Հայաստանի և Էստոնիայի հավաքականների հանդիպումը

Հայաստանի հավաքականի երկրորդ անընդմեջ ոչ–ոքին. ամեն ինչ կորոշվի նոյեմբերին

272
(Թարմացված է 00:53 15.10.2020)
Հայաստանի հավաքականի դեպքում միայն հաղթանակը բավարար արդյունք կլիներ խմբում հաղթողի հավակնությունները ապացուցելու համար։ Ինչպես պարզվեց Էստոնիայի հավաքականի հետ խաղից հետո, հաղթանակի դեպքում մեր ընտրանին կգլխավորեր խմբի մրցաշարային աղյուսակը։ Բայց․․․․

ԵՐԵՎԱՆ, 15 հոկտեմբերի - Sputnik. Ազգերի լիգայի մրցաշարի խմբային փուլի չորրորդ խաղում Հայաստանի հավաքականը մրցակցի հարկի տակ ուժերը չափեց Էստոնիայի ընտրանու հետ։ Առաջին խաղակեսում արագ մեկական գնդակ փոխանակելով` կողմերը բավարարվեցին ոչ-ոքի՝ 1։1 հաշվով։

Ինչպես և նախորդ խաղում, մեր հավաքականը արագ գոլի հեղինակ դարձավ։ Հանդիպման ութերորդ րոպեին Տիգրան Բարսեղյանի փոխանցումից հետո Կամո Հովհաննիսյանը գլխի հարվածով բացեց հաշիվը։ Բայց մեր թիմի ուրախությունը երկար չտևեց։ Վեց րոպե անց մեր պաշտպանության կենտրոնում առանց հսկողության մնալով` Ռանո Սապինենը խփեց պատասխան գնդակը։ Ինչ–որ տեղ անսպասելի էր, որ էստոնացիները խփած գոլից հետո ստացան տարածքային և խաղային առավելություն։ Ու նույն Սապինենը մոտ էր նոր հաջողությանը, բայց մարզական բախտը ժպտաց մեր հավաքականին։

Երկրորդ խաղակեսում մեր ֆուտբոլիստներին հաջողվեց մի փոքր փոխել խաղի պատկերը։ Հայաստանի հավաքականը կարողացավ հսկողություն սահմանել գնդակի նկատմամբ։ Մերոնք փորձում էին մրցակցին անակնկալի բերել իրենց արագություններով, բայց ժամանակն անցնում էր, իսկ գոլ կամ գոլային իրական հնարավորություն չկար։ Խոակին Կապառոսը հանդիպման վերջնամասում խաղադաշտ փոխարինման դուրս բերեց մեր հավաքականի հարձակողական ամբողջ հնարավորությունները։ Բայց միևնույնն է` գոլային պահ ստեղծել չէր հաջողվում, էլ չենք խոսում դարպասի գրավման մասին։

Չի կարելի ասել, որ էստոնացիներին ձեռնտու էր ոչ–ոքին։ Ճիշտ հակառակը` Էստոնիայի հավաքականն այս խաղում ոչ–ոքիի դեպքում կորցնում էր բոլոր շանսերը խմբում բարձր տեղ գրավելու համար։ Բայց էստոնացիների հնարավորությունները, ի տարբերություն մեր թիմի, ավելի քիչ էին։ Մյուս կողմից էլ մեր թիմը որքան էլ առանձին ֆուտբոլիստներով թեպետ գերազանցում էր մրցակցին, թիմային խաղով ու թիմային արդյունքով չկարողացավ գերազանցել։ Արդարության համար նշենք, որ իր ոչ լավագույն հանդիպումն անցկացրեց Հենրիխ Մխիթարյանը, որի խաղից մեր հավաքականում շատ բան է կախված։

Հաշվի առնելով այն, որ Հյուսիսային Մակեդոնիա-Վրաստան խաղում նույնպես կողմերը մեկական գնդակ փոխանակեցին, խմբում ստատուս քվոն պահպանվեց։ Վեցական միավոր ունեն Հյուսիսային Մակեդոնիայի և Վրաստանի հավաքականները։ Հայաստանի հավաքականն ունի հինգ, Էստոնիան` երկու միավոր։ Խմբում հաղթողի հարցը կլուծվի նոյեմբերին։ Մեր ընտրանին Վրաստանում կմրցի տեղի թիմի հետ, իսկ հետո կհյուրընկալի Հյուսիսային Մակեդոնիային։

272
թեգերը:
ֆուտբոլ, Էստոնիա, Հայաստան
Ըստ թեմայի
Ինչպես Լենինականի «Գյումրին» հաղթեց Ադրբեջանի «Քյափազին». «Կաշվե գնդակի» հիշվող մրցաշարը
Ինչու Բերեզովսկուն չհաջողվեց իրագործել «Փյունիկի» հետ կապված ծրագրերը․ բացառիկ հարցազրույց
Վնասվածք, որը խաչ քաշեց «խաչի» վրա, կամ Ազարյան ընտանիքում հայտնվեց 4–րդ օլիմպիական ոսկին
Արխիվային լուսանկար

Ֆուտբոլային հանդիպումներն Արցախյան առաջին պատերազմի տարիներին, կամ ավելի վատ էլ է եղել

87
(Թարմացված է 18:05 21.10.2020)
Ֆուտբոլում սեփական ու մրցակցի հարկի տակ անցկացվող հանդիպումները միշտ էլ տարբերվում են և՛ հոգեբանությամբ, և՛ թիմերի մարտավարությամբ, և՛ նշանակությամբ։ Մեր հավաքականներն ՈւԵՖԱ-ի որոշմամբ զրկվել են «սեփական պատերի» աջակցությունից։

ԵՐԵՎԱՆ, 21 հոկտեմբերի - Sputnik. ՈւԵՖԱ-ի գործկոմը հոկտեմբերի 20-ին որոշում կայացրեց դադարեցնել իր հովանու ներքո Հայաստանի և Ադրբեջանի հավաքականների և ակումբների խաղերի անցկացումը համապատասխանաբար Հայաստանում և Ադրբեջանում։ Կախված Արցախում տեղի ունեցող ռազմական գործողություններից՝ որոշումը փոփոխման ենթակա է։ Ստացվեց, որ Հայաստանի ազգային և երիտասարդական հավաքականները զրկվեցին սեփական հարկի տակ նախատեսված հանդիպումներից։

Ազգերի լիգայի մրցաշարում Հայաստանի հավաքականը դեռևս շանսեր ունի խմբում առաջին տեղը գրավելու։ Նոյեմբերին մեր հավաքականը մրցելու է այդ պայքարում իր հիմնական մրցակիցների հետ։ Նախ մրցակցի հարկի տակ՝ Վրաստանում, ապա Հյուսիսային Մակեդոնիայի հետ՝ սեփական հարկի տակ։ ՈւԵՖԱ-ի գործկոմի որոշման համաձայն, մակեդոնացիների հետ հանդիպումը մենք անցկացնելու ենք դաշտի տիրոջ պայմանական կարգավիճակով՝ չեզոք դաշտում։ Խաղի նշանակությունը, իհարկե, չի փոխվում, բայց մեր ֆուտբոլիստների մոտ արդյո՞ք խնդիրներ չեն առաջանում նման պայմաններում։

Հայաստանի ազգային հավաքականի կիսապաշտպան Արտակ Գրիգորյանը գտնում է, որ ներկայիս իրավիճակում նպատակները միայն սպորտային չեն մնացել։

Երևանյան ակումբի ֆուտբոլիստը զոհվել է առաջնագծում

«Երբ դուրս ես գալիս խաղադաշտ, ու հնչում է սուլիչը, անմիջապես մտածում ես քո պարտականությունները կատարելու ու թիմին օգտակար լինելու մասին։ Բայց դա կոնկրետ խաղի ընթացքում։ Չէ՞ որ կա նաև խաղին նախապատրաստվելու հատվածը։ Անկախ ամեն ինչից, այլ խաղադաշտում խաղալը տարբերվում է սեփական հարկի տակ անցկացվող խաղից։ Բացի այդ էլ, հիմա բոլորիս ուշադրությունը կենտրոնացված է Արցախի վրա։ Յուրաքանչյուր զինվորի կամ զինվորականի մահը մենք շատ ծանր ենք տանում, պարզ է, որ կենտրոնանալ կոնկրետ խաղի վրա շատ դժվար կլինի, առավել ևս ոչ Հայաստանում»,- ասում է Գրիգորյանը։

Հավաքականի նախկին գլխավոր մարզիչ Վարդան Մինասյանը դեռևս հույս ունի, որ ՈւԵՖԱ-ն կփոխի իր որոշումը, քանի որ մինչև նոյեմբեր 18-ը պատերազմը կարող է ավարտվել։

«Ինչ խոսք, սեփական ու մրցակցի հարկի տակ կամ չեզոք խաղադաշտում անցկացվող խաղերը տարբերվում են, այն էլ էականորեն։ Մեր հարկի տակ լրիվ այլ մարտավարություն կարող է կիրառվել, չեզոք խաղադաշտում՝ լրիվ այլ։ Ֆուտբոլիստների հոգեբանական վիճակը գալիս է առաջնային պլան։ Նույնիսկ առանց երկրպագուների՝ Երևանում թիմը խաղում է հարազատ միջավայրում, և դա իհարկե շատ կարևոր է բոլորի համար։ Բայց հայերիս մոտ կա նաև «գենետիկ հիշողություն» կոչվածը։ Դժվարին պահերին մենք մեկս մյուսի նկատմամբ ավելի հարազատ ու մտերիմ ենք դառնում։ Մարզչի կողմից խաղին նախապատրաստվելու համար արվում է ամեն ինչ, բայց եթե խաղի ընթացքում էլ ինչ-որ մի ֆուտբոլիստ սխալվում է, դա հասկանալ կարելի է» - ասում է Վարդան Մինասյանը։

ՈւԵՖԱ-ի որոշումը հավաքականների նկատմամբ արդեն ուժի մեջ է, իսկ ֆուտբոլի Հայաստանի ներքին առաջնությունը շարունակվում է։ Եվ տեղին է հիշել, որ մեր ներքին առաջնությունը ժամանակին անցկացվել է ավելի դժվար ու ծանր պայմաններում։

Ադրբեջանի հետ առաջին պատերազմի ժամանակ՝ 90-ականների սկզբին, Հայաստանի առաջնության մասնակից թիմերը յուրաքանչյուր խաղում վտանգված էին ուղղակիորեն, երբ հանդիպումները անցկացվում էին Կապանում։

ՀՖՖ ներքո անցկացվող ֆուտբոլային հանդիպումներն անորոշ ժամանակով հետաձգվում են

Հայաստանի հավաքականի ու Երևանի «Արարատի» նախկին ավագ Արամայիս Տոնոյանը հիշում է, թե ինչպես էին հայ ֆուտբոլիստները դուրս գալիս խաղադաշտ, որպեսզի աշխարհին ապացուցեին, որ հայերի մոտ ամեն ինչ կարգին է։

«Մենք ընկերական խաղ էինք անցկացնում Արցախում, երբ մոտ մի 300-400 մետր հեռավորության վրա արկ պայթեց։ Հետո հարվածային ալիքը կոտրեց մեր հյուրանոցի բոլոր ապակիները։ Իհարկե վախի զգացում կար։ Վտանգավոր էր, այն էլ ինչպես։ Բայց ուզում էինք բոլորին հասկացնել, որ մենք ուժեղ ենք ամբողջ ազգով, ու հային հաղթել հնարավոր չէ։ Մենք էլ ֆուտբոլի միջոցով էինք ուզում դա փոխանցել աշխարհին»,- ասում է Տոնոյանը։

Իսկ Գյումրիի «Շիրակի» նախկին դարպասապահ Արթուր Հովհաննիսյանը հիշում է թե ինչպես էին թիմին դեպի Կապանի մարզադաշտ ուղեկցում հայ զինվորականները։

«Գորիսից-Կապան, Ժողովրդական լեզվով ասած, «թասը» բարձրանալիս մեր ավտոբուս էին նստում ավտոմատով զինված հայ զինվորները, ընդհանրապես հավաքվում էր մոտ 20 մեքենա, ու շարասյունով գնում էինք դեպի Կապան։ Շատ վտանգավոր էր, որովհետև կրակում էին շատ մոտ տարածություններից։ Ասեմ, որ չէինք վախենում՝ սուտ կլինի։ Վախի զգացում կար, բայց մենք երիտասարդ էինք, ու այնքան էլ խորը չէինք գիտակցում, թե ինչ վտանգի տակ էինք մեկնում մրցավայր ու խաղում։ Հիմա որ հիշում եմ, ծիծաղս է գալիս, բայց այն ժամանակ ծիծաղելու չէր։ Մենք ուզում էինք ֆուտբոլ խաղալ ու դրա համար անում էինք ամեն ինչ։ Հիմա էլ ուզում եմ, որ մեր բոլոր հույզերն ու նպատակները ուղղված լինեն ոչ թե ռազմի, այլ՝ ֆուտբոլային դաշտին», - ասում է Հովհաննիսյանը։

Մեր ներքին առաջնությունը շարունակվում է, ու չնայած հնարավոր չէ հիմա ֆուտբոլային խաղի հետևել այնպես, ինչպես մինչև սեպտեմբերի 27-ը, բայց կյանքը պետք է շարունակել ու մտածել հաղթանակների մասին։ Իսկ մենք հաստատ հաղթելու ենք։

87
թեգերը:
ֆուտբոլ, Արցախյան պատերազմ
Ըստ թեմայի
Հայերը միավորվել են հանուն խաղաղության․ Մխիթարյանը տեսանյութ է հրապարակել
«Փյունիկն» Արցախին օգնելու համար իր մարզաշապիկներից մեկը հանել է վաճառքի
«Միայն դուք կարող եք օգնել հայ ժողովրդին». Դենիս Ջորկաեֆը տեսաուղերձով դիմել է Մակրոնին
Մարզակոշիկ

ՈւԵՖԱ-ն դադարեցնում է Հայաստանում և Ադրբեջանում իր հովանու տակ անցկացվող հանդիպումները

74
(Թարմացված է 23:49 20.10.2020)
Նրանք, ովքեր հույս ունեին, որ նոյեմբերին մեր հավաքականին կտեսնեն սեփական հարկի տակ Ազգերի լիգայի խաղում, հիասթափություն պետք է ապրեն, քանի որ Եվրոպայի ֆուտբոլային գերատեսչությունը արգելք է դրել հավաքականի` Երևանում նախատեսված խաղերի վրա։

ԵՐԵՎԱՆ, 20 հոկտեմբերի - Sputnik. Լեռնային Ղարաբաղում տիրող լարված իրավիճակի պատճառով ՈւԵՖԱ-ի գործադիր կոմիտեն այսօր որոշել է միառժամանակ ակումբների և հավաքականների խաղեր չանցկացնել Հայաստանում և Ադրբեջանում։ Որոշումը հրապարակվել է ՈւԵՖԱ–ի կայքում։

«ՈւԵՖԱ-ն հետևում է սեպտեմբերի վերջին ծագած իրադարձություններին և ստիպված է եղել չեզոք խաղադաշտերում անցկացնել Եվրոպայի լիգայի մեկ և Ազգերի լիգայի երկու հանդիպում։ Ֆուտբոլային եվրոպական գերատեսչությունը գտնում է, որ ներկայիս պայմանները բավարար չեն Հայաստանում և Ադրբեջանում ՈւԵՖԱ-ի հովանու ներքո հանդիպումներ անցկացնելու համար» - ասված է գործադիր կոմիտեի որոշման մեջ։

Այս տեքստում երևի թե առանցքային պետք է համարել «ներկայիս» բառը։ Որոշումը կարող է փոխվել, եթե վերջ դրվի արցախյան պատերազմին։

Հայաստանի ակումբներից ոչ մեկը եվրագավաթների հանդիպումներ չունի մինչև հաջորդ մրցաշրջանի մեկնարկը, քանի որ մեր թիմերը դուրս են մնացել եվրագավաթների խաղարկությունից։ Իսկ ահա հավաքականներն ունեն։ Մասնավորապես ազգային հավաքականը նոյեմբերին Երևանում Ազգերի լիգայի մրցաշարի շրջանակում պետք է մրցի Հյուսիսային Մակեդոնիայի ընտրանու հետ, բացի այդ, մեր երիտասարդական հավաքականը ընտրական երկու խաղ ունի Երևանում, և վերջապես Եվրոպայի առաջնության փլեյ–օֆֆ-ի խաղ ունի անցկացնելու ֆուտզալի Հայաստանի հավաքականը։

ՈւԵՖԱ-ն դիմել է Հայաստանի և Ադրբեջանի ֆեդերացիաներին` խնդրելով այլընտրանքային մարզադաշտեր առաջարկել սեփական հարկի տակ խաղերն անցկացնելու համար։ Միևնույն ժամանակ նշվում է, որ հետագայում այս որոշման հետ կապված փոփոխություններ կարող են լինել։

74
թեգերը:
ֆուտբոլ, Ադրբեջան, Հայաստան
Ըստ թեմայի
Հայաստան-Վրաստան խաղն ավարտվեց. Ազգերի լիգայում ամեն ինչ առջևում է
«Աստված պահապան հայ զինվորին». Բիչախչյանը գոլից հետո երկրպագուներին ցույց է տվել շապիկը
Լևոն Արոնյանը հաղթեց աշխարհի չեմպիոնին. Altibox Norway Chess մրցաշարն ավարտվեց
ՀՀ ԱԳՆ

ՀՀ ԱԳՆ–ն հերքում է Ադրբեջանի հերթական մանիպուլյատիվ հայտարարությունը

183
(Թարմացված է 01:07 22.10.2020)
ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

ԵՐԵՎԱՆ, 22 հոկտեմբերի – Sputnik. Ադրբեջանի ԱԳՆ-ն հանդես է եկել մանիպուլյատիվ հայտարարությամբ, որտեղ փորձ է արվում ԼՂ հիմնախնդրի խաղաղ կարգավորումը մերժող Ադրբեջանի և Թուրքիայի դիրքորոշումը հրամցնել որպես հայկական կողմի մոտեցում: Տեղեկությունը հայտնում է ՀՀ ԱԳՆ մամուլի ծառայությունը։

Նշվում է, որ Թուրքիայի և նրա կողմից հովանավորվող ահաբեկիչների ուղղակի ներգրավմամբ Ադրբեջանի կողմից Արցախի ժողովրդի դեմ իրականացվող ռազմական ագրեսիան ուղղված է Արցախի բնիկ ժողովրդի բնաջնջմանը և առաջին իսկ օրվանից ուղեկցվում է միջազգային հումանիտար իրավունքի բազմաթիվ խախտումներով ու պատերազմական հանցագործություններով: Այս գործողություններն օրվա հրամայական են դարձնում Արցախի ժողովրդի գոյութենական անվտանգության լիակատար ապահովումը:

«ՀՀ-ն հետևողականորեն աջակցում է ԵԱՀԿ Մինսկի խմբի համանախագահող երկրների ղեկավարների միջնորդությամբ հոկտեմբերի 10-ի և 17-ի հայտարարություններով համաձայնեցված կրակի դադարեցման պայմանավորվածությունների անվերապահ իրականացմանը: 

Մշտապես հանդես գալով հակամարտության ռազմական կարգավորումը բացառող դիրքերից՝ մեկ անգամ ևս շեշտում ենք, որ ԼՂ հիմնախնդիրը կարող է կարգավորվել բացառապես խաղաղ միջոցներով միջազգային մանդատ ունեցող ձևաչափի՝ ԵԱՀԿ Մինսկի խմբի համանախագահության շրջանակներում»,–ասված է հաղորդագրության մեջ: 

ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

Ավելի վաղ Ադրբեջանի նախագահի օգնական Հիքմեթ Հաջիևը, մեկնաբանելով Հայաստանի վարչապետ Նիկոլ Փաշինյանի հայտարարությունը, որ այս պահին անիմաստ է խոսել հակամարտությունը դիվանագիտական ճանապարհով լուծելու մասին, հայտարարել էր, որ պաշտոնական Բաքուն աջակցում է բանակցությունների միջոցով ՄԱԿ-ի Անվտանգության խորհրդի բանաձևերի հիման վրա հարցի կարգավորմանը:

Նշենք, որ հոկտեմբերի 21–ին ՀՀ վարչապետ Նիկոլ Փաշինյանը Facebook–ի իր ուղիղ միացման ժամանակ ասել էր, որ Ղարաբաղյան հիմնահարցի դիվանագիտական լուծման մասին այս փուլում խոսելն անիմաստ է։ «Պետք է հստակ գիտակցենք, որ Ղարաբաղի հարցը գոնե այս փուլում և այս փուլից սկսած` երկար ժամանակ դիվանագիտական լուծում չունի։ Բոլոր հույսերը, առաջարկները, թե պետք է Արցախյան հիմնահարցի առնչությամբ դիվանագիտական լուծում գտնել, ըստ էության, պետք է ավարտված համարել»,–ասել էր վարչապետը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

183
թեգերը:
Արցախ, Ղարաբաղյան հակամարտություն, Լեռնային Ղարաբաղ, ՀՀ Արտաքին գործերի նախարարություն. ԱԳՆ, Հայաստան, Ադրբեջան
թեմա:
Ադրբեջանական ագրեսիան Արցախում - 2020
Ըստ թեմայի
Թշնամին հրետանի է կիրառել Մարտունի քաղաքի և Հերհեր գյուղի ուղղությամբ
Հադրութում հայ գերիներին գնդակահարած հանցագործներից մեկը ոչնչացվել է. Razm.info
Եթե Ադրբեջանը ցանկանա, Թուրքիան Լեռնային Ղարաբաղ զորք կուղարկի. Ֆուաթ Օքթայ