Հովհաննես Բաչկով. արխիվային լուսանկար

Հովհաննես Բաչկովը պրոֆեսիոնալ ռինգում առաջին հաղթանակը նվիրեց հայ զինվորներին. տեսանյութ

313
(Թարմացված է 23:34 09.10.2020)
Պրոֆեսիոնալ ռինգում առաջին հաղթանակը բռնցքամարտիկը նվիրել է Արցախում կենաց ու մահու կռիվ տվող հայ զինվորներին։

ԵՐԵՎԱՆ, 9 հոկտեմբերի – Sputnik. Եվրոպայի կրկնակի չեմպիոն Հովհաննես Բաչկովն այսօր պորֆեսիոնալ ռինգում իր առաջին մենամարտում հաղթանակ տարավ: Տեղեկությունը հայտնում է Հայաստանի բռնցքամարտի ֆեդերացիայի մամուլի ծառայությունը:

«Աստանան» հետաքրքրված է Վարդան Մինասյանի ծառայություններով

Այս մենամարտում գյումրեցի բռնցքամարտիկը հաղթեց 32-ամյա վենեսուելացի Սամուել Գոնսալեսին: Հաղթանակից հետո Բաչկովը ռինգ դուրս եկավ հատուկ շապիկով, որի վրա գրված էր․ «Հայաստանի պաշտպաննե՛ր, մեր անպարտելի զինվորնե՛ր, մենք ենք ձեր կողքին ենք»:

Նշենք, որ բռնցքամարտիկ Հովհաննես Բաչկովը Հայաստանի բռնցքամարտի հավաքականում հանդես է գալիս 2008 թվականից: 2019 - ին նա դարձել է Եվրոպական խաղերի հաղթող, 2017-ին և 2019-ին`աշխարհի առաջնության բրոնզե մեդալակիր։

313
թեգերը:
Զինվոր, Արցախ, բռնցքամարտ, Հովհաննես Բաչկով
Ռոման Գևորգյանը

Կհայտնվե՞ն մեր ֆուտբոլիստներն իտալական «Սիենայում». ակումբի հայ սեփականատիրոջ ծրագրերը

112
(Թարմացված է 18:07 28.10.2020)
«Նոա» հոլդինգը հայկական ֆուտբոլի զարգացման համար լայնածավալ աշխատանքներ է կատարում ոչ միայն Հայաստանում, այլ նաև Իտալիայում և Լատվիայում։ Sputnik Արմենիայի հետ զրույցում հոլդինգի նախագահը փակագծեր է բացում։

ԵՐԵՎԱՆ, 29 հոկտեմբերի- Sputnik. 2020 թվականի օգոստոսին «Նոա» հոլդինգը ձեռք բերեց իտալական «Սիենա» ակումբը։ Իսկ այնուհետև հոլդինգի սեփականությունը դարձավ Ռիգայի «Դինամոն», առջևում ֆուտբոլի ակադեմիայի հիմնադրումն է Հայաստանում։ Sputnik Արմենիայի հետ զրույցում հոլդինգի նախագահ Ռոման Գևորգյանը պատմել է իրենց ձեռքբերումների և պլանների մասին։

«Նոա» հոլդինգը Հայաստանի բարձրագույն խմբում արդեն ներկայացված է «Նոա» ակումբով. այն դարձավ Հայաստանի 2019/20 մրցաշրջանի գավաթակիրը։ Բայց պարզվում է` դա միայն սկիզբն էր։

«Հայաստանում մենք զարգացման բավականին լուրջ ծրագիր ունենք։ Մեր թիմի կազմում հիմա էլ խաղում են հայ ֆուտբոլիստներ։ Շատերը մեզ մեղադրում են, որ շատ լեգիոներներ ունենք, և տեղ չենք տալիս հայ ֆուտբոլիստներին։ Դա այդպես չէ։ Մենք ուզում ենք հասկանալ Հայաստանի առաջնության մակարդակը և մեր սաներին նախապատրաստել դրա համար։ Այդ պատճառով պատրաստվում ենք հիմնել ֆուտբոլային ակադեմիա, որն էլ կզբաղվի հայ ֆուտբոլիստների զարգացմամբ ու նախապատրաստությամբ»,- ասում է Ռոման Գևորգյանը։

Իտալիայում ակումբ ձեռք բերելն անկասկած այնքան էլ հեշտ գործ չէր։ Հիմա առաջին քայլը պիտի լինի «Սիենայի» բարի համբավը հետ բերելը։

«Մենք նախ պետք է լավ արդյունքներ ունենանք իտալական առաջնությունում։ Հնարավոր է, որ «Սիենայում» հայ ֆուտբոլիստ լինի. եթե նա համապատասխանի պահանջներին, ապա ուղիղ ճանապարհ կունենա խաղալու Իտալիայի առաջնությունում», - նշեց Գևորգյանը։

Օզբիլիսի մարզաշապիկն աճուրդում վաճառվել է 1025 դոլարով. գումարը կուղղվի Արցախին

Նա պատմեց, որ իտալական թիմի երկրպագուները բավականին ոգևորված են ընդունել այն լուրը, որ հիմա թիմի սեփականատերը հայ է։ «Մենք ոչ մի խնդիր չունենք Սիենայում։ Աջակցություն կա ոչ միայն երկրպագուների, այլ նաև քաղաքի իշխանությունների կողմից։ Այստեղ ֆուտբոլ շատ են սիրում և հայերին էլ շատ լավ են վերաբերվում։ Նման աջակցության պայմաններում մենք կարող ենք հասնել հաջողության»,- ընդգծեց Գևորգյանը։

Մի քանի օր առաջ իտալական D սերիայի «Սիենա»- «Գրասինա» հանդիպումից առաջ մարզադաշտում նախատեսված էր անցկացնել Արցախի աջակցության ակցիա, բայց մրցակցի ֆուտբոլիստներից շատերը կորոնավիրուսով են վարակվել, ու հանդիպումը չի կայացել։ «Նախատեսել էինք մարզադաշտի տրիբունաները ծածկել հայոց եռագույնով ու Արցախին աջակցության խոսքերով լոզունգներ տեղադրել։ Բայց խաղը չկայացավ։ Չնայած դրան Սիենա այցելեց Իտալիայում Հայաստանի դեսպան Ծովինար Համբարձումյանը, և նրա հետ հանդիպեց Սիենայի քաղաքապետը»,- ասաց Գևորգյանը։

Պարզվում է` իտալական Սիենա քաղաքում կան նաև հայոց պատմության ժառանգության շատ օրինակներ․քաղաքապետ Լուիջի դե Մոսսին դեսպան Ծովինար Համբարձումյանին է ներկայացրել Սիենայի գրադարանում պահվող հայկական միջնադարյան ձեռագրերն ու 14-րդ դարի Սաղմոսարանը՝ հորդորելով հայագիտությամբ հետաքրքրվողներին այցելել և տեղում ծանոթանալ Սիենայի գրադարանի հայկական պատմամշակութային ժառանգությանը։ Նա նաև վերահաստատել է Արցախի անկախության ճանաչմանն ուղղված՝ իրենց կողմից գործադրվող ջանքերի շարունակականությունը։ Լուիջի դե Մոսսին նաև լիակատար աջակցություն է հայտնել «Սիենա» թիմին և ակումբի նախագահ Ռոման Գևորգյանին։

«Պիտի ապրենք...». Հենրիխ Մխիթարյանն արցախցի երեխաների ձայնը փոխանցել է աշխարհին. տեսանյութ

Հավելենք, որ «Սիենա» ֆուտբոլային ակումբը հիմնադրվել է 1904 թվականին և իր պատմության մեջ առաջին անգամ ունի հայ սեփականատեր։ Իսկ «Նոա» հոլդինգը հայ ֆուտբոլիստների համար աստիճանաբար ստեղծելու է հնարավորություն հանդես գալու ոչ միայն Իտալիայում և Հայաստանում, այլ նաև Լատվիայում, որտեղ հոլդինգի սեփականություն է համարվում նաև «Դինամո» (Ռիգա) ֆուտբոլային ակումբը։

112
թեգերը:
ՀՖՖ, ֆուտբոլիստ, ֆուտբոլ, Ռոման Գևորգյան, սեփականատեր, հայ, «Սիենա» ֆուտբոլային ակումբ, Իտալիա
Ըստ թեմայի
«Միայն դուք կարող եք օգնել հայ ժողովրդին». Դենիս Ջորկաեֆը տեսաուղերձով դիմել է Մակրոնին
«Փյունիկն» Արցախին օգնելու համար իր մարզաշապիկներից մեկը հանել է վաճառքի
Հայաստան-Քուվեյթ հանդիպումը չի կայանա
Ֆուտբոլիստներ

Հայաստան-Քուվեյթ հանդիպումը չի կայանա

54
Քուվեյթցիները հուսով են, որ համագործակցությունը կշարունակվի և ապագայում հնարավոր կլինի ընկերական հանդիպումներ կազմակերպել։

ԵՐԵՎԱՆ, 26 հոկտեմբերի – Sputnik. Քուվեյթի ֆուտբոլի ասոցիացիան, հաշվի առնելով Քուվեյթում և երկրից դուրս Covid-19-ի համավարակային իրավիճակի սաստկացումը, պաշտոնական նամակով դիմել է Հայաստանի ֆուտբոլի ֆեդերացիային՝ խնդրելով չեղարկել նոյեմբերի 11-ին նախատեսված Հայաստան-Քուվեյթ հանդիպումը: Տեղեկությունը հայտնում է Հայաստանի ֆուտբոլի ֆեդերացիան։

Քուվեյթցիները հույս են հայտնել, որ երկու կազմակերպությունների միջև սերտ համագործակցությունը կշարունակվի և ապագայում հնարավոր կլինի տարբեր հավաքականների մակարդակով ընկերական հանդիպումներ կազմակերպել:

ՀՖՖ–ն հայտնում է, որ Հայաստան-Քուվեյթ հանդիպումը չի կայանա:

Ռուսաստանի մուայ թայի չեմպիոնն իր հաղթանակը նվիրել է հայ զինվորներին

Հիշեցնենք` Հայաստանում կորոնավիրուսով վարակվածների թիվը հասել է 78810–ի։

54
թեգերը:
ՀՖՖ, Քուվեյթ, Հայաստան
Ըստ թեմայի
ՈւԵՖԱ-ն դադարեցնում է Հայաստանում և Ադրբեջանում իր հովանու տակ անցկացվող հանդիպումները
Ֆուտբոլային հանդիպումներն Արցախյան առաջին պատերազմի տարիներին, կամ ավելի վատ էլ է եղել
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել
Գերագույն հոգևոր խորհուրդ

Արցախի համար չի կարող լինել անվտանգության երաշխիք Ադրբեջանի կազմում. Հոգևոր խորհուրդ

0
(Թարմացված է 15:36 29.10.2020)
Գերագույն հոգևոր խորհուրդը հայտարարություն է տարածել՝ նշելով, որ լիահույս է` Մինսկի խմբի համանախագահողների կողմից կգտնվեն արցախյան հակամարտության հանգուցալուծման ուղիներ։

ԵՐԵՎԱՆ, 29 հոկտեմբերի - Sputnik. Գերագույն հոգևոր խորհուրդը կոչ է անում միջազգային հանրությանը, մասնավորապես, ԵԱՀԿ Մինսկի խմբի համանախագահող երկրներին, միջոցներ ձեռնարկել տարածաշրջանում խաղաղության վերահաստատման և արցախահայության ինքնորոշման իրավունքի իրացման համար:

Ամենայն Հայոց Կաթողիկոս Գարեգին Բ–ի Facebook-ի էջից տեղեկանում ենք, որ Արցախի հարցը ռազմական ճանապարհով վճռելու, արցախահայությանը բնաջնջելու Ադրբեջանի քաղաքականությունը փաստում է, որ Արցախի համար չի կարող լինել անվտանգության երաշխիք Ադրբեջանի կազմում։

«Գերագույն հոգևոր խորհուրդը գնահատում է Մինսկի խմբի համանախագահող երկրների հետևողական ջանքերը՝ ուղղված մարդասիրական հրադադարի հաստատմանը և պահպանությանը, որը երրորդ անգամը լինելով, բացահայտ խախտվում է Ադրբեջանի կողմից: Լիահույս ենք, որ Մինսկի խմբի համանախագահողների կողմից կգտնվեն արցախյան հակամարտության հանգուցալուծման ուղիներ և մարդկային անմեղ կյանքերը չեն զոհաբերվի սոսկ աշխարհաքաղաքական շահերին»,–նշված է հաղորդագրության մեջ։

Գերագույն հոգևոր խորհուրդն ասում է, որ այսօր Արցախը կարիք ունի համայն աշխարհի հումանիտար աջակցության։ Ըստ խորհրդի` Արցախի ժողովրդի հանդեպ իրականացված այս ոճրագործությունների համար Ադրբեջանի նախագահ Իլհամ Ալիևը, ինչպես նաև այդ ոճրագործություններին աջակցող և անմիջական մասնակից ռազմաքաղաքական մյուս գործիչները պետք է կանգնեն միջազգային դատական ատյանների առջև։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
կաթողիկոս, հոգևորական, Արցախյան պատերազմ
Ըստ թեմայի
Աշոտ Երկաթի խաչով օրհնվել են հայոց աշխարհի չորս կողմերը
Գարեգին Բ–ն հանդիպել է Արցախի նախկին նախագահների հետ
Մեր գոյության առջև ծառացած սպառնալիքը մեզ այլ ընտրություն չի թողել. Վեհափառի ուղերձը