Արխիվային լուսանկար

Մեր թիմը պետք է համախմբվի. ի՞նչ կլինի, եթե ֆուտբոլի ազգային հավաքականը պարտվի Թբիլիսիում

164
(Թարմացված է 19:32 14.11.2020)
Թբիլիսիում Ազգերի լիգայի Վրաստան – Հայաստան խաղից առաջ մամուլի ասուլիս են տվել մեր ընտրանու գլխավոր մարզիչ Խոակին Կապառոսը և կիսապաշտպան Գևորգ Ղազարյանը։

Երևան, 14 նոյեմբերի– Sputnik. Հենրիխ Մխիթարյանի և Խորեն Բայրամյանի բացակայության պայմաններում Հայաստանի հավաքականը վաղը Ազգերի լիգայի մրցաշարում անցկացնելու է առանցքային երկու հանդիպումներից առաջինը։ Վրաստանի ընտրանու դեմ մրցավեճում պարտվելու դեպքում մեր ընտրանին կզրկվի խմբում հաղթելու բոլոր հնարավորություններից։ Հետևաբար, հիմա մեր թիմը մտածում և պատրաստվում է հենց վրացիների դեմ խաղին։ Լրագրողների հետ զրույցում նման հայտարարություն արեց ֆուտբոլի Հայաստանի ազգային հավաքականի կիսապաշտպան Գևորգ Ղազարյանը։

«Հենրիխի բացակայության պայմաններում մեր թիմը պետք է համախմբվի, ու բոլորը իրենց խաղային դիրքերում պետք է իրենց դրսևորեն որպես առաջատար։ Մենք թիմային խաղով ու կարգապահությամբ պետք է կարողանանք հաղթահարել վաղվա խաղի արգելքները։ Ինչ մնում է արդյունքին, ապա ես հավատում եմ, որ մենք ի զորու ենք հաղթել և՛ Վրաստանի, և՛ Հյուսիսային Մակեդոնիայի հավաքականին» - նշեց Ղազարյանը։

Հերթական անգամ ընտրական խաղից առաջ տարբեր պատճառներով հնարավոր չի եղել ընտրել թիմի կազմի լավագույն տարբերակը։ Հայաստանի հավաքականի գլխավոր մարզիչ Խոակին Կապառոսը նշեց, որ հաղթելու համար հարկավոր է գոլ խփել, և այդ առումով Սարգիս Ադամյանի ներկայություւնը կարող է ապահովել մեր թիմի արդյունավետությունը։

«Սարգիս Ադամյանի որականերով ֆուտբոլիստ ունենալը շատ կարևոր է մեզ համար։ Նա շատ լավ հարձակվող է, ու ունի որակներ յուրաքանչյուր պահի արդյունքի հասնելու համար։ Ես չեմ կարող ասել` ում ենք վաղը ընտրելու մեր մեկնարկային կազմերում. Սարգիս Ադամյանի՞ն, թե՞ Ալեքսանդր Կարապետյանին։ Դրա համար դեռ ժամանակ ունենք, կարևորն այն է, որ մենք ընտրության հնարավորություն ունենք»,-ընդգծեց Կապառոսը։

Նա նշեց, որ Վրաստանի և Էստոնիայի հավաքականների հետ խաղերում մեր ընտրանին կարողացավ առաջինը հասնել հաջողության, բայց հաղթանակի հասնել չհաջողվեց։

«Ռոման» չի թույլատրել Հենրիխ Մխիթարյանին միանալ ազգային հավաքականին

«Մենք ռեալ հնարավորոթյուն ենք ունեցել հաղթելու այդ խաղերում, բայց դե ֆուտբոլ է, և բոլոր խաղերն էլ իրարից տարբերվում են։ Բացառություն չէ նաև վաղվա հանդիպումը։ Վրաստանի հավաքականը ուժեղ մրցակից է, և մենք հարգանքով ենք վերաբերվում մեր մրցակցին ու նախապատրաստվել ենք վաղվա խաղին։ Կաշխատենք արդեն մրցակցին թույլ չտալ օգտվելու մեր սխալներից» - ասեց Կապարոսը։

Հիշեցնենք` Վրաստան - Հայաստան խաղը տեղի կունենա նոյեմբերի 15-ին՝ Երևանի ժամանակով ժամը 21:00-ին, Թբիլիսիի «Դինամո» մարզադաշտում: 3 օր անց Խոակին Կապառոսի գլխավորած թիմը Կիպրոսի մայրաքաղաք Նիկոսիայի GSP ստադիոնում կմրցի Հյուսիսային Մակեդոնիայի հավաքականի հետ:

Դիտարժան ֆուտբոլ. Հայաստան - Էստոնիա հանդիպումը` լուսանկարներում

164
թեգերը:
Գևորգ Ղազարյան, Խոակին Կապառոս, Հայաստանի ազգային հավաքական, ֆուտբոլ
Ըստ թեմայի
Ե՛վ մրցակիցներ, և՛ ընկերներ. հայերն ու վրացիները փորձելու են ապացուցել` ով է ավելի ուժեղ
Հայաստան-Վրաստան խաղն ավարտվեց. Ազգերի լիգայում ամեն ինչ առջևում է
Թուրքեր և ադրբեջանցիներ չկան. ինչու է մեր հավաքականը Կիպրոսն ընտրել որպես «սեփական հարկ»
Յուրի Ջորկաեֆ

Յուրի Ջորկաեֆը Հայաստանի ազգային հավաքականի մարզաշապիկ է նվեր ստացել

17
(Թարմացված է 16:47 01.12.2020)
Արմեն Մելիքբեկյանն ու Ջորկաեֆ եղբայրները ՀՖՖ-ի և ՖԻՖԱ-ի հիմնադրամի հետագա համագործակցության հետ կապված մի շարք հարցեր են քննարկել։

ԵՐԵՎԱՆ, 1 դեկտեմբերի – Sputnik. Հայաստանի ֆուտբոլի ֆեդերացիայի նախագահ Արմեն Մելիքբեկյանը հանդիպել է Յուրի Ջորկաեֆի հետ։ Տեղեկությունը հայտնում է ՀՖՖ մամուլի ծառայությունը։

Յուրի Ջորկաեֆը աշխարհահռչակ ֆուտբոլիստ է, աշխարհի 1998 թ. և Եվրոպայի 2000 թ. չեմպիոն, հանդիսանում է ՖԻՖԱ-ի հիմնադրամի գործադիր տնօրենը:

Հանդիմանը ներկա է եղել նաև Դենիս Ջորկաեֆը, որը ֆրանսիական Դեսին քաղաքի փոխքաղաքապետն է և ՀՖՖ նախագահի՝ միջազգային հարցերով խորհրդականը:

Հանդիպման ընթացքում Արմեն Մելիքբեկյանը և Ջորկաեֆ եղբայրները քննարկել են ՀՖՖ-ի և ՖԻՖԱ-ի հիմնադրամի հետագա համագործակցության հետ կապված մի շարք հարցեր, զրուցել են հայկական ֆուտբոլի զարգացման հեռանկարների շուրջ:

Մելիքբեկյանը Յուրի Ջորկաեֆին նվիրել է Հայաստանի ազգային հավաքականի 6, իսկ Դենիս Ջորկաեֆին՝ 10 համարի անվանական մարզաշապիկներ:

17
թեգերը:
մարզաշապիկ, Հայաստան, Արմեն Մելիքբեկյան, Յուրի Ջորկաեֆ
Ըստ թեմայի
Ջորկաեֆի դպրոցական շարադրությունը կամ ինչու՞ Թուրքիան չսիրեց տաղանդավոր ֆուտբոլիստին
«Միայն դուք կարող եք օգնել հայ ժողովրդին». Դենիս Ջորկաեֆը տեսաուղերձով դիմել է Մակրոնին
ՀՀ–ն սփյուռքին է պետք, սփյուռքը՝ հայրենիքին. Ջորկաեֆները հանդիպել են Զարեհ Սինանյանին
Ընմշամարտի մեր հավաքականը

Մրցումային «քաղց»` նախաօլիմպիական շրջանում. ըմբիշները պատրաստվում են աշխարհի գավաթին

15
Հայաստանի Հունահռոմեական ոճի ըմբշամարտի հավաքականի մեր ըմբիշները պայքարի մեջ են մտնելու աշխարհի անհատական գավաթի խաղարկության բոլոր տասը քաշային կարգերում։ Sputnik Արմենիան ներկա է գտնվել նրանց մարզումներին։

ԵՐԵՎԱՆ, 1 դեկտեմբերի – Sputnik. Հայաստանի Հունահռոմեական ոճի ըմբշամարտի հավաքականի մարզչական շտաբը հրապարակեց այն ըմբիշների անունները, որոնք դեկտեմբերի 12–18 Բելգրադում կպայքարեն աշխարհի անհատական գավաթի համար։ Օլիմպիական չեմպիոն Արթուր Ալեքսանյանը մեր ընտրանու կազմում է։

Կորոնավիրուսի պատճառով արդեն տասը ամիս է, ինչ ըմբիշները ոչ մի մրցման չեն մասնակցել, շատ հաճախ էլ մարզվել են անհատական ծրագրով։ Հետևաբար մեր մարզիկները մրցումային «քաղց» ունեն նախաօլիմպիական ժամանակահատվածում։ Չէ, որ Տոկիոյի օլիմպիադայի վարկանիշային մրցաշարերը համավարակի պատճառով արդեն մի քանի անգամ հետաձգվել են։ Եվ այդ առումով առաջիկա մրցաշարը կարևոր է բոլոր ըմբիշների համար։

Հավաքականի մարզիչ Գևորգ Ալեքսանյանը Sputnik Արմենիայի գետ զրույցում ասում է, որ կարևոր է պարզապես հասկանալ, թե ինչ կարողություն ունեն մեր ըմբիշներն այս պահին։ «Թեկուզ աշխարհի անհատական գավաթի խաղարկությունը օլիմպիական վարկանիշ չի էլ տալիս, բացի այդ, այս մրցումների համար նույնիսկ պարգևավճարներ նախատեսված չեն  հաղթողներին, միևնույնն է մեր տղաներին մրցումային փորձ է հարկավոր։ Եվ այդ առումով այս մրցաշարը մեզ համար շատ կարևոր է»,–ասում է Ալեքսանյանը։

Այսպիսով, Սերբիայի մայրաքաղաք են մեկնելու տասը  ըմբշամարտիկներ` 55 կգ քաշային կարգի Ռուդիկ Մկրտչյանը, 60 կգ՝ Արմեն Մելիքյանը, 63 կգ՝ Գևորգ Ղարիբյանը, 67 կգ՝ Սլավիկ Գալստյանը, 72 կգ քաշային կարգի Մալխաս Ամոյանը, 77 կգ՝ Կարապետ Չալյանը, 87 կգ՝ Արթուր Շահինյանը, 97 կգ քաշային կարգի Արթուր Ալեքսանյանը, 130 կգ՝ Դավիթ Օվասապյանը։ 82 կգ քաշային կարգում հանդես եկող ըմբիշի անունը հայտնի կդառնա մոտ օրերս։  

5 ռեկորդ մեկ օրում. Յուրի Վարդանյանը մոսկովյան օլիմպիադայի թանկարժեք ադամանդն էր

Հետաքրքիր է, որ հավաքականի հետ մարզվում էր Լոնդոնի օլիմպիական խաղերի բրոնզե մեդալակիր Յուրի Պատրիկեևը։ «Յուրան անկասկած մեծ փորձ ունի, և հիմա նրա մարզվելը մեր թիմի հետ նպաստավոր եմ համարում։ Երբեմն մարզիկի խորհուրդն իր թիմակցին շատ կարևոր նշանակություն կարող է ունենալ։ Մեր գերծանր քաշային Դավիթ Օվասապյանի համար Պատրիկևի խորհուրդները շատ արժեքավոր կլինեն»,– նշեց Գևորգ Ալեքսանյանը։

Մեր հերոսը. Արթուր Ալեքսանյանը աշխարհի լավագույն ըմբշամարտիկներից մեկն է

Հավելենք, որ հավաքականի գլխավոր մարզիչ Էդուարդ Սահակյանը վարակվել է կորոնավիրուսով և հիմա բուժում է ստանում։ Այսինքն` հավաքականը Բելգրադ կարող է մեկնել առանց գլխավոր մարզչի։ Մյուս կողմից էլ չի բացառվում, որ Բելգրադում անցկացվելիք մրցաշարն էլ կարող է չեղարկվել, քանի ոչ Սերբիայում Covid-19 –ը բավականին արագ տարածում է ստանում, և դրա դեմ պայքարը գնալով խստանում է։

15
թեգերը:
օլիմպիադա, Օլիմպիական խաղեր, Արթուր Ալեքսանյան, Ըմբշամարտի աշխարհի առաջնություն, ըմբշամարտիկ
Ըստ թեմայի
Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին
Ռուսաստանցի ըմբշամարտիկ Էդուարդ Վարդանյանը մեկնել է Արցախ
«Մենք չենք նահանջել, մեր փոխարեն որոշել են». ըմբիշ Միհրան Հարությունյանը` պատերազմի մասին
Բաքու, շքերթ, արխիվային լուսանկար

Բաքուն վստահեցնում է, որ հայ ռազմագերիների մասնակցությամբ շքերթ չի ծրագրում

0
(Թարմացված է 18:50 01.12.2020)
Ադրբեջանի համապատասխան հանձնաժողովը հայտարարել է, որ ռազմագերիների ու պատանդների փոխանակման հարցում «բոլորը բոլորի դիմաց» սկզբունքի կողմնակից է։

ԵՐԵՎԱՆ, 1 դեկտեմբերի — Sputnik. Բաքվում բացառում են հայ ռազմագերիների մասնակցությամբ շքերթի կազմակերպումը։ Տեղեկությունը հայտնում է ՌԻԱ Նովոստին՝ հղում անելով Ադրբեջանի գերիների ու անհետ կորած քաղաքացիների հարցերով պետական հանձնաժողովին։

Նշվում է, որ սոցցանցերում շրջանառվող տեղեկությունը, թե Ադրբեջանը մտադիր է նվաստացնել հայ ռազմագերիների պատիվն ու արժանապատվությունը Բաքվում կայանալիք շքերթի ընթացքում, չի համապատասխանում իրականությանը։

Բաքվում վստահեցրել են նաև, որ ռազմագերիների ու պատանդների փոխանակման հարցում «բոլորը բոլորի դիմաց» սկզբունքի կողմնակից են։

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը նոյեմբերի 27-ին հայտնեց, որ բաց տեսանյութերի վերլուծության հիման վրա հայկական կողմը մոտ 50-60 ռազմագերու վերաբերյալ տվյալներ ունի, բայց 30-ի ինքնությունն են կարողացել պարզել:

0
թեգերը:
Բաքու, գերի, Ադրբեջան