Հայաստանի ֆուտբոլի հավաքական

Թուրքեր և ադրբեջանցիներ չկան. ինչու է մեր հավաքականը Կիպրոսն ընտրել որպես «սեփական հարկ»

314
(Թարմացված է 08:34 06.11.2020)
Քանի դեռ պատերազմն Արցախում շարունակվում է, ՈւԵՖԱ-ի ժամանակավոր արգելքը` Հայաստանի և Ադրբեջանի ազգային հավաքականներին սեփական հարկի տակ խաղեր չանցկացնելու, շարունակում է գործել։ Մեր ընտրանու հաջորդ «սեփական հարկը» Կիպրոսն է։

ԵՐԵՎԱՆ 5 նոյեմբերի - Sputnik. Հայաստանի ֆուտբոլի ազգային հավաքականը, ինչպես նաև երիտասարդական հավաքականը, նոյեմբերի ամսին սեփական հարկի տակ անցկացվելիք հանդիպումները կանցկացնեն Կիպրոսում։

Ի տարբերություն Հայաստանի ֆուտբոլի ազգային  հավաքականի, որը Ազգերի լիգայի մրցաշարում առանցքային հանդիպումներ է անցկացնելու, ու լավ հնարավորություն ունի խմբում վերջնական հաղթանակի հասնելու համար, երիտասարդական հավաքականը Եվրոպայի 2021 թվականի առաջնության ընտրական խմբում նման շանս չունի։ Բայց միևնույնն է, սեփական հարկի տակ խաղերը էականորեն տարբերվում են մրցակցի հարկի տակ անցկացվող խաղերից։ Հիմա մեր «սեփական հարկը» ստիպված պետք է համարենք Կիպրոսը։ Իսկ ինչո՞ւ են հենց Կիպրոսը նախընտրել Հայաստանի ֆուտբոլի ֆեդերացիայի ղեկավարները։

Սեփական հարկի տակ խաղի կազմակերպչական բոլոր ծախսերը իրականացնում է ընդունող երկիրը։ Տվյալ դեպքում Հայաստանը։ Բայց ֆինանսականը չէր Կիպրոսն ընտրելու պատճառ դարձել։ Մեր ազգային հավաքականը Կիպրոսում բազմաթիվ խաղեր է անցկացրել` և՛ պաշտոնական, և՛ ընկերական մակարդակով։ Վերջապես այս երկրի ներքին առաջնությունում հանդես են եկել և գալիս են շատ հայ ֆուտբոլիստներ։ Ինչո՞վ է Կիպրոս տարբերվում մյուս երկրներից։

Հայաստանի ազգային հավաքականի կազմում 54 խաղ անցկացրած Արթուր Ոսկանյանը, որը նաև հանդես է եկել Կիպրոսը ներկայացնող «Դիգենիս» Մորֆու և «Էթնիկոս» Ախնա թիմերում, Sputnik Արմենիայի հետ զրույցում ասում է, որ Կիպրոսը կոնկրետ հայերի համար բարեկամական երկիր է։ Նա պատմում է, որ Կիպրոսում ավելի զարգացած է ակումբների երկրպագուների շարժումը։ Հավաքականների մակարդակով  այնքան էլ շատ երկրպագուներ չեն գալիս մարզադաշտ։

«Ես շատ եմ հանդիպել կիպրոսցիների, որոնք հաղթական խաղից հետո շնորհավորել են ինձ, առաջարկել մի կտոր հաց կիսել իրենց հետ։ Խաղերից մեկի ժամանակ էլ լսում էի, թե ինչպես էին վանկարկում Ոսկանյան, Արմենիա։ Կարճ ասած` զգացել եմ ինձ ինչպես տանը, չնայած տանը չեմ եղել։ Բացի այդ Կիպրոսում ադրբեջանցիներ և թուրքեր չկան։ Սա էլ շատ կարևոր գործոն է։ Չնայած նրան, որ երկրպագուներ չեն լինելու տրիբունաներում, միևնույնն է` Կիպրոսում խաղալը, երևի թե Հայաստանում խաղալուց բացի, մյուս լավ տարբերակն է»,- ասում է Ոսկանյանը։

Артур Восканян
Федерация Футбола Армении
Արթուր Ոսկանյանը

Հայաստանի ազգային հավաքականի նախկին ևս մեկ ֆուտբոլիստ՝ Արթուր Եդիգարյանը, մեր ընտրանու կազմում 2012 թվականին Կիպրոսում մասնակցել է Հայաստան-Կանադա ընկերական խաղին։ Այդ խաղում մեր հավաքականը հաղթել է 3։1 հաշվով։

«Դե հաղթական խաղից հետո միշտ էլ բարձր տրամադրություն է լինում։ Տեղացի հայերը ամբողջ խաղի ընթացքում մեզ աջակցում էին, իսկ հանդիպումից հետո էլ շատերը մոտեցան ու շնորհավորեցին։ Մի երկրպագու էլ սեղմեց ձեռքս ու ասեց՝ բրավո։ Զգացի, որ հայ չի, բայց տեսա, որ անկեղծ ուրախացել է։ Այս փոքր միջադեպը շատ բան է պատմում Կիպրոսի և այնտեղ ապրող մարդկանց մասին։ Հայերին այնտեղ շատ լավ են ընդունում ու սիրում են։ Բարեկամ երկիր է»,–ասում է Եդիգարյանը և հույս հայտնում, որ մեր ֆուտբոլիստները կկարողանան Կիպրոսում հասնել ցանկալի արդյունքի։

Նոյեմբերի 18-ին մեր ընտրանու հանդիպումը Հյուսիսային Մակեդոնիայի թիմի հետ Կիպրոսի մայրաքաղաք Նիկոսիայի GSP մարզադաշտում է։ Այս խաղը որպես սեփական հարկի տակ անցկացվող կդառնա Հովհաննես Համբարձումյանի համար, որը հանդես է գալիս Կիպրոսի հայտնի «Անորտոսիս» թիմում։

«Համոզված եմ` եթե թույլատրվեր երկրպագուների ներկայությունը, մեր ընտրանին Կիպրոսում շատ մեծ աջակցություն կունենար։ Տեղի հայերը երբեք չեն մոռանում իրենց արմատներն ու ամեն ինչ անում են Հայաստան բառը հպարտորեն արտահայտելու համար։ Կարող եմ ասել, որ հայերիս համար Կիպրոսը յուրային միջավայր է»,–Sputnik Արմենիայի հետ զրույցում ասում է Համբարձումյանն ու պատմում, որ այս օրերին խանութում մի երկրպագու իրեն մոտենալով, բռուցքը սեղմելով`ասել է, որ իրենք մեր հետ են այս դժվար պահին։ Այս քայլը  չի զարմացրել Կիպրոսում ապրող ֆուտբոլիստին, որովհետև արդեն բազմիցս համոզվել է, որ ազգային պատկանելությունը խնդիր չէ Կիպրոսում։

«Մարդիկ մոտենում են, գրկախառնվում ու ասում, որ հաղթելու ենք։ Միգուցե դա վերաբերվում է «Անորտոսիսի» հաղթանակներին,  երկրի առաջնությունում և գավաթի խաղարկությունում։ Բայց դե այդ թևավոր խոսքերը մեզ համար հիմա նաև այլ ու մեծ նշանակություն ունեն», - ասում է Համբարձումյանը։

Предматчевая тренировка сборной Армении по футболу (14 ноября 2019). Еревaн
© Sputnik / Aram Nersesyan
Հովհաննես Համբարձումյան

Ֆուտբոլիստները՝ նախկին, թե ներկա, Sputnik Արմենիայի հետ զրույցում նշում են, որ շատ դժվար է թեկուզ մեկ ու կես ժամով կտրվել այն իրականությունից, որն Արցախում է հիմա։ Բայց մրցավարի առաջին սուլիչը ազդարարելու է հաղթանակի հասնելու մեկնարկը։

Հավելենք, որ Հայաստանի երիտասարդական հավաքականը Եվրոպայի 2021 թվականի առաջնության ընտրական երկու հանդիպումներն էլ անցկացնելու է Լառնակա քաղաքի «Անտոնիս Պապադոպուլոս» մարզադաշտում՝ նոյեմբերի 13-ին ու 18-ին։

Ազգերի լիգայի մրցաշարում մեր ազգային ընտրանին С լիգայի իր խմբում վաստակել է 5 միավոր, և մեկ միավորով է հետ մնում առաջին ու երկրորդ տեղը զբաղեցնող Վրաստանի ու Հյուսիսային Մակեդոնիայի հավաքականներից։ Վրաստանի հետ մերոնք մրցելու են Թբիլիսիում նոյեմբերի 15-ին, երեք օր անց Կիպրոսում մեր մրցակիցը Հյուսիսային Մակեդոնիան է։

314
թեգերը:
Պատերազմ, ֆուտբոլիստ, ֆուտբոլ, Կիպրոս, Հայաստանի երիտասարդական հավաքական, Հայաստանի ազգային հավաքական
Ըստ թեմայի
ՀՖՖ-ն դատապարտում է Ադրբեջանի պրոֆեսիոնալ ֆուտբոլի լիգայի ղեկավարի հայտարարությունը
Երևանյան ակումբի ֆուտբոլիստը զոհվել է առաջնագծում
Ֆուտբոլային հանդիպումներն Արցախյան առաջին պատերազմի տարիներին, կամ ավելի վատ էլ է եղել
Արթուր Աբրահամ

Արթուր Աբրահամն ավարտում է մարզական կարիերան

224
(Թարմացված է 17:33 15.01.2021)
Մարզիկը վերջին անգամ մենամարտել է երկու տարի առաջ, սակայն այդ ժամանակ դեռ չէր որոշել կարիերան ավարտել։

ԵՐԵՎԱՆ, 15 հունվարի – Sputnik. Պրոֆեսիոնալ բռնցքամարտիկ, աշխարհի չեմպիոն Արթուր Աբրահամն ավարտում է մարզական կարիերան։ Տեղեկությունը Sputnik Արմենիայի հետ զրույցում հաստատել է բռնցքամարտիկի մամուլի խոսնակ Սիրան Գրիգորյանը։

«Արթուր Աբրահամը վերջին անգամ մենամարտել է երկու տարի առաջ, դրանից հետո նա մենամարտեր չի ունեցել։ Բայց երկու տարի առաջ դեռ չէր որոշել կարիերան ավարտել», – ասաց Գրիգորյանը։

Պրոֆեսիոնալ բռնցքամարտիկն այժմ զբաղվում է իր անձնական հարցերով, ընտանիքով, ինչպես նաև աշխատում է իր վաղուց փայփայած նախագծի վրա։

«Դեռ 10 տարի առաջ Արթուր Աբրահամը ձեռք է բերել հողատարածք իր հայրական թաղամասում` Ներքին Չարբախում, և ծրագրել է այդտեղ մշակութային կենտրոն բացել։ Կենտրոն կկարողանան հաճախել թե՛ տղաները, թե՛ աղջիկները, կլինեն տարբեր խմբակներ», – ասաց Գրիգորյանը։

Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում

Նշենք, որ 41-ամյա Արթուր Աբրահամը 2005-2009 թթ. եղել է IBF վարկածով միջին քաշային աշխարհի չեմպիոն՝ կատարելով 10 արդյունավետ տիտղոսի պաշտպանություն։ Նա 2009-ից հանդես էր գալիս երկրորդ միջին քաշային կարգում։ 2015–ին նրան շնորհվել է Երևանի պատվավոր քաղաքացու կոչում։

224
թեգերը:
կարիերա, մարզիկ, բռնցքամարտիկ, բռնցքամարտ, Արթուր Աբրահամ
Ըստ թեմայի
Հենրիխ Մխիթարյանը, Արթուր Աբրահամն ու Վիկ Դարչինյանը միացել են կորոնավիրուսի դեմ պայքարին
Վիկ Դարչինյանն ամուսնացել է 2-րդ անգամ. զույգը տարվա կեսը կապրի Հայաստանում, կեսը՝ ԱՄՆ–ում
Իրանցի մարզիկն իր ոսկե մեդալը նվիրել է զոհված մարզիկ Արթուր Սուքիասյանի ընտանիքին
Էդուարդ Քալանթարյանը

Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում

1433
(Թարմացված է 18:11 14.01.2021)
Ինչպե՞ս հայտնվեց թենիսի կորտում, երբ երազում էր ֆուտբոլիստ դառնալու մասին։ Մարզական մեկնաբան Էդուարդ Քալանթարյանը Sputnik Արմենիային պատմել է իր կարիերայի և ուղիղ եթերում գրանցված զավեշտալի դեպքի մասին։

ԵՐԵՎԱՆ, 15 հունվարի – Sputnik. Էդուարդ Քալանթարյանին մարզասերները Հայաստանում լավ են ճանաչում։ Նա հայտնի մեկնաբան է. ոմանք նրան միայն որպես ֆուտբոլային մեկնաբան գիտեն, բայց պարզվում է` Քալանթարյանը մեծ հաճույքով մեկնաբանում է նաև այլ մարզաձևերի մրցումները։

Հոր նախասիրությունն ու որդու երազանքը

Թենիսն աշխարհում սիրված մարզաձևերից մեկն է։ Էդուարդի` այս մարզաձևի ընտրության «մեղավորը» հայրն է։ Սպորտին նվիրվելու գործընթացը Քալանթարյանի համար սկսվեց 5 տարեկանից, երբ հայրը նրան թենիսի խմբակ տարավ։ Դրանից հետո սպորտը Քալանթարյանի համար դարձավ ոչ միայն զբաղմունք, այլ նաև կենսակերպ ու աշխատանք։

«Հայրս թենիսի աշխարհում հայտնի շատ մոտ ընկեր ուներ` նախկին ԽՍՀՄ բազմակի չեմպիոն Հրանտ Կարապետյանը։ Հենց նրա մոտ առաջին քայլերը կատարեցի այս մարզաձևում»,–պատմում է Քալանթարյանը։

Տղան շարունակեց մարզվել է թենիսով, բայց գնալով գիտակցում էր, որ կարող էր խաղալ Հայաստանի ֆուտբոլի հավաքականում։

Эдуард Калантарян (второй справа)
Էդուարդ Քալանթարյանը` թենիսի կորտում

«Հայրս պահանջում էր, շատ ուշադիր հետևում էր թենիսի իմ մարզումներին, ես էլ մարզվում էի, որպեսզի ուժեղ թենիսիստ դառնամ։ Բայց որքան թենիսով շատ էի զբաղվում, այդքան հասկանում էի, որ ավելի լավ ֆուտբոլ եմ խաղում։ Ու ոչ բարձրաձայն հորս հետ միշտ վիճում էի, թե ինչու է ինձ թենիսի տարել, այլ ոչ թե ֆուտբոլի։ Փառահեղ թենիսիստ ինձանից դուրս չեկավ, բայց մինչև հիմա վստահ եմ` եթե ֆուտբոլի գնայի կարող էի նույնիսկ խաղալ մեր ազգային հավաքականում։ Միգուցե շատ բարձր է հնչում, բայց ես գտնում եմ, որ այդ հնարավորությունն ունեի»,- ասում է Էդուարդը։

Մարտի դաշտում մենք չենք պարտվել. ինչպես ֆուտբոլիստ խաղընկերները դարձան մարտական ընկերներ

Բանակից վերադառնալուց հետո՝ 2003 թվականին, նա մասնակցել է Համահայկական խաղերին։ «Պրոֆեսիոնալ կարիերայի ընթացքում Հայաստանի առաջնություններում հաղթանակներ շատ եմ ունեցել, բայց ամենակարևոր հաջողությունն ինձ համար գրանցվել է Իրանում 1997 թվականին, որտեղ հաղթանակի հասա ITF (թենիսի միջազգային ֆեդերացիա) մրցաշարում։ Մինչև հիմա ITF արխիվում այդ հաղթանակը կա»,–ժպիտով հիշում է մեկնաբանը։

Իսկ ավելի ուշ թենիսը նրա համար դարձավ պարզապես հաճելի զբաղմունք և շարունակվում է այդպիսին լինել մինչ օրս։

Գումար վաստակելու ժամանակը

23–ամյա պատանին շատ պատահական հայտնվում է հեռուստաշխարհում։  Ընկերը` Դավիթ Ալավերդյանը, տեղեկացնում է, որ «Հանրային հեռուստատեսությունում» մարզական մեկնաբանի աշխատատեղ կա։

«Գնացի փորձարկման, դրական արձագանքներ եկան (ժպտում է)։ Բայց այն ժամանակ «Հանրայինում» աշխատանքի անցնելու համար շատ արգելքներ էր պետք հաղթահարել։ Ու քանի որ աշխատանքի ընդունվելու գործընթացը ձգձգվում էր, մեկնեցի Մոսկվա, որտեղ իմ ընկերոջ հետ զբաղվում էի թենիսի մարզչի աշխատանքով։ Բայց երկար չդիմացա, մոտ հինգ ամիս անց վերադարձա»,–պատմում է Էդուարդը։

Այդ ընթացքում Սլավա Սարգսյանի հետ կապի մեջ լինելով իմացել է, որ կարող է արդեն անցնել աշխատանքի ու մեկնաբանել 2004թ.–ի Աթենքի  օլիմպիական խաղերը։ «Առաջին ֆուտբոլային մեկնաբանությունս էլ կայացավ հենց այդ խաղերի շրջանակում։ Եզրափակիչում Արգենտինան հաղթեց Պարագվային։ Այսպես սկսվեց իմ` մեկնաբանի և լրագրողի կարիերան»,- հիշում է Քալանթարյանը։

Ժան Գաբենի «եղբայրը»

Ուղիղ եթերում աշխատանքը մեծացնում է սխալվելու, հավանականությունը, մանավանդ եթե մրցումը կամ խաղը տևում է ժամեր։ «Ժամանակին կամաչեի այս մասին խոսել, բայց հիմա կպատմեմ, որովհետև շատ վաղուց է եղել»,–անկեղծանում է Էդուարդը։

«Հանրայինին» զուգահեռ նա աշխատել է «Հայ TV»-ում, որտեղ մեկնաբանել է Ֆրանսիայի ֆուտբոլի առաջնության խաղերը։ «Մի մեկնաբանության ժամանակ ես տրիբունայում տեսա մի մարդու, որը շատ նման էր հանրահայտ դերասան Ժան Գաբենին, ու ասեցի, որ նա էլ եկել է խաղին հետևելու։ Ընդմիջմանը մի երկրպագու զանգել էր հեռուստաընկերություն ու ասել, որ Գաբենը վաղուց մահացել է։ Երկրորդ կեսում ես այլևս չհիշատակեցի Գաբենին, իսկ հաջորդ օրը մեկ այլ խաղի ժամանակ ներողություն խնդրեցի իմ ասածի համար, բայց իրավիճակը փրկելու համար ասեցի` ճշտել եմ, որ տրիբունայում եղել է Գաբենի եղբայրը», - ծիծաղելով հիշում է Էդուարդը։

Ֆուտբոլասեր զավակն արդեն հոր դերում

Քալանթարյանը երկու զավակ ունի։ Աղջիկը` Նատալին, փոքր հասակում շատ հաղթանակներ ուներ լողի մրցումներում, զբաղվում է նաև թենիսով։

Эдуард Калантарян с дочкой
© Photo
Էդուարդ Քալանթարյանը` դստեր հետ

Իսկ որդին` Դավիթը, դեռ հինգ տարեկան է։ «Շատ կուզեի, որ Դավիթը դառնա լավ ֆուտբոլիստ։ Անկասկած փորձելու ենք։ Բայց մեկ կամ երկու տարի հետո արդեն կհասկանանք` արդյոք կարող է որդիս ֆուտբոլիստ դառնալ», - ասում է Քալանթարյանը։

Сын Эдуарда Калантаряна
© Photo
Էդուարդ Քալանթարյանի որդին

Համենայնդեպս, որդու ծնվելուց հետո ընկերները, հարազատները նրան «Բարսելոնայի» մի քանի մարզահագուստ են նվիրել` ակնարկելով, որ գուցե երեխան իրագործի հոր երազանքը։

Ռուսական հոկեյի սիրահարը

Մեր զրույցի վերջում Էդուարդից ճշտեցի, թե ինչ մարզիկներ են նրա մոտ անջնջելի հետք թողել։ Ներկայացնում ենք նրա սիրելի մարզիկների ցանկը.

  • ֆուտբոլ` Մեսսի,
  • բասկետբոլ` Մայքլ Ջորդան,
  • թենիս` Ռոջեր Ֆեդերեր,
  • ատլետիկա` Ուսեին Բոլտ։

Քալանթարյանն առանձնակի շեշտեց ռուսական հոկեյի նկատմամբ իր սերը, ու չկարողացավ առանձնացնել մեկ հոկեյիստի։ «Շատ- շատ էի սիրում Սերգեյ Ֆյոդորովին, շատ էի սիրում Ալեքսեյ Յաշինին, բայց բոլորից շատ ինձ համար կա ու կլինի Ալեքսանդր Օվեչկինը»։

Էդուարդի հետ շատ երկար կարելի է խոսել տարբեր մարզաձևերի մասին։ Բայց կարծում եմ` թենիսի կորտում, ֆուտբոլի դաշտում, թե մեկնաբանի բարձրախոսի մոտ նստած` Էդուարդ Քալանթարյանն իր գործն անում է սիրով, պատասխանատվությամբ ու նվիրումով։

1433
թեգերը:
մարզիկ, ֆուտբոլիստ, ֆուտբոլ, թենիս, Էդուարդ Քալանթարյան
Ըստ թեմայի
Մեծ ըմբիշը մեծ նպատակներ ունի. ինչու է «կուբանցի հայ» Յուրի Պատրիկեևը վերադարձել Հայաստան
Մարզաշխարհի 35 ներկայացուցիչներ միացել են Նիկոլ Փաշինյանի հրաժարականի պահանջին
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ալեքսեյ Նավալնուն ձերբակալել են Մոսկվայի «Շերեմետևո» օդանավակայանում

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

0
(Թարմացված է 23:25 17.01.2021)
Ալեքսեյ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

ԵՐԵՎԱՆ, 17 հունվարի – Sputnik. Ռուսաստանցի քաղաքական գործիչ և բլոգերԱլեքսեյ Նավալնին Գերմանիայից Ռուսաստան է վերադարձել և ձերբակալվել օդանավակայանում։ Տեղեկությունը հայտնում է ՌԻԱ Նովոստին` հղում անելով Պատիժների կատարման դաշնային ծառայությանը (ՊԿԴԾ)։

«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հավելել են գերատեսչությունում:

Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Մերկելը գաղտնի հանդիպել է Նավալնու հետ. Spiegel

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

«Բեռլինը բլեֆ է անում». Զախարովան մեկնաբանել է Նավալնու գործը

0
թեգերը:
Ձերբակալություն, Շերեմետևո, Ալեքսեյ Նավալնի, Ռուսաստան
Ըստ թեմայի
Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը
Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով
Թրամփը չի ցանկանում խառնվել Նավալնու հետ կապված «մութ պատմությանը»