«Արարատ-Արմենիա»– «Ֆոլա Էշ» հանդիպումը

Ֆանտաստիկ «come back». «Արարատ-Արմենիան» գերկամային հաղթանակ տարավ

387
(Թարմացված է 22:00 17.09.2020)
Հայաստանի չեմպիոն « Արարատ-Արմենիայի» հաջողությունը Եվրոպայի լիգայի որակավորման երկրորդ փուլի խաղում մազից էր կախված։ Բայց մեր թիմը հրաշք գործեց, ու հետ բերելով երկու գնդակի տարբերությունը, հասավ հաղթանակի։

ԵՐԵՎԱՆ, 17 սեպտեմբերի - Sputnik. Ֆուտբոլի Ավանի ակադեմիայում Հայաստանի գործող չեմպիոն «Արարատ-Արմենիան» Եվրոպայի լիգայի որակավորման երկրորդ փուլի շրջանակում սեփական հարկի տակ մրցեց Լյուքսեմբուրգի «Ֆոլա Էշ» թիմի հետ և հաղթեց 4:3 հաշվով։

Խաղը սկսվեց «Արարատ-Արմենիայի» գրոհների ներքո։ Հայկական թիմն ուներ զգալի տարածքային ու խաղային առավելություն, բայց գործը ռեալ գոլային պահերի չէր հասնում։

Нападающий Арарат - Армения Маилсон Лима забивает гол во время пенальти на матче Лиги Европы между ФК Арарат - Армения (Ереван) - Фола Эш ( Люксембург) (17 сентября 2020)
© Sputnik / Asatur Yesayants
«Արարատ-Արմենիա»– «Ֆոլա Էշ» հանդիպումը

Այնուամենայնիվ, մեր թիմի գործողությունները հասան իրենց նպատակին, երբ անկյունայինի խաղարկումից հետո Ջեյսոն Մարտինեսն իր նորմաուտը Հայաստանի չեմպիոնի կազմում նշանավորեց գոլով։

Нападающий Арарат - Армения Огана Луис (справа) на матче Лиги Европы между ФК Арарат - Армения (Ереван) - Фола Эш ( Люксембург) (17 сентября 2020)
© Sputnik / Asatur Yesayants
«Արարատ-Արմենիա»– «Ֆոլա Էշ» հանդիպումը

Մերոնց ուրախությունը, սակայն,  երկար չտևեց։ Ընդամենը երկու րոպե անց մրցակցի հակագրոհն ավարտվեց Դիոգո Պիմենտելիի դիպուկ հարվածով, ու հաշիվը հավասարվեց։

Բաց թողած գոլից հետո « Արարատ-Արմենիան» առնվազն երկու անգամ կարող էր փոփոխություն մտցնել հաշվի մեջ, բայց երկու անգամ իր շանսը ձեռքից բաց թողեց Յուսուֆ Օտուբանջոն։

Нападающий Арарат - Армения Огана Луис (справа) на матче Лиги Европы между ФК Арарат - Армения (Ереван) - Фола Эш ( Люксембург) (17 сентября 2020)
© Sputnik / Asatur Yesayants
«Արարատ-Արմենիա»– «Ֆոլա Էշ» հանդիպումը

Առաջին խաղակեսում ունենալով գոլային ռեալ հնարավորություններ, մեր թիմը բավարարվեց ոչ ոքի արդյունքով, ու բացի այդ էլ, մինչև ընդմիջում « Արարատ-Արմենիան» մնաց տասը ֆուտբոլիստով. երկրորդ դեղին քարտը ստանալով` դաշտից հեռացվեց Ալեքս Ջունիորը։

Երկրորդ կեսը մեր թիմը սկսեց շատ ակտիվ, ու նորից վտանգավոր պահեր առաջացան հյուրերի դարպասի մոտ, բայց մեկ խաղացողի պակասն իրեն զգացնել տվեց, ու հյուրերի հակագրոհը կասեցնելիս Ալեմաոն խախտեց կանոնները սեփական տուգանային հրապարակում։ Նշանակված 11 մետրանոցն իրացրեց Ստեֆանո Բենսին ու «Ֆոլա Էշը» առաջ անցավ հաշվի մեջ՝ 2։1։

Нападающие Арарат - Армения Маилсон Лима (справа) и Огана Луис во время матча Лиги Европы между ФК Арарат - Армения (Ереван) - Фола Эш ( Люксембург) (17 сентября 2020). Еревaн
© Sputnik / Asatur Yesayants
«Արարատ-Արմենիա»– «Ֆոլա Էշ» հանդիպումը

Ու նորից « Արարատ-Արմենիան» պահեր էր ստեղծում մրցակցի դարպասի մոտ, ու նորից չէր օգտագործում դրանք։ Տասը ֆուտբոլիստներով էլ խաղային ու տարածքային առավելությունը մեր թիմի կողմն էր, բայց գոլ էր հարկավոր։

Գոլն վերջո եղավ, բայց, ցավոք, գնդակը նորից հայտնվեց «Արարատ-Արմենիայի» դարպասում։

Մառվեն Հաջին հաշիվը դարձրեց 1։3։ Այնպիսի զգացում կար, որ խաղը փրկել այլևս հնարավոր չէ։

Բայց մեր թիմը կամք դրսևորեց ու ֆանտաստիկ կերպով կարողացավ փրկել խաղը։ Հանդիպման վերջին երկու րոպեների ընթացքում մերոնք երկու անգամ ստացան 11 մետրանոցի իրավունք, ու երկու դեպքում էլ Մաիլսոն Լիման դիպուկ հարվածելով, խաղը տեղափոխեց լրացուցիչ ժամանակ։ Ընդ որում, թիմերն արդեն խաղում էին հավասար կազմերով, քանի որ երկրորդ դեղին քարտը ստանալով, խաղադաշտը թողել էր Դիոգո Պիմենտելին։

Ֆանտաստիկ մեկնարկ, ցավոտ հիասթափություն. ինչու է 33–ամյա «ոսկե տղան» հեռանում խաղադաշտից

Լրացուցիչ ժամանակի ամբողջ ընթացքում դրության տերը մեր թիմն էր։ Վտանգավոր պահերը «Ֆոլա Էշի» դարպասին հաջորդում էին մեկը մյուսին, բայց չկար սպասվող հարվածը։ Որոշ դրվագներում էլ մեր թիմի ֆուտբոլիստներին ակնհայտ խանգարում էր հոգնածությունը։

Բայց լրացուցիչ ժամանակի ավարտից յոթ րոպե առաջ Սերգեյ Վակուլենկոն գլխի հարվածով առաջ մղեց «Արարատ-Արմենիային»՝ 4։3։ Ֆանտաստիկ «come back»` հայկական թիմի կատարմամբ։

Այս ծանրագույն ու կարևոր հաղթանակից հետո «Արարատ-Արմենիան» Եվրոպայի լիգայի որակավորման երրորդ փուլում մեկ շաբաթ անց Երևանում մրցելու է սլովենական «Ցելե» թիմի հետ։

Հայկական ֆուտբոլն ու Ջորկաեֆը. կորոնավիրուսը նահանջելուն պես նա «հարձակողական գիծ կմտնի»

387
թեգերը:
ֆուտբոլ, հաղթանակ, «Արարատ–Արմենիա»
Ըստ թեմայի
Մխիթարյանը դավաճան չէ. ինչու են դավադրություններ փնտրում Հենրիխի` խաղին չմասնակցելու մեջ
Չեմպիոնների լիգայի նախօրեին Հայաստանի չեմպիոնները համալրեցին կազմը
«Խոստանում ենք հուսախաբ չանել». «Արարատ-Արմենիան» կհյուրընկալի Լյուքսեմբուրգի «Ֆոլային»
Altibox Norway Chess մրցաշարի 10-րդ տուրի հանդիպում Մագնուս Կարլսենի և Լևոն Արոնյանի միջև

Լևոն Արոնյանը հաղթեց աշխարհի չեմպիոնին. Altibox Norway Chess մրցաշարն ավարտվեց

570
(Թարմացված է 01:20 17.10.2020)
Աշխարհի գործող չեմպիոն Մագնուս Կարլսենն իր պարտությունն ընդունեց արդեն 58-րդ քայլին:

ԵՐԵՎԱՆ, 17 հոկտեմբերի - Sputnik. Նորվեգական Ստավանգեր քաղաքում ավարտված Altibox Norway Chess մրցաշարի վերջին՝ 10-րդ տուրում հայկական շախմատի առաջատար Լևոն Արոնյանը սև ֆիգուրներով հաղթեց միանձնյա առաջատար, նորվեգացի Մագնուս Կարլսենին, որը ժամանակից շուտ ապահովել էր առաջին տեղը:

Աշխարհի գործող չեմպիոնն իր պարտությունն ընդունեց 58-րդ քայլին:

Լևոն Արոնյանը 17.5 միավորով գրավեց երրորդ տեղը՝ 2 միավոր զիջելով Կարլսենին: Երկրորդ տեղը գրաված 17-ամյա իրանցի Ալիռեզա Ֆիրուջան հավաքեց 18.5 միավոր:

570
թեգերը:
Լևոն Արոնյան, շախմատ
Ըստ թեմայի
Նաև լավ խոհարար է. Արոնյանի տորթը լավագույնն է ճանաչվել շախմատային մրցաշարում. տեսանյութ
Դուրս է նետում կուտակվածը. ինչպես է Լևոն Արոնյանը խաղում Ստավանգերում
Նորվեգիայում ընթացող շախմատային սուպերմրցաշարում Արոնյանն առաջատար է
Հայաստանի և Էստոնիայի հավաքականների հանդիպումը

Հայաստանի հավաքականի երկրորդ անընդմեջ ոչ–ոքին. ամեն ինչ կորոշվի նոյեմբերին

269
(Թարմացված է 00:53 15.10.2020)
Հայաստանի հավաքականի դեպքում միայն հաղթանակը բավարար արդյունք կլիներ խմբում հաղթողի հավակնությունները ապացուցելու համար։ Ինչպես պարզվեց Էստոնիայի հավաքականի հետ խաղից հետո, հաղթանակի դեպքում մեր ընտրանին կգլխավորեր խմբի մրցաշարային աղյուսակը։ Բայց․․․․

ԵՐԵՎԱՆ, 15 հոկտեմբերի - Sputnik. Ազգերի լիգայի մրցաշարի խմբային փուլի չորրորդ խաղում Հայաստանի հավաքականը մրցակցի հարկի տակ ուժերը չափեց Էստոնիայի ընտրանու հետ։ Առաջին խաղակեսում արագ մեկական գնդակ փոխանակելով` կողմերը բավարարվեցին ոչ-ոքի՝ 1։1 հաշվով։

Ինչպես և նախորդ խաղում, մեր հավաքականը արագ գոլի հեղինակ դարձավ։ Հանդիպման ութերորդ րոպեին Տիգրան Բարսեղյանի փոխանցումից հետո Կամո Հովհաննիսյանը գլխի հարվածով բացեց հաշիվը։ Բայց մեր թիմի ուրախությունը երկար չտևեց։ Վեց րոպե անց մեր պաշտպանության կենտրոնում առանց հսկողության մնալով` Ռանո Սապինենը խփեց պատասխան գնդակը։ Ինչ–որ տեղ անսպասելի էր, որ էստոնացիները խփած գոլից հետո ստացան տարածքային և խաղային առավելություն։ Ու նույն Սապինենը մոտ էր նոր հաջողությանը, բայց մարզական բախտը ժպտաց մեր հավաքականին։

Երկրորդ խաղակեսում մեր ֆուտբոլիստներին հաջողվեց մի փոքր փոխել խաղի պատկերը։ Հայաստանի հավաքականը կարողացավ հսկողություն սահմանել գնդակի նկատմամբ։ Մերոնք փորձում էին մրցակցին անակնկալի բերել իրենց արագություններով, բայց ժամանակն անցնում էր, իսկ գոլ կամ գոլային իրական հնարավորություն չկար։ Խոակին Կապառոսը հանդիպման վերջնամասում խաղադաշտ փոխարինման դուրս բերեց մեր հավաքականի հարձակողական ամբողջ հնարավորությունները։ Բայց միևնույնն է` գոլային պահ ստեղծել չէր հաջողվում, էլ չենք խոսում դարպասի գրավման մասին։

Չի կարելի ասել, որ էստոնացիներին ձեռնտու էր ոչ–ոքին։ Ճիշտ հակառակը` Էստոնիայի հավաքականն այս խաղում ոչ–ոքիի դեպքում կորցնում էր բոլոր շանսերը խմբում բարձր տեղ գրավելու համար։ Բայց էստոնացիների հնարավորությունները, ի տարբերություն մեր թիմի, ավելի քիչ էին։ Մյուս կողմից էլ մեր թիմը որքան էլ առանձին ֆուտբոլիստներով թեպետ գերազանցում էր մրցակցին, թիմային խաղով ու թիմային արդյունքով չկարողացավ գերազանցել։ Արդարության համար նշենք, որ իր ոչ լավագույն հանդիպումն անցկացրեց Հենրիխ Մխիթարյանը, որի խաղից մեր հավաքականում շատ բան է կախված։

Հաշվի առնելով այն, որ Հյուսիսային Մակեդոնիա-Վրաստան խաղում նույնպես կողմերը մեկական գնդակ փոխանակեցին, խմբում ստատուս քվոն պահպանվեց։ Վեցական միավոր ունեն Հյուսիսային Մակեդոնիայի և Վրաստանի հավաքականները։ Հայաստանի հավաքականն ունի հինգ, Էստոնիան` երկու միավոր։ Խմբում հաղթողի հարցը կլուծվի նոյեմբերին։ Մեր ընտրանին Վրաստանում կմրցի տեղի թիմի հետ, իսկ հետո կհյուրընկալի Հյուսիսային Մակեդոնիային։

269
թեգերը:
ֆուտբոլ, Էստոնիա, Հայաստան
Ըստ թեմայի
Ինչպես Լենինականի «Գյումրին» հաղթեց Ադրբեջանի «Քյափազին». «Կաշվե գնդակի» հիշվող մրցաշարը
Ինչու Բերեզովսկուն չհաջողվեց իրագործել «Փյունիկի» հետ կապված ծրագրերը․ բացառիկ հարցազրույց
Վնասվածք, որը խաչ քաշեց «խաչի» վրա, կամ Ազարյան ընտանիքում հայտնվեց 4–րդ օլիմպիական ոսկին
Մարտունի. արխիվային լուսանկար

Հյուսիսային թևում հակառակորդը կիրառում է ավիացիա և հրետանի. ինչ իրավիճակ է հարավային թևում

0
(Թարմացված է 10:43 20.10.2020)
ՊԲ ստորաբաժանումները ձեռնարկում են համապատասխան միջոցներ հակառակորդի հարձակումը կասեցնելու համար։

ԵՐԵՎԱՆ, 20 հոկտեմբերի – Sputnik. Հյուսիսային թևում հակառակորդը կիրառում է ավիացիա և հրետանի։ Տեղեկությունը Facebook-ի իր էջում հայտնել է ՀՀ ՊՆ մամուլի խոսնակ Շուշան Ստեփանյանը։

«Հարավային ուղղությամբ ինտենսիվ ծանր մարտերը շարունակվում են։ ՊԲ ստորաբաժանումները ձեռնարկում են համապատասխան միջոցներ հակառակորդի հարձակումը կասեցնելու համար»,–գրել է նա։

Ինչպես արդեն տեղեկացրել ենք, ՊԲ առավոտյան հաղորդել է, որ գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են հրետանային մենամարտերը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

0
թեգերը:
հայ-ադրբեջանական, Ադրբեջան, հրետակոծություն, հրետանի, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Քննարկվում են հրադադարի պահպանման վերահսկողության մեխանիզմները. ՄԱԿ-ում ՌԴ ներկայացուցիչ
Հերոս հրետանավորները. նրանք անում են ավելին, քան հնարավոր է պատկերացնել
«Զենք, որը չունեին մեր նախնիները». ԱՄՆ–ում հայուհիները յուրօրինակ ակցիա են իրականացրել