հետ խորացնել հարաբերությունները։

ԵՐԵՎԱՆ, 5 դեկտեմբերի - Sputnik. Այս պատերազմում զինտեխնիկայի ահռելի մեծ կորուստներ ենք կրել։ Այդ ամենը սեփական ուժերով վերականգնելու և մարտունակ բանակ ունենալու հնարավորություն չունենք։ «5-րդ ալիքի» հետ հարցազրույցում ասեց ՀՀ երկրորդ նախագահ Ռոբերտ Քոչարյանը։

«Մենք այսօր նույնիսկ բանակ չունենք, որ Սյունիքում սահման պահի։ Գյուղացիները` աշխարհազորով, տղամարդկանցով հավաքված, գյուղի սահմանն են պահում՝ պետական սահմանը։ Ո՞ւր է մեր կառավարությունը։ Ադրբեջանցիներն այն կողմից գալիս են, սահման են գծում, մեր կողմից մեկը չկա, որ բանակցի, ասի՝ այս կողմից չէ, դա այն կողմն է։ Գյուղապետն է դա անում։ Սա՞ է կառավարությունը»,- վրդովված աաց նախագահն ու շեշտեց, որ այս ամենը բնականոն ընթացքի բերելու և բանակի մարտունակությունը վերականգնելու համար մեզ Ռուսաստանն է պետք։

Վստահ է, որ պետք է ավելի խոր ինտերգման բանաձևեր գտնել՝ նաև հաշվի առնելով Թուրքիայի գործոնը, որը փորձելու է հնարավորինս թուլացնել Հայաստանին։ Ուստի և՛ անվտանգության, և՛ տնտեսական ոլորտում Ռուսաստանի հետ հարաբերություններն ավելի պետք է զարգանան։

«Եթե ես լինեի, պատերազմ չէր սկսվի». Ռոբերտ Քոչարյան

«Բանակցելու հարց է...Եվ այստեղ պետք է լինի իշխանություն, որն ունի բացարձակ վստահություն Ռուսաստանի հետ հարաբերությունները ճիշտ կառուցելու համար։ Սա այն հանգամանքներից ևս մեկն է, որը ենթադրում է շատ արագ իշխանափոխություն, որ մենք կարողանանք սկսել այդ գործընթացը։ Մենք այսօր պաշտպանված չենք, և երկրորդ հարվածը ստանալու վտանգը, այո, կա»,- նշեց Քոչարյանը։

Վարչապետի հրահանգով անցկացված «օպերացիան» դարձավ պատերազմի ամենամեծ ձախողումը. Քոչարյան

Նա վստահ է՝ այս իշխանությունների հետ դա անհնար է։ Հիշեցրեց այն, որ ԱԱԾ նախկին պետ Արգիշտի Քարամյանի առջև խնդիր էր դրվել «ազատվել ռուսական գործակալներից»։ Ասում է՝ խոսքը Ռուսաստանում կրթություն ստացած մարդկանց մասին է։ Այս պայմաններում ինչպե՞ս կարող էին մեր երկրների հատուկ ծառայությունները համագործակցել։

61
թեգերը:
Ռուսաստան, Նիկոլ Փաշինյան, Հայաստան, Ռոբերտ Քոչարյան
թեմա:
Հայաստան-Ռուսաստան համագործակցություն
Ըստ թեմայի
Արայիկ Հարությունյանը չի համաձայնել հանդիպել Ռոբերտ Քոչարյանի հետ. ասել է՝ «իրեն կուտեն»
Ինչ հարաբերություններ ուներ Մանուկյանը «նախկինների» հետ, կամ պաշտոն ստանալու նուրբ արվեստը
«Փոքրիկ ծակոց»․ Կիսելյովը` Sputnik Լատվիայի և Baltnews-ի աշխատակիցների ձերբակալման մասին