Լևոն Արոնյան

Դուրս է նետում կուտակվածը. ինչպես է Լևոն Արոնյանը խաղում Ստավանգերում

259
(Թարմացված է 09:39 10.10.2020)
Ռուս փորձագետը կարծում է, որ այն ամենը, ինչ կուտակել է Արոնյանը, այժմ շախմատի միջոցով է արտահայտում:

ԵՐԵՎԱՆ, 10 հոկտեմբերի – Sputnik. Հայ անվանի գրոսմայստեր Լևոն Արոնյանը կայուն և աշխույժ խաղ է ցուցադրում Ստավանգերի խոշոր մրցաշարում՝ կարծես դուրս շպրտելով այն ամենը, ինչ կուտակվել է իր հոգում: ՌԻԱ Նովոստիի հետ զրույցում նման կարծիք է հայտնել Մոսկվայի շախմատի ֆեդերացիայի փոխնախագահ Սերգեյ Սմագինը:

«Ստավանգերի մրցաշարում Արոնյանի խաղից պարզ է դառնում, որ Լևոնը կարոտել է շախմատը: Կարող ենք ասել, որ վերջին տարիները բավականին ճգնաժամային էին տարբեր պատճառներով (այդ թվում` կնոջ` Արիանա Կաոիլիի ողբերգական մահը 2020թ.-ին դժբախտ պատահարի հետևանքով)։ Եվ նա որոշակի լճացում ուներ շախմատում: Ինձ թվում է, որ այն ամենը, ինչ նա կուտակել է, այժմ դուրս է բերում շախմատային ստեղծագործության միջով: Եվ նա լավ է խաղում` կայուն և վառ: Նրա գործողություններում երևում է այն Արոնյանը, որը փայլում էր ժամանակին: Տեսնենք, թե հետո ինչ կլինի», - ասել է Սմագինը:

Փորձագետը վստահ է, որ Լևոն Արոնյանը մրցաշարի առաջին տեղի համար պայքարում կարող է մրցել նորվեգացի Մագնուս Կառլսենի հետ:

Նշենք, որ հոկտեմբերի 5-ին Նորվեգիայի Ստավանգեր քաղաքում մեկնարկել է շախմատի Altibox Norway Chess միջազգային մրցաշարը, որին մասնակցում են աշխարհի չեմպիոն Մագնուս Կարլսենը, Լևոն Արոնյանը, Ֆաբիանո Կարուանան, Յան-Կշիշտոֆ Դուդան, Ալիռեզա Ֆիրուջան և Տարի Արյանը:

Մինչ այդ` հոկտեմբերի 2-ին, Արոնյանը Facebook-ի իր էջում անդրադարձել էր Արցախում ծավալված իրադարձություններին` գրելով, որ հայերը հարձակման են ենթարկվում Ադրբեջանի և Թուրքիայի կողմից, այդ պատճառով ինքը լռել չի կարող։

«Սա ինձ համար անհավատալի է, քանի որ գրեթե յուրաքանչյուր քաղաքակիրթ երկիր ընդունել է 1915-1918 թվականների Հայոց ցեղասպանությունը, որի ընթացքում մոտ մեկուկես միլիոն հայ սպանվեց։ Պատկերացրեք` իսրայելա-պաղեստինյան պատերազմի ժամանակ 1960-ականներին կամ ավելի ուշ Գերմանիան զորքեր ուղարկեր Իսրայելի դեմ կռվելու, և Գերմանիայի նախագահը բարձրաձայն հայտարարեր, որ հրեա ժողովրդին պետք է դաս տալ: Սյուրռեալիստական չէ՞: Այսպիսով, նվազագույնը, որ ես կարող եմ անել նման իրավիճակում, տեղեկացնելն է ու իմ ժողովրդին ամեն ինչով աջակցելը»,– գրել էր նա:

Շախմատիստը համոզմունք էր հայտնել, որ ամեն բան կարող է լուծվել բանակցությունների միջոցով։

259
թեգերը:
շախմատ, Լևոն Արոնյան
Ըստ թեմայի
Լևոն Արոնյանն ու Սերգեյ Մովսեսյանը դարձել են Գերմանիայի Բունդեսլիգայի չեմպիոններ
«Նախնիներս Ղարաբաղից են»․ Արոնյանն արձագանքել է Արցախում տեղի ունեցող իրադարձություններին
Արաս Օզբիլիս

Ամեն մեկս մեր ոլորտում պետք է անենք առավելագույնը. Արաս Օզբիլիսը` Արցախին օգնելու մասին

107
(Թարմացված է 19:20 29.10.2020)
Մարզաշխարհի շատ ներկայացուցիչներ Արցախի պաշտպանության համար պայքարում են ինչպես առաջնագծում, այնպես էլ թիկունքում։ «Փյունիկ» ֆուտբոլային ակումբի կողմից իրականացվող ակցիան տվել է իր առաջին պտուղները։

ԵՐԵՎԱՆ 29 հոկտեմբերի-Sputnik. Հայաստանի ֆուտբոլի բարձրագույն խմբի առաջնության ութերորդ տուրի «Ալաշկերտ» -«Փյունիկ» խաղին փյունիկցիները խաղադաշտ դուրս եկան հատուկ մարզաշապիկներով, որոնց թիկունքին գրված էր Artsakh Strong: Ինչպես պարզվեց, դա Արցախին աջակցելու ակումբի առաջին քայլն էր։ Խաղի ավարտից հետո «Փյունիկի» բոլոր ֆուտբոլիստների մարզաշապիկները հայտնվեցին վաճառքում։ Գումարը փոխանցվելու է «Հայաստան» հիմնադրամին։

Ինչպես արդեն տեղեկացրել ենք, հոկտեմբերի 27–ին Արաս Օզբիլիսի մարզաշապիկը աճուրդում վաճառվեց 1025 ամերիկյան դոլարով։

Sputnik Արմենիայի հետ զրույցում Օզբիլիսն ասում է, որ մեր երկրի համար այս դժվարին օրերին միասնականությունն ամենակարևորն է և մենք` յուրաքանչյուրս մեր ոլորտում, պետք է անենք առավելագույնը։

«Ուրախ եմ, որ կարողացա իմ ներդրումն ունենալ այս կարևոր գործում։ Շնորհակալ եմ բոլոր այն մարդկանց, ովքեր իրենց մասնակցությունն ունեցան։ Առաջին իսկ օրվանից ամբողջ հայությունը կենտրոնացել է մի բանի վրա` օգնել Արցախին հաղթահարել այս դժվար օրերը։ Մենք պետք է շարունակենք անել դա»,–ասաց ֆուտբոլիստը` ընդգծելով, որ միասին մենք շատ ուժեղ ենք։

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Հայտնի ֆուտբոլիստն առաջին անգամը չէ, որ աչքի է ընկնում բարեգործությամբ։ 2020 թվականի սեպտեմբերին Երևանի Ավան համայնքում բացվեց խաղադաշտ, որը կառուցվել էր Օզբիլիսի կողմից հատկացված միջոցներով։

Իսկ «Փյունիկի» մյուս ֆուտբոլիստների մարզաշապիկները դեռևս վաճառքում են։

107
թեգերը:
Արաս Օզբիլիս, մարզաշապիկ, ֆուտբոլիստ, Ղարաբաղյան հակամարտություն, Լեռնային Ղարաբաղ, Արցախ
Ըստ թեմայի
«Նախ պետք է դադարեցնել մարտական գործողությունները». Պուտինը` Ղարաբաղի մասին
Եվս 5 հայ գերիների համար ՄԻԵԴ դիմում է ներկայացվել
Զախարովան մանրամասներ է հայտնել Ղարաբաղի հարցով Ժնևում սպասվող հանդիպման մասին
Բռնցքամարտիկ Լեո Պապյանը ռինգում. կարնիր մարզահագուստովը

«Մոտ 40 կմ անցնել եմ վիրավոր ոտքով». բռնցքամարտիկ Լեո Պապյանն ապաքինվում է

739
(Թարմացված է 17:33 29.10.2020)
Պատերազմի առաջին օրերից շատ հայ մարզիկների և մարզիչների հետ առաջնագիծ մեկնած բռնցքամարտիկ Լեո Պապյանը Sputnik Արմենիային պատմել է իր վիրավորվելու մասին և ասել, թե մարզական վիճակն ինչպես է օգնել իրեն կռվի դաշտում։

ԵՐԵՎԱՆ, 29 հոկտեմբերի –Sputnik. Հայաստանի բռնցքամարտի հավաքականի անդամ Լեո Պապյանը հոկտեմբերի 10–ին Արցախում վիրավորվելուց հետո քիչ–քիչ ապաքինվում է։ Sputnik Արմենիայի հետ զրույցում մարզիկն ասում է, որ արդեն լավ է զգում իրեն։

Боксер Лео Папян
© Photo : provided by Leo Papyan
Բռնցքամարտիկ Լեո Պապյանը մարտի դաշտում

Վիրավորվելու առաջին պահերին Լեո Պապյանին շատ էր անհանգստացնում` արդյո՞ք ստացած բեկորային վնասվածքը կխանգարի բռնցքամարտիկի իր կարիերային։

«Առաջին հարցը, որ ես տվեցի բժշկին, իմ սպորտային ապագայի հետ էր կապված։ Առանց բռնցքամարտի ինձ չեմ պատկերացնում։ Ուզում էի հասկանալ` արդյոք ոտքիս վնասվածքը խնդիր չի առաջացնի մարզվելու համար։ Շատ ուրախացա, երբ բժիշկն ասեց, որ շատ շուտով կկարողանամ մարզվել, ու վնասվածքը չի խանգարի իմ կարիերային»։

Բռնցքամարտիկը պատմում է, թե ինչպես է մարզվելու ընթացքում ձեռք բերած ֆիզիկական ամրությունն օգնել իրեն մարտի դաշտում։

«Դե մարզիկները տարին 12 ամիս մարզվում ու նախապատրաստվում են տարբեր մրցումների։ Ֆիզիկական լավ պատրաստականությունը ինձ շատ պետք եկավ։ Ոտքից բեկորային վիրավորում ստանալուց հետո մոտ 40 կմ անցա ոտքով: Որ հիմա մտածում եմ, դա շատերի համար անհնարին կլիներ»,- հիշում է Պապյանը։

Մարզիկներին մրցումների նախապատրաստելիս մարզիչները մեծ ուշադրություն են դարձնում հոգեբանական պատրաստականության վրա, ու պարզվում է, որ այս գործոնն էլ հայ բռնցքամարտիկին օգնել է անսասան մնալ ռազմի դաշտում։ «Դե կռիվ է, որտեղ ցավոք առանց վիրավորների կամ զոհերի չի լինում։ Երբ մեր տղաներից որևէ մեկը վիրավորվում էր, մենք առանց ընկճվելու կենտրոնանում էինք նրան առաջին օգնություն ցույց տալու վրա ու միաժամանակ մարտ էինք վարում։ Չեմ կարող ասել, թե դա ինչ ուժ է, որը ծնվում է հայ զինվորի մոտ ու դարձնում նրան մի քանի անգամ ավելի հզոր ու անպարտելի»,- ասում է Պապյանն ու հավելում, որ հոգեբանորեն պատրաստ մարդը երբեք չի ընկրկի ոսոխի դեմ` գիտակցելով, որ թիկունքում իր տունն ու ընտանիքն է։

Այս անգամ էլ հաղթանակը մարտի դաշտում են կերտելու. հայ մարզիկներն առաջնագծում են

Նշենք, որ 69 կգ քաշային կարգում Լեո Պապյանը մեկ անգամ չէ, որ ներկայացրել է Հայաստանը տարբեր կարգի մրցումներում։ Ռինգում, հիմա էլ մարտի դաշտում հայ բռնցքամարտիկը միշտ էլ ձգտել է հասնել առավելագույն լավ արդյունքի։

«Ե՛վ ռինգում, և՛ մարտի դաշտում պետք է կարողանաս օգտագործել քո հոգու ու մարմնի հնարավորությունները, զգաս հակառակորդի թույլ կողմերն ու հասնես նպատակիդ»,- ասում է Պապյանը։

Боксер Лео Папян (в красном)
© Photo : Henning Witte / provided by Leo Papyan
Բռնցքամարտիկ Լեո Պապյանը ռինգում

Տեղեկացանք, որ Լեո Պապյանից բացի առջնագծում վիրավորվել է նաև 81 կգ քաշային կարգի բռնցքամարտիկ Սոս Քոչարյանը։ Մարտի դաշտում է եղել նաև Տոկիոյում կայանալիք օլիմպիական խաղերի բռնցքամարտի մրցաշարում իր տեղն այս պահին ապահովված միակ բռնցքամարտիկը՝ Կորյուն Սողոմոնյանը։

739
թեգերը:
Վիրավոր, Ղարաբաղյան հակամարտություն, Լեռնային Ղարաբաղ, Արցախ, բռնցքամարտիկ, Լեո Պապյան
Ըստ թեմայի
Եթե Ադրբեջանը դադարեցնի հարձակումները Ղարաբաղի վրա, հակամարտությունը կլուծվի. Ալմագրո
Ադրբեջանցիների խոցված տանկերն ու զրահատեխնիկան. տեսանյութ
Թուրքիայի գլխավորած ադրբեջանական զորքի և ահաբեկիչների նպատակը էթնիկ զտումներն են. Փաշինյան
«Լավաշ ենք թխում, ուղարկենք սահման»․ Տեղ գյուղում կանայք իրենց գործը լավ գիտեն
Военная полиция нашла оружие

Սիսիանի ռազմական ոստիկանները զորամասերից մեկի վարորդի բեռնախցիկում հրացան են հայտնաբերել

0
Վարորդն ասել է, որ ավտոմեքենան ու բեռնախցիկի իրերը պատկանում են մի զինծառայողի, ինքը տեղյակ չէ դրանցից։

ԵՐԵՎԱՆ, 30 հոկտեմբերի - Sputnik. ՀՀ ՊՆ ռազմական ոստիկանության Սիսիանի բաժնի աշխատակիցները զորամասերից մեկի ծառայողի վարած մեքենայի բեռնախցիկում որսորդական հրացան են հայտնաբերել։ Տեղեկությունը հաղորդում է ՀՀ պաշպանության նախարարության մամուլի ծառայությունը։

Ըստ հաղորդագրության՝ հոկտեմբերի 29-ին` ժամը 23:40-ի սահմանում, պարեկապահակային ծառայություն իրականացնելու ժամանակ «Շաքե» անցակետում ոստիկանները կանգնեցրել են N զորամասի վարորդ, բանվոր-ծառայող Բ.Մ-ի վարած «Միցուբիշի պաջերո» մակնիշի ավտոմեքենան: Մեքենայի ստուգման ժամանակ բեռնախցիկում հայտնաբերվել է երկփողանի որսորդական հրացան:

«Բ.Մ.-ն հայտարարել է, որ մեքենան և դրանում հայտնաբերվածը պատկանում են N զորամասի զինծառայող Ս.Ա.-ին, և ինքը զենք-զինամթերքից ու իրերից տեղյակ չի եղել, դրանք մեքենայում տեղավորված են եղել նախապես»,- նշված է հաղորդագրության մեջ։

Փաստական հանգամանքները ճշտվում են։ ՀՀ ՊՆ ռազմական ոստիկանության Սիսիանի բաժնում նյութեր են նախապատրաստվում:

0
թեգերը:
Զենք, Սիսիան, Հայաստան